Chennai Power Cut: சென்னை மக்களே.! வியாழகிழமை (08.10.2026) எந்தெந்த ஏரியால மின்சாரத் தடை ஏற்படப் போகுது தெரியுமா.?

விஜய்க்கு புஸ்ஸி ஆனந்த் போல் சிவகார்த்திகேயனுக்கு இவரா? யார் இந்த மோகன்தாஸ்

ராகேஷ் தாரா — Wed, 7 Oct 2026 16:37:13 +0530

நடிகர் சிவகார்த்திகேயன் சமீபத்தில் தனது நற்பனி இயக்க நிர்வாகிகளை சந்தித்து பேசியது பரபரப்பான பேசுபொருளாகியுள்ளது. இந்த நிகழ்வில் சிவகார்த்திகேயன் சிவகார்த்திகேயன் நற்பனி மன்ற மாநில தலைவர் மோகன்தாஸ் குறித்து மிக உணர்வுப்பூர்வமாக பேசினார். முதல்வர் விஜயின் திரை பயணம் முதல் அரசியல் பயணம் வரை புஸ்ஸி ஆனந்த் இருந்ததை போல சிவகார்த்திகேயனுக்கு மோகன்தாஸ் இருந்து வருவதாக ரசிகர்கள் கூறி வருகிறார்கள்.

சட்டமன்ற தேர்தலில் விஜயின் மிகப்பெரிய வெற்றியைத் தொடர்ந்து தமிழ் திரையுலகை சேர்ந்த பல்வேறு நடிகர்கள் தங்களது எதிர்கால அரசியல் வருகைக்கான அடித்தளத்தை அமைக்கத் தொடங்கிவிட்டார்கள். தனுஷ் , சூர்யா , சிவகார்த்திகேயன் ஆகிய நடிகர்கள் தங்களது நற்பனி மன்றங்களை வலுப்படுத்தும் செயல்களில் இறங்கியுள்ளார்கள். கடந்த அக்டோபர் 3 ஆம் தேதி சிவகார்த்திகேயன் தமிழ்நாடு முழுவதும் உள்ள சிவகார்த்திகேயன் நற்பனி மன்ற நிர்வாகிகளை சென்னையில் சந்தித்து பேசினார். இந்த நிகழ்வில் சிவகார்த்திகேயன் பாராட்டிய மோகன்தாஸ் என்பவரின் மீது தான் அனைவரது கவனமும் தற்போது குவிந்துள்ளது

மோகன்தாஸ் குறித்து சிவகார்த்திகேயன்

சிவகார்த்திகேயன் பேசுகையில் "நீங்க இப்ப இத்தனை பேர் இங்க இருக்கீங்க. ஒவ்வொரு முறையும் உங்களை சந்திக்கும் பொழுதும், நீங்க செய்யற நல்ல விஷயங்களை பார்க்கும் பொழுதும் எனக்கு தோன்றியது. இது வெறும் ஒரு விளையாட்டான நற்பனி மன்றமாக மட்டும் இருந்துவிடக் கூடாது என்கிற பயம் எனக்கு இருந்தது. இந்த நற்பனி மன்றத்தை யாரை வைத்து இயக்குவது என்கிற கேள்வி இருந்தது. அந்த மாதிரியான நேரத்தில் தான் உங்களையும் என்னையும் இணைக்கும் அந்த நபர் ரொம்ப முக்கியமானவராக இருக்கனும் அப்படி எனக்கு என் வாழ்க்கையில, நம்ம வாழ்க்கையில கிடைச்சிருக்கிற வரம் மோகன்தாஸ் அண்ணன்.

ஒன்பது ஆண்டுகளாக இந்த நற்பனி மன்றத்தை அதிகாரப்பூர்வமாக நடத்திட்டு வரோம். இன்னைய தேதி வரைக்கும் ஒரு நாள் கூட, “எனக்காக இதை செஞ்சு கொடுங்க, என் பையனுக்காக இதை செஞ்சு கொடுங்க”ன்னு மோகன் தாஸ் அண்ணன் கேட்டதில்லை. “நம்ம தம்பிகளுக்காக இதை பண்ணணும்” என்றுதான் எப்போதும் கேட்டிருக்கிறார்" என்று கூறினார்.

புஸ்ஸி ஆனந்த் போல் மோகன்தாஸ்

மோகன்தாஸ் குறித்து சிவகார்த்திகேயன் பேசியதைத் தொடர்ந்து ரசிகர்கள் பலர் மோகன்தாஸை அமைசர் என் ஆனந்த் அவர்களுடன் ஓப்பிட்டு வருகிறார்கள். தற்போது தமிழ்நாடு முதல்வராக பதவி வகிக்கும் விஜயின் திரை வாழ்க்கையிலும் சரி அரசியலிலும் சரி விஜயுடன் கடந்த 28 ஆண்டுகளாக பயணித்து வருபவர் அமைச்சர் என் ஆனந்த். எதிர்காலத்தில் சிவகார்த்திகேயன் அரசியலுக்கு வருகையில் அமைச்சர் ஆனந்த் போல் மோகன்தாஸ் முக்கிய பொறுப்பில் இருப்பார் என ரசிகர்கள் கூறி வருகிறார்கள்.

Karur power cut: கரூரில் நாளை (08-10-2026) எந்தெந்த இடங்களில் பவர் கட்? - மின்வாரியம் வெளியிட்ட லிஸ்ட்

ராஜேஷ். எஸ் — Wed, 7 Oct 2026 16:28:53 +0530

கரூர் மாவட்டத்தில் பல்வேறு பகுதிகளில் (அக்டோபர் 08, 2026, வியாழக்கிழமை) மின் பாதையில் பராமரிப்புப் பணிகள் நடைபெற உள்ளதால், காலை 9 மணி முதல் மதியம் 2 மணி வரை மின்சாரம் தடை செய்யப்பட உள்ளது.

மாதாந்திர பராமரிப்புப் பணிகள்

தமிழ்நாட்டில் மாதாந்திர மின் பராமரிப்புப் பணிகள் காரணமாக மின்சாரம் நிறுத்தப்படும்போது, அது குறித்து முந்தைய நாள் அறிவிக்கப்படும். இந்த பராமரிப்புப் பணிகளின்போது, சிறிய பழுதுகளைச் சரிசெய்வது, மின்கம்பங்கள் மற்றும் மின்வழித்தடங்களில் உள்ள மரக்கிளைகளை அகற்றுவது போன்ற பல்வேறு பணிகளில் மின்சார வாரிய ஊழியர்கள் ஈடுபடுவார்கள். இந்நிலையில், கரூர் மாவட்டத்தில் பல்வேறு பகுதிகளில் நாளை காலை 9 மணி முதல் மதியம் 2 மணி வரை மின்தடை செய்யப்படுவதாக அறிவிப்பு வெளியாகியுள்ளது.

மின் விநியோகம் தடைப்படும் பகுதிகள்

கரூர் மாவட்டம்

வெள்ளாளப்பட்டி துணை மின் நிலையம்

சிட்கோ, சாணபிராட்டி, நரிகட்டியூர், எஸ்.வெள்ளாளபட்டி, தமிழ் நகர், போகவரத்துநகர், தில்லைநகர், செல்வம் நகர்

உப்பிடமங்கலம் துணை மின் நிலையம்

உப்பிடமங்கலம், சாலப்பட்டி, வேலாயுதம்பாளையம், பொரணி, காளியப்ப கவுண்டனூர், சின்னகிணத்துப்பட்டி, மேலடை, வையாபுரி கவுண்டனூர்.

புலியூர் துணை மின் நிலையம்

புலியூர், எஸ்.பி.புதூர், மேலப்பாளையம், வடக்குபாளையம், சாணப்பிராட்டி, எஸ்.வெள்ளாளபட்டி, நற்கட்டியூர், தொழிற்பேட்டை, ஆர்.என்.பேட்டை, மணவாசி, சாலப்பட்டி, பாலராஜபுரம், உப்பிடமங்கலம், லட்சுமணம்பட்டி, பொரணி வடக்கு.

மின்தடை நேரத்தில் செய்ய வேண்டியவை

மின்தடை காலங்களில் தகவல்களைப் பெறுவது மிகவும் முக்கியம். மின்சாரம் மீண்டும் வழங்கப்படும் நிலை மற்றும் அவசர அறிவிப்புகள் குறித்து தெரிந்துகொள்ள, குடியிருப்போர் பேட்டரி சக்தியில் இயங்கும் வானொலிகள் அல்லது முழுமையாக சார்ஜ் செய்யப்பட்ட மொபைல் போன்களை பயன்படுத்த வேண்டும். மொபைல் பேட்டரி ஆயுளை பாதுகாக்க, பவர் சேவிங் மோடினை இயக்கி, அவசர அழைப்புகள் மற்றும் குறுந்தகவல்கள் போன்ற தேவையான பயன்பாட்டிற்கு மட்டுமே போனைக் கொண்டு செயல்படுவது நல்லது.

பாதுகாப்பாக சமாளிக்க முடியும்

மின்தடை நேரத்தில் திடீர் மின்வெட்டு ஏற்படும் அபாயத்தைத் தவிர்க்க, லிப்டைப் பயன்படுத்தாமல் இருக்க வேண்டும். மேலும், அவசர தொடர்பு எண்கள் எளிதில் கிடைக்கும் வகையில் வைத்திருப்பதோடு, தண்ணீர், சிற்றுண்டி, மற்றும் முதலுதவி பெட்டி போன்ற அத்தியாவசிய பொருட்களையும் தயாராக வைத்திருக்க வேண்டும். இந்த முன்னெச்சரிக்கைகளைப் பின்பற்றுவதன் மூலம், குடியிருப்போர் மின்தடை நேரத்தை பாதுகாப்பாக சமாளிக்க முடியும்.

ஆலக்குடியில் பெயர் பலகைக்கு வந்த சோதனை! போஸ்டர்களால் முழுவதும் மறைப்பு... வழிதெரியாமல் தவிக்கும் பயணிகள்

என்.நாகராஜன் — Wed, 7 Oct 2026 16:27:36 +0530

தஞ்சாவூர்: தஞ்சாவூர் மாவட்டம் ஆலக்குடி ரயில்வே கேட் பகுதியில் பொதுமக்களுக்கு வழிகாட்டும் வகையில் அமைக்கப்பட்டுள்ள அரசு பெயர் பலகை, தற்போது போஸ்டர்களால் முழுவதுமாக மறைக்கப்பட்டுள்ளதால் வெளியூர் பயணிகள் மற்றும் வாகன ஓட்டிகள் கடும் சிரமத்திற்கு உள்ளாகி வருகின்றனர்.

ஆலக்குடி ரயில்வே கேட் பகுதி வழியாக தினமும் ஏராளமான பொதுமக்கள், இருசக்கர வாகனங்கள், கார்கள் மற்றும் சரக்கு வாகனங்கள் சென்று வருகின்றன. தஞ்சாவூர் மற்றும் சுற்றுவட்டார பகுதிகளுக்கு புதிதாக வருபவர்களுக்கு வழிகாட்டும் முக்கிய அடையாளமாக அங்குள்ள பெயர் பலகை இருந்து வருகிறது.

ஆனால், தற்போது அந்தப் பெயர் பலகையின் மீது பல்வேறு அரசியல் கட்சிகளின் போஸ்டர்கள், கண்ணீர் அஞ்சலி போஸ்டர்கள் உள்ளிட்டவை ஒன்றன் மீது ஒன்றாக ஒட்டப்பட்டுள்ளன. இதனால் பெயர் பலகையில் எழுதப்பட்டுள்ள ஊரின் பெயர் உள்ளிட்ட எந்த தகவலையும் தெளிவாகப் பார்க்க முடியாத நிலை ஏற்பட்டுள்ளது.

பெயர் பலகையா? போஸ்டர் பலகையா?

பொதுமக்களுக்கும் வெளியூர் பயணிகளுக்கும் வழிகாட்டுவதற்காக வைக்கப்படும் அரசுப் பெயர் பலகைகள், முக்கிய சாலைகள் மற்றும் சந்திப்புகளில் மிகுந்த பயனுள்ளதாக உள்ளன.

குறிப்பாக, புதிய இடங்களுக்கு செல்லும் வாகன ஓட்டிகள் சாலையோரம் வைக்கப்பட்டுள்ள பெயர் பலகைகளை பார்த்துதான் தாங்கள் செல்ல வேண்டிய பாதையை உறுதி செய்து கொள்கின்றனர்.

ஆனால் ஆலக்குடி ரயில்வே கேட் பகுதியில் நிலைமை தலைகீழாக மாறியுள்ளது. வழிகாட்ட வேண்டிய பெயர் பலகையே தற்போது போஸ்டர்களால் மறைக்கப்பட்டுள்ளதால், அது பெயர் பலகையா அல்லது போஸ்டர் ஒட்டும் இடமா என்ற கேள்வியை எழுப்பும் அளவுக்கு நிலைமை மாறியுள்ளது.

வழி தெரியாமல் தவிக்கும் வெளியூர் பயணிகள்

தஞ்சாவூர் மாவட்டத்துக்கு புதிதாக வரும் வெளியூர் பயணிகள், குறிப்பாக இரவு நேரங்களில் பயணிப்பவர்கள், சாலையோர பெயர் பலகைகளை பெரிதும் நம்புகின்றனர்.

ஆனால் பலகையில் உள்ள தகவல்கள் தெரியாததால், தாங்கள் செல்ல வேண்டிய இடத்திற்கான சரியான பாதையை உறுதி செய்வதில் குழப்பம் ஏற்படுகிறது. சிலர் வாகனத்தை நிறுத்தி அப்பகுதி மக்களிடம் வழி கேட்க வேண்டிய நிலையும் ஏற்படுகிறது.

இதனால் தேவையற்ற காலதாமதம் மட்டுமின்றி, போக்குவரத்து நெரிசல் மற்றும் சாலையோரத்தில் வாகனங்களை நிறுத்துவதால் பாதுகாப்பு சிக்கலும் ஏற்படும் வாய்ப்பு இருப்பதாக பயணிகள் தெரிவிக்கின்றனர்.

அதிகாரிகள் நடவடிக்கை எடுக்க வேண்டும்

அரசு சார்பில் பொதுமக்களின் பயன்பாட்டுக்காக வைக்கப்பட்டுள்ள வழிகாட்டிப் பலகைகள் மீது போஸ்டர்கள் ஒட்டப்படுவது தொடரக்கூடாது என சமூக ஆர்வலர்கள் தெரிவித்துள்ளனர்.

பொதுமக்களுக்கு தேவையான தகவலை வழங்குவதற்காக அமைக்கப்பட்டுள்ள பலகைகளை விளம்பரம் அல்லது தனிப்பட்ட அறிவிப்புகளுக்காக பயன்படுத்துவது தவிர்க்கப்பட வேண்டும் என்றும் அவர்கள் வலியுறுத்துகின்றனர்.

எனவே, ஆலக்குடி ரயில்வே கேட் பகுதியில் போஸ்டர்களால் மறைக்கப்பட்டுள்ள பெயர் பலகையை சம்பந்தப்பட்ட அதிகாரிகள் உடனடியாக ஆய்வு செய்து, அதன் மீது ஒட்டப்பட்டுள்ள அனைத்து போஸ்டர்களையும் அகற்றி, பெயர் மற்றும் வழிகாட்டும் தகவல்கள் தெளிவாகத் தெரியும் வகையில் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

மேலும், இனிவரும் காலங்களில் அரசுப் பெயர் பலகைகளில் போஸ்டர்கள் ஒட்டப்படுவதைத் தடுக்க உரிய நடவடிக்கை எடுக்க வேண்டும் என்றும், விதிமுறைகளை மீறி போஸ்டர்கள் ஒட்டுபவர்கள் மீது சட்டப்படி நடவடிக்கை எடுக்க வேண்டும் என்றும் பயணிகள் மற்றும் சமூக ஆர்வலர்கள் வலியுறுத்தியுள்ளனர்.

ஒரே போட்டியில் 4 சாதனைகள்...ஷ்ரேயாஸ் ஐயருக்கு குவியும் பாராட்டுகள்...

யோகேஷ் குமார் — Wed, 7 Oct 2026 16:23:14 +0530

இந்திய அணியின் கேப்டன் ஷ்ரேயாஸ் அய்யர் மேற்கிந்திய தீவுகள் அணிக்கு எதிரான முதலாவது டி-20 போட்டியில் 4 முக்கிய சாதனைகளை படைத்துள்ளார்.

முதல் சதம்

மேற்கிந்திய தீவுகள் அணிக்கு எதிராக லக்னோவில் நடைபெற்ற முதல் டி-20 போட்டியில் இந்திய அணி 8 விக்கெட்கள் வித்தியாசத்தில் அபார வெற்றி பெற்றது. இந்த போட்டியில் 172 ரன்கள் என்ற கடின இலக்கை இந்திய அணி வெறும் 14.4 ஓவர்களில் எட்டியது. இதற்கு முக்கிய காரணமாக அமைந்தது கேப்டன் ஷ்ரேயாஸ் ஐயரின் அதிரடி சதம் தான். ஆட்டத்தின் தொடக்கம் முதலே அதிரடி ஆட்டத்தை வெளிப்படுத்திய ஷ்ரேயாஸ் அய்யர் வெறும் 43 பந்துகளில் சதம் விளாசி அசத்தினார். இதன்மூலம் சர்வதேச டி-20 போட்டிகளில் தனது முதல் சதத்தை அவர் பதிவு செய்தார்.

முக்கிய சாதனைகள்

அதிரடி சதமடித்து இந்திய அணியை வெற்றி பெற செய்த ஷ்ரேயாஸ் ஐயர், டி-20 போட்டிகளில் சேஸிங்கின் போது அதிகப்பட்ச ரன்களை பதிவு செய்த இந்திய வீரர் என்ற கே.எல்.ராகுலின் (101 ரன்கள்) சாதனையை முறியடித்தார்.

அதேபோல், மேற்கு இந்திய தீவுகள் அணிக்கு எதிரான சர்வதேச டி20 போட்டிகளில் அதிவேக சதத்தை பூர்த்தி செய்த இந்திய வீரர் என்ற சாதனையையும் அவர் படைத்தார்.

மேலும், கேப்டனாக சர்வதேச டி-20 போட்டிகளில் சதம் விளாசிய 3-வது இந்தியர் என்ற பெருமையை அவர் அடைந்தார். அதன்படி, ரோகித் சர்மா, சூர்யகுமார் வரிசையில் ஷ்ரேயாஸ் ஐயர் இணைந்தார்.

முதல்முறை

சர்வதேச டி-20 போட்டிகளில் இலக்கை துரத்திய போது சதம் விளாசிய முதல் இந்தியர் என்ற வரலாற்று சிறப்புமிக்க சாதனையையும் ஷ்ரேயாஸ் ஐயர் தன்வசப்படுத்தினார். இவ்வாறு ஒரே போட்டியில் 4 முக்கிய சாதனைகளை அவர் நிகழ்த்தியுள்ளார்.

ஆசிய கோப்பை வெற்றி

கடந்த 2 நாட்களுக்கு முன்பு தான் ஷ்ரேயாஸ் ஐயர் தலைமையிலான இந்திய அணி ஜப்பானில் நடைபெற்ற ஆசிய விளையாட்டு இறுதிப் போட்டியில் பாகிஸ்தான் அணியை 19 ரன்கள் வித்தியாசத்தில் வீழ்த்தி தங்கப் பதக்கத்தை வென்றிருந்தது குறிப்பிடத்தக்கது.

இந்தியா முன்னிலை

இந்த வெற்றியின் மூலம் 5 போட்டிகள் கொண்ட டி-20 தொடரில் இந்திய அணி 1-0 என்ற கணக்கில் முன்னிலை வகிக்கிறது. 2-வது டி-20 போட்டி வருகிற 9ஆம் தேதி ராஞ்சியில் நடைபெறுகிறது. முன்னதாக, 3 போட்டிகள் கொண்ட ஒருநாள் தொடரை இந்திய அணி 2-1 என்ற கணக்கில் வென்றிருந்தது.

Tata Avinya X Launch: லுக்கு அள்ளுதே.! EV கார் சந்தையை தெறிக்கவிட வரும் டாடா அவின்யா.! எப்போது அறிமுகம் தெரியுமா.?

ஸ்ரீராம் ஆராவமுதன் — Wed, 7 Oct 2026 16:19:35 +0530

டாடா மோட்டார்ஸ் நிறுவனம், தனது புதிய ப்ரீமியம் மின்சார கார் பிராண்டான அவின்யாவை இந்திய சந்தையில் அறிமுகப்படுத்த தயாராகி வருகிறது. இந்த பிராண்டின் முதல் தயாரிப்பு காரான அவின்யா எக்ஸ், 2025 பாரத் மொபிலிட்டி குளோபல் எக்ஸ்போவில் ஒரு கான்செப்ட்டாக காட்சிப்படுத்தப்பட்டது. தற்போது, அதன் தயாரிப்பு பதிப்பு இந்தியாவில் சோதனை செய்யப்படுவது காணப்பட்டுள்ளது.

முதல் அவின்யா கார் 2027-ல் இந்தியாவில் அறிமுகப்படுத்தப்படும் என்று டாடா நிறுவனம் ஜூன் 2026-ல் உறுதிப்படுத்தியது. எனவே, தற்போதைக்கு இதை 2026-ம் ஆண்டு அறிமுகம் என்று கூறுவது சரியாக இருக்காது. அவின்யா, டாடா நிறுவனத்தின் தற்போதைய மின்சார வாகன வரிசைக்கு மேலான நிலையில் நிலைநிறுத்தப்பட்டு, ப்ரீமியம் மின்சார கார் சந்தையில் ஒரு வலுவான இடத்தை பிடிப்பதை நோக்கமாகக் கொண்டுள்ளது. மேலும், ஒரு தனித்துவமான ப்ரீமியம் வாடிக்கையாளர் அனுபவத்தை உருவாக்கவும் அந்நிறுவனம் திட்டமிட்டுள்ளது.

வடிவமைப்பில் முற்றிலும் மாறுபட்ட பாணி

அவின்யா X-ன் வடிவமைப்பு, டாடாவின் தற்போதைய கார்களிலிருந்து முற்றிலும் மாறுபட்டது. இந்த கான்செப்ட், கூபே போன்ற கூரை அமைப்பு, அகலமான தோற்றம் மற்றும் கதவுகளுடன் சமமாகப் பொருந்தும் கைப்பிடிகள் ஆகியவற்றுடன் காட்சிப்படுத்தப்பட்டது. மேலும், இதில் மேட்ரிக்ஸ் எல்இடி விளக்குகள், ஆக்டிவ் ஏரோ எலிமெண்ட்ஸ் மற்றும் ஏரோ வீல்கள் போன்ற வடிவமைப்பு அம்சங்களும் இடம்பெற்றுள்ளன. இருப்பினும், கான்செப்டில் உள்ள அனைத்து வடிவமைப்பு அம்சங்களும் தயாரிப்பு மாடலில் இடம்பெறுமா என்பது இன்னும் உறுதி செய்யப்படவில்லை.

சமீபத்தில் சோதனைக்கு உட்படுத்தப்பட்ட புரோட்டோடைப்கள், தயாரிப்பு எஸ்யூவியின் தோற்றம் கான்செப்டிற்கு மிகவும் நெருக்கமாக இருக்கலாம் என்பதை காட்டுகின்றன. உட்புறத்திற்கான ஒரு சமீபத்திய வடிவமைப்பு காப்புரிமையும் வெளிவந்துள்ளது. இது, டாடா ஒரு எளிமையான மற்றும் தொழில்நுட்பத்தை மையமாகக் கொண்ட கேபினை வழங்க திட்டமிட்டுள்ளது என்பதை உணர்த்துகிறது.

இது புதிய தொழில்நுட்பம் மற்றும் தளத்தில் தயாரிக்கப்படும்

அவின்யா திட்டம் தொடர்பான தனது உத்தியில் டாடா ஒரு பெரிய மாற்றத்தை செய்துள்ளது. முன்னதாக, இது ஜேஎல்ஆரின் EMA பிளாட்ஃபார்மில் உருவாக்கத் திட்டமிடப்பட்டிருந்தது. ஆனால் இப்போது, முதல் அவின்யா கார், செரி-ஜேஎல்ஆரின் ஃப்ரீலேண்டர் பிளாட்ஃபார்மைப் பயன்படுத்தும். டாடாவின் கூற்றுப்படி, இது மேம்பாட்டு கால அட்டவணையை விரைவுபடுத்தவும், செலவுகளை சிறப்பாக நிர்வகிக்கவும் உதவும்.

முதல் கார், தமிழ்நாட்டின் பனப்பாக்கத்தில் உள்ள டாடா பயணிகள் வாகனங்கள்-ஜேஎல்ஆரின் புதிய உற்பத்தி ஆலையில் தயாரிக்கப்படும். பேட்டரி திறன், மோட்டார் சக்தி மற்றும் அதிகாரப்பூர்வ வரம்பு போன்ற புள்ளிவிவரங்களை நிறுவனம் இன்னும் வெளியிடவில்லை. சில அறிக்கைகள் 65-80 kWh பேட்டரிக்கான சாத்தியக்கூறுகளைக் குறிப்பிடுகின்றன. ஆனால், இது இன்னும் உறுதிப்படுத்தப்பட்ட விவரக்குறிப்பாகக் கருதப்படக்கூடாது.

2027-ல் வரும், விலை இன்னும் தீர்மானிக்கப்படவில்லை

டாடா அவின்யா எக்ஸ் 2027-ல் இந்தியாவில் அறிமுகப்படுத்தப்பட உள்ளது. ஆனால், நிறுவனம் சரியான வெளியீட்டுத் தேதியை இன்னும் அறிவிக்கவில்லை. விலையும் அதிகாரப்பூர்வமாக அறிவிக்கப்படவில்லை. அவின்யா, ஹாரியர் EV-க்கு மேலான ஒரு ப்ரீமியம் நிலையில் நிலைநிறுத்தப்படும். எனவே, இது டாடாவின் தற்போதைய மின்சார வாகனங்களை விட கணிசமாக அதிக விலையில் இருக்கும் என்று எதிர்பார்க்கப்படுகிறது.

இதன் உத்தேச சந்தை விலை ரூ.30 லட்சத்திற்கும் அதிகமாக உள்ளது. ஆனால், இறுதி விலை அறிமுகத்தின் போது வெளியிடப்படும். அவின்யா எக்ஸ் மூலம், டாடா நிறுவனம் சாதாரண மின்சார வாகனங்களுடன் மட்டுமல்லாமல், ப்ரீமியம் எலக்ட்ரிக் எஸ்யூவிகள் மற்றும் கார்களுடனும் போட்டியிடும். விலை, பயண வரம்பு, சார்ஜிங் மற்றும் ஒரு ப்ரீமியம் அனுபவம் ஆகியவற்றுக்கு இடையே சரியான சமநிலையை நிறுவனம் ஏற்படுத்தினால், டாடா மோட்டார்ஸுக்கு ஒரு புதிய ப்ரீமியம் மின்சார வாகன அடையாளத்தை நிறுவுவதில் அவின்யா ஒரு குறிப்பிடத்தக்க படியாக அமையக்கூடும்.

coimbatore power cut: கோவையில் நாளை (08-10-2026) எங்கெல்லாம் மின் தடை இருக்கும்? - மின்வாரியம் வெளியிட்ட லிஸ்ட்

ராஜேஷ். எஸ் — Wed, 7 Oct 2026 16:13:45 +0530

கோவை மாவட்டத்தில் பல்வேறு பகுதிகளில் நாளை (அக்டோபர் 08, 2026, வியாழக்கிழமை) மின் பாதையில் பராமரிப்புப் பணிகள் நடைபெற உள்ளதால், காலை 9 மணி முதல் மதியம் 2 மற்றும் மாலை 4 மணி வரை மின்சாரம் தடை செய்யப்பட உள்ளது.

மாதாந்திர பராமரிப்புப் பணிகள்

தமிழ்நாட்டில் மாதாந்திர மின் பராமரிப்புப் பணிகள் காரணமாக மின்சாரம் நிறுத்தப்படும்போது, அது குறித்து முந்தைய நாள் அறிவிக்கப்படும். இந்த பராமரிப்புப் பணிகளின்போது, சிறிய பழுதுகளைச் சரிசெய்வது, மின்கம்பங்கள் மற்றும் மின்வழித்தடங்களில் உள்ள மரக்கிளைகளை அகற்றுவது போன்ற பல்வேறு பணிகளில் மின்சார வாரிய ஊழியர்கள் ஈடுபடுவார்கள். இந்நிலையில், கோவை மாவட்டத்தில் பல்வேறு பகுதிகளில் நாளை காலை 9 மணி முதல் மதியம் 2 மற்றும் மாலை 4 மனி வரை மின்தடை செய்யப்படுவதாக அறிவிப்பு வெளியாகியுள்ளது.

மின் விநியோகம் தடைப்படும் பகுதிகள்

கோவை மாவட்டம்

பீளமேடு துணை மின் நிலையம்

பாரதி காலனி, பீளமேடு புதூர், சௌரிபாளையம், நஞ்சுண்டாபுரம் ரோடு, புலியகுளம், கணபதி தொழிற்பேட்டை, ஆவாரம்பாளையம், ராமநாதபுரம், கல்லிமடை, திருச்சி ரோடு (பகுதி), மீனா எஸ்டேட், உடையம்பாளையம்.

கோயில்பாளையம் துணை மின் நிலையம்

சர்க்கார்சாமகுளம், கோவில்பாளையம், குரும்பபாளையம், மண்ணிக்கம்பாளையம், அக்ரகார சாமகுளம், கொண்டையம்பாளையம், குன்னத்தூர், கல்லிபாளையம், மொண்டிகாலிபுதூர்.

மின்தடை நேரத்தில் செய்ய வேண்டியவை

பாதுகாப்பாக சமாளிக்க முடியும்

தமிழகத்தில் நாளை எங்கெல்லாம் கனமழை இருக்கும்?: உங்க மாவட்டம் இருக்கா?

ராஜேஷ். எஸ் — Wed, 7 Oct 2026 15:56:12 +0530

கோவை, நீலகிரி ஆகிய மாவட்டங்களில் நாளை இடி, மின்னலுடன் கனமழை பெய்யக்கூடும் என்று வானிலை மையம் எச்சரிக்கை விடுத்துள்ளது.

இதுதொடர்பாக சென்னை வானிலை மையத்தின் செய்திக்குறிப்பில்,

07-10-2026: கோயம்புத்தூர் மாவட்டத்தின் மலை பகுதிகள், தூத்துக்குடி, திருநெல்வேலி மாவட்டங்களின் கடலோர பகுதிகள் மற்றும் நீலகிரி, கன்னியாகுமரி மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும்.

தேனி, தென்காசி, திண்டுக்கல், மதுரை, விருதுநகர், ராமநாதபுரம், சிவகங்கை, புதுக்கோட்டை, தஞ்சாவூர், திருவாரூர், நாகப்பட்டினம், மயிலாடுதுறை, திருச்சிராப்பள்ளி, கரூர், நாமக்கல், சேலம், ஈரோடு, திருப்பூர் மாவட்டங்களில் ஒருசில இடங்களிலும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும்.

ஏனைய தமிழகத்தில் ஒருசில இடங்களிலும், புதுவையிலும் இடி மின்னலுடன் கூடிய லேசான மழை பெய்யக்கூடும்.

08-10-2026: கோயம்புத்தூர் மாவட்டத்தின் மலை பகுதிகள் மற்றும் நீலகிரி மாவட்டத்தில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும்.

தேனி, தென்காசி, திண்டுக்கல், மதுரை, விருதுநகர், ராமநாதபுரம், சிவகங்கை, புதுக்கோட்டை, தஞ்சாவூர், திருவாரூர், நாகப்பட்டினம், மயிலாடுதுறை, பெரம்பலூர், அரியலூர், திருச்சிராப்பள்ளி, கரூர், நாமக்கல், சேலம், ஈரோடு, திருப்பூர் மாவட்டங்களில் ஒருசில இடங்களிலும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களிலும், புதுவையிலும் இடி மின்னலுடன் கூடிய லேசான மழை பெய்யக்கூடும்.

09-10-2026: கோயம்புத்தூர் மாவட்டத்தின் மலை பகுதிகள் மற்றும் நீலகிரி, தேனி, கன்னியாகுமரி மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும்.

தேனி, தென்காசி, திண்டுக்கல், மதுரை, விருதுநகர், ராமநாதபுரம், சிவகங்கை, புதுக்கோட்டை, தஞ்சாவூர், திருவாரூர், நாகப்பட்டினம், மயிலாடுதுறை, பெரம்பலூர், அரியலூர், திருச்சிராப்பள்ளி, கரூர், நாமக்கல், திருப்பூர், ஈரோடு, சேலம், தர்மபுரி, கிருஷ்ணகிரி, திருப்பத்தூர் மாவட்டங்களில் ஒருசில இடங்களிலும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும்.

ஏனைய தமிழகத்தில் ஒருசில இடங்களிலும் மற்றும் புதுவையிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய லேசானது முதல் மிதமான மழை பெய்யக்கூடும்.

10-10-2026: கோயம்புத்தூர் மாவட்டத்தின் மலை பகுதிகள் மற்றும் நீலகிரி, தேனி, மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும்.

திண்டுக்கல், விருதுநகர், மதுரை, சிவகங்கை, ராமநாதபுரம், தூத்துக்குடி, தென்காசி, திருநெல்வேலி மற்றும் கன்னியாகுமரி மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசான மழை பெய்யக்கூடும்.

11-10-2026: நீலகிரி, கோயம்புத்தூர், திண்டுக்கல், விருதுநகர், மதுரை, சிவகங்கை, ராமநாதபுரம், தூத்துக்குடி, தென்காசி, திருநெல்வேலி மற்றும் கன்னியாகுமரி மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய லேசானது முதல் மிதமான மழை பெய்யக்கூடும். ஏனைய தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசான மழை பெய்யக்கூடும்.

12-10-2026 மற்றும் 13-10-2026: நீலகிரி, கோயம்புத்தூர், திண்டுக்கல், விருதுநகர், மதுரை, சிவகங்கை, ராமநாதபுரம், தூத்துக்குடி, தென்காசி, திருநெல்வேலி மற்றும் கன்னியாகுமரி மாவட்டங்களில் ஓரிரு இடங்களில் லேசானது முதல் மிதமான மழை பெய்யக்கூடும். ஏனைய தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசான மழை பெய்யக்கூடும்.

07-10-2026 மற்றும் 08-10-2026: வட தமிழகம், புதுவை மற்றும் காரைக்கால் பகுதிகளில் அதிகபட்ச வெப்பநிலை ஓரிரு இடங்களில் 2-3° செல்சியஸ் இயல்பை விட அதிகமாகவும், தென் தமிழகத்தில் இயல்பை ஒட்டியும் இருக்கக்கூடும்.

09-10-2026 முதல் 11-10-2026 வரை: தமிழகம், புதுவை மற்றும் காரைக்கால் பகுதிகளில் அதிகபட்ச வெப்பநிலை இயல்பை ஒட்டியே இருக்கக்கூடும்.

சென்னை மற்றும் புறநகர் பகுதிகளுக்கான வானிலை முன்னறிவிப்பு:

இன்று (07-10-2026) மற்றும் நாளை (08-10-2026): வானம் ஓரளவு மேகமூட்டத்துடன் காணப்படும். மாலை/இரவு நேரங்களில் நகரின் ஒருசில பகுதிகளில் இடி மின்னலுடன் கூடிய லேசான/ மிதமான மழை பெய்ய வாய்ப்புள்ளது. அதிகபட்ச வெப்பநிலை 34-35° செல்சியஸை ஒட்டியும், குறைந்தபட்ச வெப்பநிலை 26-27° செல்சியஸை ஒட்டியும் இருக்கக்கூடும்.

ஜெயிலர் 2 படத்திலிருந்து 100 நிமிட ஃபுட்டேஜ் நீக்கப்பட்டதா? வெளியான அதிர்ச்சி தகவல்

ராகேஷ் தாரா — Wed, 7 Oct 2026 15:35:35 +0530

ரஜினிகாந்த் நடிப்பில் நெல்சன் திலீப்குமார் இயக்கியுள்ள ‘ஜெயிலர் 2’ திரைப்படம் அக்டோபர் 15-ம் தேதி திரையரங்குகளில் வெளியாக உள்ளது. படத்தின் டிரெய்லர் சமீபத்தில் வெளியாகி ரசிகர்களிடையே கவனத்தைப் பெற்ற நிலையில், தற்போது படத்தின் ரன் டைம் தொடர்பாக வெளியாகியுள்ள தகவல் சமூக வலைதளங்களில் பேசுபொருளாகியுள்ளது.

‘ஜெயிலர் 2’ படத்துக்கான சென்சார் பணிகள் சமீபத்தில் நிறைவடைந்துள்ளன. படத்துக்கு யு/ஏ 16+ சான்றிதழ் வழங்கப்பட்டுள்ளதாகவும், படத்தின் இறுதி ரன் டைம் 165 நிமிடங்கள், அதாவது 2 மணி நேரம் 45 நிமிடங்கள் எனவும் தகவல் வெளியாகியுள்ளது.

100 நிமிட காட்சிகள் நீக்கம்

இந்த நிலையில், ‘ஜெயிலர் 2’ படத்துக்காக படமாக்கப்பட்ட மொத்த ஃபுட்டேஜில் இருந்து சுமார் 100 நிமிடங்கள் நீக்கப்பட்டுள்ளதாக தற்போது ஒரு தகவல் வெளியாகியுள்ளது. சுமார் 2 மணி நேரம் 45 நிமிடங்கள் கொண்ட பதிப்பில் இருந்து ஏராளமான காட்சிகள் வெட்டப்பட்டதாகவும், மீதமுள்ள காட்சிகளுடன் படத்தை வெளியிட இருப்பதாகவும் கூறப்படுகிறது.

பொதுவாக ஒரு திரைப்படத்தின் இறுதிக்கட்ட எடிட்டிங்கில் கதையின் வேகம் மற்றும் திரைக்கதையின் தேவைக்கு ஏற்ப சில காட்சிகள் நீக்கப்படுவது வழக்கம். ஆனால் சுமார் 100 நிமிட ஃபுட்டேஜ் நீக்கப்பட்டதாக வெளியாகியுள்ள தகவல் தற்போது ரசிகர்கள் மத்தியில் ஆச்சரியத்தை ஏற்படுத்தியுள்ளது.

விஜய் சேதுபதி காட்சிகள் இருக்குமா?

‘ஜெயிலர் 2’ படத்தில் ரஜினிகாந்துடன் எஸ்.ஜே. சூர்யா, வித்யா பாலன், சூரஜ் வெஞ்சாரமூடு, மிர்னா, ரம்யா கிருஷ்ணன், மிதுன் சக்ரவர்த்தி உள்ளிட்ட பலர் முக்கிய கதாபாத்திரங்களில் நடித்துள்ளனர். மோகன்லால், சிவராஜ்குமார் உள்ளிட்டோரும் இடம்பெற்றுள்ளனர். இவர்களுடம் விஜய் சேதுபதியும் படத்தில் ஒரு சிறு கேமியோ ரோலில் நடித்திருந்தார். ஆனால் நேரம் கருதி இந்த காட்சிகள் படத்தில் இருந்து நீக்கப்பட்டதாக தகவல்கள் வெளியாகின. தற்போது நீக்கப்பட்ட 100 நிமிடங்களில் விஜய் சேதுபதியின் காட்சிகளும் அடக்கமா என்கிற கேள்வி எழுந்துள்ளது. விஜய் சேதுபதியின் காட்சிகள் நீக்கப்பட்டது குறித்து படக்குழுவினர் இதுவரை எந்த விளக்கமும் அளிக்கவில்லை.

இவ்வளவு பெரிய நட்சத்திரப் பட்டாளம் இடம்பெறும் படத்தில் கூடுதல் காட்சிகள் படமாக்கப்பட்டு பின்னர் எடிட்டிங்கில் நீக்கப்பட்டதா அல்லது ரன் டைமை கட்டுக்குள் வைக்க வேறு காரணங்களால் இந்த முடிவு எடுக்கப்பட்டதா என்பது அதிகாரப்பூர்வமாகத் தெரியவில்லை. தற்போது உறுதி செய்யப்பட்ட தகவலின்படி, ‘ஜெயிலர் 2’ படத்தின் இறுதி ரன் டைம் 2 மணி நேரம் 45 நிமிடங்கள்.

சேலத்தில் தெறிக்கவிடப்போகும் கார், பைக் சாகசங்கள்! உங்க காருடன் நீங்களும் வரலாம்? எப்போது? எங்கே?

ராஜேஷ். எஸ் — Wed, 7 Oct 2026 15:31:51 +0530

சேலத்தில் சாலை பாதுகாப்பு விழிப்புணர்வுக்காக பைக், கார் சாகச நிகழ்ச்சி வருகின்ற 9, 10, 11 ஆகிய தேதிகளில் நடைபெறுகிறது. இந்த சாகச நிகழ்ச்சிகளில் கலந்து கொள்ள விரும்புவர்கள் அவர்களுடைய காருடன் வரலாம் என்று தெரிவிக்கப்பட்டுள்ளது.

சேலம் சில்நாயக்கன்பட்டி பைபாஸ் அருகே உள்ள கே.வி.பி மைதானத்தில் பைக் மற்றும் கார் சாகச நிகழ்ச்சி நடக்கிறது. வெர்சிட்டைலிட்டி ஈவன்ட்ஸ் நிறுவனம் இந்த சாகச நிகழ்ச்சியை நடத்துகிறது. வருகின்ற 9ஆம் தேதி தொடங்க உள்ள இந்த நிகழ்ச்சி 11ஆம் தேதி வரை மூன்று நாட்கள் நடைபெற உள்ளது. தினமும் காலை 9 மணி முதல் மாலை 6:00 மணி வரையில் சாகச நிகழ்ச்சிகள் நடத்தப்பட உள்ளது. மாலை 6:00 மணிக்கு பிறகு கலை நிகழ்ச்சிகள், நடன நிகழ்ச்சிகள் நடத்தப்பட உள்ளது. இதில் கார் சாகசங்கள், பைக் சாகசங்கள் நடக்கவுள்ளது.

இந்த சாகச நிகழ்ச்சிகளில் கலந்து கொள்ள விரும்புவர்கள் அவர்களுடைய காருடன் வரலாம் அல்லது கார் அங்கேயும் சாகசத்தில் கலந்து கொள்ள தரப்படும். இதேபோன்று குழந்தைகளை மகிழ்விக்க ரிமோட் மூலம் கார்களை இயக்கவும் வசதி செய்யப்பட்டுள்ளது. இது தவிர கார் நிறுவனங்களில் ஸ்டால்கள் அமைக்கப்பட்டு கண்காட்சி நடைபெற உள்ளது. இதில் கார்களின் பயன்பாடு, இருசக்கர வாகனங்கள் பயன்பாடுகள் குறித்து விளக்கி கூறவும் உள்ளனர்.

மேலும், இன்ஜினியரிங் கல்லூரி மாணவ, மாணவிகள், ஆட்டோ மொபைல்ஸ் சார்ந்த கண்டுபிடிப்புகளை இலவசமாக காட்சிப்படுத்தவும் ஏற்பாடு செய்யப்பட்டுள்ளது. சாகச நிகழ்ச்சிகளில் கலந்து கொள்ள உள்ளவர்கள் ரூபாய் 2,999, இதைத்தவிர நுழைவு கட்டணமாக ரூ. 299 வசூலிக்கப்பட உள்ளது என வெர்சிட்டைலிட்டி ஈவன்ட்ஸ் நிறுவனத்தைச் சேர்ந்த சிவா தெரிவித்தார்.

Chennai Power Cut: சென்னை மக்களே.! வியாழகிழமை (08.10.2026) எந்தெந்த ஏரியால மின்சாரத் தடை ஏற்படப் போகுது தெரியுமா.?

ஸ்ரீராம் ஆராவமுதன் — Wed, 7 Oct 2026 15:23:15 +0530

சென்னையில், பராமரிப்பு பணிகளுக்காக, நாளை(08.10.2026) எந்தெந்த பகுதிகளில் மின்சாரம் தடை செய்யப்பட உள்ளது என்பது குறித்து தற்போது தெரிந்துகொள்ளலாம். பராமரிப்பு பணிகள் மேற்கொள்ளப்படும் நேரத்தில் மின்சாரம் தடை செய்யப்படும் என மின்சார வாரியம் தெரிவித்துள்ளது. அந்த வகையில், கீழ் கண்ட பகுதிகளில், அக்டோபர் 8-ம் தேதி, மின்சாரம் துண்டிக்கப்படும் என மின்சார வாரியம் அறிவிப்பு வெளியிட்டுள்ளது.

சென்னையில், பொதுமக்களுக்கு தடையில்லா மின்சாரம் வழங்குவதற்காக, ஒவ்வொரு மாதமும் மின்வாரியத்தின் தரப்பில் பழுது நீக்குதல், மின் கம்பிகளை மாற்றுதல் போன்ற பல்வேறு பராமரிப்பு பணிகள் சுழற்சி முறையில் மேற்கொள்ளப்பட்டு வருகிறது. இந்த பராமரிப்பு பணிகளின் போது, சம்பந்தப்பட்ட மின் பாதைகளைச் சேர்ந்த பகுதிகளில் மின்சாரம் துண்டிப்பு செய்யப்படும். இது தொடர்பாக, அப்பகுதி மக்களுக்கு மின்சார வாரியம் தரப்பிலிருந்து முக்கூட்டியே தகவல் அளிக்கப்படுவது வழக்கம். அந்த வகையில், நாளை கீழ்கண்ட பகுதிகளில் பிராமரிப்பு பணிகள் மேற்கொள்ளப்படுவதால், அப்பகுதிகளில் மின்சாரம் துண்டிக்கப்படும் என அறிவிக்கப்பட்டுள்ளது.

தாம்பரம்

மாடம்பாக்கம், வேங்கைவாசல், மப்பேடு, அகரம்தென், படுவாஞ்சேரி, கஸ்பாபுரம், செக்ரடேரியட் காலனி, கேம்ப் ரோடு, செம்பாக்கம், அகரம் மெயின் ரோடு, சேலையூர், விஜிபி சீனிவாச நகர், விஜிபி சரவணா நகர், காயத்திரி நகர், கிருஷ்ணா நகர், திருவாஞ்சேரி, நூத்தஞ்சேரி, கணபதி நகர், அலமேலுபுரம், கண்ணன் நகர், இந்திரா நகர், சோழன் நகர், சுதர்சன் நகர், டியானா ஸ்கை சிட்டி, திருமால் நகர், அன்னை சத்யா நகர், கணேஷ் நகர், மாருதி நகர் மற்றும் ஸ்ரீ தேவி நகர்.

கடப்பேரி

MEPZ பகுதி, மௌலானா நகர், சிங்காரவேலன் தெரு, திருநீர்மலை மெயின் ரோடு, ரங்கநாதபுரம், காதர் பாய் தெரு, கண்ணன் தெரு, ஜிஎஸ்டி சாலையின் ஒரு பகுதி, ரமேஷ் நகர், RV கார்டன், துரைசாமி பிள்ளை தெரு, MR தியேட்டர், முடிச்சூர் சர்வீஸ் சாலை, மார்க்கெட் பகுதி, கார்ப்பரேஷன் அலுவலகம், ஜட்ஜ் நகர் எம் வீதி, காமக்கொடி நகர், காந்தி காலனி. வள்ளுவர் குருகுலம்.

ராஜகீழ்பாக்கம்

வேளச்சேரி மெயின் ரோடு, மேத்தா நகர் மெயின் ரோடு, மகாலட்சுமி நகர் மெயின் ரோடு, மாருதி நகர், கோமதி நகர், ஐயப்ப நகர், விவேகானந்தன் தெரு, ராசுகி தெரு, வேணுகோபால் தெரு, அண்ணா தெரு, பாரதியார் தெரு, திருமகள் நகர், ஐஓபி காலனி, கேம்ப் ரோடு, அம்பேத்கர் நகர், ராஜீவ் காந்தி நகர், கலைஞர் கருணாநிதி நகர், துர்கா காலனி, வெங்கடரமணன் நகர், சிவகாமி நகர், முத்தமிழ் நகர், மணவாள நகர் மற்றும் ஏரிக்கரை தெரு.

ராமாபுரம்

ஐபிஎஸ் காலனி, மணப்பாக்கம், முகலிவாக்கம், கொளப்பாக்கம், ராமச்சந்திரா நகர், கெருகம்பாக்கம், நெசப்பாக்கம், வெங்கடேஸ்வரா நகர், ஜெய் பாலாஜி நகர், கான் நகர் மற்றும் கே.கே. பொன்னுரங்கம் சாலை.

திருவேற்காடு

சுந்தரசோழபுரம், ராம் நகர், சுந்தரவிநாயக நகர், செல்லியம்மன் நகர், கிரீன் பார்க், சக்கரேஸ்வரி நகர்.

குன்றத்தூர்

முருகன் கோவில் பகுதி, டெம்ப்பிள் டவுன், மேலந்தை எஸ் தெரு, பல்லவராயன் குளக்கரை தெரு, ராஜராஜேஸ்வரி நகர், ரங்கநாதன் நகர், நல்லேஸ்வரர் நகர், பண்டாரம் தெரு, ஜெகநாதபுரம், பூஜா அவென்யூ, பாபு நகர், குமரன் நகர், அக்‌ஷயா அடுக்குமாடி குடியிருப்பு, தங்கம் அவென்யூ மற்றும் மகாத்மா காந்தி நகர்.

திருவான்மியூர்

3-வது மற்றும் 4-வது மெயின் ரோடு, காமராஜ் நகர், பிடிசி டிப்போ, திருவள்ளுவர் சாலை, 5 முதல் 24-வது கிழக்கு தெரு, காமராஜ் நகர், தெற்கு அவென்யூ மற்றும் மங்கலேரி.

பெசன்ட் நகர்

எஸ்பிஐ காலனி, எல்லையம்மன் கோயில் தெரு, ஜெயராம் அவென்யூ, மற்றும் சாஸ்திரி நகர் 3-வது, 7-வது, 11-வது, 12-வது மற்றும் 14-வது குறுக்குத் தெருக்கள்.

முடிச்சூர்

ரங்கா நகர், அன்னை இந்திரா நகர், சாரங்க அவென்யூ, கேப்டன் சசிகுமார் நகர், திருவள்ளுவர் நகர், காமராஜர் நெடுஞ்சாலை, பேட்டை தெரு, கண்ணகி தெரு, மேட்டு தெரு, பஞ்சாயத்து போர்டு ரோடு மற்றும் சக்ரா அவென்யூ.

குரோம்பேட்டை

ராதா நகர், லட்சுமி நகர் 2-வது தெரு, கண்ணன் நகர் மற்றும் விரிவாக்கம், ஸ்டேஷன் பார்டர் ரோடு, பத்மாவதி நகர், கிழக்கு புதுவை நகர், ஜோசப் காலனி, சஞ்சய் காந்தி நகர், ஜாய் நகர், பிஎஸ்ஆர் குடியிருப்புகள், சீனிவாசபுரம், சாந்தி நகர் 1-வது மற்றும் 2-வது தெருக்கள், வைஷ்ணவ் கல்லூரி, ஜிஎஸ்டி சாலை, நியூ காலனி 1-வது தெரு மற்றும் சாஸ்திரி காலனி.

மேடவாக்கம்

தோஷி அடுக்குமாடி குடியிருப்பு, வள்ளி நகர், தளபதி ஸ்டாலின் தெரு, புனிதவதி காலனி 1 முதல் 6-வது தெருக்கள், திருவள்ளுவர் தெரு, வேம்புலியம்மன் கோயில் தெரு, கைலாஷ் நகர், ஸ்ரீ பெருமாள் நகர், அந்தோணி நகர், பஜனை கோயில் தெரு மற்றும் நூக்கம்பாளையம் சாலை.

மேற்கண்ட இடங்களில் பராமரிப்பு பணிகள் முடிந்த உடன், பிற்பகல் 2 மணிக்குள் மின் விநியோகம் மீண்டும் வழங்கப்படும் என மின்சார வாரியம் தனது செய்திக்குறிப்பில் தெரிவித்துள்ளது.