Coronavirus LIVE Updates: தமிழ்நாட்டில் இன்று 1,573 பேருக்கு கொரோனா பாதிப்பு உறுதி

உலகம், இந்தியா மற்றும் தமிழ்நாட்டில் மேற்கொள்ளப்படும் கொரோனா நோய்த் தொற்று மேலாண்மை மற்றும் தடுப்பு நடவடிக்கைகள் குறித்த செய்திகளை உடனுக்குடன் இந்த லைவ் ப்ளாக்கில் தெரிந்து கொள்ளலாம்.

Background

தமிழகத்தில் நேற்று 1630 நபர்களுக்கு கொரோனா பாதிப்பு உறுதி செய்யப்பட்டுள்ளது. தொற்று உறுதியானவர்களில் ஆண்கள் 931 ஆகும். பெண்கள் 699 நபர்கள் ஆவர். இதனால், மாநிலத்தில் கொரோனாவால் பாதிக்கப்பட்டோரின் மொத்த எண்ணிக்கை 26 லட்சத்து 855 ஆக உயர்ந்துள்ளது. மாநிலத்தின் தலைநகரான சென்னையில் மட்டும் இன்று 177 பேர் கொரோனா தொற்றால் பாதிக்கப்பட்டுள்ளனர்.தனிமைப்படுத்துதலில் உள்ளவர்களின் மொத்த எண்ணிக்கை 19 ஆயிரத்து 171 ஆகும். சென்னையில்  தனிமைப்படுத்தப்பட்டவர்கள் உள்பட சிகிச்சை பெறுபவர்களின் மொத்த எண்ணிக்கை 2 ஆயிரத்து 129 ஆகும். இன்றைய நிலவரப்படி, மாநிலம் முழுவதும் கொரோனாவால் 15 லட்சத்து 18 ஆயிரத்து 906 பேர் பாதிக்கப்பட்டுள்ளனர். பெண்கள் மட்டும் 10 லட்சத்து 81 ஆயிரத்து 941 பேர் பாதிக்கப்பட்டுள்ளனர். மூன்றாம் பாலினத்தவர் 38 பேர் பாதிக்கப்பட்டுள்ளனர்.தமிழ்நாட்டில் கொரோனா தொற்று காரணமாக  23 பேர் உயிரிழந்துள்ளனர். அவர்களில் 3 பேர் தனியார் மருத்துவமனையில் சிகிச்சை பெற்று வந்தவர்கள். 20 பேர் அரசு மருத்துவமனையில் சிகிச்சை பெற்று வந்தவர்கள். இதனால், மாநிலத்தில் மொத்தமாக உயிரிழந்தவர்களின் எண்ணிக்கை 34 ஆயிரத்து 709 ஆக உயர்ந்துள்ளது.  

25/08/2021 20:01:27

தமிழ்நாட்டில் இன்று 1,573 பேருக்கு கொரோனா பாதிப்பு உறுதி

தமிழ்நாட்டில் கொரோனா பாதிப்பு கடந்த மாதம் உச்சத்தில் இருந்தது. ஊரடங்கு உள்பட தமிழக அரசு விதித்த பல்வேறு கட்டுப்பாடுகள் காரணமாக கொரோனா தினசரி பாதிப்பு குறைந்து வருகிறது.  தமிழ்நாட்டில் இன்று ஆயிரத்து 573 நபர்களுக்கு புதியதாக கொரோனா பாதிப்பு உறுதி செய்யப்பட்டுள்ளது.  தமிழ்நாட்டில் 1,572, வெளிமாநிலத்தில் இருந்து வந்த ஒருவர் என மொத்தம் 1,573 பேருக்கு தொற்று உறுதியாகியுள்ளது.

இதனால், தமிழ்நாடு முழுவதும் கொரோனாவால் பாதிக்கப்பட்டோரின் எண்ணிக்கை 26 லட்சத்து 05 ஆயிரத்து 647 ஆக உயர்ந்துள்ளது. சென்னையில் மட்டும் கொரோனாவால் இதுவரை 5 லட்சத்து 43 ஆயிரத்து 065 நபர்கள் பாதிக்கப்பட்டுள்ளனர். சென்னையில் மட்டும் இன்று 170  நபர்களுக்கு கொரோனா பாதிப்பு உறுதி செய்யப்பட்டுள்ளது. சென்னையில் ஏற்கெனவே 165 பேருக்கு தொற்று உறுதி செய்யப்பட்ட நிலையில் பாதிப்பு 170 ஆக உயர்ந்துள்ளது. கோவை 181, ஈரோடு 130, தஞ்சை 84, செங்கல்பட்டு 90, சேலம் 73, கடலூர் 54, திருப்பூர் 72, திருச்சி 45, திருவள்ளூர் 71, நாமக்கல் 52, வேலூர் 34 பேருக்கு கொரோனா பாதிப்பு உறுதி செய்யப்பட்டுள்ளது. 

25/08/2021 18:20:07

கேரளாவில் ஒரேநாளில் 31,445 பேருக்கு கொரோனா

கேரளாவில் கொரோனா பாதிப்பு 24,296இல் இருந்து 31,445 ஆக அதிகரித்துள்ளது. ஓணம் பண்டிகைக்கு பின் அங்கு ஒரேநாளில் பாதிப்பு வேகமாக உயர்ந்துள்ளது.

25/08/2021 07:22:43

வாட்சப்பில் கொரோனா தடுப்பூசிக்கு புக் செய்வது எப்படி? - சுகாதாரத்துறை அமைச்சர் ட்வீட்

வாட்சப்பில் கொரோனா தடுப்பூசிக்கு புக் செய்வது எப்படி என்பது குறித்து சுகாதாரத்துறை அமைச்சர் மன்சுக் மாண்டவியா ட்வீட் செய்துள்ளார். 

24/08/2021 21:41:32

கேரளாவில் புதிதாக 24,296 பேருக்கு கொரோனா; 173 பேர் உயிரிழப்பு

கேரளாவில் இன்று புதிதாக 24,296 பேருக்கு கொரோனா தொற்று உறுதி செய்யப்பட்டுள்ளது. ஒரேநாளில் 173 பேர் உயிரிழந்த நிலையில் 19,349 பேர் இன்று குணமடைந்து வீடு திரும்பியுள்ளனர்.

24/08/2021 19:43:42

தமிழ்நாட்டில் தினசரி கொரோனா பாதிப்பு 1,600 கீழ் குறைந்தது

தமிழ்நாட்டில் கொரோனா பாதிப்பு கடந்த மாதம் உச்சத்தில் இருந்தது. ஊரடங்கு உள்பட தமிழக அரசு விதித்த பல்வேறு கட்டுப்பாடுகள் காரணமாக கொரோனா தினசரி பாதிப்பு குறைந்து வருகிறது.  தமிழ்நாட்டில் இன்று ஆயிரத்து 585 நபர்களுக்கு புதியதாக கொரோனா பாதிப்பு உறுதி செய்யப்பட்டுள்ளது.  தமிழ்நாட்டில் 1,584, வெளிமாநிலத்தில் இருந்து வந்த ஒருவர் என மொத்தம் 1,585 பேருக்கு தொற்று உறுதியாகியுள்ளது.

இதனால், தமிழ்நாடு முழுவதும் கொரோனாவால் பாதிக்கப்பட்டோரின் எண்ணிக்கை 26 லட்சத்து 04 ஆயிரத்து 074 ஆக உயர்ந்துள்ளது. சென்னையில் மட்டும் கொரோனாவால் இதுவரை 5 லட்சத்து 42 ஆயிரத்து 902 நபர்கள் பாதிக்கப்பட்டுள்ளனர். சென்னையில் மட்டும் இன்று 165  நபர்களுக்கு கொரோனா பாதிப்பு உறுதி செய்யப்பட்டுள்ளது. சென்னையில் ஏற்கெனவே 172 பேருக்கு தொற்று உறுதி செய்யப்பட்ட நிலையில் 165 ஆக குறைந்துள்ளது.

கொரோனாவால் மேலும் 27  பேர் உயிரிழந்த நிலையில் உயிரிழந்தோர் எண்ணிக்கை 34,761 ஆக அதிகரித்துள்ளது. அரசு மருத்துவமனைகளில் 20 பேரும், தனியார் மருத்துவமனைகளில் 7 பேரும் உயிரிழந்தனர். கொரோனாவுக்கு சிகிச்சை பெற்று வந்தவர்களில் இணை நோய்கள் இல்லாத 3 பேர் உயிரிழந்தனர். கொரோனாவால் பாதிக்கப்பட்டவர்களில் 50 வயதுக்கு உட்பட்ட 2 பேர் உயிரிழந்துள்ளனர். சென்னையில் இன்று 3 பேர் உயிரிழந்தனர். சென்னையில் மட்டும் மொத்தம் 8386 பேர் உயிரிழந்துள்ளனர்.

அதிகபட்சமாக  திருப்பூரில் 5 பேரும், கோவையில் 4 பேரும் உயிரிழந்துள்ளனர். தமிழ்நாட்டில் சிகிச்சையில் இருப்போர் எண்ணிக்கை 18,603 ஆக உள்ளது. கொரோனா தொற்றில் இருந்து மேலும் 1,842 பேர் குணமடைந்த நிலையில் இதுவரை 25,50,710 பேர் டிஸ்சார்ஜ் செய்யப்பட்டனர்.

24/08/2021 18:52:29

சென்னையில் வரும் 26ஆம் தேதி 400 முகாம்களில் கொரோனா தடுப்பூசி

சென்னை 26ஆம் தேதி 400 சிறப்பு முகாம்கள் மூலம் கொரோனா தடுப்பூசி போடப்பட உள்ளதாக மாநகராட்சி அறிவித்துள்ளது. மாநகராட்சி சார்பில் வார்டுக்கு 2 தடுப்பூசி முகாம்கள் என 400 சிறப்பு முகாம்கள் அமைக்கப்படுகின்றன. சென்னை மாநகராட்சி பகுதிகளில் தடுப்பூசி செலுத்திக் கொள்ளாதவர்கள் முகாம்களை பயன்படுத்திக் கொள்ளலாம்.

24/08/2021 08:39:06

இந்தியாவில் மொத்தம் 58.82 கோடி பேருக்குக் கொரோனா தடுப்பூசி

இந்தியாவில் மொத்தம் 58.82 கோடி பேருக்குக் கொரோனா தடுப்பூசி போடப்பட்டுள்ளதாக மத்திய சுகாதார அமைச்சகம் தெரிவித்துள்ளது. கடந்த 24 மணிநேரத்தில் மட்டும் 56 லட்சம் பேருக்கு தடுப்பூசி செலுத்தப்பட்டுள்ள நிலையில் இந்த இலக்கை எட்டியுள்ளது மத்திய அரசு.

23/08/2021 11:42:31

தமிழ்நாட்டில் 24 மணி நேரமும் கொரோனா தடுப்பூசி போடும் திட்டம் தொடக்கம்

தமிழ்நாடு அரசு மருத்துவமனைகளில் 24 மணி நேரமும் கொரோனா தடுப்பூசி போடும் திட்டம் தொடங்கியது. இந்தியாவில் முதல்முறையாக இந்த திட்டத்தை அமைச்சர் மா.சுப்பிரமணியன் தொடங்கி வைத்தார்.

இதன்பின்னர் செய்தியாளர்களுக்கு அமைச்சர் அளித்த பேட்டியில், “தமிழ்நாட்டில் 55 மருத்துவமனை வளாகங்களில்  24 மணி நேரமும் தடுப்பூசி போடப்படும். அரசு மருத்துவ கல்லூரி மருத்துவமனை மற்றும் அரசு தலைமை மருத்துவமனைகளில் 24 மணி நேரமும் தடுப்பூசி செலுத்தப்படும். ராஜீவ்காந்தி, ஓமந்தூரார், ராயப்பேட்டை, ஸ்டான்லி, கீழ்ப்பாக்கம் மருத்துவமனைகளில் தடுப்பூசி போடப்படும். தளர்வுகள் அளிக்கப்பட்டதால் மக்கள் அஜாக்கிரதையாக இல்லாமல் கவனமாக இருக்க வேண்டும்” என்றார்.

23/08/2021 10:44:10

இந்தியாவில் இன்று ஒரேநாளில் 25,072 பேருக்கு கொரோனா

இந்தியாவில் இன்று ஒரேநாளில் 25,072 பேருக்கு கொரோனா கண்டறியப்பட்டுள்ளதாக மத்திய சுகாதாரத்துறை அமைச்சகம் தெரிவித்துள்ளது. 160 நாட்களில் இல்லாத வகையில் தினசரி கொரோனா பாதிப்பு வெகுவாக குறைந்துள்ளது குறிப்பிடத்தகக்து. நேற்று முன்தினம் 34,457, நேற்று 30,948 என பதிவான நிலையில் இன்று  25,072  பேருக்கு பாதிப்பு ஏற்பட்டது. ஒரேநாளில் 44,157 பேர் கொரோனாவில் இருந்து குணமடைந்து டிஸ்சார்ஜ் செய்யப்பட்டனர். இதன்மூலம் குணமடைந்தோர் எண்ணிக்கை 3,16,36,469 இல் இருந்து 3,16,80,626 ஆக அதிகரித்துள்ளது. நாடு முழுவதும் தொற்றால் பாதிக்கப்பட்டு 3,33,924 பேர் சிகிச்சை பெற்று வருகின்றனர். இந்தியாவில் இதுவரை 50.75 கோடி கொரோனா மாதிரிகள் பரிசோதனை செய்யப்பட்டுள்ளன. ஒரேநாளில் 12,95,160 மாதிரிகள் பரிசோதனை செய்யப்பட்டுள்ளன.

23/08/2021 09:55:43

கொரோனா 3ஆவது அலை அக்டோபரில் உச்சமடையும்

நாடு முழுவதும் கொரோனா 3ஆவது அலை அக்டோபரில் உச்சமடையும் என பிரதமர் அலுவலகத்திற்கு உள்துறை அமைச்சகத்தின் கீழ் செயல்படும் தேசிய பேரிடர் மேலாண்மை நிறுவனம் அறிக்கை சமர்பித்துள்ளது.

23/08/2021 07:57:00

உலகளவில் 21.25 கோடி பேருக்கு கொரோனா

உலகம் முழுவதும் 21.25 கோடி பேருக்கு கொரோனா தொற்று உறுதி செய்யப்பட்டுள்ளது. 44.43 லட்சம் பேர் உயிரிழந்த நிலையில் 19.01 கோடி பேர் குணமடைந்துள்ளனர். அமெரிக்காவில் புதிதாக 30,810 பேருக்கு கொரோனா உறுதி. ஒரேநாளில் 198 பேர் தொற்றால் உயிரிழந்தனர்.