நாம் திரையில் பிரம்மித்து பார்க்கு நட்சத்திரங்கள், நேரில் இயல்பாக நேரம் செலவிடுவதையோ , அன்பு பாராட்டுக்கொள்வதையோ பார்த்தால் பிரம்மிப்பாகத்தான் இருக்கும். அப்படியான ஒரு வீடியோதான் இணையத்தில் வைரலாகி வருகிறது.
பாலிவுட் நடிகர் ஜாக்கி ஷெராஃப் மற்றும் அவரது மகன் டைகர் ஷெராஃபை பற்றி தெரியாதவர்கள் இருக்க முடியாது. ஃபிட்னஸ் ஃபிரீக்கான இரண்டு நடிகர்களுக்கும் பாலிவுட் பக்கம் எக்கச்சக்க ரசிகர்கள் இருக்கின்றனர். வட இந்தியாவில் புகழ்பெற்ற ரேடியோ ஜாக்கியான ரோகிணி ராமநாதன் நடிகர் ஜாக்கி ஷெராஃபை பேட்டி கண்டுக்கொண்டிருந்தார்.
அப்போது இடையில் அறையின் கதவை திறந்துக்கொண்டு வந்த டைகர் ஷெராஃப் தந்தையின் கண்ணத்தில் முத்தமிட்டு இயல்பாக சென்றார். அதனை கண்ட ரோகிணி “ இது உண்மையிலேயே டைகர்தானா.? ஹாய் டைகர் “ என அறிமுக செய்துக்கொள்ள கைகளால் ஹாய் என்றபடி அறையை விட்டு வெளியேறுகிறார் டைகர்.
இதனை ரேடியோ நாஷா என்னும் வானொலி மையம் இன்ஸ்டாகிராம் பக்கத்தில் பகிர்ந்திருக்கிறது. இந்த வீடியோவிற்கு கீழே முதல் ஆளாக டைகர் ஷ்ராஃப்பின் சகோதரி கிருஷ்ணா ஷ்ராஃப் ஹார்ட் எமோஜிகளை பறக்கவிட்டிருக்கிறார்.
முன்னதாக டைகர் ஷெராஃப் தந்தையர் தினத்தன்று “ இனிய தந்தையர் தின நல்வாழ்த்துக்கள் அப்பா ...உங்களையும் உங்கள் மரபணுவையும் பெற்றதற்கு நான் மிகவும் அதிர்ஷ்டசாலி” என குறிப்பிட்டுருந்தார். அந்த போஸ்ட் வைரலானது.
டைகர் ஷ்ராஃப் கடைசியாக ஹீரோபந்தி 2 இல் நடித்தார். இப்படத்தில் தாரா சுதாரியா மற்றும் நவாசுதீன் சித்திக் ஆகியோரும் நடித்திருந்தனர். இந்த நிலையில் டைகர் ஷெராஃப் அடுத்ததாக க்ரிதி சனோனுடன் இணைந்து கன்பத் படத்தில் நடிக்கிறார்.