Breaking LIVE : நடிகை மீரா மிதுன் தொடர்ந்து மாயம் - காவல்துறை
Breaking LIVE : நாடு முழுவதும் நடைபெறும் முக்கிய நிகழ்வுகளை உடனுக்குடன் ஏபிபி நாடு லைவ் ப்ளாக்கில் கீழே காணலாம்.
நடிகை மீராமிதுன் தொடர்ந்து மாயமாக இருப்பதாக காவல்துறையினர் நீதிமன்றத்தில் தெரிவித்துள்ளனர்.
தேசிய பங்குச்சந்தையில் நிஃப்டி 25 புள்ளிகள் உயர்ந்து 17,512 புள்ளிகளில் வர்த்தகமானது
24 ஆண்டுகளுக்குப் பின் நேரு குடும்பத்தைச் சாராத ஒருவர் காங்கிரஸ் கட்சியின் அகில இந்திய தலைவராகிறார்.
இன்று 12 மாவட்டங்களுக்கும் நாளை 26 மாவட்டங்களுக்கும் கனமழை எச்சரிக்கை விடுக்கப்பட்டுள்ளது.
மத்திய மேற்கு வங்கக்கடல் பகுதியில் புயல் உருவாக வாய்ப்பு - இந்திய வானிலை ஆய்வு மையம் தகவல். அந்தமானை ஒட்டிய கடல் பகுதியில் நிலவும் வளிமண்டல சுழற்சியால் குறைந்த காற்றழுத்தத் தாழ்வுப் பகுதி உருவாக கூடும்.
அடுத்த 24 மணிநேரத்தில் தென்கிழக்கு, மத்திய கிழக்கு வங்ககக்கடலில் குறைந்த காற்றழுத்த தாழ்வு பகுதி உருவாக கூடும்.இது மேற்கு வடமேற்கு திசையில் நகர்ந்து ஆழ்ந்த காற்றழுத்த தாழ்வு மண்டலமாக அக்.22ஆம் தேதி வலுப்பெற வாய்ப்பு.
தடையை மீறி உண்ணாவிரதம் இருந்ததால் முன்னாள் முதல்வர் இபிஎஸ் உள்ளிட்ட அதிமுகவினர் கைது.
தடையை மீறி இபிஎஸ் தலைமையில் அதிமுக உண்ணாவிரதம் தொடங்கியுள்ளது. சபாநாயகரை எதிர்த்து கருப்புச் சட்டை அணிந்து போராட்டத்தில் ஈடுபட்டு வருகின்றனர்.
ஆன்லைன் விளையாட்டுகளை தடை செய்தல் மற்றும் ஒழுங்குபடுத்துதல் தொடர்பான சட்ட மசோதாவை முதலமைச்சர் மு க ஸ்டாலின் இன்று சட்டமன்றத்தில் தாக்கல் செய்கிறார்.
அகில இந்திய காங்கிரஸ் கட்சியின் தலைவரை தீர்மானிக்கும் தேர்தலின் வாக்கு எண்ணிக்கை இன்று நடைபெறவுள்ளது. இன்று மாலைக்குள் கட்சியின் புதிய தலைவர் யார் என்பது தெரியவரும் என்பதால் கட்சி வட்டாரத்தில் பரபரப்பு நிலவுகிறது.
எம்பிபிஎஸ், பிடிஎஸ் படிப்புகளுக்கான மருத்துவ கலந்தாய்வு இன்று தொடங்குகிறது.
நேற்று சட்டசபையைல் பேச அனுமதி மறுக்கப்பட்டதால் அதிமுகவினர் இன்று அடையாள உண்ணாவிரதம் இருக்கப்போவதாக அறிவித்துள்ளனர். காவல்துறை அனுமதிக்காத நிலையில் தடைமீறி சென்னை வள்ளுவர் கோட்டத்தில் காலை 9 மணி முதல் மாலை 5 மணி வரை உண்ணவிரதம் இருக்கப்போவதாக கட்சியின் சார்பில் அறிவிக்கப்பட்டுள்ளது.
Background
Petrol, Diesel Price : தலைநகர் சென்னையில் பெட்ரோல், டீசல் விலை தொடர்ந்து 151வது நாளாக மாற்றமின்றி இன்றும் விற்பனை செய்யப்பட்டு வருகிறது.
சர்வதேச சந்தையில் கச்சா எண்ணெயின் விலைக்கேற்ப இந்தியாவில் பெட்ரோல், டீசல் விலை நிர்ணயிக்கப்பட்டு வருகிறது. இது அவ்வப்போது ஏற்ற இறக்கத்தைக் கண்டு வருகிறது. எனினும் கடந்த 150 நாட்களுக்கு மேலாக பெட்ரோல், டீசல் விலை தொடர்ந்து அதே விலையில் இருந்து வருகிறது.
கொரோனா வைரஸ் தொற்றால் பிறப்பிக்கப்பட்ட ஊரடங்கால் பொதுமக்கள் கடந்த இரண்டு ஆண்டுகளாக அவதிப்பட்டு வந்த நிலையில், கடந்த 2021ஆம் ஆண்டு நவம்பர் 4ஆம் தேதி பெட்ரோல் விலை லிட்டருக்கு ரூ 5ம், டீசல் விலை ரூ 10ம் மத்திய அரசால் குறைக்கப்பட்டது. அன்றைய தினம் தமிழ்நாட்டில் லிட்டர் பெட்ரோல் ரூ 101. 40 க்கும் டீசல் விலை ரூ 91. 43க்கும் விற்பனையானது. இதனைத் தொடர்ந்து 5 மாநில தேர்தல் நடைபெற்றதால் விலை உயர்த்தப்படாமல் இருந்தது.
இதன் காரணமாக பெட்ரோல் மற்றும் டீசல் விலையில் கடந்த மே மாதம் 22ஆம் தேதி முதல் மாற்றம் ஏற்பட்டது. ஒரு லிட்டர் பெட்ரோல் விலை ரூபாய்க்கு 8உம், டீசல் விலை ரூபாய்க்கு 6உம் கலால் வரி குறைப்பால் இறக்கம் கண்டது.
இந்நிலையில் மாற்றம் செய்யப்பட்ட பெட்ரோல், டீசல் விலை 151வது நாளாக விலை மாற்றமின்றி விற்பனை செய்யப்படுகிறது. அதன்படி இன்று (அக்டோபர்.19) ஒரு லிட்டர் பெட்ரோல் விலை ரூ.102.63க்கும், டீசல் விலை லிட்டருக்கு 94.24 ரூபாய்க்கும் மாற்றமில்லாமல் விற்பனையாகிறது. முன்னதாக எரிபொருள் விலை உயர்வால் பால், டீ, காய்கறிகள், இதர உணவுப் பொருள்களின் விலை ஏறியது.
தற்போது பெட்ரோல் விலை குறைந்த நிலையில் விலை உயர்த்தப்பட்ட அத்தியாவசியப் பொருட்களின் விலையைக் குறைப்பார்களா என்று பொதுமக்கள் தொடர்ந்து கேள்வி எழுப்பி வருகின்றனர். அதேசமயம், தொடர்ந்து இரண்டு மாதங்களுக்கும் மேலாக பெட்ரோல், டீசல் விலை எவ்வித மாற்றமில்லாமல் விற்பனையாகி வருவதால் வாகன ஓட்டிகள், பொதுமக்கள் ஓரளவு கவலையின்றி உள்ளனர் என்பது குறிப்பிடத்தக்கது.
கடந்த மாதத் தொடக்கத்தில், புதிதாக ஆட்சியேற்ற மகாராஷ்டிரா மாநில அரசு பெட்ரோலின் மீதான மதிப்பு கூட்டப்பட்ட வரியை (வாட்) ஒரு லிட்டருக்கு 5 ரூபாயும், டீசலுக்கு ஒரு லிட்டருக்கு 3 ரூபாயும் குறைப்பதாக அறிவித்ததோடு வாக்குறுதியையும் நிறைவேற்றியது.
பாரத் பெட்ரோலியம் கார்ப்பரேஷன் லிமிடெட் (பிபிசிஎல்), இந்தியன் ஆயில் கார்ப்பரேஷன் லிமிடெட் (ஐஓசிஎல்) மற்றும் ஹிந்துஸ்தான் பெட்ரோலியம் கார்ப்பரேஷன் லிமிடெட் (எச்பிசிஎல்) உள்ளிட்ட பொதுத்துறை ஓஎம்சிகள் சர்வதேச அளவுகோல் விலைகள் மற்றும் அந்நிய செலாவணி விகிதங்களுக்கு ஏற்ப தினசரி எரிபொருள் விலையை மாற்றியமைக்கின்றன. பெட்ரோல், டீசல் விலையில் ஏற்படும் எந்த மாற்றமும் தினமும் காலை 12 மணி முதல் அமலுக்கு வருவது குறிப்பிடத்தக்கது.
- - - - - - - - - Advertisement - - - - - - - - -