விக்னேஷ் சிவனுடனான திருமணத்துக்குப் பிறகு நடிகை நயன்தாரா வரிசைகட்டி தமிழ், தெலுங்கு, இந்தி, மலையாளம் என அனைத்து மொழிகளிலும் நடித்து வருகிறார்.
அந்த வகையில் 2015 ஆம் ஆண்டு தன் நடிப்பில் வெளியாகி சூப்பர்ஹிட்டான 'மாயா' பட இயக்குநரின் ’கனெக்ட்’ படத்தில் நயன்தாரா தற்போது நடித்து வருகிறார்.
மாயா இயக்குநர் அஸ்வின் சரவணன் இப்படம் கடந்த ஆண்டு தொடங்கிய நிலையில், இப்படத்தின் பணிகள் இறுதிக்கட்டத்தை எட்டியுள்ளதாக முன்னதாகத் தகவல் வெளியாகி உள்ளது.
இப்படத்தில் நயன்தாராவுடன் நடிகர்கள் சத்யராஜ் , அனுபம் கெர் ஆகியோர் முக்கியக் கதபாத்திரங்களில் நடித்துள்ளனர். இந்நிலையில் இப்படத்தை முன்னதாகப் பார்த்து ரசித்த இயக்குநர் விக்னேஷ் சிவன், ”இப்படி ஒரு அசாதாரணமான ஹாரர் படத்தை இயக்கிய அஸ்வின் சரவணனுக்கும், மொத்த குழுவினருக்கும் நன்றி” என தனது இன்ஸ்டாகிராம் பக்கத்தில் பகிர்ந்துள்ளார்.
மேலும் படத்தின் டீசர் மற்றும் பிற அப்டேட்கள் விரைவில் வெளியாகும் என்றும் விக்னேஷ் சிவன் தெரிவித்துள்ளார்.