மக்களிடம் மிகுந்த வரவேற்பைப்பெற்ற நாய் சேகர் கெட்டப் போட்டதோடு, அதே போஸில் நின்று, தன்னை யாருன்னு கண்டுபிடிங்க பார்ப்போம் னு புகைப்படத்தை இன்ஸ்டாவில் வெளியிட்டுள்ளார் அறந்தாங்கி நிஷா.
நம்முன் காமெடி நடிகர்களாக வலம் வரக்கூடிய அனைவரும் தங்களுடைய சொந்த வாழ்க்கையில் பல கஷ்டங்கள் இருந்தாலும் அடுத்தவர்களைச் சிரிக்க வைப்பதில் கொஞ்சம் கூட அஞ்சமாட்டார்கள். தன்னுடைய நிகழ்ச்சியின் மூலம் அடுத்தவர்கள் சிரிப்பதைப்பார்க்கும் போது மனதில் உள்ள கஷ்டங்கள் அனைத்தும் பறந்துப்போகும். அப்படிப்பட்ட ஒரு கேரக்டர் தான் அறந்தாங்கி நிஷா.
பட்டிமன்றப்பேச்சாளர், காமெடி ஆக்டர், டான்சர் என பன்முகத்தன்மைக்கொண்டவராக விளங்கும் அறந்தாங்கி நிஷா, விஜய் தொலைக்காட்சியின் ஒளிப்பரப்பான கலக்கப்போவது நிகழ்ச்சியில் பெண் போட்டியாளராக பங்கேற்று தனது திறமையை வெளிப்படுத்தினார். எத்தனை நெகட்டிவ் கமெண்ட்கள் வந்தாலும் சற்றும் பொருட்படுத்தாமல் இலக்கை மட்டுமே குறிக்கோளாக இருந்தார். இதனால் தான் இந்நிகழ்ச்சியில் இரண்டாவது இடத்தைப்பெற்ற பெருமைக்குரியவானார் நிஷா. பின்னர் தமிழ் சினிமாவில் நகைச்சுவை கதாபாத்திரம் மற்றும் குணச்சிர வேடங்களில் நடித்துவருகிறார்.
ஏற்கனவே தமிழ் மக்கள் மனதில் தனக்கென்று ஒரு இடத்தைப்பிடித்த நிஷா, பிக்பாஸ் நிகழ்ச்சியின் மூலம் விஜய் டிவியின் ஒரு பிரபலமாகவே மாறியிருக்கிறார். இதனையடுத்து பிபி ஜோடி டான்ஸ் நிகழ்ச்சி மூலம் நடனத்திலும் தான் சிறந்து விளங்குவதை நிரூபித்துள்ளார் அறந்தாங்கி நிஷா. இப்படி அனைத்திலும் ஆல் ரவுண்டராக இருக்கும் நிஷா அவ்வப்போது சமூக வலைத்தளங்களின் வாயிலாக புகைப்படங்களைப் பதிவிட்டுவருகிறார். அந்த வரிசையில் சமீபத்தில் நிஷா இன்ஸ்டாவில் பதிவிட்ட புகைப்படம் ஒன்று இணையத்தைக்கலக்கி வருகிறது.
அதில் நாய் சேகர் வடிவேலு கெட்டப்பில் இருக்கும் அவர், அதே போஸில் நின்றுக்கொண்டு, “ யாருன்னு கண்டுபிடிங்க பார்ப்போம்… என்ன கெட்டப்பன்னு சொல்லுங்க என்ற கேப்ஷனுடன் புகைப்படத்தை இன்ஸ்டாவில் பதிவிட்டுள்ளார். அந்தப் புகைப்படத்தைப் பார்த்த நெட்டிசன்கள், நாய் சேகர் தானா? எனறும் நிஷா அக்கா என ஸ்மைலி புகைப்படத்துடன் பதிவிட்டுள்ளார். இதேப்போன்று பல்வேறு கமெண்ட்களையும் நெட்டிசன்கள் பதிவிட்டுவருகின்றனர். மேலும் சின்னத்திரை நயன்தாரா? தானா என்றும், திரும்பி நின்னா எப்படி தெரியும்… கொஞ்சம் உங்க திருமுகத்தை காட்டுகளேன் என்று கலாய்த்துவருகின்றனர்..