பெங்களூரில் போதைப்பொருள் பயன்படுத்தியதாக பாலிவுட் நடிகை ஷ்ரத்தா கபூரின் அண்ணன் கைது செய்யப்பட்டுள்ளார்.
பெங்களூரில் உள்ள தனியார் ஓட்டலில் நடந்த விருந்தில், பிரபல பாலிவுட் நடிகை ஷ்ரத்தா கபூரின் அண்ணனான சித்தாந்த் கபூர் போதைப்பொருள் பயன்படுத்தியதாக கூறி காவல்துறையினர் அவரை கைது செய்துள்ளனர். இவர் உட்பட 6 பேர் போதைப்பொருள் பயன்படுத்தியதாக கைது செய்யப்பட்டுள்ளனர்.
பெங்களூர் எம்.ஜி. சாலையில் உள்ள தனியார் ஹோட்டலில் நேற்று இரவு பெங்களூர் போலீசார் நடத்திய அதிரடி சோதனையில் அதில் பங்கேற்றவர்கள் போதைப் பொருள் உபயோகித்தது தெரியவந்தது. இதில் ஷ்ரத்தா கபூரின் அண்ணனான சித்தாந்த் கபூரும் ஒருவர். இவருக்கு நடத்தப்பட்ட இரத்த பரிசோதனையில் அவர் போதைப்பொருள் பயன்படுத்தியது உறுதிப்படுத்தப்பட்டது. இதனையடுத்து அவர் உட்பட 6 பேர் போலீசாரால் கைது செய்யப்பட்டுள்ளனர்.
பிரபல பாலிவுட் நடிகர் சக்தி கபூரின் மகனும், நடிகை ஷ்ரத்தா அண்ணனுமானவர் சிந்தாந்த் கபூர் (37). இவர் ஷூட் அவுட் அட் வாடலா, ஹசீனா பார்க்கர், ஜஸ்பா, பௌகால் வெப் சீரிஸ் போன்றவற்றில் நடித்து பிரபலமானர். பாகம் பாக், சுப் சுப் கே' உள்ளிட்ட படங்களில் உதவி இயக்குநராகவும் பணிபுரிந்திருக்கிறார் என்பது குறிப்பிடத்தக்கது.