தெலுங்கு இயக்குனர் வெங்கி அட்லூரி - நடிகர் தனுஷ் கூட்டணியில் தமிழ் மற்றும் தெலுங்கில் ஒரே நேரத்தில் வெளியாக தயாராக உள்ள திரைப்படம் 'வாத்தி'/ 'சார்'. ரிலீசுக்கு காத்திருக்கும் தெலுங்கு இயக்குனர் வெங்கி அட்லூரியின் திருமணம் நேற்று நடைபெற்றுள்ளது.
ரிலீஸ் தேதி எப்போ :
தனுஷ் நடிப்பில் தமிழ் மற்றும் தெலுங்கு என இருமொழிகளில் வெளியாக உள்ள திரைப்படம் 'வாத்தி'. தெலுங்கில் 'சார்' என பெயரிடப்பட்டுள்ள இப்படத்தின் மூலம் தெலுங்கு திரையுலகில் அறிமுகமாகிறார் நடிகர் தனுஷ். ஜி.வி. பிரகாஷ் இசையமைத்துள்ள இப்படத்தில் தனுஷ் ஜோடியாக நடித்துள்ளார் மலையாள திரையுலக நடிகை சம்யுக்தா மேனன். தெலுங்கு இயக்குனர் வெங்கி அட்லூரி இயக்கியுள்ள இப்படத்தின் இதை வெளியீட்டு விழா பிப்ரவரி 4ம் தேதி நடைபெறவுள்ளது. பிப்ரவரி 17ம் தேதி இப்படம் தமிழ் மற்றும் தெலுங்கில் ஒரே நேரத்தில் திரையரங்குகளில் வெளியாக உள்ளது.
நடிகர் - இயக்குநர் :
'வாத்தி' இயக்குநர் வெங்கி அட்லூரி முதலில் நடிகராக அறிமுகமானது 2007ம் ஆண்டு வெளியான 'ஞாபகம்' திரைப்படம் மூலம் தான். பின்னர் வசனகர்த்தாவாக சினேகா கீதம் மற்றும் இட்ஸ் மை லவ் ஸ்டோரி திரைப்படங்களுக்கு வசனங்களை எழுதி இருந்தார். 2018ம் ஆண்டு வெளியான 'தொலி பிரேமா' திரைப்படம் மூலம் இயக்குநராக வெங்கி அட்லூரி அறிமுகமானார். அதனை தொடர்ந்து 'மிஸ்டர் மஜ்னு' மற்றும் 'ரங் தே' உள்ளிட்ட திரைப்படங்களை இயக்கியதன் மூலம் தெலுங்கு திரையுலகில் மிகவும் பிரபலமானார். அடுத்ததாக தமிழ் மற்றும் தெலுங்கில் இயக்கிய திரைப்படம் தான் வாத்தி / சார்.
கீர்த்தி சுரேஷ் ப்ரெசன்ட் - தனுஷ் ஆப்சென்ட்:
வெங்கி அட்லூரி - பூஜா திருமண வைபவம் நேற்று பெற்றோர்கள் முன்னிலையில் மிகவும் பிரம்மாண்டமாக நடைபெற்றது. அதில் நடிகை கீர்த்தி சுரேஷ் மிகவும் கிளாமரான உடையில் கலந்து கொண்டார். வெங்கி அட்லூரி இயக்கத்தில் வெளியான 'ரங் தே' திரைப்படத்தில் நடிகை கீர்த்தி சுரேஷ் நடித்திருந்தார். எனவே அப்படத்தின் ஹீரோ நிதின் மற்றும் அவரது மனைவி ஷாலினியுடன் கீர்த்தி சுரேஷ் கலந்து கொண்ட புகைப்படங்கள் சோசியல் மீடியாவில் மிகவும் வைரலாக பகிரப்பட்டு வருகின்றன. இருப்பினும் நடிகர் தனுஷ் படப்பிடிப்பில் மிகவும் பிஸியாக இருப்பதால் அவரால் இயக்குனர் வெங்கி அட்லூரி திருமண விழாவில் கலந்து கொள்ள இயலவில்லை. இருப்பினும் தொலைபேசி மூலம் அழைத்து வாழ்த்துக்களை தெரிவித்தாக கூறப்படுகிறது. தனுஷ் டோலிவுட் சினிமாவில் என்ட்ரி கொடுப்பதால் மிகுந்த சந்தோஷத்தில் இருக்கிறார்கள் ரசிகர்கள்.