dharmapuri

ஜாமீனில் எடுத்த தாயை கொடூரமாக கொன்ற 20 வயது மகன்.. தமிழகத்தையே உலுக்கிய சம்பவம் - நடந்தது என்ன?

ராஜேஷ். எஸ் — Fri, 30 Oct 2026 15:13:20 +0530

தருமபுரி மாவட்டம் பழைய இண்டூர் பகுதியில் பெற்ற தாயையே மகன் கொலை செய்த அதிர்ச்சிகரமான சம்பவம் பெரும் பரபரப்பை ஏற்படுத்தியுள்ளது.

பழைய இண்டூர் பகுதியைச் சேர்ந்த சின்னபாப்பா(42) என்பவரின் மகன் தேவராஜ் (19). கூலி வேலை செய்து வரும் இவர், கஞ்சா போதையில் இருந்ததாகக் கூறப்படுகிறது. இந்நிலையில், வீட்டில் இருந்த தனது தாய் சின்னபாப்பாவை, கத்தியால் சரமாரியாகக் குத்தி, கொலை செய்துள்ளார்.

இதுகுறித்து தகவலறிந்த இண்டூர் காவல்துறையினர் சம்பவ இடத்திற்குச் சென்று உடலை கைப்பற்றி பிரேத பரிசோதனைக்காக தருமபுரி அரசு மருத்துவக் கல்லூரிக்கு மருத்துவமனைக்கு அனுப்பி வைத்து விசாரணை மேற்கொண்டு வருகின்றனர். தொடர்ந்து, தாயைக் கொலை செய்த தேவராஜை கைது செய்து காவல் நிலையத்திற்கு அழைத்துச் சென்று விசாரணை நடத்தி வருகின்றனர்.

இவர், கடந்த மூன்று மாதங்களுக்கு முன்பு இண்டூர் பேருந்து நிலையத்தில் காவலரின் தொப்பி அணிந்து கஞ்சா போதையில் பஸ் நிலையத்தில் அட்ராசிட்டி செய்ததில் போலீசார் இவரை கைது செய்து சிறையில் அடைத்தனர். இவர், நேற்று ஜாமீனில் வெளியே வந்த நிலையில் இன்று அவரது தாயை கொலை செய்தது குறிப்பிடத்தக்கது. மகனை ஜாமீனில் வெளியே கொண்டு வந்தவர் சின்னப்பாப்பா. வீட்டுக்கு வந்த மகனிடம் அறிவுரை கூறியுள்ளார். இதனால், ஆத்திரத்தில் பெற்ற தாய் என்றும் பாராமல் குத்திக் கொலை செய்துள்ளார்.

கஞ்சா போதையில் பெற்ற தாயையே மகன் கொலை செய்த சம்பவம் அப்பகுதி மக்களிடையே அதிர்ச்சியையும் சோகத்தையும் ஏற்படுத்தியுள்ளது.

Dharmapuri Power Cut: தருமபுரியில் நாளை (22-10-2026) எங்கெல்லாம் பவர் கட்? - மின் வாரியம் வெளியிட்ட லிஸ்ட்

ராஜேஷ். எஸ் — Wed, 21 Oct 2026 16:05:00 +0530

தருமபுரி மாவட்டத்தில் பல்வேறு பகுதிகளில் (அக்டோபர் 22, 2026, வியாழக்கிழமை) மின் பாதையில் பராமரிப்புப் பணிகள் நடைபெற உள்ளதால், காலை 9 மணி முதல் மாலை 5 மணி வரை மின்சாரம் தடை செய்யப்பட உள்ளது.

மாதாந்திர பராமரிப்புப் பணிகள்

தமிழ்நாட்டில் மாதாந்திர மின் பராமரிப்புப் பணிகள் காரணமாக மின்சாரம் நிறுத்தப்படும்போது, அது குறித்து முந்தைய நாள் அறிவிக்கப்படும். இந்த பராமரிப்புப் பணிகளின்போது, சிறிய பழுதுகளைச் சரிசெய்வது, மின்கம்பங்கள் மற்றும் மின்வழித்தடங்களில் உள்ள மரக்கிளைகளை அகற்றுவது போன்ற பல்வேறு பணிகளில் மின்சார வாரிய ஊழியர்கள் ஈடுபடுவார்கள். இந்நிலையில், தருமபுரி மாவட்டத்தில் பல்வேறு பகுதிகளில் நாளை காலை 9 மணி முதல் மாலை 5 மணி வரை மின்தடை செய்யப்படுவதாக அறிவிப்பு வெளியாகியுள்ளது.

மின் விநியோகம் தடைப்படும் பகுதிகள்

தருமபுரி மாவட்டம்

வெள்ளிச்சந்தை துணை மின் நிலையம்

வெள்ளிச்சந்தை, பாலக்கோடு, சர்க்கரை ஆலை, கடமடை, கொல்லஹள்ளி, எண்டபட்டி, மாரண்டஹள்ளி, புலிக்கரை, மல்லாபுரம், மோட்டூர்.

அதியமான்கோட்டை துணை மின் நிலையம்

அதியமான்கோட்டை, ஏலகிரி, சாமிசெட்டிபட்டி, பாளையம்புதூர், தடங்கம், ரெட்டிஹள்ளி, ஹெச்பிசிஎல், நாகர்கூடல், பரிகம், போலீஸ் குவாட்டர்ஸ், வெண்ணம்பட்டி.

மின்தடை நேரத்தில் செய்ய வேண்டியவை

மின்தடை காலங்களில் தகவல்களைப் பெறுவது மிகவும் முக்கியம். மின்சாரம் மீண்டும் வழங்கப்படும் நிலை மற்றும் அவசர அறிவிப்புகள் குறித்து தெரிந்துகொள்ள, குடியிருப்போர் பேட்டரி சக்தியில் இயங்கும் வானொலிகள் அல்லது முழுமையாக சார்ஜ் செய்யப்பட்ட மொபைல் போன்களை பயன்படுத்த வேண்டும். மொபைல் பேட்டரி ஆயுளை பாதுகாக்க, பவர் சேவிங் மோடினை இயக்கி, அவசர அழைப்புகள் மற்றும் குறுந்தகவல்கள் போன்ற தேவையான பயன்பாட்டிற்கு மட்டுமே போனைக் கொண்டு செயல்படுவது நல்லது.

பாதுகாப்பாக சமாளிக்க முடியும்

மின்தடை நேரத்தில் திடீர் மின்வெட்டு ஏற்படும் அபாயத்தைத் தவிர்க்க, லிப்டைப் பயன்படுத்தாமல் இருக்க வேண்டும். மேலும், அவசர தொடர்பு எண்கள் எளிதில் கிடைக்கும் வகையில் வைத்திருப்பதோடு, தண்ணீர், சிற்றுண்டி, மற்றும் முதலுதவி பெட்டி போன்ற அத்தியாவசிய பொருட்களையும் தயாராக வைத்திருக்க வேண்டும். இந்த முன்னெச்சரிக்கைகளைப் பின்பற்றுவதன் மூலம், குடியிருப்போர் மின்தடை நேரத்தை பாதுகாப்பாக சமாளிக்க முடியும்.

Dharmapuri Power Cut: தருமபுரியில் நாளை (21-10-2026) எங்கெல்லாம் மின் நிறுத்தம்? - மின் வாரியம் வெளியிட்ட லிஸ்ட்

ராஜேஷ். எஸ் — Tue, 20 Oct 2026 15:30:18 +0530

தருமபுரி மாவட்டத்தில் பல்வேறு பகுதிகளில் (அக்டோபர் 21, 2026, புதன்கிழமை) மின் பாதையில் பராமரிப்புப் பணிகள் நடைபெற உள்ளதால், காலை 9 மணி முதல் மாலை 5 மணி வரை மின்சாரம் தடை செய்யப்பட உள்ளது.

மாதாந்திர பராமரிப்புப் பணிகள்

மின் விநியோகம் தடைப்படும் பகுதிகள்

தருமபுரி மாவட்டம்

பென்னாகரம் துணை மின் நிலையம்

பென்னாகரம், ஒகேனக்கல், ஏரியூர், பெரும்பாலை, சின்னம்பள்ளி, பாப்பாரப்பட்டி, நகரை, நெருப்பூர், பி.அக்ரஹாரம், தாசம்பட்டி.

மின்தடை நேரத்தில் செய்ய வேண்டியவை

பாதுகாப்பாக சமாளிக்க முடியும்

Dharmapuri Power Cut: தருமபுரியில் நாளை (15-10-2026) எத்தனை இடங்களில் பவர் கட்? - வெளியானது லிஸ்ட்

ராஜேஷ். எஸ் — Wed, 14 Oct 2026 13:24:41 +0530

தருமபுரி மாவட்டத்தில் பல்வேறு பகுதிகளில் (அக்டோபர் 15, 2026, வியாழக்கிழமை) மின் பாதையில் பராமரிப்புப் பணிகள் நடைபெற உள்ளதால், காலை 9 மணி முதல் மாலை 5 மணி வரை மின்சாரம் தடை செய்யப்பட உள்ளது.

மாதாந்திர பராமரிப்புப் பணிகள்

மின் விநியோகம் தடைப்படும் பகுதிகள்

தருமபுரி மாவட்டம்

பாப்பிரெட்டிப்பட்டி துணை மின் நிலையம்

பாப்பிரெட்டிப்பட்டி, வெங்கடசமுத்திரம், மோளையனூர், பையர்நத்தம், தேவராஜபாளையம், சாமியாபுரம் எக்ஸ் ரோடு, காளிப்பேட்டை, மஞ்சவாடி, எச்.புதுப்பட்டி, ஏ.பள்ளிப்பட்டி, இருளப்பட்டி, அத்திகரப்பட்டி, மாரியம்பட்டி.

மொரப்பூர் துணை மின் நிலையம்

மொரப்பூர், கல்லூர், கேத்தனூர், எலவாடை, சென்னம்பட்டி, மரித்திப்பட்டி புதூர், பனமரத்துப்பட்டி, மூங்கேல்பட்டி, மூட்டூர்.

காரிமங்கலம் துணை மின் நிலையம்

காரிமங்கலம், கெரகோடஹள்ளி, பொம்மஹள்ளி, கெட்டூர், அனுமந்தபுரம், அண்ணாமலைஹள்ளி, நாகனம்பட்டி, தும்பலஹள்ளி, எட்டியனூர், எலுமிச்சஹள்ளி, பேரியம்பட்டி.

மின்தடை நேரத்தில் செய்ய வேண்டியவை

பாதுகாப்பாக சமாளிக்க முடியும்

Dharmapuri Power Cut: தருமபுரியில் நாளை (14-10-2026) எங்கெல்லாம் முழு நேர மின் தடை? - முழு லிஸ்ட் இதோ

ராஜேஷ். எஸ் — Tue, 13 Oct 2026 15:07:49 +0530

தருமபுரி மாவட்டத்தில் பல்வேறு பகுதிகளில் (அக்டோபர் 14, 2026, புதன்கிழமை) மின் பாதையில் பராமரிப்புப் பணிகள் நடைபெற உள்ளதால், காலை 9 மணி முதல் மாலை 5 மணி வரை மின்சாரம் தடை செய்யப்பட உள்ளது.

மாதாந்திர பராமரிப்புப் பணிகள்

மின் விநியோகம் தடைப்படும் பகுதிகள்

தருமபுரி மாவட்டம்

சோகத்தூர் துணை மின் நிலையம்

சோகத்தூர்

பிடமனேரி

மாந்தோப்பு

வி.ஜெட்டிஹள்ளி

அத்கபாடி

பீடரஹள்ளி

நியூ காலனி

இந்தூர்

குமாரசாமி பேட்டை

சோம்பட்டி

நேதாஜி பை-பாஸ் ரோடு.

மின்தடை நேரத்தில் செய்ய வேண்டியவை

பாதுகாப்பாக சமாளிக்க முடியும்

தருமபுரி மக்களுக்கு சூப்பர் நியூஸ்! நனவாகிறது 85 ஆண்டுகால பெருங்கனவு!

ராஜேஷ். எஸ் — Mon, 5 Oct 2026 13:07:11 +0530

மொரப்பூர் - இராணிமூக்கனூர் ரயில் பாதை அமைக்க டெண்டர் கோரப்பட்டதில் மகிழ்ச்சியளிப்பதாகவும் தருமபுரி வரை பணிகளை நீட்டிக்க நிலம் எடுத்துத் தர வேண்டும் என்றும் பாமக தலைவர் அன்புமணி ராமதாஸ் வலியுறுத்தியுள்ளார்.

இதுதொடர்பாக அவர் வெளியிட்டுள்ள அறிக்கையில் கூறியிருப்பதாவது:

தருமபுரி - மொரப்பூர் இடையே 38 கி.மீ நீளத்திற்கு புதிய தொடர்வண்டிப் பாதை அமைக்கும் திட்டத்தின் முதல் கட்டமாக மொரப்பூர் முதல் இராணி மூக்கனூர் வரை 10.221 கி.மீ தொலைவுக்கு புதிய பாதை அமைப்பதற்கான ஒப்பந்தப்புள்ளிகளை தொடர்வண்டித்துறை அமைச்சகம் கோரியுள்ளது. இதன் மூலம் தருமபுரி மாவட்ட மக்களின் 85 ஆண்டு கால கனவை நனவாக்கும் பணிகள் தொடங்கப்பட்டிருப்பது மிகுந்த மகிழ்ச்சியளிக்கிறது. தருமபுரி - மொரப்பூர் தொடர்வண்டிப் பாதை திட்டம் என் மனதுக்கு மிகவும் நெருக்கமான திட்டம் ஆகும். 2014&ஆம் ஆண்டு தருமபுரி மக்களவை உறுப்பினராக தேர்ந்தெடுக்கப்பட்ட நான் நாடாளுமன்றத்திலும், அடுத்தடுத்து வந்த தொடர்வண்டித் துறை அமைச்சர்களிடமும் தொடர்ந்து பேசியதன் பயனாக 2016&17 ஆம் ஆண்டுக்கான தொடர்வண்டித்துறை நிதிநிலை அறிக்கையில் இந்தத் திட்டம் சேர்க்கப்பட்டது. இத்திட்டத்தை ரூ.358.95 கோடியில் செயல்படுத்தவும் தொடர்வண்டித்துறை அமைச்சகம் 06.02.2019 அன்று ஒப்புதல் அளித்தது.

அதைத் தொடர்ந்து 04.03.2019&ஆம் நாள் எனது முன்னிலையில் இத்திட்டத்திற்கு அடிக்கல் நாட்டப்பட்டது. அதன்பின் 9 ஆண்டுகளுக்கு மேலாகிவிட்ட நிலையில், இதுவரை தொடர்வண்டிப் பாதை அமைக்கும் பணிகள் தொடங்கப்படாத நிலையில், அதன் ஒரு பகுதிக்கு இப்போது ஒப்பந்தப்புள்ளிகள் கோரப்பட்டிருப்பது குறிப்பிடத்தக்க முன்னேற்றம் ஆகும். மீதமுள்ள 28 கி.மீ தொலைவில் 8 கி.மீ நீள பாதையில் சில இடங்களில் ஆக்கிரமிப்புகள் செய்யப்பட்டுள்ளதால் நிலங்களை கையகப்படுத்துவதில் சிக்கல் ஏற்பட்டது. இத்திட்டத்திற்கு தேவையான 93.11 ஹெக்டேர் நிலங்களில் 46.79 நிலங்கள் கையகப்படுத்தித் தரபட்டுள்ளன. தனியார் பட்டா நிலங்களில் 26.19 ஹெக்டேர் நிலங்களை கையகப்படுத்தும் பணி நிறுத்தி வைக்கப்பட்டிருப்பது தான் அடுத்தக்கட்ட பணிகளை இன்னும் தொடங்க முடியாததற்கு காரணம் ஆகும்.

ஒரு மாவட்டத்தின் வளர்ச்சிக்கு அந்த மாவட்டத்தின் தலைநகரம் மாநிலத் தலைநகருடன் இணைக்கப்பட்டிருக்க வேண்டியது கட்டாயம் ஆகும். அந்த வகையில் தருமபுரியை சென்னையுடன் இணைக்கத் தேவையான இந்தத் திட்டத்தை செயல்படுத்த வசதியாக அதற்கு தேவைப்படும் நிலங்களை போர்க்கால அடிப்படையில் கையகப்படுத்திக் கொடுக்க தமிழக அரசு நடவடிக்கை எடுக்க வேண்டும் என்று வலியுறுத்துகிறேன்.

85 ஆண்டு கால கனவு நனவாகிறது! தருமபுரி - மொரப்பூர் ரயில் பாதை திட்டத்தில் முக்கிய திருப்பம்- அன்புமணி பெருமிதம்!

சிவரஞ்சித் — Mon, 5 Oct 2026 11:59:14 +0530

மொரப்பூர் - இராணிமூக்கனூர் ரயில் பாதை அமைக்க
டெண்டர் கோரப்பட்டதில் மகிழ்ச்சி: தருமபுரி வரை
பணிகளை நீட்டிக்க நிலம் எடுத்துத் தர வேண்டும்!

பா.ம.க. தலைவர் மருத்துவர் அன்புமணி இராமதாஸ் வலியுறுத்தல்

தருமபுரி - மொரப்பூர் தொடர்வண்டிப் பாதை திட்டம் என் மனதுக்கு மிகவும் நெருக்கமான திட்டம் ஆகும். 2014&ஆம் ஆண்டு தருமபுரி மக்களவை உறுப்பினராக தேர்ந்தெடுக்கப்பட்ட நான் நாடாளுமன்றத்திலும், அடுத்தடுத்து வந்த தொடர்வண்டித் துறை அமைச்சர்களிடமும் தொடர்ந்து பேசியதன் பயனாக 2016&17 ஆம் ஆண்டுக்கான தொடர்வண்டித்துறை நிதிநிலை அறிக்கையில் இந்தத் திட்டம் சேர்க்கப்பட்டது. இத்திட்டத்தை ரூ.358.95 கோடியில் செயல்படுத்தவும் தொடர்வண்டித்துறை அமைச்சகம் 06.02.2019 அன்று ஒப்புதல் அளித்தது.

அதைத் தொடர்ந்து 04.03.2019&ஆம் நாள் எனது முன்னிலையில் இத்திட்டத்திற்கு அடிக்கல் நாட்டப்பட்டது. அதன்பின்7 ஆண்டுகளுக்கு மேலாகிவிட்ட நிலையில், இதுவரை தொடர்வண்டிப் பாதை அமைக்கும் பணிகள் தொடங்கப்படாத நிலையில், அதன் ஒரு பகுதிக்கு இப்போது ஒப்பந்தப்புள்ளிகள் கோரப்பட்டிருப்பது குறிப்பிடத்தக்க முன்னேற்றம் ஆகும்.

மீதமுள்ள 28 கி.மீ தொலைவில் 8 கி.மீ நீள பாதையில் சில இடங்களில் ஆக்கிரமிப்புகள் செய்யப்பட்டுள்ளதால் நிலங்களை கையகப்படுத்துவதில் சிக்கல் ஏற்பட்டது. இத்திட்டத்திற்கு தேவையான 93.11 ஹெக்டேர் நிலங்களில் 46.79 நிலங்கள் கையகப்படுத்தித் தரபட்டுள்ளன. தனியார் பட்டா நிலங்களில் 26.19 ஹெக்டேர் நிலங்களை கையகப்படுத்தும் பணி நிறுத்தி வைக்கப்பட்டிருப்பது தான் அடுத்தக்கட்ட பணிகளை இன்னும் தொடங்க முடியாததற்கு காரணம் ஆகும்.

Dharmapuri power cut: தருமபுரியில் அக்., 5ஆம் தேதி எங்கெல்லாம் கரண்ட் இருக்காது? - மின்வாரியம் வெளியிட்ட லிஸ்ட்

ராஜேஷ். எஸ் — Sat, 3 Oct 2026 17:30:57 +0530

தருமபுரி மாவட்டத்தில் பல்வேறு பகுதிகளில் (அக்டோபர் 05, 2026, திங்கட்கிழமை) மின் பாதையில் பராமரிப்புப் பணிகள் நடைபெற உள்ளதால், காலை 9 மணி முதல் மாலை 5 மணி வரை மின்சாரம் தடை செய்யப்பட உள்ளது.

மாதாந்திர பராமரிப்புப் பணிகள்

தமிழ்நாட்டில் மாதாந்திர மின் பராமரிப்புப் பணிகள் காரணமாக மின்சாரம் நிறுத்தப்படும்போது, அது குறித்து முந்தைய நாள் அறிவிக்கப்படும். இந்த பராமரிப்புப் பணிகளின்போது, சிறிய பழுதுகளைச் சரிசெய்வது, மின்கம்பங்கள் மற்றும் மின்வழித்தடங்களில் உள்ள மரக்கிளைகளை அகற்றுவது போன்ற பல்வேறு பணிகளில் மின்சார வாரிய ஊழியர்கள் ஈடுபடுவார்கள். இந்நிலையில், பெரம்பலூர் மாவட்டத்தில் பல்வேறு பகுதிகளில் நாளை காலை 9 மணி முதல் மாலை 5 மணி வரை மின்தடை செய்யப்படுவதாக அறிவிப்பு வெளியாகியுள்ளது.

மின் விநியோகம் தடைப்படும் பகுதிகள்

தருமபுரி மாவட்டம்

ராமியனஹள்ளி துணை மின் நிலையம்

ராமியனஹள்ளி

சிந்தல்பாடி

பசுவபாபுரம்

காவேரிபுரம்

தென்கரைக்கோட்டை

பூதநத்தம்

மின்தடை நேரத்தில் செய்ய வேண்டியவை

பாதுகாப்பாக சமாளிக்க முடியும்

62-ஆம் ஆண்டில் தருமபுரி மாவட்டம்: இழந்த பெருமையை மீட்டெடுப்போம் ! - சௌமியா அன்புமணி

சிவரஞ்சித் — Fri, 2 Oct 2026 16:14:47 +0530

தருமபுரி: சேலம் மாவட்டத்திலிருந்து பிரிக்கப்பட்டு 1965-ஆம் ஆண்டு அக்டோபர் 2-ஆம் தேதி தனி மாவட்டமாக உருவாக்கப்பட்ட தருமபுரி, தற்போது 62-ஆம் ஆண்டில் அடியெடுத்து வைப்பதாகக் கூறி, மாவட்டத்தின் வளர்ச்சிக்காக அனைவரும் உறுதியேற்க வேண்டும் என பாமக சட்டப்பேரவைக் கட்சித் தலைவர் முனைவர் சௌமியா அன்புமணி தெரிவித்துள்ளார்.

இதுதொடர்பாக அவர் வெளியிட்டுள்ள வாழ்த்துச் செய்தியில் கூறியிருப்பதாவது:

“தருமபுரி மாவட்டம் 62-ஆம் ஆண்டில் அடியெடுத்து வைப்பது மகிழ்ச்சியளிக்கிறது. இந்த நாளில் தருமபுரி மாவட்ட மக்கள், அரசு அதிகாரிகள், அரசியல் கட்சியினர் உள்ளிட்ட அனைவருக்கும் எனது வாழ்த்துகளைத் தெரிவித்துக் கொள்கிறேன்.

தருமபுரி மாவட்டத்திற்கு ஏராளமான சிறப்புகள் உள்ளன. ஆனால், வேளாண்மை மற்றும் தொழில் வளம் உள்ளிட்ட துறைகளில் கடந்த 61 ஆண்டுகளில் மாவட்டம் பெற்றதைவிட இழந்தது அதிகம்.

ஒரு காலத்தில் தொழில் வளர்ச்சி நிறைந்த பகுதிகளைக் கொண்டிருந்த தருமபுரி மாவட்டம், 2004-ஆம் ஆண்டு ஓசூர் உள்ளிட்ட பகுதிகள் பிரிக்கப்பட்டு கிருஷ்ணகிரி மாவட்டம் உருவாக்கப்பட்ட பிறகு அந்த சிறப்பை இழந்தது. இதன் காரணமாக தருமபுரி மாவட்ட இளைஞர்களுக்கு போதிய வேலைவாய்ப்புகள் இல்லை” என்று சௌமியா அன்புமணி தெரிவித்துள்ளார்.

பாசன வசதிகள் தேவை

“தமிழ்நாட்டில் முதன்முதலில் தருமபுரியில் கரும்பு பயிரிடப்பட்டதாகக் கூறப்படும் அளவுக்கு இப்பகுதியில் ஒரு காலத்தில் நீர்வளம் இருந்தது. ஆனால், தற்போது போதிய பாசன ஆதாரங்கள் இல்லாததால் விவசாயம் பாதிக்கப்பட்டுள்ளது.

தருமபுரி மாவட்டத்தின் நீண்டகால கோரிக்கைகளில் ஒன்றான காவிரி உபரி நீர் திட்டத்தை செயல்படுத்த வேண்டும் என்று தொடர்ந்து வலியுறுத்தி வருகிறோம். இந்தத் திட்டம் குறித்து 2026-ஆம் ஆண்டிலும் சௌமியா அன்புமணி சட்டப்பேரவையில் கோரிக்கை முன்வைத்ததாக செய்திகள் வெளியாகியுள்ளன.

சென்னையுடன் ரயில் இணைப்பு

ஆயிரம் ஆண்டுகளுக்கு முன்பே தமிழ்நாட்டின் வடபகுதிகளையும் பிற பகுதிகளையும் இணைக்கும் முக்கியப் பாதையாக தருமபுரி திகழ்ந்ததாகக் குறிப்பிட்ட சௌமியா அன்புமணி, தற்போதைய நிலையில் தருமபுரியை சென்னையுடன் நேரடியாக இணைக்கும் ரயில் பாதை இல்லாத நிலை குறித்து சுட்டிக்காட்டியுள்ளார்.

தருமபுரி-மொரப்பூர் ரயில் பாதை திட்டத்தை விரைந்து செயல்படுத்த வேண்டும் என்பதும் தொடர்ந்து முன்வைக்கப்படும் கோரிக்கையாக உள்ளது. இந்தத் திட்டப் பணிகள் விரைவில் தொடங்கும் என சௌமியா அன்புமணி 2026 ஜூன் மாதம் தெரிவித்திருந்தார்.

மதுவிலக்கு அமல்படுத்த வலியுறுத்தல்

மேலும், 1937-ஆம் ஆண்டு சென்னை மாகாணத்தில் முதன்முதலில் மதுவிலக்கு நடைமுறைப்படுத்தப்பட்ட நான்கு மாவட்டங்களில் அன்றைய சேலம் மாவட்டமும் இடம்பெற்றிருந்ததாக சௌமியா அன்புமணி தனது அறிக்கையில் குறிப்பிட்டுள்ளார்.

“அப்போது மதுவிலக்கின் அடையாளமாக இருந்த தருமபுரி மாவட்டம், தற்போது அதிக மது வணிகம் நடைபெறும் மாவட்டமாக மாறியிருக்கிறது. எனவே மதுவிலக்கை மீண்டும் செயல்படுத்த வேண்டும்” என அவர் வலியுறுத்தியுள்ளார்.

நான்கு முக்கிய கோரிக்கைகள்

தருமபுரி மாவட்டம் தனது பழைய பெருமைகளை மீண்டும் பெறுவதற்காக தருமபுரி–காவிரி உபரி நீர் திட்டம், தருமபுரி சிப்காட் வளாகம், தருமபுரி–மொரப்பூர் ரயில் பாதை மற்றும் மதுவிலக்கு ஆகியவற்றை செயல்படுத்த வேண்டும் என சௌமியா அன்புமணி வலியுறுத்தியுள்ளார்.

“வள்ளல் அதியமான் ஆட்சி செய்த தகடூர் எனப்படும் தருமபுரி மாவட்டம், இழந்த பெருமைகளை மீண்டும் பெற வேண்டும். இந்த இலக்குகளில் நாம் விரைவில் வெற்றி பெறுவதற்காக அனைவரும் ஒன்றிணைந்து உழைக்க வேண்டும். தொழில், பாசனம், போக்குவரத்து உள்ளிட்ட கட்டமைப்புகளில் முன்னேறிய மாவட்டமாக தருமபுரியை உயர்த்த `உறுதியேற்போம்” என்றும் அவர் தெரிவித்துள்ளார்.

" 10 ஆண்டுகளாக அக்கிரமம் " பள்ளி மாணவிக்கு ஆபாச மெசேஜ் !! பாலியல் தொல்லை கொடுத்த ஆசிரியர்

சேர்மசாமி — Sun, 27 Sep 2026 22:52:15 +0530

"மாணவியின் செல்போனுக்கு ஆபாச மெசேஜ்"

தருமபுரி மாவட்டம் அருகே உள்ள அரசு உயர்நிலைப் பள்ளியில் கணித ஆசிரியராக பணியாற்றி வருபவர் தங்கவேல். இவர் கடந்த 10 ஆண்டுகளாக அப்பள்ளியில் ஆசிரியராக பணியாற்றி வந்துள்ளார். இந்நிலையில் , கடந்த சில நாட்களாக பள்ளியில் பயிலும் அதே பகுதியை சேர்ந்த மாணவி ஒருவருக்கு தங்கவேல் பாலியல் தொல்லை கொடுத்து வந்திருக்கிறார்.

மேலும் மாணவியின் செல்போனுக்கு இரவு நேரங்களில் ஆபாசமாக அனுப்பியதாகவும் கூறப்படுகிறது. இதனால் அச்சமடைந்த மாணவி இது குறித்து தனது நண்பர்களிடம் பகிர்ந்த நிலையில் இதனை அறிந்த அப்பள்ளியில் பணியாற்றும் மற்ற ஆசிரியர்கள் தங்கவேலை கண்டித்ததாக தெரிகிறது.

"பள்ளியை முற்றுகையிட்ட பெற்றோர்கள்"

இருப்பினும் தங்கவேல் தொடர்ந்து மாணவிக்கு பாலியல் தொல்லை கொடுத்து வந்திருக்கிறார். இதனால் மிகுந்த மன உளைச்சல் அடைந்த மாணவி இது குறித்து அவரது பெற்றோரிடம் தெரிவித்த நிலையில் அதிர்ச்சி அடைந்த பெற்றோர், தனது உறவினர்கள் உதவியுடன் பள்ளியை முற்றுகையிட்டு, தலைமை ஆசிரியரிடம் புகார் தெரிவித்துள்ளனர். இது குறித்து தகவல் அறிந்த மாவட்ட கல்வி அலுவலர் பள்ளிக்கு நேரில் சென்று விசாரணை மேற்கொண்டார்.

பின்னர், சம்பவம் தொடர்பாக பாப்பாரப்பட்டி காவல் நிலையத்திற்கு தகவல் தெரிவிக்கப்பட்டது. இதையடுத்து பள்ளிக்கு வந்த காவல்துறையினர் ஆசிரியர் தங்கவேலை காவல் நிலையத்திற்கு அழைத்துச் சென்று விசாரணை நடத்தினர். விசாரணையில் , மாணவிக்கு பாலியல் தொந்தரவு கொடுத்ததுடன், அவரது செல்போனுக்கு குறுஞ் செய்திகள் அனுப்பியது உறுதி செய்யப்பட்டதாக போலீசார் தெரிவித்தனர்.

"போக்சோ சட்டத்தில் கைது"

இதனைத் தொடர்ந்து பென்னாகரம் அனைத்து மகளிர் காவல் நிலைய போலீசார் ஆசிரியர் தங்கவேலை போக்சோ சட்டத்தின் கீழ் கைது செய்தனர். மேலும் , ஆசிரியர் தங்கவேல் மீது ஏற்கனவே போக்சோ வழக்கு பதிவு செய்யப்பட்டுள்ளதாக கூறப்படுகிறது. பல்வேறு பள்ளிகளில் இது போன்ற புகார்களில் சிக்கி, அவர் பணியிடமாற்றம் செய்யப்பட்டதாகவும் தகவல் வெளியாகியுள்ளது. இருப்பினும் இந்த விவகாரம் குறித்து போலீசார் தொடர்ந்து விசாரணை மேற்கொண்டு வருகின்றனர்.