பிரபல நடிகரான அர்ஜூனிடம் உதவியாளராக பணியாற்றிய விஷால் காந்தி கிருஷ்ணா இயக்கிய ‘செல்லமே’ படத்தில் நடிகராக அறிமுகமானார். அதனைத்தொடர்ந்து லிங்குசாமி இயக்கிய சண்டக்கோழி, திமிரு, தாமிரபரணி, மலைக்கோட்டை, தோரணை, தீராத விளையாட்டு பிள்ளை உள்ளிட்ட பல படங்களில் நடித்து பிரபலமானார். பாலா இயக்கத்தில் உருவான அவன் -இவன் படத்தில் விஷால் மாற்றுத்திறனாளியாக நடித்தார். அந்தப்படத்தில் இவரது நடிப்பு பெருமளவு பாராட்டை பெற்றது.
இதனைத்தொடர்ந்து பூஜை, ஆம்பள, கத்தி சண்டை, துப்பறிவாளன் உள்ளிட்ட படங்களில் நடித்த விஷாலுக்கு இறுதியாக ஆக்ஷன் படம் வந்தது. இதனிடையே துப்பறிவாளன் 2 படத்தில் நடிக்க கமிட் ஆன விஷால், அந்த படத்தின் தயாரிப்பாளராவும் மாறினார். ஆனால் படத்தின் இயக்குநர் மிஷ்கினுக்கும் அவருக்கும் இடையே ஏற்பட்ட மோதலால் அந்தப்படம் கைவிடப்பட்டது.
விஷால் நடிப்பில் இந்த ஆண்டு தொடக்கத்தில் வெளியான 'வீரமே வாகை சூடும்' திரைப்படம் எதிர்பார்த்த அளவிற்கு வரவேற்பை பெற தவறியது. அதை தொடர்ந்து ராணா புரொடக்ஷன்ஸ் நிறுவனத்தின் சார்பில் நந்தா மற்றும் ரமணா தயாரிப்பில் அறிமுக இயக்குனர் ஏ.வினோத் குமார் இயக்கத்தில் நடிகர் விஷால் நடிப்பில் டிசம்பர் மாதம் 22ம் தேதி வெளியாகவுள்ள திரைப்படம் 'லத்தி'. இப்படத்தில் நடிகர் விஷால் ஜோடியாக நடிகை சுனைனா நடித்துள்ளார். யுவன் ஷங்கர் ராஜா இசையில் இப்படத்தின் இரண்டு பாடல்கள் வெளியாகி ரசிகர்களின் மத்தியில் நல்ல வரவேற்பை பெற்றுள்ளது.
தற்போது, இப்படத்தின் ட்ரெயல்ர் மாலை 5 மணிக்கு வெளியாகிவுள்ளது. இந்த படத்தில், கான்ஸ்டபுள் வேடத்தில் விஷால் நடித்துள்ளார்.
விஷால் நடிப்பில் இதற்கு முன்னர் வெளியான எனிமி, வீரமே வாகை சூட வா, ஆக்ஷன் உள்ளிட்ட படங்கள் எதிர்பார்த்த அளவு வரவேற்பு பெறவில்லை என்பதால் ஏமாற்றத்தில் இருந்த விஷால் ரசிகர்களுக்கு சமீபத்தில் வெளியான ’லத்தி’ படத்தின் டீசர் விருந்தாக அமைந்தது. அத்துடன் வந்த மோஷன் போஸ்டர் மற்றும் படத்தின் டீசரும் வெளியாகி ரசிகர்களின் எதிர்பார்ப்பை அதிகரித்தது. இப்படத்தை தொடர்ந்து நடிகர் விஷாலின் துப்பறிவாளன் 2 மற்றும் மார்க் ஆண்டனி உள்ளிட்ட படங்கள் அடுத்தடுத்து வெளியாக உள்ளது என்பது குறிப்பிடத்தக்கது.