யோகாவின் வழக்கமான பயிற்சி ,கொழுப்பு மற்றும் உணவுக்கு முந்தைய உடலின் குளுக்கோஸ் அளவுகள் இரண்டிலும் முன்னேற்றத்திற்கு வழிவகுக்கும் என்று ஆய்வுகள் நிரூபித்துள்ளன. யோகா ஆசனங்களின் உதவியுடன் கணையத்தைத் தூண்டுவது இன்சுலின் உற்பத்தியை புதுப்பிக்கவும் சில உடற்பயிற்சிகள் உதவுகிறது. சில ஆசனங்கள் இரத்த ஓட்டம் மற்றும் நரம்பு மண்டலத்தைத் தூண்டவும், இரத்த சர்க்கரை அளவைக் கட்டுக்குள் வைத்திருக்கவும் உதவுகின்றன.
சில யோகா ஆசனங்களின் வழக்கமான பயிற்சி, வயிற்றை அழுத்தி சுருக்கவும், கணைய அல்லது ஹார்மோன் சுரப்புகளைத் தூண்டவும் உதவுகிறது என்று ஆராய்ச்சி காட்டுகிறது. இது அதிக இன்சுலினை இரத்த ஓட்டத்தில் செலுத்துகிறது. கணையத்தில் உள்ள பீட்டா செல்களை புதுப்பிக்கிறது.
யோகா இரத்த அழுத்தத்தைக் குறைக்க உதவுகிறதா?
அமெரிக்கா ஹார்ட் அசோசியேஷன்(American Heart Association) தனது பல்வேறு சோதனைகளின் மதிப்பாய்வை வெளியிட்டுள்ளது, அதன்படி யோகா இரத்த அழுத்தத்தைக் குறைக்க உதவுகிறது மற்றும் உயர் இரத்த அழுத்தத்தால் பாதிக்கப்பட்டவர்களுக்கு யோகா செய்வதால் எந்தத் தீங்கும் ஏற்பட வாய்ப்பில்லை எனக் கூறுகிறது. 2016ல் நடத்தப்பட்ட மற்றொரு மதிப்பாய்வில், சூரியனை வணங்குதல் அல்லது சூரிய நமஸ்காரம் போன்ற கடுமையான யோகா பயிற்சிகள் தீவிர உடற்பயிற்சிகளாகக் கருதப்பட்டு அவை இரத்த அழுத்தத்தைக் குறைக்க உதவுகின்றன என்று முடிவு செய்யப்பட்டது.
ரத்த அழுத்த கட்டுப்பாட்டிற்கான யோகாசனங்கள்:
யோகா ஆசனங்கள் பொதுவாக உடல் இயக்கங்களை ஒத்திசைக்கும்போது.. ஆழமாகவும் உணர்வுபூர்வமாகவும் சுவாசிப்பதை வழக்கமாக்குகிறது. இது இரத்த அழுத்தத்தை இயற்கையாகவே கட்டுக்குள் வைத்திருக்க உதவும், முதன்மையாக மன அழுத்தத்தை குறைப்பதன் மூலம் இது ரத்த அழுத்தத்தை சீராக்குகிறது. சிசு ஆசனா (குழந்தை போன்ற போஸ்), பச்சிமோதனாசனம் (முன்னோக்கி வளைந்த போஸ்), வீராசனா (ஹீரோ போஸ்), பாதகோனாசனம் (பட்டாம்பூச்சி போஸ்) மற்றும் அர்த்த மத்ஸ்யேந்திரசனம் (மீன் போன்ற போஸ்) ஆகியவை மிகவும் பயனுள்ளதாக இருக்கும், குறிப்பாக எதிர் உயர் இரத்த அழுத்தத்தால் பாதிக்கப்பட்டவர்களுக்கு இது மிகவும் பயன் தரும்.
ஆசனங்களைத் தவிர, கபால்பதி மற்றும் அனுலோம் வினுலோம் போன்ற சுவாசப் பயிற்சிகளைப் பயிற்சி செய்வதும் மிகவும் நன்மை பயக்கும். அனுலோம் வினுலோம் என்பது ஒரு மாற்று சுவாச நுட்பமாகும். இது உங்கள் நரம்பு மண்டலத்தை அமைதிப்படுத்துகிறது மற்றும் உடல் அமைப்புகள் சமநிலையை பராமரிக்க உதவுகிறது. இது அழுத்தத்தைக் குறைக்க உதவுகிறது. இது ஹைப்பர் கிளைசீமியா மற்றும் உயர் இரத்த அழுத்தத்திற்கு மற்றொரு சிகிச்சை முறையாகும். கபால்பதி இன்சுலின் உற்பத்தியைத் தூண்டுகிறது. மேலும் நௌலி க்ரியாவுடன் சேர்த்து செய்வதால் இரத்த சர்க்கரை அளவைக் கட்டுக்குள் வைத்திருக்க உதவுகிறது. யோகாவுடன் சேர்த்து உணவு முறையையும் சீர்ப்படுத்த வேண்டும். நார்ச்சத்து மிக்க உணவுகள், பருப்பு வகைகள், முழு தானியங்கள் மற்றும் காய்கறிகள் நிறைந்த உணவு முறையைப் பின்பற்றுவது யோகாவுக்கு கூடுதல் வலு சேர்க்கும்