TN Budget 2026: தமிழக பட்ஜெட்டில் முக்கிய அறிவிப்பு! உலகளவில் புகழ்பெறப்போகும் ECR கடற்கரை சாலை!

Tamil Nadu Budget 2026: "தமிழர் பாரம்பரியத்தை உலகறியச் செய்ய புதிய திட்டம், கிழக்கு கடற்கரைச் சாலை பண்பாட்டுத் தலங்களை தரம் உயர்த்த பட்ஜெட்டில் ₹5 கோடி நிதி ஒதுக்கீடு செய்யப்பட்டுள்ளது."

தமிழ்நாடு பட்ஜெட்

Source : Abp nadu

Tamil Nadu Budget 2026-27 Highlights: தமிழ்நாட்டின் தொன்மை வாய்ந்த வரலாறு, கலை மற்றும் பண்பாட்டு மரபைப் பாதுகாக்கும் நோக்கிலும், தமிழர்களின் உலகளாவிய பெருமையை உலகறியச் செய்யும் வகையிலும் அரசு சார்பில் பல்வேறு சிறப்பு திட்டங்கள் தொடர்ந்து செயல்படுத்தப்பட்டு வருகின்றன. அந்த வகையில், இன்று நடைபெற்ற நிதிநிலை அறிக்கை (பட்ஜெட்) தாக்கலின் போது, பண்பாட்டுத் துறை மற்றும் சுற்றுலாத் துறை மேம்பாட்டிற்காகப் பல்வேறு முக்கிய அறிவிப்புகள் வெளியிடப்பட்டுள்ளன.

சட்டமன்றத்தில் நிதி அமைச்சர் மரியா வில்சன் அவர்கள் இன்றைய பட்ஜெட்டை தாக்கல் செய்து உரை நிகழ்த்தினார். இந்த பட்ஜெட் உரையின் போது, பாரம்பரிய பெருமைகளை அடுத்த தலைமுறைக்குக் கொண்டு சேர்ப்பதற்கான தொலைநோக்கு திட்டங்கள் குறித்து விரிவாக எடுத்துரைக்கப்பட்டது.

கிழக்கற்கரைச் சாலை பண்பாட்டுத் தலங்கள் தரம் உயர்வு

தமிழர்களின் வரலாற்றுச் சிறப்புமிக்க இடங்களையும், தொல்லியல் சிறப்பு பெற்ற பகுதிகளையும் உலகளாவிய சுற்றுலாப் பயணிகளைக் கவரும் வகையில் மேம்படுத்த அரசு திட்டமிட்டுள்ளது. அதிலும் குறிப்பாக, கிழக்கு கடற்கரைச் சாலையில் அமைந்துள்ள முக்கிய பாரம்பரிய பண்பாட்டுத் தலங்கள் அனைத்தும் உலகத் தரத்திற்கு உயர்த்தப்பட உள்ளன.

வரலாற்று முக்கியத்துவம் வாய்ந்த நினைவிடங்கள், பழமையான கட்டடக் கலை அரிய அடையாளங்கள் மற்றும் தொல்லியல் சிறப்புடைய இடங்களைச் சீரமைத்து, தேவையான அனைத்து அடிப்படை உள்கட்டமைப்பு வசதிகளையும் மேம்படுத்த நடவடிக்கைகள் மேற்கொள்ளப்பட்டு வருகின்றன.

விரிவான திட்ட அறிக்கை தயாரிப்புக்கு ₹5 கோடி ஒதுக்கீடு

கிழக்கு கடற்கரைச் சாலையில் உள்ள பண்பாட்டுத் தலங்களைத் தரம் உயர்த்தும் பணிகளை முறைப்படியும் தொலைநோக்குப் பார்வையோடும் மேற்கொள்வதற்காக, முதற்கட்டமாக விரிவான திட்ட அறிக்கை (DPR) தயாரிக்க முடிவு செய்யப்பட்டுள்ளது. இந்த விரிவான திட்ட அறிக்கையைத் தயாரிக்கும் பணிகளுக்கென பட்ஜெட்டில் ரூபாய் 5 கோடி நிதி ஒதுக்கீடு செய்யப்பட்டுள்ளதாக மரியா வில்சன் தனது பட்ஜெட் உரையில் அதிகாரப்பூர்வமாகத் அறிவித்துள்ளார். இந்த நிதியின் மூலம், அப்பகுதிகளின் தொன்மை மாறாமல் பாதுகாப்பதோடு, சுற்றுலாப் பயணிகளுக்கான வசதிகளை மேம்படுத்துவதற்கான முழுமையான வரைபடம் மற்றும் வழிகாட்டுதல்கள் உருவாக்கப்படவுள்ளன.

தமிழரின் வரலாற்றைப் பாதுகாக்கும் அரசின் முயற்சி

தமிழ்நாட்டின் பாரம்பரியத்தையும், தொன்மையான கட்டடக் கலைச் சிறப்புகளையும் எதிர்காலத் தலைமுறையினர் போற்றிப் பாதுகாக்கும் வகையில் இந்த நடவடிக்கை மிக முக்கியமானதாகப் பார்க்கப்படுகிறது. இதன் மூலம் கிழக்கு கடற்கரைச் சாலைப் பகுதியில் உள்ள உலகப் புகழ்பெற்ற சுற்றுலாத் தலங்கள் மேலும் பொலிவு பெறுவதோடு, சர்வதேச அளவில் அதிக அளவிலான சுற்றுலாப் பயணிகளை ஈர்க்கும் வாய்ப்பும் ஏற்படும். தமிழரின் பண்பாட்டு மரபையும் வரலாற்றையும் உலகரங்கில் உயர்த்தும் இந்த திட்டம் மக்களிடையே பெரும் வரவேற்பைப் பெற்றுள்ளது.