chennai

TN Weather News: மதுரையிலும் இன்று கனமழையா? எந்தெந்த மாவட்டங்களுக்கு வார்னிங்? சென்னை, தமிழக வானிலை அறிக்கை

குலசேகரன் முனிரத்தினம் — Thu, 17 Sep 2026 06:17:08 +0530

TN weather Rain Update (16-09-2026): தமிழ்நாட்டின் 16 மாவட்டங்களில் இன்று இடி,மின்னல் மற்றும் பலத்த காற்றுடன் மிதமான மழைக்கு வாய்ப்புள்ளதாக வானிலை மையம் எச்சரித்துள்ளது.

வானிலை மையம் எச்சரிக்கை:

வானிலை மையம் வெளியிட்டுள்ள அறிக்கையில், “சுமார் 0.9 கிமீ உயரத்தில் வடக்கு உள் கர்நாடகா முதல் மன்னார் வளைகுடா வரை தெற்கு உள் கர்நாடகா மற்றும் தமிழக பகுதிகள் வழியாக ஒரு காற்றழுத்த தாழ்வு பாதை (Trough) நிலவுகிறது. சுமார் 1.5 கிமீ உயரத்தில் தெற்கு கடலோர ஆந்திரா மற்றும் அதனை ஒட்டிய ராயலசீமா பகுதிகளின் மேல் ஒரு வளிமண்டல சுழற்சி நிலவுகிறது.

6 மாவட்டங்களுக்கு கனமழை எச்சரிக்கை

அதனால் இன்று நீலகிரி, கோயம்புத்தூர், கரூர், திருச்சிராப்பள்ளி, பெரம்பலூர், அரியலூர் மற்றும் தஞ்சாவூர் மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும். இதர மேற்கு தொடர்ச்சி மலை மாவட்டங்கள் மற்றும் சென்னை, திருவள்ளூர், செங்கல்பட்டு, காஞ்சிபுரம், ராணிப்பேட்டை, வேலூர், திருப்பத்தூர், சேலம், திருப்பூர், ஈரோடு, கிருஷ்ணகிரி, தர்மபுரி, நாமக்கல், கள்ளக்குறிச்சி, மதுரை, சிவகங்கை மாவட்டங்களில் ஒருசில இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசான மழை பெய்யக்கூடும்.

அடுத்த இரண்டு நாட்களுக்கான வானிலை:

இதர மேற்கு தொடர்ச்சி மலை மாவட்டங்கள் மற்றும் சென்னை, காஞ்சிபுரம், செங்கல்பட்டு, திருவள்ளூர், கடலூர், மயிலாடுதுறை, விழுப்புரம், திருப்பத்தூர், வேலூர், ராணிப்பேட்டை, கள்ளக்குறிச்சி, திருவண்ணாமலை, கிருஷ்ணகிரி, தர்மபுரி, சேலம், நாமக்கல், கரூர், ஈரோடு, திருச்சிராப்பள்ளி, அரியலூர், பெரம்பலூர் மாவட்டங்களில் ஒருசில இடங்களிலும், புதுவையிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களிலும், காரைக்கால் பகுதிகளிலும் இடி மின்னலுடன் கூடிய லேசான மழை பெய்யக்கூடும்.

19-09-2026: நீலகிரி, கோயம்புத்தூர், தர்மபுரி, கிருஷ்ணகிரி, வேலூர், திருவண்ணாமலை, திருப்பத்தூர், ராணிப்பேட்டை, கள்ளக்குறிச்சி, சேலம் மற்றும் திருவள்ளூர் மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும். இதர மேற்கு தொடர்ச்சி மலை மாவட்டங்கள் மற்றும் ஏனைய வட தமிழக மாவட்டங்களில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும். தென் தமிழக மாவட்டங்களில் ஒருசில இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய லேசானது முதல் மிதமான மழை பெய்யக்கூடும்.

சென்னை பகுதிகளுக்கான வானிலை முன்னறிவிப்பு:

சென்னையை பொறுத்தவரை இன்று வானம் ஓரளவு மேகமூட்டத்துடன் காணப்படும். மாலை/இரவு நேரங்களில் நகரின் ஒருசில பகுதிகளில் இடி மின்னலுடன் கூடிய லேசான / மிதமான மழை பெய்ய வாய்ப்புள்ளது. அதிகபட்ச வெப்பநிலை 35-36° செல்சியஸை ஒட்டியும், குறைந்தபட்ச வெப்பநிலை 27-28° செல்சியஸை ஒட்டியும் இருக்கக்கூடும்.

மீனவர்களுக்கான எச்சரிக்கை:

வங்கக்கடல் பகுதிகள்:

17-09-2026: தென்கிழக்கு வங்கக்கடலின் சில பகுதிகள் மற்றும் அதனை ஒட்டிய தென்மேற்கு வங்கக்கடலின் தென் பகுதிகள் மற்றும் தெற்கு அந்தமான் கடல் பகுதிகளில் சூறாவளிக்காற்று மணிக்கு 45 முதல் 55 கிலோ மீட்டர் வேகத்திலும் இடையிடையே 65 கிலோ மீட்டர் வேகத்திலும், வடக்கு அந்தமான் கடல் பகுதிகள், இதர தென்கிழக்கு வங்கக்கடலின் சில பகுதிகள் மற்றும் அதனை ஒட்டிய தென்மேற்கு வங்கக்கடல் பகுதிகளில் சூறாவளிக்காற்று மணிக்கு 40 முதல் 50 கிலோ மீட்டர் வேகத்திலும் இடையிடையே 60 கிலோ மீட்டர் வேகத்திலும் வீசக்கூடும். எனவே மேற்குறிப்பிட்ட நாட்களில் மீனவர்கள் இப்பகுதிகளுக்கு செல்ல வேண்டாமென” வானிலை மையம் எச்சரித்துள்ளது.

Chennai Power Cut: சென்னைல வியாழக் கிழமை (17.09.2026) எந்தெந்த ஏரியாக்கள்ல பவர் கட் ஆகப் போகுது தெரியுமா.? இதோ லிஸ்ட்

ஸ்ரீராம் ஆராவமுதன் — Wed, 16 Sep 2026 15:55:16 +0530

சென்னையில், பராமரிப்பு பணிகளுக்காக, நாளை(17.09.2026) எந்தெந்த பகுதிகளில் மின்சாரம் தடை செய்யப்பட உள்ளது என்பது குறித்து தற்போது தெரிந்துகொள்ளலாம். பராமரிப்பு பணிகள் மேற்கொள்ளப்படும் நேரத்தில் மின்சாரம் தடை செய்யப்படும் என மின்சார வாரியம் தெரிவித்துள்ளது. அந்த வகையில், கீழ் கண்ட பகுதிகளில், செப்டம்பர் 17-ம் தேதி, மின்சாரம் துண்டிக்கப்படும் என மின்சார வாரியம் அறிவிப்பு வெளியிட்டுள்ளது.

சென்னையில், பொதுமக்களுக்கு தடையில்லா மின்சாரம் வழங்குவதற்காக, ஒவ்வொரு மாதமும் மின்வாரியத்தின் தரப்பில் பழுது நீக்குதல், மின் கம்பிகளை மாற்றுதல் போன்ற பல்வேறு பராமரிப்பு பணிகள் சுழற்சி முறையில் மேற்கொள்ளப்பட்டு வருகிறது. இந்த பராமரிப்பு பணிகளின் போது, சம்பந்தப்பட்ட மின் பாதைகளைச் சேர்ந்த பகுதிகளில் மின்சாரம் துண்டிப்பு செய்யப்படும். இது தொடர்பாக, அப்பகுதி மக்களுக்கு மின்சார வாரியம் தரப்பிலிருந்து முக்கூட்டியே தகவல் அளிக்கப்படுவது வழக்கம். அந்த வகையில், நாளை கீழ்கண்ட பகுதிகளில் பிராமரிப்பு பணிகள் மேற்கொள்ளப்படுவதால், அப்பகுதிகளில் மின்சாரம் துண்டிக்கப்படும் என அறிவிக்கப்பட்டுள்ளது.

கோட்டூர்புரம்

புதுச்சேரி சாலை
பொன்னியம்மன் கோயில் தெரு
மண்டபம் சாலை
துலுகந்தம்மன் கோயில் தெரு
பெருமாள் கோயில் தெரு
எல்லையம்மன் கோயில் தெரு
திருவள்ளுவர் தெரு
கருணாநிதி தெரு
மணப்பன் தெரு
யாதவள் தெரு
லேக் வியூ தெரு
குருவப்பன் தெரு

கிண்டி

வண்டிக்காரன் சாலை
நேரு நகர் 1 முதல் 4-வது தெருக்கள்
அன்பழகன் தெரு
பாரதிதாசன் தெரு
ஜீவானந்தம் தெரு
கோவிந்தசாமி தெரு
கேவிகே சாமி தெரு
கன்னியம்மன் கோயில் தெரு
சத்தியமூர்த்தி தெரு
ராஜ் பவன் காலனி
டிஎன்எச்பி காலனி

கோயம்பேடு மார்க்கெட்

மாதா கோயில் தெரு
அழகம்மாள் நகர் 1 முதல் 8-வது தெரு
திருவள்ளுவர் தெரு
நேதாஜி அவென்யூ
கன்னியம்மன் நகர்
நாராயணியம்மன் கோயில் தெரு
பாரதியார் தெரு
பெருமாள் கோயில் தெரு

திருமுல்லைவாயல்

சிட்கோ மகளிர் தொழிற்சாலைகள்
மோரை வீராபுரம்
கன்னியம்மன் நகர்
டிஎஸ்பி முகாம்
வாணியசத்திரம்
காஞ்சி காமகோடி நகர்
ராமாபுரம்
கல்லிக்குப்பம்
கன்னிகாபுரம்
அலமாதி
புதுக்குப்பம்
சிங்கிள் குப்பம்
லட்சுமிநாதபுரம்

மேற்கண்ட இடங்களில் பராமரிப்பு பணிகள் முடிந்த உடன், பிற்பகல் 2 மணிக்குள் மின் விநியோகம் மீண்டும் வழங்கப்படும் என மின்சார வாரியம் தனது செய்திக்குறிப்பில் தெரிவித்துள்ளது.

Rain Alert: இன்று 9 மாவட்டங்களிலும், நாளை 8 மாவட்டங்களிலும் கனமழை பொளக்கும் - சென்னை? தமிழக வானிலை அறிக்கை

குலசேகரன் முனிரத்தினம் — Wed, 16 Sep 2026 13:29:23 +0530

Tamil Nadu Weather Update (16-09-2026): சென்னையில் இன்று மிதமான மழைக்கு வாய்ப்புள்ளதாக வானிலை மையம் எச்சரித்துள்ளது.

வானிலை மையம் எச்சரிக்கை:

வானிலை மையம் வெளியிட்டுள்ள அறிக்கையில், “ சுமார் 0.9 கிமீ உயரத்தில் வடக்கு உள் கர்நாடகா முதல் மன்னார் வளைகுடா வரை தெற்கு உள் கர்நாடகா மற்றும் தமிழக பகுதிகள் வழியாக ஒரு காற்றழுத்த தாழ்வு பாதை (Trough) நிலவுகிறது. சுமார் 1.5 கிமீ உயரத்தில் தெற்கு கடலோர ஆந்திரா மற்றும் அதனை ஒட்டிய ராயலசீமா பகுதிகளின் மேல் ஒரு வளிமண்டல சுழற்சி நிலவுகிறது.

9 மாவட்டங்களில் கனமழைக்கு வாய்ப்பு:

அதன்படி, இன்று நீலகிரி, கோயம்புத்தூர், கள்ளக்குறிச்சி, திருவண்ணாமலை, கிருஷ்ணகிரி, தர்மபுரி, வேலூர், திருப்பத்தூர் மற்றும் ராணிப்பேட்டை மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும். இதர மேற்கு தொடர்ச்சி மலை மாவட்டங்கள் மற்றும் விழுப்புரம், சேலம், நாமக்கல், கரூர், ஈரோடு, திருப்பூர், திருச்சிராப்பள்ளி, அரியலூர், பெரம்பலூர், விருதுநகர், மதுரை, சிவகங்கை, புதுக்கோட்டை, ராமநாதபுரம், தூத்துக்குடி மாவட்டங்களில் ஒருசில இடங்களிலும், புதுவையிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களிலும் மற்றும் காரைக்கால் பகுதிகளிலும் இடி மின்னலுடன் கூடிய லேசான மழை பெய்யக்கூடும்.

அடுத்த இரண்டு நாட்களுக்கான வானிலை

17-09-2026: நீலகிரி, கோயம்புத்தூர், கரூர், திருச்சிராப்பள்ளி, பெரம்பலூர், அரியலூர் மற்றும் தஞ்சாவூர் மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும். இதர மேற்கு தொடர்ச்சி மலை மாவட்டங்கள் மற்றும் சென்னை, திருவள்ளூர், செங்கல்பட்டு, காஞ்சிபுரம், ராணிப்பேட்டை, வேலூர், திருப்பத்தூர், சேலம், திருப்பூர், ஈரோடு, கிருஷ்ணகிரி, தர்மபுரி, நாமக்கல், கள்ளக்குறிச்சி, மதுரை, சிவகங்கை மாவட்டங்களில் ஒருசில இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசான மழை பெய்யக்கூடும்.

இதையும் படியுங்கள்: Chennai Press Club: 8 மாதம் கழித்து அரெஸ்ட் ஏன்? நக்கீரன் பிரகாஷ் கைதுக்கு சென்னை பத்திரிகையாளர் மன்றம் கண்டனம்

சென்னை பகுதிகளுக்கான வானிலை முன்னறிவிப்பு:

சென்னையை பொறுத்தவரை இன்றும், நாளையும் வானம் ஓரளவு மேகமூட்டத்துடன் காணப்படும். மாலை/இரவு நேரங்களில் நகரின் ஒருசில பகுதிகளில் இடி மின்னலுடன் கூடிய லேசான / மிதமான மழை பெய்ய வாய்ப்புள்ளது. அதிகபட்ச வெப்பநிலை 35-36° செல்சியஸை ஒட்டியும், குறைந்தபட்ச வெப்பநிலை 27-28° செல்சியஸை ஒட்டியும் இருக்கக்கூடும்.

மீனவர்களுக்கான எச்சரிக்கை:

வங்கக்கடல் பகுதிகள்:

16-09-2026: தென்கிழக்கு வங்கக்கடலின் சில பகுதிகள் மற்றும் அதனை ஒட்டிய தென்மேற்கு வங்கக்கடல் பகுதிகள் மற்றும் தெற்கு அந்தமான் கடல் பகுதிகளில் சூறாவளிக்காற்று மணிக்கு 45 முதல் 55 கிலோ மீட்டர் வேகத்திலும் இடையிடையே 65 கிலோ மீட்டர் வேகத்திலும், வடக்கு அந்தமான் கடல் பகுதிகள், இதர தென்கிழக்கு வங்கக்கடலின் சில பகுதிகள் மற்றும் அதனை ஒட்டிய தென்மேற்கு வங்கக்கடல் பகுதிகளில் சூறாவளிக்காற்று மணிக்கு 40 முதல் 50 கிலோ மீட்டர் வேகத்திலும் இடையிடையே 60 கிலோ மீட்டர் வேகத்திலும் வீசக்கூடும். எனவே மேற்குறிப்பிட்ட பகுதிகளுக்கு மீனவர்கள் இன்று செல்ல வேண்டாம்” என வானிலை மையம் எச்சரித்துள்ளது.

சவுக்கு மீடியா மாலதி அளித்த புகார்: தவறான வீடியோ வெளியிட்ட மூத்த பத்திரிகையாளர் அதிரடி கைது!

ராஜேஷ். எஸ் — Wed, 16 Sep 2026 09:20:49 +0530

‘சவுக்கு மீடியா’ தொகுப்பாளினி மாலதி கொடுத்த புகாரின் பேரில் பத்திரிகையாளர் தாமோதரன் பிரகாஷ் கைது செய்யப்பட்டுள்ளார். தவறான வீடியோ வெளியிட்டதற்காக அவர் கைது செய்யப்பட்டுள்ளதாக காவல்துறை தெரிவித்துள்ளது.

இதுதொடர்பாக காவல்துறை சார்பில் வெளியிட்டுள்ள செய்தியில்,

சென்னை, ஆதம்பாக்கம் பகுதியில் வசித்து வரும் மாலதி, பெ/வ.38 என்பவர் தனி நபர் நடத்தி வரும் ‘சவுக்கு மீடியா‘ என்ற யூடியூப் சேனலில் தொகுப்பாளினியாக பணி செய்து வருவதாகவும் வார பத்திரிகையின் நிருபர் தாமோதரன் பிரகாஷ் என்பவர் பெயர் தெரியாத ஒரு நெறியாளருடன் சேர்ந்து, ’HIV சவுக்கு மாலதியும் கல்யாணம்‘ என்ற தலைப்பில், மாலதியை பற்றி அவதூறாகவும், அவருக்கு HIV உள்ளது என்றும், மாலதியின் புகைப்படத்தை காண்பித்து, தனிப்பட்ட வாழ்க்கையை குறித்து பொய்யாகவும் அருவறுக்கத்தக்க வகையிலும் வீடியோ பதிவிட்டு கடந்த ஜனவரி-2026 மாதம் ‘‘கிங் 24 X 7‘‘ என்ற யூடியூப் சேனலில் வெளியிட்டு, பெண்மைக்கு களங்கம் ஏற்படுத்தும் விதத்தில் செயல்பட்டுள்ளதால், மேற்படி நபர்கள் மீது நடவடிக்கை எடுக்கும்படி மாலதி என்பவர் கொடுத்த புகாரின்பேரில், S-8 ஆதம்பாக்கம் காவல் நிலையத்தில் பாரதிய நியாய சன்ஹிதா சட்டம் (BNS Act), தகவல் தொழில்நுட்ப சட்டம் (IT Act) மற்றும் தமிழ்நாடு பெண் வன்கொடுமை தடுப்பு சட்டம் (TNPHW Act) உள்ளிட்ட பிரிவுகளில் வழக்குப்பதிவு செய்து போலீசார் விசாரணை மேற்கொண்டனர்.

இப்புகார் தொடர்பாக S-8 ஆதம்பாக்கம் காவல் நிலைய ஆய்வாளர் தலைமையிலான காவல் குழுவினர் தீவிர விசாரணை செய்து, மேற்படி வழக்கில் தொடர்புடைய தாமோதரன் பிரகாஷ், வ/58, த/பெ.தாமோதரன், சிந்தாதிரிப்பேட்டை, சென்னை என்பவரை இன்று (16.09.2026) கைது செய்து, தொடர்ந்து விசாரணை செய்து வருகின்றனர்.

டெண்டர் முடிவதற்குள் திறப்பு விழா: தாம்பரம் மாநகராட்சி கமிஷனர் அதிரடி மாற்றம்!

கிஷோர் — Wed, 16 Sep 2026 07:39:30 +0530

சென்னை தாம்பரம் மாநகராட்சியில் டெண்டர் கோரியதில் பல்வேறு முறைகேடுகள் நடந்துள்ளதாகக் குற்றச்சாட்டு எழுந்த நிலையில், தாம்பரம் மாநகராட்சி கமிஷனர் பாலச்சந்தர் அப்பொறுப்பிலிருந்து விடுவிக்கப்பட்டு, காத்திருப்போர் பட்டியலில் வைக்கப்பட்டுள்ளார். இச்சம்பவம் அரசு நிர்வாக வட்டாரத்தில் பெரும் பரபரப்பை ஏற்படுத்தியுள்ளது.

டெண்டர் கோரப்படுவதற்கு முன்பே திறக்கப்பட்ட தூண்கள்

தாம்பரம் மாநகராட்சி சார்பில் பெருங்களத்தூர் ரவுண்டானாவில் அசோக சக்கரத் தூண் ஜூலை 29-ஆம் தேதி திறந்து வைக்கப்பட்டது. அதேபோல், சித்தலப்பாக்கம் ரவுண்டானாவில் ஆகஸ்ட் 6-ஆம் தேதி தண்ணீர் சிக்கனத்தை வலியுறுத்தும் சின்னம் திறக்கப்பட்டது. இவற்றை அமைச்சர் சரத்குமார் மற்றும் தாம்பரம் மாநகராட்சி கமிஷனர் பாலச்சந்தர் ஆகியோர் திறந்து வைத்தனர். இது தொடர்பான பதிவுகளையும் புகைப்படங்களையும் அமைச்சர் சரத்குமார் தனது சமூக வலைதளப் பக்கத்தில் பதிவிட்டிருந்தார். மாநகராட்சியின் அதிகாரப்பூர்வ சமூக வலைதளப் பக்கத்திலும் இது வெளியிடப்பட்டிருந்தது.

ஆனால், ஜூலை 29-ல் திறக்கப்பட்ட அசோகா சக்கரத் தூணுக்கு ஆகஸ்ட் 6-ஆம் தேதியில்தான் ரூ.27.30 லட்சத்தில் டெண்டர் கோரப்பட்டு, அது ஆகஸ்ட் 24-ல் முடிவடைவதாகக் காண்பிக்கப்பட்டுள்ளது. அதேபோல, தண்ணீர் சிக்கனத்தை வலியுறுத்தும் சின்னம் திறக்கப்பட்ட பின்னரே, ரூ.18.60 லட்சத்திற்கு டெண்டர் கோரப்பட்டுள்ளது.

அறப்போர் இயக்கம் புகார் மற்றும் விசாரணை நடவடிக்கை

ஒப்பந்ததாரரை முன்பே முடிவு செய்துவிட்டு, டெண்டர் நடவடிக்கைகளில் கடுமையான முறைகேடு செய்யப்பட்டுள்ளதாக ‘அறப்போர் இயக்கம்’ சார்பில் முதலமைச்சரின் தனிப்பிரிவுக்குப் புகார் மனு அனுப்பப்பட்டது. இந்தப் புகாரின் அடிப்படையில் அரசின் தலைமைச் செயலாளர் சிவ்தாஸ் மீனா முதற்கட்ட விசாரணையை மேற்கொண்டார்.

அதிரடி நடவடிக்கை மற்றும் பொறுப்பு மாற்றம்

விசாரணையின் தொடர்ச்சியாக, தாம்பரம் மாநகராட்சி கமிஷனராக இருந்த பாலச்சந்தர் பணியில் இருந்து விடுவிக்கப்பட்டு காத்திருப்போர் பட்டியலில் வைக்கப்பட்டுள்ளார். அவருக்குப் பதிலாக, ஆவடி மாநகராட்சி கமிஷனர் சரண்யா, மறு உத்தரவு வரும் வரை தாம்பரம் மாநகராட்சி கமிஷனர் பொறுப்பைக் கூடுதலாக கவனிப்பார் என அறிவிக்கப்பட்டுள்ளது.

மேலும், இந்த மாநகராட்சி டெண்டர் குறைபாடுகளுக்காக மண்டல உதவி செயற்பொறியாளர் சஸ்பெண்ட் செய்யப்பட்டுள்ளார். இச்சம்பவம் குறித்து விரிவான விசாரணை நடத்த நகராட்சி நிர்வாக இயக்குநருக்கு உத்தரவிடப்பட்டுள்ளது. விசாரணை அறிக்கையின் அடிப்படையில், தவறுகிழைத்த அனைவரும் மீது உரிய நடவடிக்கை எடுக்கப்படும் என்று அரசு தரப்பில் தெரிவிக்கப்பட்டுள்ளது.

சென்னைவாசிகளே கவனம்! நாளை 5 மணி நேரம் மின்சாரம் இருக்காது – முழு பகுதிகள் பட்டியல் இதோ!

கிஷோர் — Wed, 16 Sep 2026 07:20:40 +0530

சென்னையில் மின்வாரியத்தின் பராமரிப்பு பணிகள் காரணமாக நாளை காலை 9 மணி முதல் மதியம் 2 மணி வரை பல்வேறு பகுதிகளில் மின் விநியோகம் நிறுத்தப்பட உள்ளது. இதனால் கோட்டூர்புரம், திருமுல்லைவாயல், கோயம்பேடு சந்தை மற்றும் கிண்டி உள்ளிட்ட பகுதிகளைச் சேர்ந்த பொதுமக்கள் தங்களது அத்தியாவசிய பணிகளை முன்கூட்டியே திட்டமிட்டுக் கொள்ளுமாறு அறிவுறுத்தப்படுகின்றனர்.

கோட்டூர்புரம் பகுதியில் மின் தடை

கோட்டூர்புரம் பகுதியில் பாண்டிச்சேரி சாலை, பொன்னியம்மன் கோவில் தெரு, மண்டபம் சாலை, துலுக்காணத்தம்மன் கோவில் தெரு, பெருமாள் கோவில் தெரு, எல்லையம்மன் கோவில் தெரு, திருவள்ளுவர் தெரு, கருணாநிதி தெரு, மணப்பன் தெரு, யாதவா தெரு, லேக் வியூ தெரு மற்றும் குருவப்பன் தெரு ஆகிய பகுதிகளில் காலை 9 மணி முதல் மதியம் 2 மணி வரை மின் விநியோகம் இருக்காது.

திருமுல்லைவாயல் சுற்றுவட்டார பகுதிகள்

திருமுல்லைவாயல் பகுதியில் சிட்கோ மகளிர் தொழிற்பேட்டை, மோரை வீராபுரம், கன்னியம்மன் நகர், டி.எஸ்.பி. கேம்ப், வாணியன்சத்திரம், காஞ்சி காமகோடி நகர், ராமாபுரம், கள்ளிக்குப்பம், கன்னிகாபுரம், அலமாதி, புதுக்குப்பம், சிங்கிலி குப்பம் மற்றும் லட்சுமிநாதபுரம் ஆகிய பகுதிகளில் மின் தடை ஏற்படும் என தெரிவிக்கப்பட்டுள்ளது.

கோயம்பேடு சந்தை பகுதியில் மின் நிறுத்தம்

கோயம்பேடு சந்தை மற்றும் அதனைச் சுற்றியுள்ள பகுதிகளிலும் பராமரிப்பு பணிகளுக்காக மின் விநியோகம் நிறுத்தப்பட உள்ளது. மாதா கோவில் தெரு, அழகம்மாள் நகர் 1வது முதல் 8வது தெருக்கள், திருவள்ளுவர் தெரு, நேதாஜி அவென்யூ, கன்னியம்மன் நகர், நாராயணியம்மன் கோவில் தெரு, பாரதியார் தெரு மற்றும் பெருமாள் கோவில் தெரு ஆகிய பகுதிகள் மின் தடையால் பாதிக்கப்படும்.

கிண்டியில் எந்தெந்த பகுதிகள்?

கிண்டி பகுதியில் வண்டிக்காரன் சாலை, நேரு நகர் 1வது முதல் 4வது தெருக்கள், அன்பழகன் தெரு, பாரதிதாசன் தெரு, ஜீவானந்தம் தெரு, கோவிந்தசாமி தெரு, கே.வி.கே.சாமி தெரு, கன்னியம்மன் கோவில் தெரு, சத்தியமூர்த்தி தெரு, ராஜ்பவன் காலனி மற்றும் டி.என்.எச்.பி. காலனி உள்ளிட்ட பகுதிகளில் நாளை மின் விநியோகம் நிறுத்தப்பட உள்ளது.

பொதுமக்கள் கவனத்திற்கு

காலை 9 மணி முதல் மதியம் 2 மணி வரை மின் தடை ஏற்பட உள்ளதால், பொதுமக்கள் மின் சாதனங்கள் மற்றும் அத்தியாவசிய பணிகளை அதற்கு முன்பாகவே திட்டமிட்டுக் கொள்வது சிரமங்களைத் தவிர்க்க உதவும். பராமரிப்பு பணிகள் நிறைவடைந்த பின்னர் வழக்கம்போல் மின் விநியோகம் வழங்கப்படும் என தெரிவிக்கப்பட்டுள்ளது.

TN Weather News: இன்று கனமழை பொளக்கும்,16 மாவட்டங்களுக்கு வார்னிங், சென்னை நிலவரம்? தமிழக வானிலை அறிக்கை

குலசேகரன் முனிரத்தினம் — Wed, 16 Sep 2026 06:18:28 +0530

இன்று 6 மாவட்டங்களுக்கு கனமழை எச்சரிக்கை:

வானிலை மையம் வெளியிட்டுள்ள அறிக்கையில், “ சுமார் 1.5 கிமீ உயரம் வரை தெற்கு உள் கர்நாடகா முதல் மன்னார் வளைகுடா வரை தமிழக பகுதிகள் வழியாக ஒரு காற்றழுத்த தாழ்வு பாதை (Trough) நிலவுகிறது. அதனால் இன்று நீலகிரி, கோயம்புத்தூர், திருவண்ணாமலை, வேலூர், திருப்பத்தூர் மற்றும் ராணிப்பேட்டை மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும்.

இதர மேற்கு தொடர்ச்சி மலை மாவட்டங்கள் மற்றும் கிருஷ்ணகிரி, தர்மபுரி, சேலம், நாமக்கல், கரூர், ஈரோடு, திருப்பூர், திருச்சிராப்பள்ளி, அரியலூர், பெரம்பலூர், விருதுநகர், மதுரை, சிவகங்கை, புதுக்கோட்டை, ராமநாதபுரம், தூத்துக்குடி மாவட்டங்களில் ஒருசில இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசான மழை பெய்யக்கூடும்.

அடுத்த இரண்டு நாட்களுக்கான வானிலை:

17-09-2026: நீலகிரி, கோயம்புத்தூர், கரூர், திருச்சிராப்பள்ளி, பெரம்பலூர், அரியலூர் மற்றும் தஞ்சாவூர் மாவட்டங்களில் ஒரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும். இதர மேற்கு தொடர்ச்சி மலை மாவட்டங்கள் மற்றும் சென்னை, திருவள்ளூர், செங்கல்பட்டு, காஞ்சிபுரம், ராணிப்பேட்டை, வேலூர், திருப்பத்தூர், சேலம், திருப்பூர், ஈரோடு, தர்மபுரி, நாமக்கல், கள்ளக்குறிச்சி மாவட்டங்களில் ஒருசில இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசான மழை பெய்யக்கூடும்.

18-09-2026: நீலகிரி மற்றும் கோயம்புத்தூர் மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும். இதர மேற்கு தொடர்ச்சி மலை மாவட்டங்கள் மற்றும் சென்னை, காஞ்சிபுரம். செங்கல்பட்டு, திருவள்ளூர், கடலூர், மயிலாடுதுறை, விழுப்புரம், திருப்பத்தூர், வேலூர், ராணிப்பேட்டை, கள்ளக்குறிச்சி, திருவண்ணாமலை, கிருஷ்ணகிரி, தர்மபுரி, சேலம், நாமக்கல், கரூர், ஈரோடு, திருச்சிராப்பள்ளி, அரியலூர், பெரம்பலூர் மாவட்டங்களில் ஒருசில இடங்களிலும், புதுவையிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களிலும், காரைக்கால் பகுதிகளிலும் இடி மின்னலுடன் கூடிய லேசான மழை பெய்யக்கூடும்.

சென்னை பகுதிகளுக்கான வானிலை முன்னறிவிப்பு:

சென்னையை பொறுத்தவரை இன்று வானம் ஓரளவு மேகமூட்டத்துடன் காணப்படும். மாலை/இரவு நேரங்களில் நகரின் ஒருசில பகுதிகளில் இடி மின்னலுடன் கூடிய லேசான / மிதமான மழை பெய்ய வாய்ப்புள்ளது. அதிகபட்ச வெப்பநிலை 35-36' செல்சியஸை ஓட்டியும், குறைந்தபட்ச வெப்பநிலை 26-27* செல்சியஸை ஒட்டியும் இருக்கக்கூடும்.

மீனவர்களுக்கான எச்சரிக்கை:

வங்கக்கடல் பகுதிகள்:

16-09-2026 மற்றும் 17-09-2026: தென்கிழக்கு வங்கக்கடலின் சில பகுதிகள் மற்றும் அதனை ஒட்டிய தென்மேற்கு வங்கக்கடல் பகுதிகள் மற்றும் தெற்கு அந்தமான் கடல் பகுதிகளில் சூறாவளிக்காற்று மணிக்கு 45 முதல் 55 கிலோ மீட்டர் வேகத்திலும் இடையிடையே 65 கிலோ மீட்டர் வேகத்திலும், வடக்கு அந்தமான் கடல் பகுதிகள், இதர தென்கிழக்கு வங்கக்கடலின் சில பகுதிகள் மற்றும் அதனை ஒட்டிய தென்மேற்கு வங்கக்கடல் பகுதிகளில் சூறாவளிக்காற்று மணிக்கு 40 முதல் 50 கிலோ மீட்டர் வேகத்திலும் இடையிடையே 60 கிலோ மீட்டர் வேகத்திலும் வீசக்கூடும். எனவே மேற்குறிப்பிட்ட நாட்களில் மீனவர்கள் இப்பகுதிகளுக்கு செல்ல வேண்டாம்” என வானிலை மையம் எச்சரித்துள்ளது.

TN Weather News: 9 மாவட்டங்களுக்கு இன்று கனமழை வார்னிங், சென்னை நிலவரம்? தமிழக வானிலை அறிக்கை

குலசேகரன் முனிரத்தினம் — Tue, 15 Sep 2026 06:21:00 +0530

TN weather Rain Update (15-09-2026): தமிழ்நாட்டின் 4 மாவட்டங்களில் இன்று இடி,மின்னல் மற்றும் பலத்த காற்றுடன் மிதமான மழைக்கு வாய்ப்புள்ளதாக வானிலை மையம் எச்சரித்துள்ளது.

இன்று 9 மாவட்டங்களுக்கு கனமழை வார்னிங்

வானிலை மையம் வெளியிட்டுள்ள அறிக்கையில், “சுமார் 1.5 கிமீ உயரம் வரை தெற்கு உள் கர்நாடகா முதல் தென்மேற்கு வங்கக்கடல் பகுதிகள் வரை தமிழகம் வழியாக ஒரு காற்றழுத்த தாழ்வு பாதை (Trough) நிலவுகிறது. அதனால் இன்று நீலகிரி, கோயம்புத்தூர், ஈரோடு, சேலம், கிருஷ்ணகிரி, தர்மபுரி, வேலூர், திருப்பத்தூர் மற்றும் ராணிப்பேட்டை மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும்.

மதுரை, திண்டுக்கல், விருதுநகர் மற்றும் சிவகங்கை மாவட்டங்களில் ஒருசில இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய லேசானது முதல் மிதமான மிதமான மழை பெய்யக்கூடும்.

அடுத்த இரண்டு நாட்களுக்கான வானிலை:

16-09-2026: நீலகிரி, கோயம்புத்தூர், திருவண்ணாமலை, வேலூர், திருப்பத்தூர். ராணிப்பேட்டை, தஞ்சாவூர், திருவாரூர் மயிலாடுதுறை, நாகப்பட்டினம் மாவட்டங்களில் ஓரிரு இடங்ககளிலும் மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும். சென்னை, காஞ்சிபுரம், செங்கல்பட்டு, திருவள்ளூர், கடலூர், விழுப்புரம், கள்ளக்குறிச்சி, திருவண்ணாமலை, கிருஷ்ணகிரி, தருமபுரி, சேலம், நாமக்கல், கரூர், ஈரோடு, புதுக்கோட்டை, திருப்பூர், திருச்சிராப்பள்ளி, அரியலூர், பெரம்பலூர்

மாவட்டங்களில் ஒருசில இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களிலும் மற்றும் புதுவையிலும் இடி மின்னலுடன் கூடிய லேசான மழை பெய்யக்கூடும்.

17-09-2026: நீலகிரி, கோயம்புத்தூர், தஞ்சாவூர், கரூர், திருச்சிராப்பள்ளி, பெரம்பலூர் மற்றும் அரியலூர் மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய கன மழை பெய்யக்கூடும். சென்னை, திருவள்ளூர், செங்கல்பட்டு, காஞ்சிபுரம், ராணிப்பேட்டை, வேலூர், திருப்பத்தூர், சேலம் மற்றும் கள்ளக்குறிச்சி மாவட்டங்களில் ஒருசில இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 இலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசான மழை பெய்யக்கூடும்.

அதிகபட்ச வெப்பநிலை பற்றிய முன்னறிவிப்பு:

இன்று உள் தமிழகத்தில் அதிகபட்ச வெப்பநிலை ஓரிரு இடங்களில் 2-3° செல்சியஸ் இயல்பை விட அதிகமாகவும், கடலோர தமிழகம், புதுவை மற்றும் காரைக்கால் பகுதிகளில் இயல்பை ஒட்டியும் இருக்கக்கூடும்.

சென்னை பகுதிகளுக்கான வானிலை முன்னறிவிப்பு:

சென்னையை பொறுத்தவரை இன்று வானம் ஓரளவு மேகமூட்டத்துடன் காணப்படும். மாலை/இரவு நேரங்களில் நகரின் ஒருசில பகுதிகளில் இடி மின்னலுடன் கூடிய மிதமான மழை பெய்ய வாய்ப்புள்ளது. அதிகபட்ச வெப்பநிலை 34-35° செல்சியஸை ஒட்டியும், குறைந்தபட்ச வெப்பநிலை 25-26° செல்சியஸை ஒட்டியும் இருக்கக்கூடும்

மீனவர்களுக்கான எச்சரிக்கை:

வங்கக்கடல் பகுதிகள்:

15-09-2026: தெற்கு வங்கக்கடலின் தெற்கு பகுதிகளில் சூறாவளிக்காற்று மணிக்கு 40 முதல் 50 கிலோ மீட்டர் வேகத்திலும் இடையிடையே 60 கிலோ மீட்டர் வேகத்திலும் வீசக்கூடும். எனவே மீனவர்கள் இன்று அப்பகுதிக்கு செல்ல வேண்டாம்” என வானிலை மையம் எச்சரித்துள்ளது.

Chennai Power Cut: சென்னை மக்களே.! புதன் கிழமை (16.09.2026) எந்தெந்த ஏரியாக்கள்ல மின் தடை ஏற்படப் போகுது தெரியுமா.?

ஸ்ரீராம் ஆராவமுதன் — Mon, 14 Sep 2026 16:25:32 +0530

சென்னையில், பராமரிப்பு பணிகளுக்காக, நாளை(16.09.2026) எந்தெந்த பகுதிகளில் மின்சாரம் தடை செய்யப்பட உள்ளது என்பது குறித்து தற்போது தெரிந்துகொள்ளலாம். பராமரிப்பு பணிகள் மேற்கொள்ளப்படும் நேரத்தில் மின்சாரம் தடை செய்யப்படும் என மின்சார வாரியம் தெரிவித்துள்ளது. அந்த வகையில், கீழ் கண்ட பகுதிகளில், செப்டம்பர் 16-ம் தேதி, மின்சாரம் துண்டிக்கப்படும் என மின்சார வாரியம் அறிவிப்பு வெளியிட்டுள்ளது.

தாம்பரம்

பெருங்களத்தூர் காமராஜர் ஹை ரோடு, கணேஷ் நகர், லிங்கம் நகர், ஷர்மிளா நகர், பாரதி அவென்யூ, பாலாஜி நகர், காகபுஜண்டர் நகர், புதிய பெருங்களத்தூர், மாடம்பாக்கம், சுதர்சன் நகர், அம்பிகா நகர், ஞானாந்தா நகர், கணபதி நகர், ஜெயின் சுதர்சன், தேனுகாம்பாள் நகர், ராகவேந்திரா நகர், கிருஷ்ணா நகர், அன்சா கார்டன்.

செயின்ட் தாமஸ் மவுண்ட்

ராமர் கோயில் தெரு, மவுண்ட் பூந்தமல்லி சாலை, நசரதபுரம், கணபதி காலனி, வசந்தம் நகர், கலைஞர் நகர், தண்டுமா நகர், போலீஸ் குவார்ட்டர்ஸ், செவன் ஹில்ஸ் தெரு, மீனம்பாக்கம், பாண்டியன் தெரு, மாரீசன் 1 முதல் 6-வது தெரு, திருவள்ளுவர் நகர், எம்.கே.என் சாலை, குமரன் நகர், குளத்துமேடு, மங்கலியம்மன் தெரு, டிஃபென்ஸ் காலனி, பர்மா காலனி, காரையார் கோயில் தெரு, வடக்கு அணிவகுப்பு சாலை, இந்திரா நகர், அதிகாரிகள் பயிற்சி அகாடமிக், கடற்படை குடியிருப்பு பகுதி, உட்கிரீக் Country, துளசிங்கபுரம், மரியாபுரம், மதியாஸ் நகர், ஐரோப்பிய லைன், பஜார் சாலை, மேட்டுத் தெரு, ஆற்காடு பேட்டை, ஹாப்மேன் 1 மற்றும் 2-வது தெரு, விஜிபி மர்பி ஸ்கொயர், நோபல் தெரு, கண்ணன் காலனி, டீச்சர்ஸ் காலனி, எம்ஜிஆர் நகர்.

கொரட்டூர்

ஆர்எஸ் சாலை, எம்டிஎச் சாலை, தில்லை நகர் மற்றும் விரிவாக்கம், சாவடி தெரு, மேனாம்பேடு சாலை, திருமுல்லைவாயில் சாலை, பிராமண தெரு, கங்கையம்மன் கோயில் தெரு, சென்ட்ரல் அவென்யூ தெரு 17 முதல் 24, 35 முதல் 41, வன்னியர், கிராமினி தெரு, ரெட்டித் தெரு, கஸ்தூரி நகர் 1 முதல் 3-வது தெருக்கள், சிவசக்தி நகர் 1 முதல் 6-வது தெருக்கள், கண்ணகி தெரு 3-வது முதல் 8-வது தெருக்கள், TNHB 3-வது முதல் 8-வது தெருக்கள், கிழக்கு அவென்யூ, முகப்பேர் சாலை, கிரீன் வியூ காலனி, சீயோன் தெரு, நேரு நகர்.

ராயபுரம்

விஓசி நகர், ஆர்கே நகர், திலகர் நகர், எல்லையமுதலி தெரு, சேனியம்மன் கோயில் தெரு, டிஎச் சாலை, டோல்கேட், ஸ்டான்லி, பழைய வண்ணாரப்பேட்டை, கன்னிகோயில், கல்மண்டபம், கும்மாளம்மன் கோயில் தெரு, ஜிஏ சாலை, தாண்டவராய கிராமணி தெரு, சோலையப்பன் தெரு, ஸ்ரீரங்கம்மாள் தெரு, சஞ்ஜீவராயன் கோயில் தெரு, கப்பல் போலு தெரு, பாலு முதலி தெரு, ஜெவி கோயில் தெரு, ராமானுஜப்பர் தெரு, பால அருணாச்சலா தெரு, வழக்கறிஞர் சின்னதம்பி I & II தெருக்கள், நமச்சிவாய செட்டி தெரு, ஜஸ்டிஸ் பந்தலை காலனி தெரு, வெங்கடாசலம் தெரு, தாண்டவராய முதலி தெரு.

Chennai Radial Road: வெள்ளத்திற்கு நோ..! ரூ.450 கோடி, 2KM பாலம், பல்லாவரம் - துரைப்பாக்கம் ரேடியல் சாலையில் மெகா திட்டம்

குலசேகரன் முனிரத்தினம் — Mon, 14 Sep 2026 09:29:41 +0530

Pallavaram-Thoraipakkam Radial Road: பல்லாவரம் - துரைப்பாக்கம் வழித்தட ரேடியல் சாலையில் சுமார் 2 கிலோ மீட்டர் நீளத்திற்கு ஒரு புதிய மேம்பாலம் அமைக்கப்பட உள்ளதாம்.

பல்லாவரம் - துரைப்பாக்கம் ரேடியல் சாலையில் புதிய பாலம்:

நவீன தகவல் தொழில்நுட்ப சிறப்புப் பொருளாதார மண்டலமான சென்னை ஒன் தொடங்கி காமாட்சி மருத்துவமனை சந்திப்பு வரையிலான பல்லாவரம் - துரைப்பாக்கம் ரேடியல் சாலையில், சுமார் 2 கிலோ மீட்டர் பகுதி வெகுவிரைவில் இல்லாமலே போகும் என தகவல் வெளியாகியுள்ளது. வெள்ள நீர் எந்தவித இடையூறுமின்றி பாயும் வகையில், அந்த சாலை அமைந்துள்ள 7 ஹெக்டேர் நிலப்பரப்பு மீண்டும் பள்ளிக்கரணை சதுப்பு நிலத்துடன் இணைய உள்ளதாம். இதற்கு மாற்றாக சுமார் 2 கிலோ மீட்டர் நீளத்திற்கு ஒரு பாலம் அமைக்கும் முடிவிற்கான விரிவான திட்ட அறிக்கை இறுதி வடிவம் பெற்று வருகிறதாம்.

ட்ராஃபிக் ஓவர்? 6 வழி மேம்பால திட்டம்:

துரைப்பாக்கம் பகுதியில் சென்னை ஒன் நிறுவனத்திற்கு முன்பாகத் தொடங்கி, காமாட்சி மருத்துவமனை சந்திப்பில் உள்ள மேம்பாலத்திற்கு 100 மீட்டர் முன்பாக வந்து இறங்கும் வகையில், ஆறு வழித்தடங்களைக் கொண்ட உயர்மட்டச் சாலை அமைக்க நெடுஞ்சாலைத் துறை திட்டமிட்டுள்ளதாம். இந்த உயர்மட்டப் பாலத்தின் இடையில் அமைக்கப்படும் தூண்களின் நீளம் 200 மீட்டர் வரை இருக்குமாம். இதனால் பாலத்தின் மேல் கட்டமைப்பைத் தாங்கும் தூண்களின் எண்ணிக்கை குறைவாகவே இருக்கும். ஒவ்வொரு தூணும் 2.5 மீட்டர் விட்டம் கொண்டதாக திட்டமிடப்பட்டுள்ளதாம். இத்திட்டத்தில் நிலம் கையகப்படுத்தும் பணி ஏதுமில்லை என்பதால், கட்டுமானப் பணிகளை முடிக்க இரண்டு ஆண்டுகள் போதுமானதாக கணிக்கப்பட்டுளது.

ரூ.450 கோடி செலவில் மேம்பாலம்

ரேடியல் சாலையில் அமைக்கப்பட உள்ள புதிய பாலத்திற்கான கட்டுமானச் செலவு மட்டும் சுமார் 450 கோடியாக இருக்கும் என மதிப்பிடப்பட்டுள்ளது. கட்டுமானப் பணிகளின்போது போக்குவரத்து மாற்றங்களைச் செய்வது மட்டுமே கவனிக்கப்பட வேண்டிய விஷயமாக உள்ளது. ராஜீவ் காந்தி சாலையை வேளச்சேரி, பள்ளிக்கரணை, மடிப்பாக்கம், கீழ்க்கட்டளை மற்றும் ஜிஎஸ்டி (GST) சாலை ஆகியவற்றுடன் இணைக்கும் இந்தச் சாலையைப் பயன்படுத்தி தற்போது நாளொன்றுக்கு சுமார் 1.25 லட்சம் வாகனங்கள் பயணிக்கின்றன.

வெள்ள பாதிப்பு தடுக்கப்படும்..!

சதுப்பு நிலத்தில் அமைந்துள்ள சாலையை அகற்றி புதிய மேம்பாலம் அமைக்கப்படுவதால், ஒவ்வொரு ஆண்டும் வெள்ளத்தால் பாதிக்கப்படும் ராம் நகர், வேளச்சேரி மற்றும் மடிப்பாக்கம் பகுதி மக்களுக்கு ஒரு தீர்வாக அமையும். இந்த வழித்தடம் வாயிலாக சுமார் 15,000 கன அடி நீர் ஒக்கியம் மடுவை நோக்கிச் செல்ல வேண்டியுள்ளது. தற்போது, 2,100 மீட்டர் நீளமுள்ள இந்தச் சாலையில் 90 மீட்டர் தூரத்தில் மட்டுமே நீர்வழிப் பாதைகள் (culverts) உள்ளன. வெள்ள நீர் தடையின்றிச் செல்ல இது போதுமானதாக இல்லை. எனவே சுற்றுச்சூழலைக் கருத்தில் கொண்டு, ஏற்கனவே உள்ள ஒரு சாலை அகற்றப்படுவது அநேகமாக இதுவே முதல் முறையாக இருக்கலாம் என கூறப்படுகிறது.

இதையும் படியுங்கள்: Asia Cup: மீண்டும் பாகிஸ்தானிற்கு நோஸ் கட் - ஆசிய கோப்பையை பெற மறுத்த இந்திய அணி, BCCI ஆர்டர்

ரேடியல் சாலையின் முக்கியத்துவம்:

சுமார் 11 கிலோ மீட்டர் நீளத்திற்கான பல்லாவரம்-துரைப்பாக்கம் ரேடியல் சாலை (200 அடி) சென்னையின் தெற்கு/மேற்கு நுழைவாயில்களுக்கும் கிழக்கு தகவல் தொழில்நுட்ப வழித்தடங்களுக்கும் இடையேயான பயணத்திற்கு ஒரு முக்கிய இணைப்பாகும்
பல்லாவரத்தில் உள்ள க்ராண்ட் சதர்ன் ட்ரங்க் (ஜிஎஸ்டி) சாலையை, துரைப்பாக்கத்தில் உள்ள ராஜீவ் காந்தி சாலையில் (ஓஎம்ஆர்) அமைந்துள்ள தகவல் தொழில்நுட்ப வழித்தடத்துடன் நேரடியாக இணைக்கிறது
தாம்பரம், குரோம்பேட்டை மற்றும் குன்றத்தூர் போன்ற தெற்கு/மேற்கு புறநகர்ப் பகுதிகளுக்கும், சோழிங்கநல்லூர் மற்றும் துரைப்பாக்கம் போன்ற கிழக்கு தகவல் தொழில்நுட்ப மையங்களுக்கும் இடையே செல்லும் போக்குவரத்து, கிண்டி மற்றும் கத்திப்பாரா போன்ற நகரின் உட்புறத்தில் உள்ள நெரிசல் மிகுந்த இடங்களைத் தவிர்க்க வழிவகை செய்கிறது
சென்னை சர்வதேச விமான நிலையத்திற்கு விரைவான அணுகலை வழங்குகிறது.
தென்மாவட்ட பயணங்களுக்கான முக்கிய இணைப்பு சாலையாகவும் ரேடியல் சாலை அமைந்துள்ளது.

திட்டமிடலின்றி அமைக்கப்பட்ட ரேடியல் சாலை

ரேடியல் சாலை மற்றும் பல்லாவரம் – குன்றத்தூர் சாலை, ஓ.எம்.ஆர்., ஈ.சி.ஆரின் சில பகுதிகள், சோழிங்கநல்லூர் – குடிமியான் தோப்பு சாலை, கோடம்பாக்கம் – ஸ்ரீபெரும்புதூர் சாலை மற்றும் சென்னை புறவழிச்சாலை உள்ளிட்ட சாலைகள் அனைத்தும், சி.எம்.டி.ஏ-வால் அமைக்கப்பட்ட 'சென்னை பகுதி போக்குவரத்து ஆய்வுப் பிரிவு' மூலமாகவே திட்டமிடப்பட்டன. குறைந்தது 15 சாலைகள் அடையாளம் காணப்பட்டு, அதற்கான வரைபடங்கள் தயாரிக்கப்பட்டு நிலம் கையகப்படுத்தும் பணிகளும் மேற்கொள்ளப்பட்டன.

இச்சாலைகளை அமைப்பதற்காக 1998-1999 காலகட்டத்தில் ஒரு தனி தலைமைப் பொறியாளர் பிரிவு உருவாக்கப்பட்டது. கட்டிட இடிபாடுகள் மற்றும் சில வகையான குப்பைகளைக் கூடப் பயன்படுத்தி அந்த ‘ரேடியல்’ சாலை அமைக்கப்பட்டது. இதுகுறித்து பேசிய முன்னாள் துறைசார் பொறியாளர்கள், “சதுப்பு நிலப்பகுதி எவ்வாறு செயல்படும் என்பது குறித்து தெரியாததால், சாலையின் சில பகுதிகள் உள்வாங்கிக் கொண்டன. அக்காலத்தில் போதிய சுற்றுச்சூழல் குறித்த புரிதல் எங்களுக்கு இல்லை” என்று குறிப்பிடுகின்றனர்.