10 நாட்கள் பாகற்காய் ஜூஸ்.. உடலுக்கு கிடைக்கும் நன்மைகள்.. என்னென்ன தெரியுமா?

பாகற்காய் சாறு இரத்த சர்க்கரை அளவை கட்டுப்பாட்டில் வைக்கிறது. இது நீரிழிவு நோயாளிகளுக்கு ஒரு வரப்பிரசாதம் என சொல்லலாம். பாகற்காய் உடலில் சர்க்கரையை மிக விரைவாக ஜீரணிக்கச் செய்யக்கூடியது.

பாகற்காய் ஜூஸ்

Source : ABP

காய்கறிகளில் பாகற்காய் பல ஆரோக்கிய நன்மைகளை வழங்குகிறது என்பதை நாம் அறிவோம். அதனை கண்டாலே பலரும் பல அடி தூரம் ஓடி விடுவார்கள். மாறிவரும் உணவுப் பழக்கத்தால் வயது வித்தியாசம் இல்லாமல் பலரும் கடுமையாக நோய்களால் பாதிக்கப்படுகின்றனர். இதனால் ஆரோக்கியமான வாழ்க்கையை தேடி பலரும் அலைகின்றனர். அப்படிப்பட்டவர்கள் பாகற்காயை எடுத்துக் கொள்ளலாம்.  தொடர்ச்சியாக 10 நாட்களுக்கு தினமும் காலையில் பாகற்காய் சாறு குடிப்பது மிகவும் நல்லது என்று கூறப்படுகிறது.

கசப்பு சுவை காரணமாக பலர் பாகற்காயை எடுத்துக் கொள்ளவில்லை. ஆனால் இது உடலில் இருந்து பல நோய்களை நீக்கும் ஒரு பானம் என மருத்துவர்கள் தெரிவிக்கின்றனர். பாகற்காய் ஜூஸில் நார்ச்சத்து, இரும்புச்சத்து, புரோபயாடிக்குகள் மற்றும் உடலுக்கு நன்மை பயக்கும் பல தாதுக்கள் நிறைந்துள்ளன.  இதனை குடிப்பதால் என்னென்ன மாற்றங்கள் கிடைக்கும் என்பது பற்றிக் காணலாம். 

பாகற்காய் சாறு இரத்த சர்க்கரை அளவை கட்டுப்பாட்டில் வைக்கிறது. இது நீரிழிவு நோயாளிகளுக்கு ஒரு வரப்பிரசாதம் என சொல்லலாம். பாகற்காய் உடலில் சர்க்கரையை மிக விரைவாக ஜீரணிக்கச் செய்யக்கூடியது. கல்லீரல் சுத்திகரிப்பு மற்றும் வலுவான செரிமானத்திற்கு பாகற்காய் சாறு மிகவும் கைகொடுக்கிறது. உடலில் இருந்து அனைத்து நச்சு மற்றும் பயனற்ற கழிவுகளையும் நீக்கி இது செரிமான அமைப்பை மிகவும் வலிமையாக்குகிறது. மலச்சிக்கல் பிரச்சனை நிரந்தரமாக சரி செய்யப்படுகிறது.

இது உடலுக்குள் இருந்து இரத்தத்தை சுத்திகரிப்பதால் சருமத்தில்  இயற்கையான பளபளப்பு வேண்டுமென்றால் இதை எடுத்துக் கொள்ளலாம். இதன் நேரடி பலனை நாம் கண்கூடாக பார்க்கலாம். தொடர்ந்து 10 நாட்கள் குடிப்பதன் மூலம் முகத்தில் உள்ள பருக்கள் மற்றும் கரும்புள்ளிகள் மறைந்துவிடும். உங்களுக்கு ஏதேனும் தோல் பாதிப்பு  இருந்தால் அதற்கு பாகற்காய் நிவாரணம் கிடைக்கிறது. 

உடல் எடையைக் குறைப்பவர்கள், டயட்டை கடுமையாக பின்பற்றுபவர்கள், உடற்பயிற்சி மேற்கொள்பவர்கள் பாகற்காய் ஜூஸ் எடுத்துக் கொள்ளலாம். இதில் எளிதில் ஜீரணிக்கக்கூடிய நார்ச்சத்துக்கள் நிறைந்துள்ளன. இந்த சாற்றை தினமும் காலையில் வெறும் வயிற்றில் குடிப்பதால் வயிற்றைச் சுற்றி குவிந்துள்ள தேவையற்ற கொழுப்பு விரைவாக கரைக்கிறது. வயிற்றுப் பிரச்சினைகள் உள்ளவர்களுக்கு  இது அருமருந்தாகும்.

இரத்த நாளங்களில் படிந்துள்ள கெட்ட, பயனற்ற கொழுப்புகளை நீக்குவதற்கு பாகற்காய் ஜூஸ் உதவுகிறது. இது இதய நோய் அபாயத்தை முற்றிலுமாக குறைக்கிறது. இந்த ஜூஸை காலையில் வெறும் வயிற்றில் பாகற்காய் சாறு குடிப்பது சிறந்தது. காலையில் பல் துலக்கிய பிறகு வெறும் வயிற்றில் இதை குடிக்க வேண்டும். ஆரம்ப நாட்களில் முழுவதுமாக குடிப்பதற்கு பதில் கொஞ்சம் கொஞ்சமாக அளவை அதிகரிக்கலாம்.