IBPS RRB Recruitment: வங்கி பணியாளர் தேர்வு வாரியத்தில் வேலைகள் குவிஞ்சு இருக்கு.. முழு விவரம் இதோ!
IBPS Recruitment: பிராந்திய ஊரக வங்கிகளுக்கான அலுவலக உதவியாளர், அலுவலர் நிலை 1 பதவிகளுக்கான வேலைவாய்ப்பு அறிவிப்பை IBPS அமைப்பு வெளியிட்டுள்ளது .
RRBs – CRP RRB-XI (Office Assistants) and CRP RRB-XI (Officers) : பிராந்திய ஊரக வங்கிகளுக்கான அலுவலக உதவியாளர், அலுவலர் நிலை 1 பதவிகளுக்கான வேலைவாய்ப்பு அறிவிப்பை IBPS அமைப்பு வெளியிட்டுள்ளது .
மொத்த பணியிடங்கள் : 8106
அலுவலக உதவியாளர்- அலுவலர் நிலை 1 பதவிக்கான முதல்நிலை தேர்வு வரும் ஆகஸ்ட் மாதம் 07, 13, 14, 20, 21 ஆகிய தேதிகளில் நடைபெறும் என்று தெரிவிக்கப்பட்டுள்ளது. அதேபோன்று, அலுவலர் நிலை 2 மற்றும் 3 பதவிகளுக்கான அடிப்படைத் தேர்வு செப்டம்பர் மாதம் 9ம் தேதி நடைபெற இருக்கிறது.
அலுவலக உதவியாளர் -(பலதுறை பணி) : இந்தப் பதவிக்கு விண்ணப்பிப்பதற்கு வயது 01.06.2022 அன்று 28-க்கு கீழ் இருக்க வேண்டும். இடஒதுக்கீட்டு பிரிவினருக்கு அரசு விதிகளின்படி வழக்கமான தளர்வு அளிக்கப்படும்.
அலுவலர் நிலை 1 (துணை மேலாளர்)- இந்தப் பதவிக்கு விண்ணப்பிபதற்கு வயது 01.06.2022 அன்று 30-க்கு கீழ் இருக்க வேண்டும். இடஒதுக்கீட்டு பிரிவினருக்கு அரசு விதிகளின்படி வழக்கமான தளர்வு அளிக்கப்படும்.
அலுவலர் நிலை 2 (மேலாளர்) :இந்தப் பதவிக்கு விண்ணப்பிக்க வயது 01.06.2022 அன்று 32-க்கு கீழும், 21-க்கு மேலும் இருக்க வேண்டும். இடஒதுக்கீட்டு பிரிவினருக்கு அரசு விதிகளின்படி வழக்கமான தளர்வு அளிக்கப்படும்.
அலுவலர் நிலை 3 (மூத்த மேலாளர்) : இந்தப் பதவிக்கு விண்ணப்பிக்க விரும்புவோர் வயது 01.06.2022 அன்று 40-க்கு கீழ் இருக்க வேண்டும். இடஒதுக்கீட்டு பிரிவினருக்கு அரசு விதிகளின்படி வழக்கமான தளர்வு அளிக்கப்படும்.
கல்வித் தகுதி:
அலுவலக உதவியாளர் பல்துறை பணிகளுக்கும் , அலுவலர் நிலை 1பணிகளுக்கும் ஏதேனும் துறைகளில் இளநிலை (Bachelor Degree) பட்டம் பெற்றிருக்க வேண்டும். நிலை 1 பதிவிகளுக்கு கால்நடை பராமரிப்பு, வேளாண், வேளாண் பொறியியல், பொருளாதாரம் ஆகிய துறைகளில் பட்டம் பெற்றவர்களுக்கு முன்னுரிமை அளிக்கப்படும்.
விண்ணப்ப கட்டணம்:
பொது பிரிவினருக்கு ரூ.850 தாழ்த்தப்பட்டோர், பழங்குடியினர், முன்னாள் ராணுவத்தினர், மாற்றுத் திறனாளிகள், ரூ.175 ஐ விண்ணப்பிக்க கட்டணமாக செலுத்த வேண்டும்.
தேர்வு செய்யப்படும் முறை :
எழுத்துத் தேர்வு பெறும் மதிப்பெண்கள் அடிப்படையில் இறுதிப் பட்டியல் தயாரிக்கப்படும். பொது விழிப்புணர்வு (General Awareness), பிரச்னை தீர்க்கும் ஆற்றல் (Problem Solving ability), காரணங்கானல் (Logical Reasoning), ஆங்கில மொழித்திறன் மற்றும் தொடர்பாடல் ஆற்றல் (English Language and Comprehension) ஆகிய நான்கு கூறுகளைக் கொண்டதாக உள்ளது.
விண்ணபிக்க கடைசி நாள்: ஜூன் 27
முழு அறிவிப்பிற்கான லிங்க்... https://www.ibps.in/wp-content/uploads/RRB_XI_ADVT.pdf
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்