பிக் பாஸ் நிகழ்ச்சியில் கலந்து கொண்டது தொடங்கி கைக்கு கிடைத்தவற்றையெல்லாம் ஆடையாக மாற்றி தன் ஃபேஷன் சென்ஸால் இந்தி ரசிகர்கள் தாண்டி ரசிகர்களை ஈர்த்தவர் நடிகை உர்ஃபி ஜாவேத்.
தற்போது பாலிவுட் உலகின் ஃபேஷன் சென்சேஷனாக வலம் வரும் உர்ஃபி ஜாவேத் தன் இன்ஸ்டா பக்கத்தால் இந்தியாவின் ஹாட் செலிப்ரேட்டிக்களில் ஒருவராக உருவெடுத்துள்ளார்.
டாய்லெட் கவர்,கூழாங்கற்கள், மீன் வலை, சைக்கிள் செயின் என ஆடைகளில் க்ரியேட்டிவிட்டி காண்பித்து ஒரு பக்கம் ஃபேஷன் உலகத்தாரை ஈர்த்து வரும் உர்ஃபி ஜாவேத், தன் அரை நிர்வாண புகைப்படங்களால் மற்றொரு புறம் சர்ச்சைகளைக் கிளப்பியும் வருகிறார்.
மேலும் இணையதளத்தில் வாரம் ஒருமுறை கண்டெண்ட் கொடுத்து மீம் மெட்டிரியலாகவும் உர்ஃபி வலம் வருகிறார். ஆனால் தன்னைப் பற்றிய மீம்கள் ட்ரோல்களைக் கண்டு கொள்ளாமல் உர்ஃபி ஜாலியாக புகைப்படங்கள், வீடியோக்கள் பதிவிட்டும், பொது நிகழ்ச்சிகளில் கலந்துகொண்டும் கண்டெண்ட் கொடுத்து தொடர்ந்து செய்திகளை ஆக்கிரமித்து வருகிறார்.
அந்த வகையில் தற்போது வண்ணத்துப்பூச்சி போன்ற வேலைபாடுகளுடன் கூடிய ஓவர் கோட் அணிந்து, வழக்கம்போல் ஹாட் உடையில் வந்து பாலிவுட் மீடியாக்களை உர்ஃபி அசரடித்துள்ளார்.
இந்நிலையில் உலகின் பிரபல ஃபேஷன் நிகழ்வுகளில் ஒன்றான மெட் காலா நிகழ்வில் உர்ஃபி ஒரு நாள் நிச்சயம் கலந்துகொண்டு இப்படிப்பட்ட க்ரியேட்டிவ் உடையுடன் பூனை நடை போடுவார் எனவும், கான்ஸில் பங்கேற்கும் நடிகைகளுக்கு சவால் விடும் வகையில் உர்ஃபி உடை அணிந்து வந்துள்ளார் எனவும் அவரது ரசிகர்கள் கமெண்ட் செக்ஷனில் வாழ்த்து தெரிவித்து வருகின்றனர்.
பாலிவுட்டின் சென்சேஷனல் பிரபலங்களில் ஒருவராக வலம் வரும் உர்ஃபி முன்னதாக தனக்கு வீடு கிடைப்பதில்லை என தன் சமூக வலைதளப் பக்கத்தில் பதிவிட்டிருந்தார்.
தன்னுடைய ஆடைகளால் இஸ்லாமியர்கள் தனக்கு வாடகைக்கு வீடு தருவதில்லை. மற்றொருபுறம் தான் இஸ்லாமியர் என்பதால் இந்துக்கள் தனக்கு வாடகைக்கு வீடு விடுவதில்லை. மும்பையில் வாடகைக்கு வீடு பிடிப்பது மிகவும் கடினமானது என சோகத்துடன் உர்ஃபி பதிவிட்டிருந்தார்.
மும்பையில் வாடகைக்கு ஒரு வீட்டைத் தேடி கண்டுபிடிப்பது மிகக் கடினமானது” எனப் பதிவிட்டிருந்தார். அதேபோல் தன் உடை பற்றி விமர்சித்த பிரபல எழுத்தாளர் சேத்தன் பகத்துக்கு பதிலடி கொடுத்து உர்ஃபி இணையத்தில் முன்னதாக பேசுபொருளானார்.