Senthilbalaji : அரசு நிறுவனங்கள் மீது அவதூறு பரப்பினால் சட்ட நடவடிக்கை - அமைச்சர் செந்தில்பாலாஜி எச்சரிக்கை..!

அரசியல் ஆதாயம் கிடைத்துவிடாதா என ஆடு வேடமணிந்து திரியும் குள்ளநரிகள் எண்ணுவதாக தமிழக பாஜக தலைவர் அண்ணாமலையை கடுமையாக விமர்சித்துள்ளார் அமைச்சர் செந்தில் பாலாஜி.

கோவையில் ஞாயிறு அதிகாலை நிகழ்ந்த கார் வெடிகுண்டு விபத்தையடுத்து, தமிழக அரசை பாஜக தலைவர் அண்ணாமலை கடுமையாக விமர்சித்து வருகிறார். இது ஒரு தற்கொலைப் படை தாக்குதல் என சந்தேகிப்பதாக அண்ணாமலை கூறினார். இதற்கு தக்க பதிலளிக்கும் வகையில் அமைச்சர் செந்தில் பாலாஜி கடுமையாக விமர்சனம் செய்து பதிவிட்டுள்ளார்.