Breaking News LIVE: தொழிற்சங்க பிரதிநிதிகளுடனான பேச்சுவார்த்தை நிறைவு
Breaking News LIVE: நாடு முழுவதும் நடைபெறும் பல்வேறு முக்கிய நிகழ்வுகளை ஏபிபி நாடு லைவ் ப்ளாக் மூலம் நாம் அறிந்து கொள்ளலாம்.
12 மணி நேர வேலை சட்டம் குறித்து அரசிடமிருந்து எந்த விளக்கமும் தேவையில்லை.இச்சட்டத்தை அரசு முற்றாக திரும்பப் பெற வேண்டும் என சி.ஐ.டி.யு தெரிவித்துள்ளது.
தமிழ்நாட்டில் இன்று 11 மாவட்டங்களில் கனமழைக்கு வாய்ப்புள்ளதாக வானிலை ஆய்வு மையம் அறிவித்துள்ளது
தொழிற்சாலைகள் சட்டமுன்வடிவு தொடர்பாக அமைச்சர்கள் முன்னிலையில் நடைபெற்ற தொழிற்சங்க பிரிதிநிதிகளுடன் நடைபெற்ற பேச்சுவார்த்தை நிறைவு பெற்றது.
அதிமுக பொதுக்குழு தொடர்பான வழக்கின் விசாரனையை ஜூன் 8 ஆம் தேதிக்கு ஒத்திவைத்தது ஹைகோர்ட்
அரியலூர் செந்தூறை அருகே வரதராஜ பெருமாள் கோவிலில் இருந்து கடத்தப்பட்ட ஒன்னேகால் அடி அனுமர் சிலை ஆஸ்திரேலியாவில் மீட்கப்பட்டது.
காலி மதுபாட்டிள்களை திரும்பப் பெறும் திட்டத்தை தமிழ்நாடு முழுவதும் நடைமுறைபடுத்தலாம் என நீதிபதிகள் ஆலோசனை கூறீயுள்ளன
மும்பை பங்குச்சந்தை குறியீட்டு எண் 401 புள்ளிகள் உயர்ந்து 60,056 புள்ளிகளானது.
பாஜகவை வீழ்த்த மாநில கட்சிகளுடன் ஒன்றிணைவதில் எந்த ஆட்சேபமும் இல்லை என மம்தா பானர்ஜீ தெரிவித்துள்ளார்
பொருளாதார மேம்பாடு ஏற்படுவதற்காக, தொழிற்சாலைகள் வரவேண்டும் என்பதற்காக சட்டம் கொண்டுவரப்பட்டது என அமைச்சர் எ.வ வேலு விளக்கமளித்துள்ளார்.
கர்நாடகா தேர்தலில் பாஜக விற்கு எதிராக போட்டியிட இருந்த அதிமுக வேட்பாளர் அன்பரசன் வாபஸ். பாஜக கேட்டுக்கொண்டதால் வாபஸ் பெற்றதாக அதிமுக சார்பில் தகவல்.
சாத்தான்குளம் தந்தை மகன் கொலை வழக்கை மூன்று மாதத்தில் முடிக்க உயர்நீதிமன்றம் மதுரை கிளை உத்தரவிட்டுள்ளது
தொழிற்சாலைகளின் சட்டமுன்முடிவு தொடர்பான தொழிற்சங்கங்களுடன் அமைச்சர்களின் ஆலோசனை தொடங்கியது
பிளஸ் 2 தேர்வு முடிவுகள் தள்ளிப்போக வாய்ப்புள்ளதாக தகவல் வெளியாகியுள்ளது.
தி.மு.க. கூட்டணி கட்சித் தலைவர்கள் முதலமைச்சர் மு.க.ஸ்டாலினை இன்று மாலை 7 மணியளவில் 12 மணி சட்டமசோதா விவகாரம் தொடர்பாக நேரில் சந்திக்கின்றனர்.
சென்னையில் செட்டிநாடு குழுமத்தில் 15 இடங்களில் அமலாக்கத்துறை சோதனை நடத்தி வருகின்றனர்.
காங்கிரஸ் பொதுச் செயலாளர் பிரியங்கா காந்தி நாளை மற்றும் நாளை மறுநாள் கர்நாடகாவில் தேர்தல் பிரச்சாரம் மேற்கொள்கிறார்.
ஜி ஸ்கொயர் நிறுவனத்திற்கு சொந்தமான 40 இடங்களில் வருமான வரித்துறையினர் சோதனை நடத்தி வருகின்றனர்.
Background
சென்னையில் 11 மாதங்களை கடந்தும் மாற்றமில்லாமல் விற்பனையாகி வரும் பெட்ரோல், டீசல் விலையின் இன்றைய நிலவரத்தைக் காணலாம்.
அன்றாட வாழ்வில் எரிபொருளின் பங்கு
உலகமே எரிபொருளை மையமாகக் கொண்டு தான் இயங்கி வரும் வேளையில், முழுமையான மின்சார சக்தியில் செயல்படும் அளவிற்கு உலக நாடுகள் தங்களை உயர்த்திக் கொள்ள முயற்சித்து வருகின்றது. அந்த வரிசையில் இந்தியாவும் முழு களம் கண்டுள்ளது. இந்தியாவில் பெட்ரோல், டீசல் சம்பந்தமான பொருட்கள் வெளிநாடுகளில் இருந்து இறக்குமதி செய்யப்பட்டு வருகிறது. இதனால் வெகு விரைவில் முற்றிலுமான மின்மயமான நாட்டினை நோக்கி இந்தியா தன்னை நகர்த்திக் கொள்ளும் என எதிர்பார்க்கப்படுகிறது.
இந்தியாவை பொறுத்தவரை 80% வாகனங்கள் பெட்ரோல், டீசல் ஆகியவற்றில் இயங்கி வருகிறது. இதன் காரணமாக பெட்ரோல் டீசல் விலை உயர்வு மக்களின் அன்றாட வாழ்க்கையில் பெரும் மாற்றத்தினை ஏற்படுத்துகிறது. அதேபோல் எரிபொருட்களின் விலை உயர்வு என்பது அன்றாட அத்தியாவசியப் பொருட்களின் மீதான விலை உயர்வில் மிகப்பெரிய அளவில் பிரதிபலிக்கும். எனவே சாமானிய மக்களும் எரிபொருள் விலை நிலவரத்தை ஒவ்வொரு நாளும் கண்காணித்து வருகிறார்கள்.
இன்றைய விலை நிலவரம்
சென்னையில் இன்று (ஏப்ரல்.24) ஒரு லிட்டர் பெட்ரோல் விலை ரூ.102.63க்கும், டீசல் விலை லிட்டருக்கு 94.24 ரூபாய்க்கும் விற்பனை செய்யப்படுகிறது. இந்த விலை நிர்ணயமானது தொடர்ந்து மாற்றமின்றி இன்றோடு 338வது நாளாக நீடித்து வருகிறது. முன்னதாக கடந்த 2020, 2021 ஆம் ஆண்டுகளில் பரவிய கொரோனா வைரஸ் தொற்றால் அமல்படுத்தப்பட்ட ஊரடங்கால் பொதுமக்கள் மிகப்பெரிய பொருளாதார பாதிப்பை சந்தித்தனர்.
அப்போது கலால் வரி குறைப்பால் ஒரு லிட்டர் பெட்ரோல் விலை ரூபாய்க்கு 8ம், டீசல் விலை ரூபாய்க்கு 6ம் குறைந்தது. இத்தகைய சூழலில் பெட்ரோல், டீசல் விலை மாற்றமின்றி 10 மாதங்களை கடந்துள்ளது மக்களிடையே மகிழ்ச்சியை ஏற்படுத்தியுள்ளது.
தேசிய உயிரி எரிபொருள் கொள்கை
கடந்த 2018 ஆம் ஆண்டில் மத்திய அரசு அறிவித்த 'தேசிய உயிரி எரிபொருள் கொள்கை 2030ஆம் ஆண்டுக்குள் பெட்ரோலில் 20 விழுக்காடு எத்தனாலைக் கலந்து விற்க இலக்கு நிர்ணயித்திருந்தது. ஆனால், அந்த இலக்கு தற்போது ஐந்து ஆண்டுகளுக்கு முன்பாக 2025 ஆம் ஆண்டு என மாற்றியமைக்கப்பட்டது.
இயற்கை எரிவாயுத்துறை அமைச்சர் ஹர்தீப் சிங் பூரி, ”இருபது சதவீதம் எத்தனால் கலந்த பெட்ரோல் டிசம்பர் அல்லது ஜனவரி முதல் நாட்டில் கிடைக்கும்” என தெரிவித்துள்ளார். இதுகுறித்து அவர் செய்தியாளர்களிடம் பேசுகையில், "எத்தனால் உற்பத்தியை நாங்கள் தொடர்ந்து ஆய்வு செய்து வருகிறோம். ஏப்ரல் 2023க்கு முன்னதாக டிசம்பர் அல்லது ஜனவரியில் 20 சதவீதம் கலப்பு எரிபொருள் சந்தைக்கு வரும் என்று நான் நம்புகிறேன்" என் கூறினார்.
நெகிழ்வான எரிபொருள் வாகனங்கள் (கலப்பு எரிபொருளில் இயங்கும் வாகனங்கள்) கிடைக்கும் பிரேசிலை உதாரணமாக மேற்கோள் காட்டி பேசிய ஹர்தீப் சிங் பூரி, "நுகர்வோர் விருப்பப்படி எத்தனால் அல்லது பெட்ரோலை எடுத்துக் கொள்ளலாம். இது அரசாங்கத்தின் இறுதி இலக்காக இருக்கும்.
இருப்பினும், அந்த நிலையை அடைய, சில தொழில்நுட்ப அம்சங்கள் உள்ளன. அதற்கான, பணிகள் நடந்து வருகின்றன. எத்தனால் கலப்படம் தொடர்பாக ஆட்டோமொபைல் உற்பத்தியாளர்களுடன் ஒரு முக்கிய சந்திப்பை நடத்த உள்ளோம். பெட்ரோலில் 20 சதவிகிதம் எத்தனால் கலப்பதை அடைவதற்கான இலக்கு தேதியை 2025ஆம் ஆண்டுக்கு ஐந்து ஆண்டுகளுக்குள் இந்தியா முன்னெடுத்துள்ளது.
பெட்ரோலில் 20 சதவீதம் எத்தனால் கலப்பதற்கு, நமது நாட்டிற்கு 1,000 கோடி லிட்டர் கொள்ளளவு தேவைப்படுகிறது. 450 கோடி லிட்டர் உற்பத்தி செய்யப்பட்டு வருகிறது. 400 கோடி லிட்டருக்கு டெண்டர் விடப்பட்டுள்ளது. 20 சதவிகித கலப்பிற்கான போதுமான எத்தனால் கைவசம் உள்ளது. 2025ஆம் ஆண்டுக்குள் நாட்டில் விற்பனை செய்யப்படும் அனைத்து பெட்ரோலிலும் 20 சதவீதம் எத்தனால் இருக்க வேண்டும் என இலக்கு நிர்ணயிக்கப்பட்டுள்ளது" எனத் தெரிவித்தார்.
- - - - - - - - - Advertisement - - - - - - - - -