பிரபல திரைப்பட நடிகையான லேடி சூப்பர் ஸ்டார் நயன்தாரா – விக்னேஷ்சிவன் திருமணம் இன்று சென்னையை அடுத்த மாமல்லபுரத்தில் கோலாகலமாக நடைபெற்று வருகிறது. நயன்தாரா – விக்னேஷ்சிவன் திருமணத்தை முன்னிட்டு சூப்பர்ஸ்டார் ரஜினிகாந்த், நடிகர் சூர்யா, நடிகர் விஜய்சேதுபதி, நடிகர் ஷாரூக்கான் உள்ளிட்ட திரைபிரபலங்கள் பலரும் நேரில் சென்று வாழ்த்து தெரிவித்து வருகின்றனர்.
நயன்தாரா – விக்னேஷ்சிவன் திருமணத்தை முன்னிட்டு இணையதளங்களில் ரசிகர்கள் வாழ்த்துக்களை தொடர்ந்து பதிவிட்டு வருகின்றனர். ரசிகர்களின் வாழ்த்து மழையால் இந்திய அளவில் டுவிட்டரில் #NayantharaVigneshshivan என்ற வார்த்தை டுவிட்டரில் ட்ரெண்டாகி வருகிறது.
இந்திய அளவில் முதலிடத்தில் பிர்சாமுண்டா என்ற ஹேஷ்டெக் முதலிடத்தில் இருந்து வரும் நிலையில், நயன்தாராவிக்னேஷ்சிவன் திருமணம் இரண்டாவது இடத்தில் இருந்து வருகிறது. தொடர்ந்து ரசிகர்கள் மட்டுமின்றி திரைபிரபலங்கள் பலரும் நயன்தாரா திருமணத்திற்கு வாழ்த்து தெரிவித்து வருகின்றனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்