10-ம் வகுப்பு முடித்திருந்தால் போதும்! விழுப்புரம் ஊர்க்காவல் படையில் வேலை - மிஸ் பண்ணாதீங்க!

விழுப்புரம் மாவட்ட ஊர்க்காவல் படையில் காலியாக உள்ள பணியிடங்களை நிரப்புவதற்கான புதிய அறிவிப்பு வெளியாகியுள்ளது.

ஊர்காவல் படை

Source : whatsapp

விழுப்புரம்: விழுப்புரம் மாவட்ட ஊர்க்காவல் படையில் காலியாக உள்ள பணியிடங்களை நிரப்புவதற்கான புதிய அறிவிப்பு வெளியாகியுள்ளது.

தமிழ்நாட்டில் 1962-ஆம் ஆண்டு முதல் செயல்பட்டு வரும் ஊர்க்காவல் படை (Home Guard), காவல் துறைக்குத் துணையாகச் செயல்படும் ஒரு தன்னார்வப் படையாகும். 18 முதல் 50 வயது வரை உள்ள, சமூக சேவை மனப்பான்மை கொண்டவர்கள், இதில் இணைந்து சட்டம் ஒழுங்கு பராமரிப்பு, போக்குவரத்து ஒழுங்குபடுத்துதல், மற்றும் பேரிடர் காலங்களில் பணியாற்றலாம். இவர்களுக்கு சீருடை, தினசரி ஊதியம், மற்றும் பயிற்சி வழங்கப்படும். 

ஊர்க்காவல் படையில்  வேலை

விழுப்புரம் மாவட்ட ஊர்க்காவல் படையில் காலியாக உள்ள பணியிடங்களை நிரப்புவதற்கான புதிய அறிவிப்பு வெளியாகியுள்ளது. மாவட்ட காவல்துறை வெளியிட்டுள்ள இந்த அறிவிப்பின்படி, தகுதியுள்ள நபர்கள் வரும் பிப்ரவரி 14-ம் தேதி நடைபெறும் ஆள் சேர்ப்பு முகாமில் கலந்து கொள்ளலாம்.

முக்கிய தேதிகள் மற்றும் இடம்:

விண்ணப்ப விநியோகம்:  பிப்ரவரி 6-ம் தேதி முதல் விண்ணப்பங்கள் வழங்கப்பட்டு வருகின்றன.
விண்ணப்பிக்க கடைசி நாள்: பூர்த்தி செய்யப்பட்ட விண்ணப்பங்களை பிப்ரவரி 13-ம் தேதிக்குள் சமர்ப்பிக்க வேண்டும்.
ஆள் சேர்ப்பு நடைபெறும் நாள்:  பிப்ரவரி 14, 2026.
இடம்: விழுப்புரம் ஆயுதப்படை மைதானம்.யாரெல்லாம் விண்ணப்பிக்கலாம்? 

தகுதிகள்:

இந்த ஆள் சேர்ப்பில் கலந்து கொள்ள விண்ணப்பதாரர்கள் கீழ்க்கண்ட தகுதிகளைப் பெற்றிருக்க வேண்டும்:கல்வித் தகுதி: 10-ம் வகுப்பு தேர்ச்சி பெற்றிருக்க வேண்டும்.

வயது வரம்பு: 20 வயது பூர்த்தியடைந்தவராகவும், 40 வயதிற்கு உட்பட்டவராகவும் இருத்தல் அவசியம்.
உடல் தகுதி (உயரம்): ஆண்கள் குறைந்தபட்சம் 165 செ.மீ. உயரமும், பெண்கள் குறைந்தபட்சம் 155 செ.மீ. உயரமும் கொண்டிருக்க வேண்டும்.

முன்னுரிமை விவரங்கள்:

தேர்வின் போது பின்வரும் பிரிவினருக்கு முன்னுரிமை அளிக்கப்படும் என அறிவிக்கப்பட்டுள்ளது.
என்.சி.சி (NCC) சான்றிதழ் பெற்றவர்கள். மாவட்ட மற்றும் மாநில அளவிலான விளையாட்டு வீரர்கள் மற்றும் வீராங்கனைகள். அரசு மற்றும் தனியார் நிறுவனங்களில் பணியாற்றும் ஊழியர்கள்.

விண்ணப்பிக்கும் முறை:

விழுப்புரம் தாலுகா காவல் நிலைய வளாகத்தில் உள்ள ஊர்க்காவல் படை அலுவலகத்தில் விண்ணப்பங்களைப் பெற்றுக்கொள்ளலாம். பூர்த்தி செய்த விண்ணப்பங்களை உரிய காலத்திற்குள் சமர்ப்பித்தவர்கள் மட்டுமே பிப்ரவரி 14-ம் தேதி நடைபெறும் தேர்வில் பங்கேற்க முடியும்.

தேவைப்படும் ஆவணங்கள்:

தேர்வு நடைபெறும் நாளன்று விண்ணப்பதாரர்கள் பின்வரும் ஆவணங்களை அசல் மற்றும் நகல்களுடன் கொண்டு வர வேண்டும்.

• 10-ம் வகுப்பு மதிப்பெண் சான்றிதழ்
• பாஸ்போர்ட் அளவிலான புகைப்படங்கள்
• ஆதார் அட்டை

விழுப்புரம் மாவட்டத்தைச் சேர்ந்த தகுதியுள்ள இளைஞர்கள் இந்த வாய்ப்பைப் பயன்படுத்திக் கொள்ளுமாறு மாவட்ட காவல்துறை சார்பில் கேட்டுக் கொள்ளப்பட்டுள்ளது.