தேசிய சுகாதார திட்டத்தின் கீழ் கோயம்புத்தூர் மாவட்டத்தில் மருத்துவம் - மக்கள் நல்வாழ்வுத்துறையின் கீழ் காலியாக உள்ள 32 பணியிடங்களுக்கான வேலைவாய்ப்பு அறிவிப்பை மாவட்ட நல்வாழ்வு சங்கம் வெளியிட்டுள்ளது. பல் மருத்துவ அறுவை சிகிச்சை, யோகா மற்றும் இயற்கை மருத்துவம், சிகிச்சை உதவியாளர், பல் மருத்துவ டெக்னீஷியன் உள்ளிட்ட பதவிகளில் காலிப்பணியிடங்கள் நிரப்பப்படுகிறது.

மாவட்ட சித்த மருத்துவ ஆலுவலகம், கோயம்புத்தூர், திருப்பூர், கோயம்புத்தூர் மாநகராட்சி, கோவை மருத்துவக் கல்லூரி மருத்துவமனை, ஆரம்ப சுகாதார நிலையம் ஆகிய இடங்களில் இப்பணியிடங்கள் நிரப்பப்படுகிறது.

வயது , கல்வித்தகுதி

இப்பணியிடங்களுக்கு விண்ணப்பிக்கும் நபர்கள் 59 வயதிற்கு குறைவாக இருக்க வேண்டும். பல் மருத்துவ அறுவை சிகிச்சையாளர் பதவிக்கு 35 வயதிற்குள் இருக்க வேண்டும், பல் மருத்துவ டெக்னீஷியன் மற்றும் தூய்மை செய்பவர் பதவிகளுக்கு 20 முதல் 35 வயதிற்குள்ளும், மருத்துவமனை ஊழியர் பதவிக்கு 45 வயதிற்குள்ளும் இருக்க வேண்டும்.

  • பல் மருத்துவ அறுவை சிகிச்சையாளர் பதவிக்கு பிடிஎஸ் பட்டப்படிப்புடன் தமிழ்நாடு பல் மருத்துவ கவுன்சிலில் பதிவு செய்திருக்க வேண்டும். 1 ஆண்டு அனுபவம் தேவை.
  • யோகா மற்றும் இயற்கை மருத்துவ மருத்துவர் பதவிக்கு அதற்கான முதுகலை பட்டப்படிப்பு முடித்திருக்க வேண்டும்.
  • யோகா நிபுணர் பதவிக்கு BNYS முடித்திருக்க வேண்டும்.
  • சிகிச்சை உதவியாளர் பதவிக்கு அதற்கான டிப்ளமோ முடித்திருக்க வேண்டும்.
  • மருந்தாளர் பதவிக்கு பார்மசி டிப்ளமோ முடித்திருக்க வேண்டும்.
  • பல் மருத்துவ டெக்னீஷியன் பதவிக்கு டென்டல் டெக்னாலஜி-யில் டிப்ளமோ முடித்திருக்க வேண்டும்.
  • தூய்மை செய்பவர் மற்றும் மருத்துவமனை ஊழியர் பதவிகளுக்கு 8-ம் வகுப்பு தேர்ச்சி பெற்றிருக்க வேண்டும். தமிழ் எழுத மற்றும் படிக்க தெரிந்திருப்பது அவசியமாகும்.

கோயம்புத்தூரில் உள்ள இப்பணியிடங்களுக்கு https://coimbatore.nic.in/ என்ற இணையதளத்தில் விண்ணப்பம் வெளியிடப்பட்டுள்ளது. இப்பணியிடங்களுக்கு உரிய கல்வித்தகுதி பெற்றவர்கள் இதனை பதிவிறக்கம் செய்துகொள்ளலாம். முழுமையான நிரப்பப்பட்ட விண்ணப்பத்துடன் தேவையான ஆவணங்களை இணைத்து நேரிலோ அல்லது தபால் வழியாகவோ விண்ணப்பிக்கலாம். விண்ணப்பிக்க கடைசி தேதி 19.01.2026 ஆகும்.

அனுக வேண்டிய முகவரி : உறுப்பினர் செயலாளர்/ மாவட்ட சுகாதார அலுவலர்,மாவட்ட நல்வாழ்வு சங்கம், மாவட்ட சுகாதார அலுவலகம்,219, ரேஸ் கோர்ஸ் ரோடு,கோயம்புத்தூர் - 18.

இப்பணியிடங்கள் முற்றிலும் தற்காலிக அடிப்படையில் ஒப்பந்த முறையில் நிரப்பப்படுவதால், விண்ணப்பதார்களுக்கு நேர்காணல் நடத்தப்பட்டு, காலிப்பணியிடங்களுக்கு ஆட்கள் தேர்வு செய்யப்படுவார்கள் என கூறப்படுகிறது.