valimai update| வலிமை படக்குழு வெளியிட்ட அடுத்த போஸ்டர் ! மாஸ் காட்டும் வில்லன்!
வலிமை வில்லன் கார்த்திகேயா இன்று (செப்டம்பர் 21) தனது பிறந்த நாளை கொண்டாடி வருகிறார்.இந்நிலையில் வலிமை படக்குழுவினர் போஸ்டர் ஒன்றை வெளியிட்டு வாழ்த்து தெரிவித்துள்ளனர்
அஜித் நடிப்பில் விரைவில் வெளியீட்டிற்கு தயாராகி வரும் திரைப்படம் வலிமை இந்த படத்தில் அஜித்துக்கு வில்லனாக நடித்துள்ளார் தெலுங்கு நடிகர் கார்த்திகேயா. தெலுங்கில் 'ஆர்.எக்ஸ்.100', 'கேங் லீடர்' உள்ளிட்ட சில படங்களில் நடித்து முன்னணி நடிகராக வலம் வருபவர் கார்த்திகேயா. வலிமை படம் மூலமாக தமிழ் சினிமாவில் அறிமுகமாகிறார். இந்த படத்தில் இளம் வில்லனாக வலம் வரும் கார்த்திகேயா , தனது கொடுக்கப்பட்ட கதாபாத்திரத்திற்காக சிக்ஸ் பேக்கெல்லாம் வைத்து மிரட்டியுள்ளார். கொரோனா ஊரடங்கு காரணமாக படப்பிடிப்பு தடைப்பட்ட போதிலும் , தொடர்ந்து தனது கதாபாத்திரத்திற்காக சிக்ஸ் பேக்கை பராமரித்தும் வந்துள்ளார். சினிமாவில் கார்த்திகேயாவிற்கு இருக்கும் ஈடுபாட்டை கண்டு மெச்சிய நடிகர் அஜித் அவரை வெகுவாக பாராட்டியதாகவும் செய்திகள் வெளியாகின. வலிமை வில்லன் கார்த்திகேயா இன்று (செப்டம்பர் 21) தனது பிறந்த நாளை கொண்டாடி வருகிறார். அவருக்கு திரையுலக நண்பர்கள் வாழ்த்து தெரிவித்து வரும் சூழலில், வலிமை படக்குழுவினர் அவருக்கு போஸ்டர் ஒன்றை வெளியிட்டு வாழ்த்து தெரிவித்துள்ளனர். இந்த புகைப்படம் தற்போது இணையத்தில் வைரலாகி வருகிறது.
Just In
ஹெச்.வினோத், இயக்கத்தில் வெளியாக உள்ள திரைப்படம் வலிமை. இந்தப் படத்தில் அஜித்திற்கு ஜோடியாக பாலிவுட் நடிகை ஹுமா குரேஷி நடித்து வருகிறார். மேலும் யோகிபாபு, குக் வித் கோமாளி புகழ், தெலுங்கு நடிகர் கார்த்திகேயா ஆகியோர் முக்கிய கதாபாத்திரத்தில் நடித்துள்ளனர். இப்படத்தை போனி கபூர் மற்றும் ஜி ஸ்டியோஸ் இணைந்து தயாரித்து வருகின்றனர். அஜித் நடிக்கும் 61-வது படம் இது என்பதால் அவரது ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது. வலிமை படத்தின் படப்பிடிப்புகள் முழுவதும் எடுக்கப்பட்ட நிலையில் , இறுதியாக கார் சேஸிங் மற்றும் சண்டைக்காட்சி ஒன்றிற்காக ரஷ்யா சென்றனர் படக்குழு.
தற்போது அந்த காட்சிகளையும் எடுத்து முடித்து நாடு திரும்பியுள்ளனர். தற்போது படம் போஸ்ட் புரடக்ஷன் வேலைகளில் உள்ளது. அதுவும் விரைவில் முடிந்துவிடும் என படக்குழுவிற்கு நெருக்கமானவர்கள் தெரிவிக்கின்றனர். விரைவில் வலிமை படத்தின் டிரைலர் வெளியாகும் என எதிர்பார்க்கப்படுகிறது. படத்தை வருகிற அக்டோபர் மாதம் தீபாவளி பண்டிகையை முன்னிட்டு வெளியாகும் என எதிர்பார்க்கப்பட்ட நிலையில் அதுவும் தள்ளிப்போகும் என தெரிகிறது.
சூப்பர்ஸ்டார் ரஜினிகாந்தின் அண்ணாத்த திரைப்படம் தீபாவளிக்கு ரிலீஸ் ஆகும் என அறிவிக்கப்பட்டுள்ளது. சிம்பு நடிப்பில் வெங்கட் பிரபு இயக்க சுரேஷ் காமாட்சி தயாரிப்பில் மாநாடு படம் உருவாகியுள்ளது. மாநாடு திரைப்படமும் தீபாவளிக்குத் தான் ரிலீஸ் ஆகிறது. இந்நிலையில், அஜித்தின் வலிமை திரைப்படத்தையும் அதே தீபாவளி வெளியீடாக ரிலீஸ் செய்தால் அனைத்து படங்களின் வசூலிலும் பிரச்சினை ஏற்படலாம் எனப் படக்குழு கருதுகிறதாம். அதனால், வலிமை படத்தை டிசம்பர் வெளியீடாக தள்ளிவைக்கப்பட்டுள்ளதாகக் கூறப்படுகிறது. ஏற்கெனவே கொரோனாவால் தமிழ் சினிமா நஷ்டத்தை சந்தித்துள்ள நிலையில் அனைத்து பெரிய படங்களையும் ஒரே நேரத்தில் களமிறக்க வேண்டாமென தமிழ் திரையுலகினர் கருதுவதாக கூறப்படுகிறது.