நாடு முழுவதும் கடந்த சில தினங்களாக கொரோனா பாதிப்பு அதிகரித்து வருகிறது. இதையடுத்து, கொரோனா தடுப்பு நடவடிக்கைகளை மத்திய அரசும், மாநில அரசுகளும் தீவிரப்படுத்தி வருகின்றனர். தமிழகத்திலும் கடந்த சில தினங்களாக கொரோனா பாதிப்பு அதிகரித்து வருகிறது. தமிழகத்தில் நீண்ட நாட்களுக்கு பிறகு கடந்த 19-ந் தேதி கொரோனாவால் பாதிக்கப்பட்டோர் எண்ணிக்கை மீண்டும் ஆயிரத்தை தாண்டியது. இந்த நிலையில், மூன்றாவது நாளாக தொடர்ந்து கொரோனாவால் பாதிக்கப்பட்டோர் எண்ணிக்கை ஆயிரத்தை கடந்துள்ளது.
இன்றைய நிலவரப்படி, கொரோனாவால் பாதிக்கப்பட்டோர் எண்ணிக்கை 1,289 ஆக உயர்ந்துள்ளது. சென்னையில் மட்டும் கொரோனாவால் பாதிக்கப்பட்டோர் எண்ணிக்கை 458ல் இருந்து 466 ஆக உயர்ந்துள்ளது. கொரோனா தொற்று பரவியது முதல் இன்று வரை தமிழகம் முழுவதும் கொரோனா பாதிப்பால் 12,599 நபர்கள் உயிரிழந்துள்ளனர்.