Breaking News LIVE: தருமபுரம் ஆதினத்தை மிரட்டி பணம் பறிக்க முயன்ற வழக்கு - பா.ஜ.க. நிர்வாகி மனு தள்ளுபடி

Breaking News Live: நாடு முழுவதும் நடைபெறும் பல்வேறு முக்கிய நிகழ்வுகளை கீழே உடனுக்குடன் காணலாம்.

Background

Petrol Diesel Price Today, March 6: கிட்டத்தட்ட மாற்றம் இல்லாமல் 20 மாதங்களை விட்ட நிலையில், சென்னையில்  இன்றைய பெட்ரோல், டீசல் விலை நிலவரத்தை அறியலாம்.பெட்ரோல், டீசல்:உலகமே எரிபொருளை மையமாகக் கொண்டு தான் இயங்கி வரும் வேளையில் முழுமையான மின்சார சக்தியில் செயல்படும் அளவிற்கு உலக நாடுகள் தங்களை உயர்த்திக் கொள்ள முயற்சித்து வருகின்றன. அந்த வரிசையில் இந்தியாவும்  முழுமையாகக் களம் கண்டுள்ளது. இந்தியாவில் பெட்ரோல், டீசல் சம்பந்தமான பொருட்கள் வெளிநாடுகளில் இருந்து இறக்குமதி செய்யப்பட்டு வருகின்றன.  அதேசமயம் வெகு விரைவில் முற்றிலுமான மின்மயமான நாட்டினை நோக்கி இந்தியா தன்னை நகர்த்திக் கொள்ளும் என எதிர்பார்க்கப்படுகிறது. இந்தியாவை பொறுத்தவரை 80% வாகனங்கள் பெட்ரோல், டீசல் ஆகியவற்றில் இயங்கி வருகிறது. இதன் காரணமாக பெட்ரோல், டீசல் விலை உயர்வு மக்களின் அன்றாட வாழ்க்கையில் பெரும் மாற்றத்தினை ஏற்படுத்துகிறது. அதேபோல் எரிபொருட்களின் விலை உயர்வு என்பது அன்றாட அத்தியாவசியப் பொருட்களின் மீதான விலை உயர்வில் மிகப்பெரிய அளவில் பிரதிபலிக்கும். எனவே சாமானிய மக்களும் எரிபொருள் விலை நிலவரத்தை ஒவ்வொரு நாளும் கண்காணித்து வருகிறார்கள்.இன்றைய விலை நிலவரம்இந்நிலையில் சென்னையில் இன்று ( மார்ச் 6ஆம் தேதி) ஒரு லிட்டர் பெட்ரோல் விலை ரூ.102.63 க்கும், டீசல் விலை லிட்டருக்கு 94.24 ரூபாய்க்கும் விற்பனை செய்யப்படுகிறது. இந்த விலை நிர்ணயமானது தொடர்ந்து மாற்றமின்றி 655வது நாளாக தொடர்கிறது. அதாவது, விலை மாற்றமின்றி பெட்ரோல், டீசல் விற்பனை செய்யப்படுவது 21 மாதங்களை பூர்த்தி செய்துள்ளது. இதனால் மக்கள் மகிழ்ச்சியடைந்துள்ளனர். முன்னதாக கடந்த 2020, 2021 ஆம் ஆண்டுகளில் பரவிய கொரோனா வைரஸ் தொற்றால் அமல்படுத்தப்பட்ட ஊரடங்கால் பொதுமக்கள் மிகப்பெரிய பொருளாதார பாதிப்பை சந்தித்தனர்.இதனைக் கருத்தில் கொண்டு 2021ஆம் ஆண்டு நவம்பர் 4ஆம் தேதி மத்திய அரசு பெட்ரோல் விலையை லிட்டருக்கு ரூ. 5ம், டீசல் விலையை ரூ.10ம் குறைத்தது மக்களை சற்று நிம்மதியில் ஆழ்த்தியது. அன்றைய தினம் சென்னையில் லிட்டர் பெட்ரோல் ரூ 101.40க்கும் டீசல் விலை ரூ 91.43க்கும் விற்பனை செய்யப்பட்டது. இதன் பின்னர்  5 மாதங்கள் கழித்து கடந்த ஆண்டு மே மாதம் 22ஆம் தேதி பெட்ரோல் மற்றும் டீசல் விலையில்  மாற்றம் ஏற்பட்டது.அப்போது கலால் வரி குறைப்பால் ஒரு லிட்டர் பெட்ரோல் விலை ரூபாய்க்கு 8ம், டீசல் விலை 6 ரூபாய்க்கும் குறைந்தது. இத்தகைய சூழலில் பெட்ரோல், டீசல் விலை மாற்றமின்றி 16 மாதங்களை கடந்துள்ளது மக்களிடையே மகிழ்ச்சியை ஏற்படுத்தியுள்ளது.தேசிய உயிரி எரிபொருள் கொள்கைகடந்த 2018ஆம் ஆண்டில் மத்திய அரசு அறிவித்த தேசிய உயிரி எரிபொருள் கொள்கை 2030ஆம் ஆண்டுக்குள் பெட்ரோலில் 20 விழுக்காடு எத்தனாலைக் கலந்து விற்க இலக்கு நிர்ணயித்திருந்தது. ஆனால், அந்த இலக்கு தற்போது ஐந்து ஆண்டுகளுக்கு முன்பாக 2025 ஆம் ஆண்டு என மாற்றியமைக்கப்பட்டது.இயற்கை எரிவாயுத்துறை அமைச்சர் ஹர்தீப் சிங் பூரி, ”இருபது சதவீதம் எத்தனால் கலந்த பெட்ரோல் டிசம்பர் அல்லது ஜனவரி முதல் நாட்டில் கிடைக்கும்” எனத்தெரிவித்துள்ளார்.  இதுகுறித்து அவர் செய்தியாளர்களிடம் பேசுகையில், "எத்தனால் உற்பத்தியை நாங்கள் தொடர்ந்து ஆய்வு செய்து வருகிறோம். ஏப்ரல் 2023க்கு முன்னதாக டிசம்பர் அல்லது ஜனவரியில் 20 சதவீதம் கலப்பு எரிபொருள் சந்தைக்கு வரும் என்று நான் நம்புகிறேன்" என் கூறினார். நெகிழ்வான எரிபொருள் வாகனங்கள் (கலப்பு எரிபொருளில் இயங்கும் வாகனங்கள்) கிடைக்கும் பிரேசிலை உதாரணமாக மேற்கோள் காட்டி பேசிய ஹர்தீப் சிங் பூரி, "நுகர்வோர் விருப்பப்படி எத்தனால் அல்லது பெட்ரோலை எடுத்துக் கொள்ளலாம். இது அரசாங்கத்தின் இறுதி இலக்காக இருக்கும். இருப்பினும், அந்த நிலையை அடைய, சில தொழில்நுட்ப அம்சங்கள் உள்ளன. அதற்கான, பணிகள் நடந்து வருகின்றன. எத்தனால் கலப்படம் தொடர்பாக ஆட்டோமொபைல் உற்பத்தியாளர்களுடன் ஒரு முக்கிய சந்திப்பை நடத்த உள்ளோம். பெட்ரோலில் 20 சதவிகிதம் எத்தனால் கலப்பதை அடைவதற்கான இலக்கு தேதியை 2025ஆம் ஆண்டுக்கு ஐந்து ஆண்டுகளுக்குள் இந்தியா முன்னெடுத்துள்ளது.பெட்ரோலில் 20 சதவீதம் எத்தனால் கலப்பதற்கு, நமது நாட்டிற்கு 1,000 கோடி லிட்டர் கொள்ளளவு தேவைப்படுகிறது. 450 கோடி லிட்டர் உற்பத்தி செய்யப்பட்டு வருகிறது. 400 கோடி லிட்டருக்கு டெண்டர் விடப்பட்டுள்ளது. 20 சதவிகித கலப்பிற்கான போதுமான எத்தனால் கைவசம் உள்ளது. 2025ஆம் ஆண்டுக்குள் நாட்டில் விற்பனை செய்யப்படும் அனைத்து பெட்ரோலிலும் 20 சதவீதம் எத்தனால் இருக்க வேண்டும் என இலக்கு நிர்ணயிக்கப்பட்டுள்ளது" எனத் தெரிவித்தார்

06/03/2024 21:24:44

புதுச்சேரி சிறுமி கொலை வழக்கு - ஐ.பி.எஸ். அதிகாரி தலைமையில் விசாரணை குழு

புதுச்சேரி சிறுமி கொலை வழக்கை விசாரிக்க ஐ.பி.எஸ். அதிகாரி கலைவாணன் தலைமையில் குழு அமைக்கப்பட்டுள்ளது.

06/03/2024 20:32:24

தருமபுரம் ஆதினத்தை மிரட்டி பணம் பறிக்க முயன்ற வழக்கு - பா.ஜ.க. நிர்வாகி மனு தள்ளுபடி

தருமபுரம் ஆதினத்தை மிரட்டி பணம் பறிக்க முயன்ற வழக்கில் பா.ஜ.க.வின் நிர்வாகி அகோரத்தின் மனு தள்ளுபடி செய்யப்பட்டுள்ளது.

06/03/2024 17:06:24

அம்பத்தூரில் குழந்தை கடத்துவதாக வதந்தி பரப்பிய பெண் கைது

சென்னை அருகே குழந்தை கடத்துவதாக வதந்தி பரப்பிய பெண் கைது செய்யப்பட்டுள்ளார்.

06/03/2024 15:54:14

புதுச்சேரியில் கொல்லப்பட்ட சிறுமியின் உடல் உறவினர்களிடம் ஒப்படைப்பு

புதுச்சேரியில் கொலை செய்யப்பட்ட சிறுமியின் உடலை பிரேத பரிசோதனைக்கு பிறகு பெற்றோர்கள் உள்பட உறவினர்கள் பெற்றுக்கொண்டனர்.

06/03/2024 15:23:59

மக்களவைத் தேர்தலில் பா.ஜ.க.வுடன் ச.ம.க. கூட்டணி

மக்களவைத் தேர்தலில் பா.ஜ.க.வுடன் கூட்டணி அமைத்தது சரத்குமாரின் சமத்துவ மக்கள் கட்சி. 

06/03/2024 15:11:22

புதுச்சேரி டி.ஜி.பி.யுடன் முதலமைச்சர் ரங்கசாமி மீண்டும் ஆலோசனை

சிறுமி கொலை வழக்கு தொடர்பாக புதுச்சேரி டி.ஜி.பி.யுடன் அந்த மாநில முதலமைச்சர் ரங்கசாமி மீண்டும் ஆலோசனை நடத்தி வருகிறார்.

06/03/2024 14:54:09

புதுச்சேரி சிறுமி கொலை - தமிழக அரசியல் தலைவர்கள் கண்டனம்

புதுச்சேரியில் சிறுமி கொலை செய்யப்பட்ட சம்பவத்திற்கு கனிமொழி எம்.பி., தினகரன், கமல்ஹாசன் உள்ளிட்ட தலைவர்கள் கண்டனம் தெரிவித்துள்ளனர்.

06/03/2024 14:21:09

புதுச்சேரி சிறுமி கொலை: குடும்பத்திற்கு ரூ.20 லட்சம் நிவாரணம்

புதுச்சேரியில் 9 வயது சிறுமி பாலியல் வன்கொடுமை செய்து கொலை செய்யப்பட்ட விவகாரத்தில் சிறுமியின் பெற்றோருக்கு ரூ. 20 லட்சம் நிவாரணம் வழங்கி முதலமைச்சர் ரங்கசாமி அறிவித்துள்ளார்.  

06/03/2024 14:11:13

புதுச்சேரி சிறுமி கொலை: பெற்றோடம் முதல்வர் பேச்சுவார்த்தை

புதுச்சேரியில் உயிரிழந்த சிறுமியின் பெற்றோரை முதலமைச்சர் ரங்கசாமி நேரில் வரவழைத்து சந்தித்து பேச்சுவார்த்தை நடத்தினர். குற்றவாளிகளுக்கு தண்டனை வழங்க வேண்டும் என முதலமைச்சர் ரங்கசாமியிடம் கோரிக்கை வைத்தனர். மேலும் போதை பொருளை கட்டுப்படுத்த வேண்டும் எனவும் வேண்டுகோள் விடுத்தனர்.  

06/03/2024 12:51:22

Breaking News LIVE: புதுச்சேரி சிறுமி கொலை.. நீதி கேட்டு மக்கள் போராட்டம்..

புதுச்சேரியில் சிறுமி கொலை செய்யப்பட்ட வழக்கில் தொடர்புடைய அனைவரையும் கைது செய்ய வேண்டும் என வலியுறுத்தி மக்கள் தொடர் போராட்டம் நடத்தி வருகின்றனர். நீதி கேட்டு மக்கள் புதுச்சேரி கடலில் இறங்கி போராட்டம் நடத்தி வருகின்றனர். 

06/03/2024 10:40:19

Breaking News LIVE: புறநகர் ரயில்கள் தாமதம்..!

செங்கல்பட்டில் இருந்து சென்னை கடற்கரைக்கு வரும் திருமால்பூர் விரைவு ரயில் சிங்கப்பெருமால் கோயில் அருகே கண்டெய்னர் லாரி மீது உரசியதால் கேட் வேலை செய்யவில்லை. இதன் காரணமாக புறநகருக்கு செல்லும் ரயில்கள் தாமதமாக இயக்கப்படுகிறது. 

06/03/2024 10:07:03

Breaking News LIVE: அதிமுக கூட்டணியில் இணைந்தது பார்வர்டு பிளாக் கட்சி..!

எடப்பாடி பழனிசாமியுடன் அகில இந்திய பார்வர்டு பிளாக் கட்சி பொதுச் செயலாளர் கதிரவன் சந்தித்து பேசினார். சென்னை பசுமைவழிச்சாலையில் இருக்கும் எடப்பாடி பழனிசாமி இல்லத்தில் நடந்த சந்திப்புக்கு பின்  கூட்டணியில் இணைந்தார் கதிரவன். 

06/03/2024 09:12:35

டெல்லியை முற்றுகையிடும் விவசாயிகள் போராட்டம்

விளைபொருட்களுக்கு குறைந்தபட்ச ஆதார விலை உள்ளிட்ட கோரிக்கைகளை நிறைவேற்றக் கோரி, டெல்லியை முற்றுகையிடும் விவசாயிகளின் போராட்டம் இன்று மீண்டும் தொடங்குகிறது. இதையடுத்து டெல்லி எல்லையில் போலீசாருடன் சேர்ந்து துணை ராணுவப் படையினரும், தீவிர கண்காணிப்பில் ஈடுபட்டுள்ளனர். ரயில் நிலையங்கள், பேருந்து நிலையங்களில் பலத்த பாதுகாப்பு ஏற்பாடுகள் செய்யப்பட்டுள்ளன.