Breaking LIVE : ஓ.பி.எஸ், ஈ.பி.எஸ் கடிதம்.. நியாயமாக முடிவு எடுக்கப்படும் என சபாநாயகர் விளக்கம்..
Breaking LIVE : நாடு முழுவதும் நடைபெறும் முக்கிய நிகழ்வுகளை உடனுக்குடன் ஏபிபி நாடு லைவ் ப்ளாக்கில் கீழே காணலாம்.
இந்தி திணிப்புக்கு எதிராக அனைத்து மாவட்ட தலைநகரங்களிலும் திமுக இளைஞரணி மற்றும் மாணவரணி சேர்ந்து போராட்டம் நடத்த உள்ளது.
இன்றும் நாளையும் 16 மாவட்டங்களில் கனமழைக்கு வாய்ப்பு - சென்னை வானிலை மையம்.
நீலகிரி, கோவை, திருப்பூர், தேனி, திண்டுக்கல், தென்காசி, மதுரை, கரூர், ஈரோடு, நாமக்கல், சேலம், திருச்சி, தருமபுரி மாவட்டங்களில் இன்று நாளை கனமழை பெய்ய வாய்ப்பு.
கோவா அருகே மிக் 29 ரக விமானம் தொழில்நுட்பக் கோளாறு காரணமாக கீழே விழுந்தது. விமானம் விழுவதற்கு முன்னதாக விமானி குதித்ததால் உயிர் தப்பினார்.
கேரளாவில் 2 பெண்களை நரபலி கொடுத்த தம்பதியினர் நீதிமன்றத்தில் ஆஜராகினர்.
உயிர் அமைப்பின் கோவை மாவட்ட அளவிலான குட்டி காவலர் சாலைப் பாதுகாப்பு விழிப்புணர்வு நிகழ்ச்சி.
குட்டி காவலர் சாலைப் பாதுகாப்பு விழிப்புணர்வு நிகழ்ச்சியை தலைமைச் செயலகத்திலிருந்து காணொலியில் முதலமைச்சர் துவக்கி வைத்தார்.
சென்னையில் ஒரு கிராம் வெள்ளியின் விலை ரூ.1 குறைந்து ரூ.63க்கு விற்பனை செய்யப்பட்டு வருகிறது
சென்னையில் 22 கேரட் ஆபரணத் தங்கத்தின் விலை ரூ.80 குறைந்து ரூ.37,840க்கு விற்பனை செய்யப்படுகிறது.
சென்னையில் 22 கேரட் ஆபரணத் தங்கத்தின் விலை ரூ.10 குறைந்து ரூ.4,730க்கு விற்பனை செய்யப்படுகிறது.
வர்த்தக தொடகத்தில் அமெரிக்க டாலருக்கு நிகரான இந்திய ரூபாயின் மதிப்பு 14 காசு சரிந்து ரூ82.35 ஆக இருந்தது
2 கார்களில் வந்த வருமான வரித்துறையினர், புதுக்கோட்டை ஒப்பந்ததாரர் அலுவலகத்தில் அதிரடியாக சோதனை நடத்தி வருவதால் பரபரப்பு ஏற்பட்டுள்ளது.
இந்தியாவில் கொரோனா தொற்றால் சிகிச்சை பெறுவோர் எண்ணிக்கை 26,292 ஆக உள்ளது
இந்தியாவில் மேலும் 2,139 பேருக்கு கொரோனா தொற்று உறுதி செய்யப்பட்டுள்ளது
மீனாட்சியம்மன் கோவிலின் அதிகாரப்பூர்வ இணையதளம் தொழில்நுட்ப கோளாறால் முடங்கியுள்ளது.
ஓசூர் அருகே தேன்கனிக்கோட்டை அருகே உள்ள ராமச்சந்திரம் கிராமத்தில் மின்சாரம் பாய்ந்து ஒருவர் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.
Background
சென்னையில் 144வது நாளாக பெட்ரோல், டீசல் மாற்றமில்லாமல் விற்பனை செய்யப்படுகிறது. சர்வதேச சந்தையில் கச்சா எண்ணெயின் விலைக்கேற்ப இந்தியாவில் பெட்ரோல், டீசல் விலை நிர்ணயிக்கப்பட்டு வருகிறது. இது அவ்வப்போது ஏற்ற இறக்கத்தைக் கண்டு வருகிறது. எனினும் கடந்த 100 நாட்களுக்கு மேலாக பெட்ரோல், டீசல் விலை தொடர்ந்து அதே விலையில் இருந்து வருகிறது.
கொரோனா வைரஸ் தொற்றால் பிறப்பிக்கப்பட்ட ஊரடங்கால் பொதுமக்கள் கடந்த இரண்டு ஆண்டுகளாக அவதிப்பட்டு வந்த நிலையில், கடந்த 2021ஆம் ஆண்டு நவம்பர் 4ஆம் தேதி பெட்ரோல் விலை லிட்டருக்கு ரூ 5ம், டீசல் விலை ரூ 10ம் மத்திய அரசால் குறைக்கப்பட்டது. அன்றைய தினம் தமிழ்நாட்டில் லிட்டர் பெட்ரோல் ரூ 101. 40 க்கும் டீசல் விலை ரூ 91. 43க்கும் விற்பனையானது. இதனைத் தொடர்ந்து 5 மாநில தேர்தல் நடைபெற்றதால் விலை உயர்த்தப்படாமல் இருந்தது.
இதன் காரணமாக பெட்ரோல் மற்றும் டீசல் விலையில் கடந்த மே மாதம் 22ஆம் தேதி முதல் மாற்றம் ஏற்பட்டது. ஒரு லிட்டர் பெட்ரோல் விலை ரூபாய்க்கு 8உம், டீசல் விலை ரூபாய்க்கு 6உம் கலால் வரி குறைப்பால் இறக்கம் கண்டது.
இந்நிலையில் மாற்றம் செய்யப்பட்ட பெட்ரோல், டீசல் விலை 144வது நாளாக விலை மாற்றமின்றி விற்பனை செய்யப்படுகிறது. அதன்படி இன்று (அக்டோபர்.12) ஒரு லிட்டர் பெட்ரோல் விலை ரூ.102.63க்கும், டீசல் விலை லிட்டருக்கு 94.24 ரூபாய்க்கும் மாற்றமில்லாமல் விற்பனையாகிறது. முன்னதாக எரிபொருள் விலை உயர்வால் பால், டீ, காய்கறிகள், இதர உணவுப் பொருள்களின் விலை ஏறியது.
தற்போது பெட்ரோல் விலை குறைந்த நிலையில் விலை உயர்த்தப்பட்ட அத்தியாவசியப் பொருட்களின் விலையைக் குறைப்பார்களா என்று பொதுமக்கள் தொடர்ந்து கேள்வி எழுப்பி வருகின்றனர். அதேசமயம், தொடர்ந்து இரண்டு மாதங்களுக்கும் மேலாக பெட்ரோல், டீசல் விலை எவ்வித மாற்றமில்லாமல் விற்பனையாகி வருவதால் வாகன ஓட்டிகள், பொதுமக்கள் ஓரளவு கவலையின்றி உள்ளனர் என்பது குறிப்பிடத்தக்கது.
கடந்த மாதத் தொடக்கத்தில், புதிதாக ஆட்சியேற்ற மகாராஷ்டிரா மாநில அரசு பெட்ரோலின் மீதான மதிப்பு கூட்டப்பட்ட வரியை (வாட்) ஒரு லிட்டருக்கு 5 ரூபாயும், டீசலுக்கு ஒரு லிட்டருக்கு 3 ரூபாயும் குறைப்பதாக அறிவித்ததோடு வாக்குறுதியையும் நிறைவேற்றியது.
பாரத் பெட்ரோலியம் கார்ப்பரேஷன் லிமிடெட் (பிபிசிஎல்), இந்தியன் ஆயில் கார்ப்பரேஷன் லிமிடெட் (ஐஓசிஎல்) மற்றும் ஹிந்துஸ்தான் பெட்ரோலியம் கார்ப்பரேஷன் லிமிடெட் (எச்பிசிஎல்) உள்ளிட்ட பொதுத்துறை ஓஎம்சிகள் சர்வதேச அளவுகோல் விலைகள் மற்றும் அந்நிய செலாவணி விகிதங்களுக்கு ஏற்ப தினசரி எரிபொருள் விலையை மாற்றியமைக்கின்றன. பெட்ரோல், டீசல் விலையில் ஏற்படும் எந்த மாற்றமும் தினமும் காலை 12 மணி முதல் அமலுக்கு வருவது குறிப்பிடத்தக்கது.
- - - - - - - - - Advertisement - - - - - - - - -