தெலுங்கு திரையுலகின் ஹேன்ட்சம் ஹீரோவாக ரசிகர்களின் இதயதுடிப்பாக இருந்து வருபவர் நடிகர் விஜய் தேவரகொண்டா. இன்று தனது 34வது பிறந்தநாளை கொண்டாடுகிறார். பிரபலங்களும் ரசிகர்களும் இணையத்தில் வாழ்த்துக்களை குவித்து வருகிறார்கள்.
மிகப்பெரிய அங்கீகாரம் :
2011ம் ஆண்டு காதல் காமெடி கலந்த திரைப்படமான 'நுவ்விலா' படம் மூலம் அறிமுகமானாலும் விஜய் தேவரகொண்டாவுக்கு மிக பெரிய ஒரு அங்கீகாரத்தை கொடுத்தது அர்ஜுன் ரெட்டி திரைப்படம். யாருடா இந்த பையன் இப்படி நடிக்கிறான் என அனைவரையும் திரும்பி பார்க்க வைத்த ஒரு படம். அவரின் திரைப்பயணத்தில் ஒரு முக்கியமான படமாக அபார வெற்றியை கொடுத்தது. அதன் வெற்றியால் தமிழ் மற்றும் இந்தியிலும் ரீ மேக் செய்யப்பட்டது.
டோலிவுட் ரவுடி பேபி :
டோலிவுட் சினிமாவின் 'ரவுடி பேபி' என அழைக்கப்படும் விஜய் தேவரகொண்டாவுக்கு அடுத்த வெற்றி படமாக அமைந்தது 'கீதா கோவிந்தம்'. அப்படத்திற்கு பிறகு தென்னிந்திய இளம் பெண்கள் மத்தியில் ட்ரீம் பாயாக வலம் வந்தார். மிரட்டலான கதாபாத்திரமாக இருந்தாலும் சரி லவ்வபல் ஹேன்ட்சம் ஹீரோவாக இருந்தாலும் சரி எதை கொடுத்தாலும் அதை அசால்ட்டாக சிக்ஸர் அடிக்க கூடிய சிறப்பம்சம் கொண்டவர் நடிகர் விஜய் தேவரகொண்டா.
கியூட் ஸ்மைல் :
மகாநடி, டியர் காம்ரேட், டாக்ஸி வாலா, நோட்டா என அடுத்தடுத்து ஹிட் படங்களில் நடித்ததன் மூலம் முன்னணி தென்னிந்திய நடிகராக முன்னேறியுள்ளார். ஹிந்தியிலும் தனது வலையை வீச தயாராகி வருகிறார் விஜய் தேவரகொண்டா. பெண்களை எளிதில் வசிகரீக்கும் அழகான சிரிப்பால் லட்சக்கணக்கான பெண் ரசிகர் பட்டாளத்தைக் கொண்டுள்ளார். பெயரில் விஜய் இருப்பதால் என்னவோ விஜய் ரசிகர்கள் பலரும் விஜய் தேவரகொண்டாவின் ரசிகர்களாக இருந்து வருகிறார்கள்.
பர்த்டே ட்ரீட் :
மகாநடி படத்திற்கு பிறகு விஜய் தேவரகொண்டா, சமந்தா இணைந்து நடிக்கும் 'குஷி' திரைப்படம் ஒரு பான் இந்திய படமாக செப்டம்பர் 1ம் தேதி வெளியாகவுள்ளது. இப்படத்தின் பர்ஸ்ட் சிங்கிள் பாடலான ‘என் ரோஜா நீயே’ பாடல் விஜய் தேவரகொண்டாவின் பிறந்தநாளை முன்னிட்டு இன்று வெளியிட்டுள்ளனர் படக்குழுவினர். வெளியாகியுள்ள இந்த பாடல் இணையத்தில் ட்ரெண்டிங்காகி வருகிறது. விஜய் தேவர்கொண்டா நடிப்பில் வெளியான 'லிகர்' படம் தோல்வியை சந்தித்ததால் 'குஷி' படத்திற்கு ரசிகர்கள் மத்தியில் பெரும் எதிர்பார்ப்பு எழுந்துள்ளது.
விஜய் தேவரகொண்டாவுக்கு இந்த பிறந்தநாள் ஒரு சிறப்பான வெற்றிகளை குவிக்கும் ஆண்டாக அமைய வேண்டும் என வாழ்த்துகிறோம். ஹேப்பி பர்த்டே ரவுடி பேபி!