Coronavirus LIVE Updates: இந்தியாவில் புதிதாக 36571 பேருக்குக் கொரோனா

உலகம், இந்தியா மற்றும் தமிழ்நாட்டில் மேற்கொள்ளப்படும் கொரோனா நோய்த் தொற்று மேலாண்மை மற்றும் தடுப்பு நடவடிக்கைகள் குறித்த செய்திகளை உடனுக்குடன் இந்த லைவ் ப்ளாக்கில் தெரிந்து கொள்ளலாம்.

Background

தமிழ்நாட்டில் நேற்று புதிதாக 1797 பேருக்கு கொரோனா நோய்த்தொற்று உறுதி செய்யப்பட்டுள்ளது. இதன் மூலம், மாநிலத்தின் மொத்த கொரோனா பாதிப்பு எண்ணிக்கை 25,94,233ஆக அதிகரித்துள்ளது. அதிகபட்சமாக கோயம்பத்தூரில் 210 பேரும், சென்னையில் 198 பேரும், ஈரோட்டில் 156 பேரும், சேலத்தில் 103 பேரும், செங்கல்பட்டில் 108  பேரும் நோய்த் தொற்றுக்கு ஆளாகியுள்ளனர்.  குணமடைவோர் எண்ணிக்கை: 1,908 பேர் குணமடைந்துள்ளனர்.  இதன் மூலம், குணமடைந்தவர்களின் மொத்த எண்ணிக்கை 25,39,540 ஆக அதிகரித்துள்ளது.  அதாவது, கோவிட்19 தொற்று கொண்டவர்களில் இதுவரை 98% என்றளவில் குணமடைந்துள்ளனர். அதே சமயம், நாடு முழுவதும் 37,169 பேர் குணமடைந்தனர். தேசியளவில் குணமடைந்தவர்களின் விழுக்காடு 97.52 சதவிகிதமாக உள்ளது . 2020 மார்ச்சிலிருந்து இந்த எண்ணிக்கை மிக அதிகமாகும்.இறப்பு எண்ணிக்கை: கொரோனா தொற்று காரணமாக 31 பேர் உயிரிழந்துள்ளனர். மாநிலத்தின் மொத்த கொரோனா இறப்பு எண்ணிக்கை 34,610 ஆக அதிகரித்துள்ளது. சென்னையில் மட்டும் 8369 பேர் கொரோனா நோய்த் தொற்றுக்கு பலியாகியுள்ளனர். இதுநாள் வரையில், மிகக் குறைந்த இறப்பு எண்ணிக்கையை அரியலூர் மாவட்டம் (243) பதிவு செய்துள்ளது.  கடந்த 10 நாட்களாக, மாநிலத்தின் சாராசரி இறப்பு எண்ணிக்கை 30 ஆக உள்ளது. சிகிச்சைப் பெறுவோரின் எண்ணிக்கை: மாநிலத்தில், தற்போது கொரோனா தொற்றுக்கு சிகிச்சை பெறுவோரின் எண்ணிக்கை 20,225 ஆக உள்ளது. இதில், 3ல் ஒருவர் சென்னை, கோயம்பத்தூர், தஞ்சாவூர், ஈரோடு ஆகிய நான்கு மாவட்டங்களில் சிகிச்சைப் பெற்று வருகின்றனர். பாதிக்கப்பட்டவர்களில் 23% பேருக்கு தீவிர நுரையீரலைப் பாதிக்கும் நிமோனியா நோயால் பாதிக்கப்பட்டுள்ளனர். இந்தியாவில் கொரோனா நோய்த் தொற்றுக்கு சிகிச்சை பெறுவோரின் எண்ணிக்கை 3,67,415 ஆக உள்ளது. 

20/08/2021 09:22:30

இந்தியாவில் புதிதாக 36571 பேருக்குக் கொரோனா

இந்தியாவில் கடந்த 24 மணி நேரத்தில் புதிதாக 36571 பேருக்குக் கொரோனா தொற்று உறுதி செய்யப்பட்டுள்ளது இதையடுத்து கொரோனா சிகிச்சை பெற்று வருபவர்களின் எண்ணிக்கை 363605 என உயர்ந்துள்ளது. கடந்த 150 நாட்களில் பதிவாகியுள்ள குறைவான கொரோனா பாதிப்பு எண்ணிக்கை இது என்பது குறிப்பிடத்தக்கது. குணமடைந்தவர்கள் எண்ணிக்கை 97.54 சதவிகிதமாக அதிகரித்துள்ளது.

19/08/2021 19:15:46

சென்னையில் 2,074 பேர் தொற்றுக்கு சிகிச்சைப் பெற்று வருகின்றனர்

சென்னையில் தற்போது கோவிட்-19 க்கான சிகிச்சை பெற்று வருபவர்களின் எண்ணிக்கை 2,074 ஆக உள்ளது. 

19/08/2021 13:26:58

ஊரடங்கு முடியும் நிலையில் முதல்வர் நாளை காலை ஆலோசனை

தமிழ்நாட்டில் வரும் 30ஆம் தேதி காலையுடன் ஊரடங்கு  முடியும் நிலையில் ஊரடங்கில் மேலும் தளர்வுகள் அளிப்பதா அல்லது   நீட்டிப்பதா என்பது குறித்து முதலமைச்சர் மு.க.ஸ்டாலின் நாளை காலை ஆலோசனை மேற்கொள்கிறார். 9 முதல் 12ஆம் வகுப்பு வரை பள்ளிகள் திறப்பு குறித்தும், தியேட்டர்களை திறக்க ஏற்கெனவே கோரிக்கை விடுத்த நிலையில் அது குறித்தும் ஆலோசிக்கப்பட வாய்ப்புள்ளது.

19/08/2021 12:51:50

புதுச்சேரியில் மேலும் 134 பேருக்கு கொரோனா

புதுச்சேரியில் மேலும் 134 பேருக்கு கொரோனா தொற்று உறுதி செய்யப்பட்டதை அடுத்து மொத்த பாதிப்பு 1,22,676 ஆக அதிகரித்துள்ளது. இதுவரை 1,19,899 பேர் குணமடைந்த நிலையில், தற்போது 971 பேர் சிகிச்சை பெற்று வருகின்றனர்.

19/08/2021 11:52:50

மாநிலங்களுக்கு கூடுதலாக 81.10 லட்சம் தடுப்பூசி

மத்திய அரசின் தொகுப்பில் இருந்து மாநிலங்களுக்கு 81.10 லட்சம் தடுப்பூசிகள் கூடுதலாக வழங்கப்படும் என்றும், மாநிலங்கள் வசம் 30 லட்சம் டோஸ் தடுப்பூசிகள் இருப்பில் உள்ளதாகவும் மத்திய சுகாதாரத்துறை கூறியுள்ளது.

19/08/2021 10:12:36

இந்தியாவில் மேலும் 36,501 பேருக்கு கொரோனா

இந்தியாவில் கடந்த 24 மணி நேரத்தில் மேலும் 36,501 பேருக்கு கொரோனா தொற்று உறுதி செய்யப்பட்டுள்ளது. ஒரேநாளில் 530 பேர் உயிரிழந்த நிலையில், 39,157 பேர் குணமடைந்து டிஸ்சார்ஜ் செய்யப்பட்டுள்ளனர்.

 

 

19/08/2021 09:09:53

18 வயதுக்கு உட்பட்டவர்களுக்கு அடுத்த மாதம் முதல் கொரோனா தடுப்பூசி

இந்தியாவில் 18 வயதுக்கு உட்பட்டவர்களுக்கு அடுத்த மாதம் முதல் கொரோனா தடுப்பூசி செலுத்தப்படும் என ஐ.சி.எம்.ஆர். அறிவித்துள்ளது. இதற்கான அறிவிப்பை அதன் இயக்குநர் வெளியிட்டுள்ளார். இதில் குழந்தைகளும் அடங்குவர் என்பது குறிப்பிடத்தக்கது. 

19/08/2021 08:19:24

உலகளவில் 21 கோடி பேருக்கு கொரோனா

உலகம் முழுவதும் 21 கோடி பேருக்கு கொரோனா தொற்று உறுதி செய்யப்பட்டுள்ளது. 44.04 லட்சம் பேர் உயிரிழந்துள்ளனர். 18.81 கோடி பேர் குணமடைந்துள்ளனர். அமெரிக்காவில் புதிதாக 1,52,578 பேருக்கு கொரோனா உறுதியான நிலையில், ஒரேநாளில் 1,021 பேர் தொற்றால் உயிரிழந்துள்ளனர்.