நடிகர் அஜித் நடிக்கும் விடாமுயற்சி படத்தின் புதிய போஸ்டர்கள் வெளியாகியுள்ளது. இரண்டு புகைப்படங்களில் நடிகர் அஜித் ஸ்டைலாக காட்சி தருகிறார். 


விடாமுயற்சி போஸ்டர்:


மகிழ் திருமேணி இயக்கத்தில் அஜித் நடித்து வரும் படம் விடாமுயற்சி. லைகா ப்ரோடக்‌ஷன்ஸ் தயாரிக்கும் இப்படத்திற்கு அனிருத் இசையமைத்து வருகிறார். த்ரிஷா , அர்ஜூன் , ரெஜினா, ஆரவ் உள்ளிட்டவர்கள் இந்தப் படத்தில் நடித்து வருகிறார்கள்.


இந்நிலையில், தற்போது விடாமுயற்சி படத்தின் போஸ்டர் வெளியாகியுள்ளது. அந்த போஸ்டரில் Efforts Never Fail என்ற ஆங்கில வார்த்தையும் இடம் பெற்றிருக்கிறது. அதாவது, முயற்சிகள் எப்போதும் தோற்பதில்லை என குறிப்பிடுகிறது. 


மேலும், வெளியாகியுள்ள 2 படங்களில் முதல் படத்தில் துப்பாக்கியுடனும், 2வது படத்தில் கார் ஓட்டும் காட்சியும் இருப்பதை பார்க்க முடிகிறது. 


 






உற்சாகத்தில் விடாமுயற்சி: 


துணிவு படத்தைத் தொடர்ந்து அஜித் விடாமுயற்சி படத்தில் நடிக்க ஒப்பந்தமானார். இதனைத் தொடர்ந்துது இந்தப் படத்தின் டைட்டில் அறிவிப்பு வெளியாகி ரசிகர்களிடம் பெரிய உற்சாகத்தை ஏற்படுத்தியது.


தமிழ் சினிமாவின் ஸ்டார் நடிகராக திகழும் நடிகர் அஜித், மகிழ் திருமேனி இயக்கத்தில் உருவாகி வரும் திரைப்படம் 'விடாமுயற்சி'. மிகவும் எதிர்பார்க்கப்படும் இப்படம்,  தற்போது ரசிகர்களை உற்சாகப்படுத்தும் வகையில் ஒரு சில சூப்பர் அப்டேட்களை கொடுத்துள்ளார் நடிகர் அஜித் மேனேஜரான சுரேஷ் சந்திரா.






'விடாமுயற்சி' படத்தின் படப்பிடிப்பு ஒரு சில காரணங்களால் நிறுத்தப்பட்டு இருந்த நிலையில், ஆதிக் ரவிச்சந்திரன் இயக்கத்தில் நடிகர் அஜித் ஒப்பந்தமான 'குட் பேட் அக்லி' படத்தில் பிஸியாகி விட்டதாக தகவல்கள் வெளியாகின. இதனால் விடாமுயற்சி படம் கைவிடப்பட்டது என்ற வதந்தி  சோசியல் மீடியாவில் வைரலாகி வந்த நிலையில் அதற்கு பதிலளிக்கும் விதமாக 'விடாமுயற்சி' படப்பிடிப்பு தளத்தில் விபத்து ஏற்பட்ட வீடியோ ஒன்றை பகிர்ந்து இருந்தது படக்குழு. இதன் மூலம் விடாமுயற்சி படம் கைவிடப்படவில்லை என்பதை உறுதி செய்தது.


இந்நிலையில் இப்படத்தின் போஸ்டர்கள் வெளியாகியுள்ளது. அதில் 2 புகைப்படங்களிலும் , அஜித் ஸ்டைலாக  இருப்பதை பார்க்க முடிகிறது