பணம் கேட்டதால் ஏற்பட்ட தகராறு !! பலத்த சத்தத்துடன் விழுந்த பாட்டில்கள் !! நடந்தது என்ன ?
அத்தோ கடையில் சாப்பிட்டதற்கு பணம் கேட்ட விவகாரத்தில் கடையின் உரிமையாளர் வீட்டின் மீது பெட்ரோல் குண்டு வீசிய வழக்கில் நான்கு பேர் கைது
அமமுக நிர்வாகியின் அத்தோ கடை
சென்னை வியாசர்பாடி இந்திரா காந்தி நகர் மெயின் தெரு பகுதியில் வசித்து வருபவர் பாலமுருகன் ( வயது 47 ) இவர் அதே பகுதியில் சொந்தமாக அத்தோ கடை வைத்து நடத்தி வருகிறார். இவர் அ.ம.மு.க கட்சியில் பெரம்பூர் துணைப் பகுதி செயலாளராக உள்ளார். இவரது வீட்டில் இவரது அண்ணன் ரவி குடும்பத்தினர் ஒரு மாடியிலும் பாலமுருகன் குடும்பத்தினர் மற்றொரு மாடியிலும் வசித்து வருகின்றனர்.
பாட்டில் உடைவது போல் பலத்த சத்தம்
இவர்களது வீட்டின் வெளியே பாட்டில் உடைவது போன்று பலத்த சத்தம் கேட்டது உடனே கீழ்த்தரத்தில் வசிக்கும் ரவி என்பவர் ஓடி வந்து பார்த்த போது அங்கு பீர் பாட்டில் உடைந்து தீப்பற்றி எரிந்து கொண்டிருந்துள்ளது. உடனே ரவி கூச்சலிட்டு தனது தம்பி பாலமுருகனை அழைத்து தண்ணீர் ஊற்றி தீயை அணைத்துள்ளனர்.
4 இளைஞர்கள் கைது
இது குறித்து உடனடியாக காவல் கட்டுப்பாட்டு அறைக்கு தகவல் தெரிவித்தனர். ரோந்து பணியில் இருந்த எம்.கே.பி நகர் போலீ சார் அப்பகுதியில் உள்ள சி.சி டிவி கட்சிகளை ஆய்வு செய்து , வியாசர்பாடி கருணாநிதி சாலை நான்காவது தெருவை சேர்ந்த தனுஷ் ராஜ் ( வயது 19 ) இவரது அண்ணன் மோனிஷ் ராஜ் ( வயது 20 ) வியாசர்பாடி எஸ்.ஏ காலனி பகுதியைச் சேர்ந்த சந்தோஷ் ( வயது 19 ) புளியந்தோப்பு ஆடு தொட்டி பகுதியைச் சேர்ந்த ஸ்டீபன் என்கின்ற பில் சேட்டு ( வயது 21 ) என நான்கு பேரை கைது செய்தனர் .
கைது செய்யப்பட்டவர்களிடம் விசாரணை நடத்திய போலீசார் , முதற்கட்ட விசாரணையில் அண்ணன் தம்பிகளான தனுஷ் ராஜ் மற்றும் மோனிஷ் ராஜ் இருவரும் கடந்த இரு தினங்களுக்கு முன்பு அத்தோக் கடையில் சாப்பிட்டு விட்டு பணம் தராமல் தகராறில் ஈடுபட்ட போது கடையின் உரிமையாளரான பாலமுருகன் அவர்களை அழைத்து அடித்துள்ளார்.
மேலும் அக்கம் பக்கத்தினர் அவர்களை மிரட்டி அனுப்பி வைத்துள்ளனர். இதனால் ஆத்திரமடைந்த சகோதரர்கள் இருவரும் தங்களது இரு நண்பர்களை சேர்த்துக் கொண்டு பாலமுருகன் வீட்டில் பெட்ரோல் குண்டு வீசியது போலீசாரின் விசாரணையில் தெரிய வந்துள்ளது. கைது செய்யப்பட்ட நான்கு பேர் மீதும் வழக்கு பதிவு செய்த எம்.கே.பி நகர் போலீசார் நீதிமன்றத்தில் ஆஜர் படுத்தனர்.
தலைப்பு செய்திகள்
ட்ரெண்டிங் செய்திகள்
