chennai

6 ஆண்டு கள்ளக் காதல் !! திருமணம் மீறிய உறவு - 150 சவரன் நகையோடு பறந்த பெண்

சேர்மசாமி — Wed, 7 Oct 2026 21:32:46 +0530

"திருமணம் மீறிய உறவு"

சென்னை வடபழனி பகுதியை சேர்ந்தவர் ஆதித்தன் ( வயது 42 ) இவருக்கும் அதே பகுதியை சேர்ந்த இலக்கியா ( வயது 35 ) என்பவருக்கும் கடந்த 2015 ஆம் ஆண்டு திருமணமாகி ஒரு மகள் உள்ளார். திருமணத்திற்கு பிறகு இருவரும் தனியாக வீடு எடுத்து தங்கி வந்த நிலையில் கணவன் மனைவி இருவரும் அதிக வயது வித்தியாசம் இருப்பதால் அடிக்கடி கருத்து வேறுபாடு ஏற்பாடு தகராறு நடைபெற்றுள்ளது.

மேலும் ஆதித்தன் இலக்கியாவை அடித்து துன்புறுத்தி வந்ததாகவும் சொல்லப்படுகிறது. இந்த நிலையில் இலக்கியாவிற்கு கடந்த 2020 ஆம் ஆண்டு நகைக் கடையில் பணியாற்றி வந்த கேரளாவை சேர்ந்த ஜிஷ்ணு என்பவருடன் பழக்கம் ஏற்பட்டுள்ளது.

இருவரும் தொடர்ந்து பழகி வந்த நிலையில் இலக்கியாவிற்கு திருமணமானது தெரிந்து ஜிஷ்ணு அவரை காதலிப்பதாக தெரிவித்துள்ளார். அதனை ஏற்றுக் கொண்டு இலக்கியாவும் அவருடன் பழகி வந்த நிலையில் இவர்களது பழக்கமானது திருமணத்திற்கு மீறிய உறவாக மாறியுள்ளது.

"150 சவரன் நகையை எடுத்து சென்ற பெண்"

கடந்த 6 வருடங்களாக கள்ளத் தொடர்பில் இருக்கும் இவர்கள் அடிக்கடி வெளியில் சென்று தனிமையில் சந்தித்து வந்திருக்கின்றனர். இதற்கிடையில் ஜிஷ்ணு , சத்யா என்ற பெண்ணை திருமணம் செய்து கொண்டு அவருடன் ஒரு மாதம் குடும்பம் நடத்தியதாக சொல்லப்படுகிறது. பின்னர் இருவருக்கும் இடையே கருத்து வேறுபாடு ஏற்பட்டு சத்யா ஜிஷ்ணுவை பிரிந்து சென்றுள்ளார்.

இந்நிலையில் கடந்த மாதம் கணவனை பிரிந்து காதலன் ஜிஷ்ணுவுடன் வாழ நினைத்த இலக்கியா வீட்டில் கணவர் இல்லாத போது வீட்டில் இருந்த 150 சவரன் நகையையும் , சிறிது பணத்தையும் எடுத்துக் கொண்டு குழந்தையுடன் கேரளாவிற்கு சென்றுள்ளார்.

பின்னர் ஜிஷ்ணுவுடன் வீடு எடுத்து தங்கியதாக சொல்லப்படுகிறது. எனவே மனைவி மற்றும் மகளை காணவில்லை என அதிர்ச்சியடைந்த ஆதித்தன் கடந்த மாதம் காவல் நிலையத்தில் புகைரளித்துள்ளார். ஆனால் போலீசார் எந்த நடவடிக்கையும் எடுக்காததாக சொல்லப்படுகிறது. இதனால் ஆதித்தன் மனைவி மற்றும் மகளை மீட்டு தருமாறு நீதிமன்றத்தில் மனு அளித்துள்ளார்.

" யாரு என்ன சொன்னாலும் பரவ இல்ல நாங்க ஒன்னா தான் வாழ்வோம் "

இதனை தொடர்ந்து நீதிமன்ற உத்தரவின் பேரில் போலீசார் விசாரணை மேற்கொண்டதில் பல திடுக்கிடும் தகவல்கள் வெளியாகியுள்ளது. ஜிஷ்ணுவுடன் பழகி வந்த இலக்கியா அவர் மூலம் கர்ப்பமடைந்து கரு கலைத்ததும், அவருக்காக அவ்வபோது கணவனுக்கு தெரியாமல் பணம் கொடுத்ததும் தெரிய வந்துள்ளது.

மேலும் ஜிஷ்ணுவின் சகோதரரிடம் இலக்கியா இன்ஸ்டாகிராமில் மெசேஜ் செய்ததும் வெளிவந்துள்ளது. அதில் "ஜிஷ்ணு தான் என் உயிர்.. நான் இல்லாம அவன் இருக்க மாட்டான், எங்க காதலை யாருமே புரிஞ்சுக்க மாட்டேங்குறாங்க.. யாரு என்ன சொன்னாலும் பரவ இல்ல நாங்க ஒன்னா தான் வாழ்வோம்..நான் விவகாரத்திற்கு விண்ணப்பித்திருக்கிறேன் என கூறியுள்ளார்.

இதனை அறிந்த இலக்கியாவின் கணவர் ஆதித்தன் குழந்தை மற்றும் நகையை மீட்டு தருமாறு கேட்டுள்ளார். மேலும் இப்படி பட்ட இலக்கியாவுடன் என் குழந்தை வளரவே கூடாது என கூறியுள்ளார். கணவனுடன் வாழ்ந்து கொண்டு 6 வருடங்களாக கள்ளத் தொடர்பில் இருந்த மனைவி குழந்தையை அழைத்து கொண்டு வீட்டில் இருந்த 150 சவரன் நகையை எடுத்து சென்ற சம்பவம் பரபரப்பை ஏற்படுத்தியுள்ளது. இலக்கியாவை கைது செய்த போலீசார் அவரிடமும் விசாரணை நடத்தி வருகின்றனர்.

Chennai Power Cut: சென்னை மக்களே.! வியாழகிழமை (08.10.2026) எந்தெந்த ஏரியால மின்சாரத் தடை ஏற்படப் போகுது தெரியுமா.?

ஸ்ரீராம் ஆராவமுதன் — Wed, 7 Oct 2026 15:23:15 +0530

சென்னையில், பராமரிப்பு பணிகளுக்காக, நாளை(08.10.2026) எந்தெந்த பகுதிகளில் மின்சாரம் தடை செய்யப்பட உள்ளது என்பது குறித்து தற்போது தெரிந்துகொள்ளலாம். பராமரிப்பு பணிகள் மேற்கொள்ளப்படும் நேரத்தில் மின்சாரம் தடை செய்யப்படும் என மின்சார வாரியம் தெரிவித்துள்ளது. அந்த வகையில், கீழ் கண்ட பகுதிகளில், அக்டோபர் 8-ம் தேதி, மின்சாரம் துண்டிக்கப்படும் என மின்சார வாரியம் அறிவிப்பு வெளியிட்டுள்ளது.

சென்னையில், பொதுமக்களுக்கு தடையில்லா மின்சாரம் வழங்குவதற்காக, ஒவ்வொரு மாதமும் மின்வாரியத்தின் தரப்பில் பழுது நீக்குதல், மின் கம்பிகளை மாற்றுதல் போன்ற பல்வேறு பராமரிப்பு பணிகள் சுழற்சி முறையில் மேற்கொள்ளப்பட்டு வருகிறது. இந்த பராமரிப்பு பணிகளின் போது, சம்பந்தப்பட்ட மின் பாதைகளைச் சேர்ந்த பகுதிகளில் மின்சாரம் துண்டிப்பு செய்யப்படும். இது தொடர்பாக, அப்பகுதி மக்களுக்கு மின்சார வாரியம் தரப்பிலிருந்து முக்கூட்டியே தகவல் அளிக்கப்படுவது வழக்கம். அந்த வகையில், நாளை கீழ்கண்ட பகுதிகளில் பிராமரிப்பு பணிகள் மேற்கொள்ளப்படுவதால், அப்பகுதிகளில் மின்சாரம் துண்டிக்கப்படும் என அறிவிக்கப்பட்டுள்ளது.

தாம்பரம்

மாடம்பாக்கம், வேங்கைவாசல், மப்பேடு, அகரம்தென், படுவாஞ்சேரி, கஸ்பாபுரம், செக்ரடேரியட் காலனி, கேம்ப் ரோடு, செம்பாக்கம், அகரம் மெயின் ரோடு, சேலையூர், விஜிபி சீனிவாச நகர், விஜிபி சரவணா நகர், காயத்திரி நகர், கிருஷ்ணா நகர், திருவாஞ்சேரி, நூத்தஞ்சேரி, கணபதி நகர், அலமேலுபுரம், கண்ணன் நகர், இந்திரா நகர், சோழன் நகர், சுதர்சன் நகர், டியானா ஸ்கை சிட்டி, திருமால் நகர், அன்னை சத்யா நகர், கணேஷ் நகர், மாருதி நகர் மற்றும் ஸ்ரீ தேவி நகர்.

கடப்பேரி

MEPZ பகுதி, மௌலானா நகர், சிங்காரவேலன் தெரு, திருநீர்மலை மெயின் ரோடு, ரங்கநாதபுரம், காதர் பாய் தெரு, கண்ணன் தெரு, ஜிஎஸ்டி சாலையின் ஒரு பகுதி, ரமேஷ் நகர், RV கார்டன், துரைசாமி பிள்ளை தெரு, MR தியேட்டர், முடிச்சூர் சர்வீஸ் சாலை, மார்க்கெட் பகுதி, கார்ப்பரேஷன் அலுவலகம், ஜட்ஜ் நகர் எம் வீதி, காமக்கொடி நகர், காந்தி காலனி. வள்ளுவர் குருகுலம்.

ராஜகீழ்பாக்கம்

வேளச்சேரி மெயின் ரோடு, மேத்தா நகர் மெயின் ரோடு, மகாலட்சுமி நகர் மெயின் ரோடு, மாருதி நகர், கோமதி நகர், ஐயப்ப நகர், விவேகானந்தன் தெரு, ராசுகி தெரு, வேணுகோபால் தெரு, அண்ணா தெரு, பாரதியார் தெரு, திருமகள் நகர், ஐஓபி காலனி, கேம்ப் ரோடு, அம்பேத்கர் நகர், ராஜீவ் காந்தி நகர், கலைஞர் கருணாநிதி நகர், துர்கா காலனி, வெங்கடரமணன் நகர், சிவகாமி நகர், முத்தமிழ் நகர், மணவாள நகர் மற்றும் ஏரிக்கரை தெரு.

ராமாபுரம்

ஐபிஎஸ் காலனி, மணப்பாக்கம், முகலிவாக்கம், கொளப்பாக்கம், ராமச்சந்திரா நகர், கெருகம்பாக்கம், நெசப்பாக்கம், வெங்கடேஸ்வரா நகர், ஜெய் பாலாஜி நகர், கான் நகர் மற்றும் கே.கே. பொன்னுரங்கம் சாலை.

திருவேற்காடு

சுந்தரசோழபுரம், ராம் நகர், சுந்தரவிநாயக நகர், செல்லியம்மன் நகர், கிரீன் பார்க், சக்கரேஸ்வரி நகர்.

குன்றத்தூர்

முருகன் கோவில் பகுதி, டெம்ப்பிள் டவுன், மேலந்தை எஸ் தெரு, பல்லவராயன் குளக்கரை தெரு, ராஜராஜேஸ்வரி நகர், ரங்கநாதன் நகர், நல்லேஸ்வரர் நகர், பண்டாரம் தெரு, ஜெகநாதபுரம், பூஜா அவென்யூ, பாபு நகர், குமரன் நகர், அக்‌ஷயா அடுக்குமாடி குடியிருப்பு, தங்கம் அவென்யூ மற்றும் மகாத்மா காந்தி நகர்.

திருவான்மியூர்

3-வது மற்றும் 4-வது மெயின் ரோடு, காமராஜ் நகர், பிடிசி டிப்போ, திருவள்ளுவர் சாலை, 5 முதல் 24-வது கிழக்கு தெரு, காமராஜ் நகர், தெற்கு அவென்யூ மற்றும் மங்கலேரி.

பெசன்ட் நகர்

எஸ்பிஐ காலனி, எல்லையம்மன் கோயில் தெரு, ஜெயராம் அவென்யூ, மற்றும் சாஸ்திரி நகர் 3-வது, 7-வது, 11-வது, 12-வது மற்றும் 14-வது குறுக்குத் தெருக்கள்.

முடிச்சூர்

ரங்கா நகர், அன்னை இந்திரா நகர், சாரங்க அவென்யூ, கேப்டன் சசிகுமார் நகர், திருவள்ளுவர் நகர், காமராஜர் நெடுஞ்சாலை, பேட்டை தெரு, கண்ணகி தெரு, மேட்டு தெரு, பஞ்சாயத்து போர்டு ரோடு மற்றும் சக்ரா அவென்யூ.

குரோம்பேட்டை

ராதா நகர், லட்சுமி நகர் 2-வது தெரு, கண்ணன் நகர் மற்றும் விரிவாக்கம், ஸ்டேஷன் பார்டர் ரோடு, பத்மாவதி நகர், கிழக்கு புதுவை நகர், ஜோசப் காலனி, சஞ்சய் காந்தி நகர், ஜாய் நகர், பிஎஸ்ஆர் குடியிருப்புகள், சீனிவாசபுரம், சாந்தி நகர் 1-வது மற்றும் 2-வது தெருக்கள், வைஷ்ணவ் கல்லூரி, ஜிஎஸ்டி சாலை, நியூ காலனி 1-வது தெரு மற்றும் சாஸ்திரி காலனி.

மேடவாக்கம்

தோஷி அடுக்குமாடி குடியிருப்பு, வள்ளி நகர், தளபதி ஸ்டாலின் தெரு, புனிதவதி காலனி 1 முதல் 6-வது தெருக்கள், திருவள்ளுவர் தெரு, வேம்புலியம்மன் கோயில் தெரு, கைலாஷ் நகர், ஸ்ரீ பெருமாள் நகர், அந்தோணி நகர், பஜனை கோயில் தெரு மற்றும் நூக்கம்பாளையம் சாலை.

மேற்கண்ட இடங்களில் பராமரிப்பு பணிகள் முடிந்த உடன், பிற்பகல் 2 மணிக்குள் மின் விநியோகம் மீண்டும் வழங்கப்படும் என மின்சார வாரியம் தனது செய்திக்குறிப்பில் தெரிவித்துள்ளது.

ஆவின் பால் தரத்திற்கு புதிய மாடல்! மாதவரத்தில் முதல்வர் விஜய் திறந்து வைத்த ஆய்வகம்!

ராஜேஷ். எஸ் — Wed, 7 Oct 2026 14:00:51 +0530

சென்னை மாதவரம் ஆவின் பால் பண்ணையில் ஆய்வு மேற்கொண்ட முதலமைச்சர் சி. ஜோசப் விஜய், முதற்கட்டமாக, 2 கோடியே 23 லட்சம் ரூபாய் மதிப்பீட்டில் கட்டி முடிக்கப்பட்ட ஆவின் மாநில ஆய்வக துணைக் கட்டிடத்தை திறந்து வைத்தார்.

இந்த ஆய்வகமானது, நவீன உபகரணங்களின் உதவியுடன், தமிழ்நாடு பால் உற்பத்தியாளர்கள் கூட்டுறவு இணையம் மற்றும் மாவட்ட பால் உற்பத்தியாளர்கள் கூட்டுறவு ஒன்றியங்களின் தேவைகளுக்கான அனைத்துத் தரப் பரிசோதனைகளைத் துல்லியமாகவும், விரைவாகவும், சர்வதேச தரநிலைகளுக்கு இணங்கவும் மேற்கொள்ளும் வகையில் அமைக்கப்பட்டுள்ளது.

பால் பண்ணையில் ஆய்வு

தொடர்ந்து, மாதவரம் பால் பண்ணையில் உள்ள பால் உற்பத்தி நிலையத்தை நேரில் பார்வையிட்ட முதலமைச்சர், பால் கொள்முதல் முதல் பதப்படுத்துதல் வரை நடைபெறும் பணிகள் குறித்து அதிகாரிகளிடம் கேட்டறிந்தார். மேலும், உற்பத்தியாகும் பாலின் தரம், வெண்ணெய் குளிரூட்டும் நிலை, பால் பவுடர் கையிருப்பு உள்ளிட்ட விவரங்களையும் அதிகாரிகளிடம் கேட்டறிந்தார்.

இதனைத் தொடர்ந்து, மாதவரம் பால்பண்ணை பிரதான சாலையில் 152 கோடியே 26 லட்சம் ரூபாய் மதிப்பீட்டில், சுமார் 7 ஏக்கர் பரப்பளவில் கட்டப்பட்டு வரும் நியூ ஆவின் டெய்ரி பிளான்ட் என்ற‌ புதிய ஆவின் பால் பண்ணை நிலையத்தின் கட்டுமானப் பணிகளையும் முதலமைச்சர் நேரில் பார்வையிட்டார்.

பால் உற்பத்தியை பெருக்குவதற்கு கடந்த 2022-ஆம் ஆண்டு முதல் நடைபெற்று வரும் இந்த புதிய நிலையம், 7 ஏக்கர் பரப்பளவில், 7 லட்சம் லிட்டர் பால் கொள்ளளவு கொண்டதாக அமைக்கப்பட்டு வருவது குறிப்பிடத்தக்கதாகும். முதல்வர் வருகையால் போக்குவரத்து நெரிசல் ஏற்பட்டது. சாலை இரு புறம் நின்றிருந்த பொதுமக்களை பார்த்து கை அசைத்தபடி முதல்வர் அங்கிருந்து புறப்பட்டு சென்றார்.

மாதவரம் பால் பண்ணை

மாதவரம் பால் பண்ணையானது மிகப் பழமையான பால்பதன நிறுவனமாகும். இந்நிறுவனம் 1963-ஆம் ஆண்டு, அரசு மற்றும் யுனிசெஃப் (UNICEF) ஆகியவற்றின் கூட்டுத் திட்டத்தின் மூலம் மாதவரம் பால் பண்ணை வளாகத்தில் நாளொன்றுக்கு 50,000 லிட்டர் பால் பதப்படுத்தும் திறனுடன் நிறுவப்பட்டது. இதன் உள்கட்டமைப்பு வசதிகள் தொடர்ந்து மேம்படுத்தப்பட்டு, தற்போது நாளொன்றுக்கு சுமார் 4.50 இலட்சம் லிட்டர் பாலைப் பதப்படுத்தும் திறன் பெற்றுள்ளது. நுகர்வோரின் பால் தேவையைப் பூர்த்தி செய்யும் வகையில், சராசரியாக 120 வாகனங்கள் மூலம் வடசென்னைப் பகுதிகளில் பால் விநியோகப் பணிகள் திறம்பட மேற்கொள்ளப்பட்டு வருகின்றன.

திருவொற்றியூரில் 6 வயது சிறுமிக்கு கொடூரம்... குற்றவாளிகளுக்கு தூக்குத் தண்டனை வேண்டும் – அன்புமணி ஆவேசம்

சிவரஞ்சித் — Wed, 7 Oct 2026 13:27:33 +0530

சென்னை: திருவொற்றியூர் பகுதியில் பெற்றோருடன் வசித்து வந்த 6 வயது வடமாநிலச் சிறுமி கூட்டுப் பாலியல் வன்கொடுமைக்கு ஆளாக்கப்பட்டதாக கூறப்படும் சம்பவம் அதிர்ச்சியை ஏற்படுத்தியுள்ளது. இந்தக் கொடூர சம்பவத்தில் தொடர்புடைய குற்றவாளிகளை தப்பவிடாமல், சட்டப்படி அதிகபட்ச தண்டனை பெற்றுத்தர தமிழக அரசும், காவல்துறையும் நடவடிக்கை எடுக்க வேண்டும் என்று பா.ம.க. தலைவர் மருத்துவர் அன்புமணி இராமதாஸ் வலியுறுத்தியுள்ளார்.

இதுதொடர்பாக அவர் வெளியிட்டுள்ள அறிக்கையில், திருவொற்றியூர் பகுதியில் பெற்றோருடன் வசித்து வந்த 6 வயது சிறுமி, அதே பகுதியில் வசித்து வந்ததாகக் கூறப்படும் வடமாநில இளைஞர்களால் கூட்டுப் பாலியல் வன்கொடுமைக்கு ஆளாக்கப்பட்டிருப்பது அதிர்ச்சியளிப்பதாக தெரிவித்துள்ளார்.

பெற்றோர் வெளியே சென்ற நேரத்தில் கொடூரம்

திருவொற்றியூரில் உள்ள ஒரு வீட்டில் சிறுமி தனது பெற்றோருடன் வசித்து வந்ததாக கூறப்படுகிறது. சிறுமியின் பெற்றோர் மாலை நேரத்தில் பானி பூரி விற்பனைக்காக வெளியே சென்றிருந்த நிலையில், அதனைப் பயன்படுத்திக் கொண்டு அதே வீட்டின் மேல்தளத்தில் வசித்து வந்ததாகக் கூறப்படும் ராகுல், சித்தரஞ்சன், மனோஜ் ஆகியோர் சிறுமியிடம் பாலியல் வன்கொடுமையில் ஈடுபட்டதாக புகார் எழுந்துள்ளது.

சிறுமிக்கு நேர்ந்த கொடுமையை உடனடியாக பெற்றோரிடம் தெரிவிக்க முடியாத நிலையில் இருந்ததாகவும் கூறப்படுகிறது. பின்னர் சிறுமிக்கு அதிகளவில் ரத்தப்போக்கு ஏற்பட்டதைத் தொடர்ந்து, அவரை பெற்றோர் மருத்துவமனைக்கு அழைத்துச் சென்றுள்ளனர்.

அங்கு சிறுமியை மருத்துவர்கள் பரிசோதித்தபோது, அவருக்கு பாலியல் வன்கொடுமை செய்யப்பட்டிருப்பது தெரியவந்ததாகவும், இதையடுத்து பெற்றோரிடம் மருத்துவர்கள் தகவல் தெரிவித்ததாகவும் அன்புமணி இராமதாஸ் தனது அறிக்கையில் குறிப்பிட்டுள்ளார்.

2 பேர் பிடிபட்டதாக தகவல்

இந்தச் சம்பவம் தொடர்பாக மருத்துவமனையில் சிறுமிக்கு உதவிய அப்பகுதியைச் சேர்ந்த ஒருவர் மற்றும் பொதுமக்கள் இணைந்து சந்தேகிக்கப்படும் இருவரை பிடித்து காவல்துறையினரிடம் ஒப்படைத்ததாக கூறப்படுகிறது.

மேலும், சம்பவத்தில் தொடர்புடையதாகக் கூறப்படும் மற்றொரு நபர் தப்பியோடியதாகவும், அவரை காவல்துறையினர் தேடி வருவதாகவும் அன்புமணி இராமதாஸ் தெரிவித்துள்ளார்.

தப்பியோடிய நபரையும் உடனடியாக கைது செய்து, வழக்கை விரைந்து விசாரித்து சட்டத்தின் முன் நிறுத்த வேண்டும் என்றும் அவர் வலியுறுத்தியுள்ளார்.

“குற்றவாளிகளை தப்பவிடக் கூடாது”

குழந்தைகள் பாதுகாக்கப்பட வேண்டியவர்கள் என்றும், அவர்களுக்கு எதிரான பாலியல் குற்றங்கள் மிகவும் கடுமையாக கையாளப்பட வேண்டும் என்றும் அன்புமணி இராமதாஸ் தெரிவித்துள்ளார்.

தெய்வமாகக் கொண்டாடப்பட வேண்டிய குழந்தைக்கு இத்தகைய கொடுமையை செய்ததாகக் கூறப்படும் நபர்களை அரசு மற்றும் காவல்துறை எக்காரணம் கொண்டும் தப்பவிடக் கூடாது என்றும், சட்டத்தின் கீழ் கிடைக்கக்கூடிய அதிகபட்ச தண்டனையை பெற்றுத்தர வேண்டும் என்றும் அவர் வலியுறுத்தியுள்ளார்.

மேலும், தமிழ்நாட்டின் எந்தப் பகுதியிலும் பெண்கள் மற்றும் குழந்தைகளுக்கு பாலியல் வன்கொடுமை உள்ளிட்ட குற்றங்கள் நடைபெறாமல் இருப்பதை தமிழக காவல்துறை உறுதி செய்ய வேண்டும் என்றும் அன்புமணி இராமதாஸ் கேட்டுக்கொண்டுள்ளார்.

குழந்தைகளின் பாதுகாப்பு குறித்து கூடுதல் கவனம்

சிறுமி தொடர்பான இந்த வழக்கில் காவல்துறை விரைந்து விசாரணை நடத்தி, சம்பவத்தின் முழு பின்னணியையும் கண்டறிந்து, தொடர்புடைய அனைவருக்கும் எதிராக சட்டப்படி கடுமையான நடவடிக்கை எடுக்க வேண்டும் என்பதே அரசியல் கட்சிகள் மற்றும் பொதுமக்களின் எதிர்பார்ப்பாக உள்ளது.

சிறுமியின் மருத்துவ சிகிச்சை, பாதுகாப்பு மற்றும் மனநல ஆதரவு உள்ளிட்ட தேவையான அனைத்து உதவிகளையும் அரசு வழங்க வேண்டும் என்பதும் முக்கியத்துவம் பெறுகிறது.

சென்னையில் இனி பீச்களுக்கு பஞ்சமில்லை..! 5,904 சதுர கிலோ மீட்டருக்கு பிரமாண்ட திட்டம் - காஞ்சி, திருவள்ளூர்

குலசேகரன் முனிரத்தினம் — Wed, 7 Oct 2026 12:33:23 +0530

Chennai New Beach: புலிகாட் தொடங்கி மகாபலிபுரம் வரையிலான கடலோரப் பகுதிகளை ஆராய்ந்து புதிய கடற்கரைகளை அமைக்க CMDA நிர்வாகம் திட்டமிட்டுள்ளது.

சென்னைக்கு புதிய கடற்கரைகள்..!

சென்னை மக்களின் பல தசாப்தகால காத்திருப்புக்குப் பிறகு, ஒருவழியாக பெருநகராமனது பொழுதுபோக்கு அம்சங்களுடன் கூடிய புதிய கடற்கரைகளை பெற உள்ளது. இதற்கான ஆய்வுகளை புலிகாட் தொடங்கி மகாபலிபுரம் வரையிலான கடலோரப்பகுதிகளில் சென்னை பெருநகர வளர்ச்சிக் குழுமம் மேற்கொள்ள உள்ளது. இதில் மூங்கில்களை கொண்டு குடில்கள், நாற்காலிகள் போன்றவற்றை அமைப்பது மற்றும் பொதுமக்களுக்கான பொழுதுபோக்கு அம்சங்களை ஏற்படுத்துவது தொடர்பான பரிசீலனைகளும் அடங்கும்.

5,904 சதுர கிலோ மீட்டருக்கு பிரமாண்ட திட்டம்:

5,904 சதுர கிலோமீட்டர் பரப்பளவு கொண்ட, அதவாது தற்போதைய 1,189 சதுர கிலோமீட்டர் திட்டமிடல் பகுதியை விட கிட்டத்தட்ட ஐந்து மடங்கு பெரிய விரிவாக்கப்பட்ட சென்னை பெருநகரப் பகுதிக்கான (CMA) விரிவான முழுமையான திட்டத்தை (master plan) தயாரிக்க சென்னை பெருநகர வளர்ச்சிக் குழுமம் திட்டமிட்டுள்ளதாம். இதற்காக ஒரு சர்வதேச ஆலோசகரும் நியமிக்கப்பட உள்ளாராம். இந்த திட்டத்தின் வாயிலாக செங்கல்பட்டு, காஞ்சிபுரம், திருவள்ளூர் மற்றும் ராணிப்பேட்டை ஆகிய மாவட்டங்களைச் சேர்ந்த 1,200-க்கும் மேற்பட்ட கிராமங்கள் சிஎம்ஏ-வுடன் இணைக்கப்படவுள்ளனவாம். இந்தத் திட்டம் அடுத்த 20 ஆண்டுகளுக்கானது.

புதிய வளர்ச்சி திட்டங்கள்:

தற்போதுள்ள 1,189 சதுர கிலோமீட்டர் பரப்பளவு அதன் உச்ச நிலையை எட்டியுள்ளதாகவும், இனி இந்த பகுதியில் புதியதாக வளர்ச்சிப்பணிகளை மேற்கொள்வது என்பது சிரமம் எனவும் அதிகாரிகள் தரப்பு தகவல்கள் தெரிவிக்கின்றன. அதேநேரம், விரிவுபடுத்தப்பட்ட சென்னை பெருநகரப் பகுதி எல்லைக்குட்பட்ட பகுதிகளுக்குப் புதிய திட்டங்களை நாம் வகுக்க முடியுமாம். எதிர்கால வளர்ச்சி எங்கு, எவ்வாறு அமைய வேண்டும் என்பதையும், அதை முறைப்படுத்த என்னென்ன விதிகள் தேவை என்பதையும் ஆலோசகர் விர்வான திட்ட அறிக்கை மூலம் சமர்பிக்க உள்ளார்.

புதிய திட்டத்தின் முக்கிய நோக்கம் என்ன?

கடற்கரை ஓரப்பகுதிகளை ஒருங்கிணைந்த முறையில் மேம்படுத்துவது புதிய திட்டத்தின் முக்கிய அம்சமாக இருக்குமாம். சில இடங்களில் நிலத்தடி நீர் வள மண்டலங்கள் உள்ளன. கடற்கரைச் சுற்றுலா, பொழுதுபோக்கு வசதிகள், தற்காலிகக் கடைகள் மற்றும் பிற பொது வசதிகளுக்கான இடங்கள் அடையாளம் காணப்பட உள்ளன. கடற்கரை நெடுகிலும் ஆங்காங்கே என கட்டுமானங்களை அனுமதிப்பதற்குப் பதிலாக, ஒவ்வொரு பகுதிக்கும் எந்த வகையான வளர்ச்சி பொருத்தமானது என்பது தீர்மானித்து ஒப்புதல் அளிக்கப்பட உள்ளனவாம்.

இதையும் படியுங்கள்: TNPSC Vacancy: க்ரூப்-4 தேர்வு - எந்தெந்த துறையில் எத்தனை காலிப்பணியிடங்கள், ஊதியம், கல்வித்தகுதி என்ன? முழு விவரம்

இதுபோக பரந்த மற்றும் ஒன்றோடொன்று இணைக்கப்பட்ட சாலைகள், எதிர்கால வளர்ச்சியை ஆதரிக்கும் வகையிலான சாலை கட்டமைப்பு, வெள்ள அபாயம் உள்ள பகுதிகளை கண்டறிந்து அத்தகைய சூழலிலும் தாக்குப் பிடிக்கக்கூடிய வகையிலான வளர்ச்சித் திட்டங்களை உருவாக்குவது, குடியிருப்பு, வணிகம், தொழில், பொழுதுபோக்கு மற்றும் பொதுக் கட்டமைப்பு எனப் பல்வேறு வகையான வளர்ச்சிகள் எங்கு அமைய வேண்டும் என்பதையும், அதற்கான சாலைகள் மற்றும் பிற கட்டமைப்பு வசதிகள் எவ்வாறு இருக்க வேண்டும் என்பதையும் புதிய வளர்ச்சி திட்டம் தீர்மானிக்க உள்ளதாம்.

2 ஆண்டுகள் காலக்கெடு:

புதிய முழுமையான பெருநகரத் திட்டத்தை நிறைவு செய்யக் குறைந்தது இரண்டு ஆண்டுகள் ஆகுமாம். பெங்களூரு நகரின் போக்குவரத்து நெரிசல் நிலையை எட்டும் சூழலில் சென்னை இருப்பதால், பொதுப் போக்குவரத்தை ஊக்குவிப்பதோடு, பயணத்தின் இறுதிப் பகுதி வரையிலான இணைப்பு வசதிகளையும் மேம்படுத்த வேண்டிய கட்டாயம் ஏற்பட்டுள்ளது என்பதை அரசு கவனித்தில் கொள்ள வேண்டும் என பொதுமக்கள் வலியுறுத்துகின்றனர். எதிர்பார்த்தபடி இந்த திட்டம் நடைமுறைக்கு வந்தால் சென்னைக்கு புதிய கடற்கரைகள் கிடைப்பதோடு, அகலமான இணைப்பு சாலைகள் மற்றும் நகர்ப்புற வளர்ச்சி மேம்படுத்தப்படும். கடல் உணவு தொடர்பான உட்கட்டமைப்பு வலுவடைவதோடு, சென்னையை தாண்டி காஞ்சிரம், செங்கல்பட்டு மற்றும் திருவள்ளூர் ஆகிய மாவட்டங்களிலும் வளர்ச்சி பரவலாக்கப்படும்.

10 நிமிடத்திற்கு ஒரு மெட்ரோ... 900 பயணிகள்... சென்னையில் வரப்போகும் டிரைவர் இல்லா ரயில்!

கிஷோர் — Wed, 7 Oct 2026 08:49:59 +0530

சென்னை மெட்ரோ ரயில் நிறுவனத்தின் (CMRL) இரண்டாம் கட்ட மெட்ரோ திட்டத்தில், ஓட்டுநரில்லாமல் தானியங்கி முறையில் இயங்கும் மெட்ரோ ரயில்களை அறிமுகப்படுத்தும் பணிகள் தீவிரப்படுத்தப்பட்டுள்ளன. அதிநவீன தொழில்நுட்பத்தில் உருவாக்கப்படும் இந்த ரயில்களை 2027-ஆம் ஆண்டின் நடுப்பகுதிக்குள் முழுமையான சேவைக்குக் கொண்டு வர CMRL இலக்கு நிர்ணயித்துள்ளது. இதன் மூலம் சர்வதேச நகரங்களில் செயல்பட்டு வரும் தானியங்கி மெட்ரோ சேவைகளின் வரிசையில் சென்னை நகரமும் இணைய உள்ளது.

தொடக்கத்தில் ஆபரேட்டர்களுடன் இயக்கம்

புதிய மெட்ரோ ரயில்கள் மனிதர்களின் நேரடி உதவியின்றி இயங்கும் ‘Unattended Train Operation’ எனப்படும் UTO தொழில்நுட்பத்துக்கு ஏற்ற வகையில் வடிவமைக்கப்படுகின்றன. இருப்பினும், சேவை தொடங்கும் ஆரம்ப கட்டத்தில் பாதுகாப்பைக் கருத்தில் கொண்டு ‘Automatic Train Operation’ எனப்படும் ATO முறையில் ரயில்கள் இயக்கப்பட உள்ளன.

இந்த காலகட்டத்தில் ஒவ்வொரு ரயிலிலும் இரண்டு மெட்ரோ ரயில் ஆபரேட்டர்கள் இருப்பார்கள். அவர்கள் ரயிலின் இயக்கத்தைத் தொடர்ந்து கண்காணிப்பதுடன், எதிர்பாராத அவசரநிலை அல்லது சிக்னல் கோளாறு போன்ற சூழ்நிலைகள் ஏற்பட்டால் உடனடியாக தலையிடுவார்கள். அவசர சூழலில் ஒரு ஆபரேட்டர் ரயிலை கைமுறையில் கட்டுப்படுத்தி பிரேக் பயன்படுத்தும் நிலையில், மற்றொரு ஆபரேட்டர் சிக்னல் நிலவரங்களை கண்காணித்து பயணிகளுக்கு தேவையான உதவிகளை வழங்குவார்.

120 வகையான பாதுகாப்புச் சோதனைகள்

முழுமையான ஓட்டுநரில்லா இயக்கத்துக்கு ரயில்களை மாற்றுவதற்கு முன்பு பல்வேறு கட்டங்களாக விரிவான பாதுகாப்புச் சோதனைகள் மேற்கொள்ளப்பட உள்ளன. சுமார் 120 வகையான பாதுகாப்புச் சூழ்நிலைகள் மற்றும் சோதனை நிலைகள் உருவாக்கப்பட்டு, ஒவ்வொரு சூழ்நிலையிலும் ரயிலின் தானியங்கி இயக்கம் எவ்வாறு செயல்படுகிறது என்பது பரிசோதிக்கப்படும்.

வழக்கமான மெட்ரோ சேவைகள் முடிந்த பிறகும் இரவு நேரங்களில் இந்த சோதனைகள் தொடர்ந்து நடைபெற உள்ளன. அனைத்து பாதுகாப்பு அம்சங்களும் முழுமையாக உறுதி செய்யப்பட்ட பின்னர், ரயில்வே பாதுகாப்பு ஆணையரின் (CMRS) அனுமதிச் சான்றிதழ் பெறப்பட்டு முழுமையான UTO சேவைக்கு மாற்றுவதற்கான நடவடிக்கைகள் மேற்கொள்ளப்படும்.

கட்டுப்பாட்டு மையத்திலிருந்து முழு இயக்கம்

முழுமையான UTO முறை அமலுக்கு வந்த பிறகு, ரயிலின் வழக்கமான இயக்கப் பணிகள் அனைத்தும் மத்திய கட்டுப்பாட்டு மையத்திலிருந்து கண்காணிக்கப்பட்டு தானியங்கி முறையில் நிர்வகிக்கப்படும். ரயில் கதவுகளைத் திறப்பது மற்றும் மூடுவது, ரயிலை இயக்குவது உள்ளிட்ட வழக்கமான செயல்பாடுகள் மனித தலையீடு இல்லாமல் தானாக நடைபெறும் வகையில் தொழில்நுட்பம் பயன்படுத்தப்பட உள்ளது. இதன் மூலம் ரயில் இயக்கத்தில் மனிதத் தவறுகளைக் குறைப்பதுடன், ரயில்களின் இயக்கத்தை துல்லியமாக கண்காணித்து சேவை திறனை மேம்படுத்தவும் CMRL திட்டமிட்டுள்ளது.

10 நிமிட இடைவெளியில் மெட்ரோ சேவை

ஆரம்ப கட்டத்தில் மொத்தம் 15 புதிய மெட்ரோ ரயில்கள் சேவையில் ஈடுபடுத்தப்பட உள்ளதாக தெரிவிக்கப்பட்டுள்ளது. இந்த ரயில்கள் சுமார் 10 நிமிட இடைவெளியில் இயக்கப்பட உள்ளன. வடபழனி முதல் பூந்தமல்லி பைபாஸ் வரையிலான பயணத்திற்கு அதிகபட்சமாக ரூ.40 கட்டணம் நிர்ணயிக்கப்பட வாய்ப்புள்ளதாகவும், நீண்ட தூரப் பயணங்களுக்கு ரூ.50 வரை கட்டணம் இருக்கலாம் என்றும் கூறப்படுகிறது.

900 பயணிகளை ஏற்றிச் செல்லும் ரயில்கள்

புதிய ஓட்டுநரில்லா மெட்ரோ ரயில்கள் 3 பெட்டிகளைக் கொண்டதாக இருக்கும். ஒவ்வொரு ரயிலிலும் ஒரே நேரத்தில் சுமார் 900 பயணிகள் வரை பயணிக்க முடியும். ரயில்கள் அதிகபட்சமாக மணிக்கு 80 கிலோமீட்டர் வேகத்தில் இயக்கும் வகையில் வடிவமைக்கப்பட்டுள்ளன. இருப்பினும், பாதையில் உள்ள வளைவுகள், நிலையங்களின் அமைப்பு மற்றும் பாதுகாப்பு அம்சங்களை கருத்தில் கொண்டு ரயில்களின் சராசரி இயக்க வேகம் மணிக்கு சுமார் 32 கிலோமீட்டராக இருக்கும் என எதிர்பார்க்கப்படுகிறது.

சர்வதேச தரத்தில் சென்னை மெட்ரோ

இந்தியாவில் ஏற்கனவே டெல்லி மெட்ரோவில் ஓட்டுநரில்லா தானியங்கி ரயில் சேவை செயல்பட்டு வரும் நிலையில், சென்னை மெட்ரோவின் இரண்டாம் கட்டத் திட்டத்தின் மூலம் இந்த தொழில்நுட்பம் சென்னையிலும் அறிமுகமாக உள்ளது. சிங்கப்பூர், துபாய் உள்ளிட்ட சர்வதேச நகரங்களில் பயன்பாட்டில் உள்ள தானியங்கி மெட்ரோ தொழில்நுட்பத்தைப் பின்பற்றி சென்னையிலும் நவீன ரயில் சேவை உருவாக உள்ளது. 2027-ஆம் ஆண்டில் ஓட்டுநரில்லா மெட்ரோ சேவை முழுமையாக செயல்பாட்டுக்கு வந்தால், சென்னை நகரின் பொதுப் போக்குவரத்து கட்டமைப்பில் இது முக்கியமான தொழில்நுட்ப முன்னேற்றமாக அமையும்.

TN Weather News: தமிழ்நாட்டில் இன்று எந்தெந்த மாவட்டங்களுக்கு கனமழை வார்னிங் - சென்னை? வானிலை அறிக்கை

குலசேகரன் முனிரத்தினம் — Wed, 7 Oct 2026 06:29:09 +0530

Tamil Nadu Weather Update (07-10-2026): தலைநகர் சென்னையிலும் இன்று மிதமான மழைக்கு வாய்ப்புள்ளதாக வானிலை மையம் எச்சரித்துள்ளது.

வானிலை மையம் எச்சரிக்கை:

வானிலை மையம் வெளியிட்டுள்ள அறிக்கையில், “சுமார் 5.8 கிமீ உயரத்தில் தெற்கு கேரள கடலோர பகுதிகளுக்கு அப்பால் உள்ள தென்கிழக்கு அரபிக்கடல் பகுதிகளின் மேல் ஒரு வளிமண்டல சுழற்சி நிலவுகிறது. சுமார் 5.8 கிமீ உயரத்தில் வட தமிழக பகுதிகளின் மேல் ஒரு வளிமண்டல சுழற்சி நிலவுகிறது. சுமார் 0.9 கிமீ உயரத்தில் மன்னார் வளைகுடா முதல் மத்திய மகாராஷ்டிரா வரை, தமிழகம் மற்றும் உள் கர்நாடகா வழியாக ஒரு காற்றழுத்த தாழ்வு பாதை (Trough) நிலவுகிறது.

இன்று எங்கெல்லாம் மழைக்கு வாய்ப்பு?

அதனால் நீலகிரி, கோயம்புத்தூர், தேனி, திண்டுக்கல், திருப்பூர், தென்காசி. விருதுநகர். கன்னியாகுமரி, திருநெல்வேலி, தஞ்சாவூர், திருவாரூர், நாகப்பட்டினம், புதுக்கோட்டை, மதுரை, சிவகங்கை, ராமநாதபுரம், தாத்துக்குடி ஈரோடு மற்றும் சேலம் ஆகிய மாவட்டங்களில் ஒருசில இடங்களிலும், காரைகால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களிலும் மற்றும் புதுவையிலும் இடி மின்னலுடன் கூடிய லேசான மழை பெய்யக்கூடும்.

அடுத்த 3 நாட்களுக்கான வானிலை:

08-10-2026: கோயம்புத்தூர் மாவட்டத்தின் மலை பகுதிகள் மற்றும் நீலகிரி மாவட்டத்தில் ஓரிரு இடங்களில் இடி, மின்னல் மற்றும் பலத்த காற்றுடன் (மணிக்கு 40 முதல் 50 கிலோமீட்டர் வேகத்தில்) கூடிய கன மழை பெய்யக்கூடும். தேனி, திண்டுக்கல். திருப்பூர். தென்காசி, விருதுநகர். கன்னியாகுமரி. இரத்தெல்வேலி, ராமநாதபுரம், தூத்துக்குடி, சிவகங்கை, மதுரை மாவட்டங்களில் ஒருசில இடங்களில் இடி, மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய மிதமான மழை பெய்யக்கூடும். ஏனைய தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசான மழை பெய்யக்கூடும்.

09-18-2026: நீலகிரி, கோயம்புத்தூர் மற்றும் தேனி மாவட்டங்களில் ஓரிரு இடங்களில் மின்னல் மற்றும் பலத்த காற்றுடன் (மணிக்கு 40 முதல 50 கிலோ மீட்டர் வேத்ததில்) கூடிய கன மழை பெய்யக்கூடும். திண்டுக்கல், திருப்பூர் தென்காசி, விருதுநகர், கன்னியாகுமரி, திருநெல்வேலி, தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை, தர்மபுரி கிருஷ்ணகிரி, திருப்பத்தூர், திருவண்ணாமலை, சேலம், ஈரோடு, நாமக்கல், க்ரூர், மதுரை, சிவகங்கை, ராமநாதபுரம், தூத்துக்குடி மாவட்டங்களில் ஒருசில இடங்களிலும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 40 முதல் 50 கீலோ மீட்டர் வேகத்தில்) கூடிய மிதமான மழை பெய்யக்கூடும் ஏனைய தமிழகத்தில் ஒருசில இடங்களிலும் மற்றும் புதுவையிலும் இடி மின்னனுடன் கூடிய வேசான் மறை பெய்யககூடும்.

அதிகபட்ச வெப்பநிலை பற்றிய முன்னறிவிப்பு:

07-10-2026: தமிழகம், புதுவை மற்றும் காரைக்கால் பகுதிகளில் அதிகபட்ச வெப்பநிலை ஓரிரு இடங்களில் 2-3° செல்சியஸ் இயல்பை விட அதிகமாக இருக்கக்கூடும்.

08-10-2026 முதல் 10-10-2026 வரை: தமிழகம், புதுவை மற்றும் காரைக்கால் பகுதிகளில் அதிகபட்ச வெப்பநிலை இயல்பை ஒட்டியே இருக்கக்கூடும்.

சென்னை பகுதிகளுக்கான வானிலை முன்னறிவிப்பு:

சென்னையை பொறுத்த்தவரை இன்று வானம் ஓரளவு மேகமூட்டத்துடன் காணப்படும். மாலை/இரவு நேரங்களில் நகரின் ஒருசில பகுதிகளில் இடி மின்னலுடன் கூடிய லேசான/ மிதமான மழை பெய்ய வாய்ப்புள்ளது. அதிகபட்ச வெப்பநிலை 35-36° செல்சியஸை ஒட்டியும், குறைந்தபட்ச வெப்பநிலை 26-27° செல்சியஸை ஒட்டியும் இருக்கக்கூடும்.

விமான நிலைய பார்சல்களை ஆட்டையை போட்ட துப்புரவுத் தொழிலாளி !! ரூ.3 லட்சம் மோசடி பெண் கைது

சேர்மசாமி — Tue, 6 Oct 2026 23:56:04 +0530

"ரூ.3 லட்சம் மதிப்புள்ள பார்சல்கள் மாயம்"

சென்னை அரும்பாக்கத்தைச் சேர்ந்த ரவிச்சந்திரன் ( வயது 51 ) என்பவர் பாண்டிபஜார் பகுதியிலுள்ள கொரியர் நிறுவனத்தில் மேலாளராக வேலை செய்து வருகிறார். இவரது கொரியர் நிறுவனத்திற்கு பல்வேறு மாநிலங்களிலிருந்து விமானம் மூலம் வரும் பார்சல்கள் சென்னை விமான நிலைய கிடங்கிலிருந்து தனியார் டெலிவரி நிறுவனத்தின் வாகனம் மூலம் பாண்டிபஜார் கிளை அலுவலகத்தில் சேர்ப்படுகிறது.

சில நாட்கள் முன்பு அவ்வாறு வரும் பார்சல்களில் சுமார் ரூ.3,40,391/- மதிப்புள்ள 4 பார்சல்கள் காணாமல் போய் உள்ளது. இதனால் சிசிடிவி பதிவுகளை ஆய்வு செய்த போது, விமான நிலையத்திலிருந்து பார்சல்களை கொண்டு வரும் தனியார் டெலிவரி நிறுவனத்தில் துப்புரவு வேலை செய்து வரும் குமுதவள்ளி என்பவர் பார்சல்களை திருடியது தெரிய வந்தது.

"குற்றத்தை ஒப்புக் கொண்ட பெண்"

அந் நிறுவனத்தின் உரிமையாளர் மூலம் விசாரணை செய்த போது, குமுதவள்ளி திருடிய குற்றத்தை ஒப்புக் கொண்டு, திருடிய பொருட்களை விற்று செலவு செய்து விட்டதாக கூறியுள்ளார். அதில் ரூ.33,225/- பணத்தை 16.06.2026 அன்று கொடுத்து விட்டு, மீதி பணம் ரூ.3,04,166/-ஐ ஒரு வாரத்திற்குள் தருவதாக உறுதியளித்து சென்றுள்ளார்.

ஆனால் குமுத வள்ளி மீதி பணத்தை தராமல் ஏமாற்றி வந்த நிலையில், தற்போது தர வேண்டிய மீதி பணத்தை தர மறுத்துள்ளார். ஆகவே, நிறுவனத்தின் பொருட்களை திருடிச் சென்ற குமுதவள்ளி மீது நடவடிக்கை எடுத்து பணத்தை பெற்று தருமாறு ரவிச்சந்திரன் என்பவர் சௌந்தரபாண்டியனார் அங்காடி காவல் நிலைய குற்றப் பிரிவில் புகார் கொடுத்துள்ளார்.

வழக்குப் பதிவு செய்து விசாரணை மேற்கொண்ட போலீசார் , திருட்டில் ஈடுபட்ட கொருக்குப்பேட்டை ஜே.ஜே நகர் பகுதியை சேர்ந்த குமுதவள்ளி ( வயது 55 ) என்பவரை கைது செய்தனர். கைது செய்யப்பட்ட குமுத வள்ளி விசாரணைக்குப் பின்னர் நீதிமன்றத்தில் ஆஜர் செய்யப்பட்டு நீதிமன்ற உத்தரவுப்படி சிறையில் அடைக்கப்பட்டார்.

பள்ளி தோழியுடன் அந்தரங்க உறவு !! செல்போனில் வீடியோ காட்சிகள் - மிரட்டிய இளைஞர்

சேர்மசாமி — Tue, 6 Oct 2026 22:47:44 +0530

"திருமணம் மீறிய உறவு"

கன்னியாகுமரி மாவட்டம் இரணியல் அருகே உள்ள பேயன்குழி பகுதியைச் சேர்ந்தவர் 29 வயது இளம்பெண். இவருக்கு அவரது உறவினருடன் திருமணமாகி 9 வயதில் மகன் உள்ளார். கருது வேறுபாடு காரணமாக கணவனை பிரிந்த இளம்பெண் மகனுடன் தனியாக வீடு எடுத்து வசித்து வருகிறார். இவர் பரசேரி பகுதியில் அழகு நிலையம் ஒன்றை நடத்தி வரும் நிலையில் , அவரது பள்ளி தோழனான 29 வயதுடைய அபிஷேக் என்பவருடன் மீண்டும் பழக்கம் ஏற்பட்டுள்ளது.

இருவரும் தொடர்ந்து பழகி வந்த நிலையில் நாளடைவில் இவர்களது பழக்கமானது , திருமணத்திற்கு மீறிய உறவாக மாறியுள்ளது. கடந்த மூன்று வருடங்களாக இருவரும் தொடர்பில் உள்ள நிலையில் அடிக்கடி தனியாக சந்தித்து இருவரும் தனிமையில் இருந்து வந்ததாகவும் கூறப்படுகிறது.

"செல்போனில் ரகசிய வீடியோ"

இதனிடையே , அபிஷேக் வேலைக்காக கடந்த ஒரு வருடத்திற்கு முன்பு இத்தாலி நாட்டிற்கு சென்ற நிலையில் , இருவருக்கும் இடையே கருத்து வேறுபாடு ஏற்பட்டு உறவில் விரிசல் ஏற்பட்டதாக தெரிகிறது. இந்நிலையில் , இத்தாலியில் இருந்து சொந்த ஊருக்கு திரும்பிய அபிஷேக் , மீண்டும் அந்த இளம்பெண்ணுடன் உறவை தொடர முயன்றதாக கூறப்படுகிறது. ஆனால் அதற்கு இளம் பெண் மறுப்பு தெரிவித்துள்ளார்.

இதனால் ஆத்திரமடைந்த அபிஷேக், இருவரும் ஏற்கெனவே தனியாக இருந்த போது தனது செல்போனில் ரகசியமாக பதிவு செய்திருந்ததாக கூறப்படும் தனிப்பட்ட வீடியோ காட்சிகளை அந்தப் பெண்ணிடம் காட்டி மிரட்டியதாகவும், தொடர்ந்து அவரை தாக்கியதாகவும் புகார் அளிக்கப்பட்டுள்ளது. இதில் காயமடைந்த இளம்பெண் மருத்துவமனையில் அனுமதிக்கப்பட்டார். பின்னர் அவர் அளித்த புகாரின் அடிப்படையில் இரணியல் போலீசார் பெண் வன்கொடுமை, கொலை மிரட்டல் உள்ளிட்ட 5 பிரிவுகளின் கீழ் வழக்குப் பதிவு செய்தனர்.

இதையடுத்து, இத்தாலியில் இருந்து சொந்த ஊருக்கு திரும்பிய அபிஷேக்கை போலீசார் கைது செய்து இரணியல் நீதிமன்றத்தில் ஆஜர்படுத்தினர். பின்னர் நீதிமன்ற உத்தரவின்படி அவர் சிறையில் அடைக்கப்பட்டார். இருப்பினும் இந்த சம்பவம் தொடர்பாக முழு விவரம் தெரிந்து கொள்ள இரணியல் போலீசார் தொடர்ந்து விசாரணை நடத்தி வருகின்றனர்.

சென்னை மக்களுக்கு அதிர்ச்சி !! ஏரி நீரில் பாக்டீரியா - பசுமை தீர்ப்பாயம் அதிரடி உத்தரவு

சேர்மசாமி — Tue, 6 Oct 2026 20:55:20 +0530

"தாமாக முன்வந்து வழக்கு"

சென்னைக்கு குடிநீர் வழங்கும் செம்பரம்பாக்கம் ஏரியில் கழிவு நீர் கலப்பதால் விஷமாகி வருவதாக , நாளிதழ்களில் செய்தி வெளியானது. இது தொடர்பாக தென்மண்டல பசுமை தீர்ப்பாயம் , தாமாக முன் வந்து வழக்கு பதிவு செய்து விசாரித்து வருகிறது.

இந்நிலையில் , தீர்ப்பாய நீதிபதி புஷ்பா சத்யநாராயணா , வல்லுனர் குழு உறுப்பினர் சுதிர்குமார் சதுர்வேதி ஆகியோர் அடங்கிய அமர்வு பிறப்பித்த உத்தரவு ;

செம்பரம்பாக்கம் ஏரி நீர் தொடர்பான புகார்கள் குறித்து , மாநில மாசு கட்டுப்பாட்டு வாரியம், மாவட்ட கலெக்டர் அலுவலகத்தின் அறிக்கைகள் தாக்கல் செய்யப்பட்டன. இதில், கலெக்டர் தாக்கல் செய்த அறிக்கையில், மாசு ஏற்படும் இடங்களை கண்டறிந்து, அதை சரி செய்வதற்கான நீண்டகால வழிமுறைகள் தெரிவிக்கப்பட்டுள்ளன.

"ஒரு மாதத்திற்கு தடுத்து நிறுத்த வேண்டும்"

செம்பரம்பாக்கத்தில் 12 இடங்களில் மாதிரிகள் சேகரித்து ஆய்வு செய்ததில் , குறிப்பிட்ட வகை பாக்டீரியா நீரில் கலந்திருப்பது , மாசு கட்டுப்பாட்டு வாரிய அறிக்கையில் தெரிய வந்துள்ளது. செம்பரம்பாக்கம் ஏரிக்கு செல்லும் கால்வாய்களில் கழிவுநீர் கலப்பதை , ஒரு மாதத்திற்கு தடுத்து நிறுத்த வேண்டும் என, சென்னை பெருநகர குடிநீர் வாரியத்துக்கு , மாசு கட்டுப்பாட்டு வாரியம் உத்தரவிட்டுள்ளதாக அறிக்கையில் தெரிவிக்கப்பட்டு உள்ளது.

இது தொடர்பாக குடிநீர் வாரியம், நீர்வளத் துறை ஆகியவை விரிவான அறிக்கையை தாக்கல் செய்ய உத்தரவிடப்படுகிறது. இதையடுத்து இந்த வழக்கு, நவம்பர் 6 ம் தேதிக்கு ஒத்தி வைக்கப்படுகிறது என இவ்வாறு அதில் கூறப்பட்டுள்ளது.