சமையல் நிகழ்ச்சியில் அறிமுகமாகி , அதன் பிறகு படிப்படியாக சீரியலில் எண்ட்ரி கொடுத்தவர்தான் ஃபரீனா. பலருக்கும் வெண்பா என்றால்தான் பரீட்சியம். சின்னத்திரையில் ஒளிபரப்பாகும் கண்ணம்மா சீரியலில் வில்லி கதாபாத்திரத்தில் நடித்து வருகிறார். நிறைமாத கர்பிணியாக இருந்தாலும் தொடர்ந்து சீரியலில் நடித்து வந்த ஃபரீனாவின் துணிவையும் , அவர் தன் துறை மீது கொண்ட ஈடுபாட்டையும் பலரும் பாராட்டினார்கள். இந்த நிலையில் ஃபரீனாவிற்கு ஆண் குழந்தை பிறந்துள்ளது. இது குறித்த செய்தியை ஃபரீனா தனது இன்ஸ்டாகிராம் பக்கத்தில் பகிர்ந்துள்ளார்.
தற்போது ஃபரீனாவிற்கு அவரது சின்னத்திரை நண்பர்கள் , ரசிகர்கள் என பலரும் வாழ்த்துக்களை தெரிவித்து வருகின்றனர். ஃபரீனா கர்பிணியாக இருந்த பொழுது நிறைய வித்தியாசமான ஃபோட்டோஷூட்களை செய்து தனது சமூக வலைத்தள பக்கங்களில் பதிவிட்டிருந்தார். அது பலரின் விமர்சனங்களுக்கு உள்ளானதும் குறிப்பிடத்தக்கது. ஆனாலும் தனது விருப்பம் இப்படியான புகைப்படங்களை எடுக்க வேண்டும் என்பதுதான், அதைத்தான் நான் செய்கிறேன்..என் குழந்தை மீது என்னை விட வேறு யார் அக்கறை கொண்டவர்களாக இருந்துவிட முடியும் என தெரிவித்திருந்தார்.
தற்போது சின்னத்திரையில் கண்ணம்மா சீரியிலில் நடித்து வந்த ஃபரீனாவிற்கு பதிலாக யார் நடிக்க போகிறார்கள், அந்த சீரியலில் இனிமேல் வெண்பா கதாபாத்திரம் இருக்குமா என ரசிகர்கள் தொடர்ந்து கேள்வி எழுப்பி வந்தனர்.இதற்கு சமீபத்தில் பதிலளித்த ஃபரீனா, பாரதி கண்ணம்மா சீரியலில் வெண்பா கதாபாத்திரம் தொடரும். அதில் நானே மீண்டும் வெண்பாவாக நடிப்பேன் என கூறியுள்ளார். முன்னதாக கண்ணம்மாவாக நடித்த ரோஷினிக்கு பதில் , டிக்டாக் பிரபலமும் மாடலுமான ஒருவரை களமிறக்க இருப்பதாக செய்திகள் வெளியானது குறிப்பிடத்தக்கது.