வயது வித்தியாசமில்லாமல் குழந்தைகள் முதல் பெரியவர்கள் வரை சின்னத்திரை நிகழ்ச்சிகள் அனைவரையும் கவரும் வகையில் ஒளிபரப்பாகி வருகிறது. என்னதான் டிஜிட்டல் யுகத்தை நோக்கி பார்வையாளர்கள் நகர்ந்தாலும் வார நாட்களில் சீரியல்களும், சனி, ஞாயிற்றுக்கிழமைகளில் ஒளிபரப்பாகும் ரியாலிட்டி ஷோக்களும் இன்றளவும் பார்வையாளர்களின் பேவரைட்டான ஒன்றாகவே உள்ளது. இதனை ஒரு கருவியாக கொண்டு சேனல்கள் புது புது சீரியல்கள், ரியாலிட்டி ஷோக்களை அடுத்தடுத்து அறிமுகம் செய்கின்றது.
என்னதான் போட்டி போட்டுக்கொண்டு சேனல்கள் நிகழ்ச்சிகளை ஒளிபரப்பினாலும் டிஆர்பி ரேட்டிங்கில் இடம் பிடிப்பது என்னவோ சில சீரியல்கள்,நிகழ்ச்சிகள் மட்டும் தான். குறிப்பாக சன்டிவி மற்றும் விஜய் டிவி சீரியல்களுக்கு இங்கு நடைபெறும் போட்டி என்பது ரசிகர்களிடையே பெரும் எதிர்பார்ப்பை ஏற்படுத்தும். ஒருகாலத்தில் தங்களை அடிக்க ஆளே இல்லை என நினைத்த சன்டிவியை விஜய், ஜீ தமிழ் சீரியல்கள் ஓரம் கட்டியது தனிக்கதை.
இந்தப்பட்டியலில், நீயா நானா என்ற ரியாலிட்டி நிகழ்ச்சி தனக்கான தனி இடத்தை பிடித்துள்ளது. சமூகம் சார்ந்த கருத்துக்களை முன்வைப்பதிலும், சுவாரஸ்யமான காட்சிகளை கொண்ட டாப் பொழுப்போக்கு நிகழ்ச்சியாக வலம் வருகிறது. அந்தவகையில் கடந்த வாரம், வாடகை தாயை ஆதரிப்பவர்கள் Vs எதிர்ப்பவர்கள் என்ற தலைப்பில் விவாதம் நடந்தது. இது சமூக வலைதளத்தில் பேசு பொருளாக மாறிய நிலையில் இந்த வாரம் முற்றிலும் வித்தியாசமான தலைப்பு கொண்ட நிகழ்ச்சி ஒளிபரப்பாகவுள்ளது. இதில், ட்ராமா குயினாக இருக்காதே என்று கூறும் கணவர்களுக்கும், ட்ராமா குயினாக இருக்கும் மனைவிகளுக்கும் இடையில் இந்த டாக் ஷோ நடத்தப்படவுள்ளது.
அதில் பங்குபெற்ற மனைவிகள் தங்களது கணவர்களின் கவனத்தை எப்படி ஈர்பார்கள் என்றும் வீட்டு வேலை செய்வதில் இருந்து எப்படி சாக்கு சொல்லி தப்பிப்பார்கள் என்று போன்ற பல விஷயங்கள் குறித்து பேசிய காட்சிகள் அந்த ப்ரோமோ வீடியோவில் இடம்பெற்றது.
நீயா நானா நிகழ்ச்சி வாரந்தோறும் அனைத்து ஞாயிற்றுகிழமையில் பகல் 12 மணிக்கு ஒளிபரப்பாகும். டிஸ்னி ஹாட்ஸ்டார் செயலிலும் இந்நிகழ்ச்சியை ஞாயிற்றுகிழமையின் காலைபொழுதிலே காணலாம் என்பது குறிப்பிடதக்கது.