சமையலறைப் பொருட்களைக் கொண்டும் முகப்பொலிவு பெறலாம். எப்படி எனக் கேட்பவர்களுக்காகவே இந்தச் செய்தி. சமையலறையில் உள்ள தக்காளி தொடங்கி எலுமிச்சை, வெள்ளரி, உருளை, பீட்ரூட், கேரட், பூண்டு என எல்லாமே முகப்பொலிவைத் தரும் என்றால் உங்களால் நம்ப முடிகிறதா?


நீங்கள் பயன்படுத்திப் பாருங்கள் அப்புறம் சொல்வீர்கள். எப்படி பயன்படுத்த வேண்டும் என்பதற்கான டிப்ஸ் இதோ..


தக்காளி:
தக்காளியில் அதிகளவில் வைட்டமின் சி உள்ளது. இது சற்றே அசிடிக் அதாவது காரத் தன்மை கொண்டது. அதனால் இது ஸ்கின் டோனை சரி செய்து, முகத்தில் உள்ள கரும்புள்ளிகளை நீக்கும்.


எலுமிச்சை:


எலுமிச்சம்பழம் என்பது வலுவான ப்ளீச்சிங் ஏஜன்ட். எலுமிச்சை சாறை முகத்தில் அப்படியேவும் தேய்க்கலாம். அல்லது எலுமிச்சை சாற்றுடன் தேன் கலந்து தேய்க்கலாம். இது முகத்துக்கு புத்துணர்வு பொலிவைத் தரும். எலுமிச்சையை இரண்டாக வெட்டி. ஒரு பாதியில் சில துளி தேன் ஊற்றி அதை அப்படியே முகத்தில் வைத்து ஸ்க்ரப்பர் போல் பயன்படுத்திப் பாருங்கள் அட்டகாசமான பலன் கிடைக்கும்.




வெள்ளரி...
ப்யூட்டி பார்லரில் ஃபேசியல் செய்யும்போது கண்களில் வெள்ளரி வைத்திருப்பார்கள் பார்த்திருப்போம். கண்களின் கீழ் பை போன்ற வீக்கம் சிலருக்கு உருவாகும். பஃபி ஐஸ் எனப்படும் இந்த பிரச்சினைக்கு கண்களில் வெள்ளரித் துண்டுகளை வைத்தல் நல்ல பலன் தரும். ஐயோ என் ஸ்கின் ரொம்ப சென்சிடிவ் என்பவர்கள் கூட வெள்ளரியை தயங்காமல் பயன்படுத்தலாம்.


உருளைக் கிழங்கு..
உருளைக் கிழங்கில் பல்வேறு தாதுக்களும், வைட்டமின்களும் நிறைந்துள்ளது. இது முகத்தில் உள்ள கரும்புள்ளிகளை அகற்றும். உருளைக்கிழங்குகள் முகத்துக்கு மினுமினுப்பான பொலிவைத் தரும்.


பீட் ரூட்..
பீட்ரூட் முகத்தில் தடவி வந்தால் முகத்தில் இயற்கையாகவே ஒருவித பிங்க் நிற பொலிவு கிடைக்கும். க்ளியர் ஸ்கின் விரும்புவோர் பீட்ரூட் சாறு எடுத்து முகத்தில் தடவி வரலாம்.


கேரட்..
கேரட் வைட்டமின் ஏ சத்து நிறைந்தது. கேரட்டை கரும்புள்ளிகள், முக்கைச் சுற்றி வரும் ப்ளாக்ஹெட்ஸ் ஆகியனவற்றை அப்புறப்படுத்த பயன்படுத்தலாம். கேரட் சாறு முகத்தை ஜொலிக்க வைக்கும்.




பூண்டு..
மேலே சொன்னதெல்லாம் ஓகே பூண்டு என்ன செய்யும் என நினைக்கிறீர்களா..? பூண்டுக்கு கரும்புள்ளிகளை அகற்றுவதில் அதி அற்புதமான சக்தி உண்டு. மேலும் பூண்டு தோலை ரேடிக்கல்ஸிடமிருந்து காக்கும். யுவி எனப்படும் புற ஊதா கதிர்களில் இருந்தும் காக்கும்.


அழகு சாதனப் பொருட்கள் சந்தையில் ஏராளமாகக் குவிந்துவிட்டன. விதவிதமான பிராண்ட்கள் வந்துவிட்டன. ஆனாலும் ஹெர்பல் ப்ராடட்க்ஸுக்கு ஒரு மவுசு இருக்கு. அதையும் விட பெரிய செலவில்லாமல் வீட்டிலேயே மேற்கொள்ளக் கூடிய ப்யூட்டி டிப்ஸ் தான் மேலே உள்ளவை.