தவெக தலைவர் விஜயிடம் அவரது மனைவி சங்கீதா விவாகரத்து கேட்டு அண்மையில் மனுதாக்கல் செய்திருந்தார் . விஜய்க்கு பிரபல நடிகையோடு திருமணம் கடந்த உறவிருப்பதாகவும் இந்த மனுவில் சங்கீதா தெரிவித்திருந்தார். சட்டமன்ற தேர்தலில் விஜய் போட்டியிட இருக்கும் நிலையில் இந்த தகவல் வெளியாகி பெரியளவில் அதிர்ச்சியை ஏற்படுத்தியிருந்தது. இந்த நேரத்தில் விஜயின் தனிப்பட்ட பிரச்சனை பொதுவெளிக்கு கொண்டு வருவது விஜய்க்கு எதிராக மக்களை திருப்பும் சதிதிட்டம் என தவெக ஆதரவாளர்கள் கூறி வந்தனர். இப்படியான நிலையில் விஜய் மற்றும் நடிகை த்ரிஷா பிரபல தயாரிப்பாளர் கல்பாத்தி சுரேஷின் இல்ல திருமண விழாவிற்கு ஜோடியாக ஒரே நிற ஆடையில் கலந்துகொண்டுள்ளது பெரும் திருப்புமுனையாக அமைந்துள்ளது. விஜயின் இந்த நகர்வை தவெக ஆதரவாளர்கள் பலரும் வரவேற்று வருகிறார்கள்.
தயாரிப்பாளர் கல்பாத்தி சுரேஷ் மற்றும் மீனாக்ஷி சுரேஷ் தம்பதியின் மகன் திருமண விழா இன்று சென்னை திருவான்மியூரில் நடைபெற்றது. இந்த விழாவில் பல்வேறு திரைத்துறை பிரபலங்கள் கலந்துகொண்டார். தவெக தலைவரும் நடிகருமான விஜய் மற்றும் த்ரிஷா இந்த நிகழ்வில் ஜோடியாக கலந்துகொண்டது மட்டுமில்லாமல் ஒரே நிறத்தில் ஆடை பட்டாடை அணிந்து கலந்துகொண்டார்கள். விஜயின் விவாகரத்து என்பது அவரது தனிப்பட்ட பிரச்சனை என்றபோதிலும் தேர்தல் நேரத்தில் அது வெளியே கசிந்தது அவரது அரசியல் வாழ்க்கைக்கு பெரும் பின்னடைவாக இருக்கும் என்று பலரும் கூறி வந்தார்கள். இப்படியான நிலையில் தன் மீதான விமர்சனங்களைப் பற்றி கவலைப்படாலம் நடிகை த்ரிஷாவுடன் விஜய் இந்த திருமண நிகழ்ச்சியில் கலந்துகொண்டுள்ளதை ரசிகரள் பெரும் ஆதரவு கொடுத்து வருகிறார்கள்.