JIPMER Recruitment 2026: ஜிப்மர் மருத்துவமனையில் புதிய வேலைவாய்ப்பு அறிவிப்பு – மாதச் சம்பளம் ரூ.67,000 வரை!
ஜிப்மர் மருத்துவமனையில் Project Nurse - II மற்றும் Project Research Scientist - I (Medical) ஆகிய பிரிவுகளில் தற்காலிக அடிப்படையில் பணியிடங்கள் நிரப்பப்பட உள்ளன!
புதுச்சேரியில் மத்திய அரசின் கீழ் செயல்பட்டு வரும் புகழ்பெற்ற கல்வி நிறுவனமான ஜவஹர்லால் முதுநிலை மருத்துவக் கல்வி மற்றும் ஆராய்ச்சி நிறுவனத்தில் (JIPMER) காலியாக உள்ள பணியிடங்களை நிரப்புவதற்கான புதிய வேலைவாய்ப்பு அறிவிப்பு வெளியிடப்பட்டுள்ளது.
புதுச்சேரியில் செயல்பட்டு வரும் ஜவஹர்லால் முதுநிலை மருத்துவக் கல்வி மற்றும் ஆராய்ச்சி நிறுவனம் எனப்படும் ஜிப்மர் மருத்துவக் கல்லூரி மருத்துவமனையில் செவிலியர் மற்றும் ஆராய்ச்சி உதவியாளர் பணியிடங்களை நிரப்ப வேலை வாய்ப்பு அறிவிப்பு வெளியிடப்பட்டுள்ளது. இந்த அறிவிப்பின்படி, Project Nurse - II மற்றும் Project Research Scientist - I (Medical) ஆகிய பிரிவுகளில் தற்காலிக அடிப்படையில் (Contract Basis) பணியிடங்கள் நிரப்பப்பட உள்ளன. தகுதியும், ஆர்வமும் உள்ள நபர்கள் வரும் 16.06.2026 ஆம் தேதிக்குள் ஆன்லைன் மூலமாக விண்ணப்பிக்குமாறு கேட்டுக்கொள்ளப்படுகிறார்கள்.
காலிப்பணியிட விவரங்கள் மற்றும் தகுதிகள்
1. Project Nurse - II
காலியிடங்களின் எண்ணிக்கை: 02
கல்வித் தகுதி: அங்கீகரிக்கப்பட்ட கல்வி நிறுவனத்தில் General Nursing and Midwife (GNM) படிப்பை முடித்திருக்க வேண்டும் அல்லது B.Sc (Nursing) தேர்ச்சி பெற்றிருக்க வேண்டும்.
வயது வரம்பு: 16.06.2026 அன்று விண்ணப்பதாரர்கள் 30 வயதிற்கு உட்பட்டவராக இருத்தல் வேண்டும்.
சம்பளம்: மாதம் ரூ. 20,000/- + 20% HRA
2.Project Research Scientist - I (Medical)
காலியிடங்களின் எண்ணிக்கை: 1
கல்வித் தகுதி: MBBS படித்திருக்க வேண்டும்.
வயதுத் தகுதி: 16.06.2026 அன்று 35 வயதிற்கு உட்பட்டவர்கள் விண்ணப்பிக்கலாம்.
சம்பளம்: ரூ. 67000 + 20% HRA
தேர்வு செய்யப்படும் முறை: இந்தப் பணியிடங்களுக்கு எழுத்துத் தேர்வு மற்றும் நேர்முகத் தேர்வு அடிப்படையில் தகுதியானவர்கள் தேர்வு செய்யப்படுவார்கள்.
விண்ணப்பிப்பது எப்படி?
இந்தப் பணியிடங்களுக்கு விண்ணப்பிக்க விரும்புபவர்கள் https://jipmer.edu.in/announcement/advertisements-recruitment-contract-basis-posts-project-research-scientist-i-medical-0 என்ற இணையதளப் பக்கத்தில் கொடுக்கப்பட்டுள்ள விண்ணப்பத்தினை ஆன்லைன் மூலமாக பூர்த்தி செய்ய வேண்டும்.
விண்ணப்பிக்க கடைசி தேதி: 16.06.2026
https://jipmer.edu.in/announcement/advertisements-recruitment-contract-basis-posts-project-research-scientist-i-medical-0 இந்த வேலைவாய்ப்பு குறித்த வயது வரம்பு தளர்வு, கூடுதல் தகுதிகள் மற்றும் நிபந்தனைகள் உள்ளிட்ட முழுமையான விவரங்களை அறிய மேலே கொடுக்கப்பட்டுள்ள ஜிப்மர் இணையதளப் பக்கத்தில் உள்ள அதிகாரப்பூர்வ அறிவிப்பை (Official Notification) முழுமையாகப் படித்துப் பார்த்துப் பின் விண்ணப்பிக்குமாறு அறிவுறுத்தப்படுகிறார்கள்.
தலைப்பு செய்திகள்
ட்ரெண்டிங் செய்திகள்
