television

Karthigai Deepam: கிடைத்தது இதயம்.. சாமுண்டீஸ்வரியை சாகடிக்கத் துடிக்கும் சிவனாண்டி! லாரியிடம் இருந்து தப்புமா ஆம்புலன்ஸ்?

சுகுமாறன் — Thu, 29 Oct 2026 10:31:04 +0530

ஜீ தமிழில் திங்கள் முதல் சனி வரை இரவு 9 மணிக்கு ஒளிபரப்பாகி வரும் ‘கார்த்திகை தீபம்’ சீரியலில், அடுத்தடுத்து நடக்கும் திருப்பங்களால் கதை விறுவிறுப்பாகப் போய்க்கொண்டிருக்கிறது. அந்த வகையில், வரப்போகும் எபிசோடில் என்னென்ன நடக்கப்போகிறது என்பதைப் பார்க்கலாம்.

கிடைத்தது இதயம்:

கார்த்திக்கிற்கு அருண் போன் செய்து, மூளைச்சாவு அடைந்த ஒருவரின் இதயம் கிடைத்து விட்டதாகவும், அந்த நபரின் குடும்பத்தினரும் இதயத்தைத் தானமாகக் கொடுக்கச் சம்மதித்து விட்டதாகவும் சந்தோஷமான செய்தியைச் சொல்கிறார். இதைக் கேட்டு மகிழ்ச்சியடையும் கார்த்திக், உடனே மருத்துவரிடம் விஷயத்தைத் தெரிவிக்கிறார்.

இவ்வளவு சீக்கிரம் இதயம் கிடைக்கும் என்று எதிர்பார்க்கவில்லை என்றும், கடவுளின் கருணையால் எல்லாமே நல்லபடியாக நடப்பதாகவும் சொல்லி மருத்துவர் நிம்மதி அடைகிறார்.

பதற்றத்தில் சந்திரகலா:

இவர்கள் பேசிக்கொண்டிருப்பதை சந்திரகலா ஆதரவு நர்ஸ் ஒட்டுக் கேட்டுவிடுகிறார். உடனே சந்திரகலாவிடம் இந்த விஷயத்தைச் சொல்ல, அவர் அதிர்ச்சியடைவதுடன் ஆத்திரமும் அடைகிறார். எப்படியாவது அந்த இதயம் கார்த்திக் குடும்பத்துக்குப் போய்ச் சேரக்கூடாது என்று முடிவெடுக்கிறார்.

சிறையிலே சிவனாண்டி சதி:

இதற்காகச் சிறையில் இருக்கும் சிவனாண்டியைத் தொடர்பு கொள்கிறார் சந்திரகலா. அவரும், தனக்கு நம்பிக்கையான மருதுவை வைத்து இந்த வேலையை முடிக்கச் சொல்லி திட்டம் போடுகிறார். இதையடுத்து, கோயம்புத்தூரில் இருக்கும் மருதுவிடம் பேசும் சந்திரகலா, சிவனாண்டிக்கு உதவி செய்ய வேண்டும் என்றும், அந்த இதயம் கார்த்திக் குடும்பத்துக்குப் போய்ச் சேரவே கூடாது என்றும் உத்தரவிடுகிறார். சிவனாண்டிக்காக எதையும் செய்யத் தயாராக இருக்கும் மருதுவும் இந்தச் சதித் திட்டத்துக்கு சம்மதிக்கிறான்.

மறுபக்கம், அருணும் இளையராஜாவும் இதயத்தைத் தானமாகக் கொடுக்க முன்வந்த நபரின் மருத்துவமனைக்கு செல்கிறார்கள். அங்கு சோகத்தில் இருக்கும் அந்தக் குடும்பத்தினருக்கு ஆறுதல் சொல்லிவிட்டு, அறுவை சிகிச்சை மூலம் எடுக்கப்பட்ட இதயத்தைப் பெற்றுக்கொள்கிறார்கள்.

ஆம்புலன்சை துரத்தும் லாரி:

ஆனால், மோசமான வானிலை காரணமாக விமானத்தில் செல்ல முடியாத சூழல் ஏற்படுகிறது. இதனால், நேரத்தை வீணாக்காமல் ஆம்புலன்ஸ் மூலமாகவே இதயத்தைக் கொண்டு செல்ல முடிவெடுக்கிறார்கள்.

இதயத்தை ஏற்றிக்கொண்டு ஆம்புலன்ஸ் வேகமாகச் செல்ல, அதை எப்படியாவது தடுத்து நிறுத்த வேண்டும் என்று மருது திட்டம் போடுகிறான். இதற்காக ஒரு லாரியை ஏற்பாடு செய்து, ஆம்புலன்ஸைத் துரத்திச் செல்கிறான். ஒரு கட்டத்தில், ஆம்புலன்ஸின் மீது லாரியை மோதவிட்டு விபத்தை ஏற்படுத்தவும் முயற்சி செய்கின்றனர்.

தப்புமா இதயம்?

மருதுவின் இந்தச் சதியிலிருந்து ஆம்புலன்ஸ் தப்பித்து கார்த்திக்கிடம் பத்திரமாகப் போய்ச் சேருமா? சாமுண்டீஸ்வரியின் உயிரைக் காப்பாற்றும் முயற்சி வெற்றி பெறுமா? என்பது குறித்து அறிய கார்த்திகை தீபம் சீரியலை உங்கள் Zee தமிழ் தொலைக்காட்சியில் காணத்தவறாதீர்கள்.

Karthigai Deepam: துப்பாக்கியால் சுட்ட சிவனாண்டி.. உயிருக்கு ஆபத்தான நிலையில் சாமுண்டீஸ்வரி! கார்த்திகை தீபத்தில் பதற்றம்

சுகுமாறன் — Tue, 27 Oct 2026 16:16:47 +0530

ஜீ தமிழ் தொலைக்காட்சியில் திங்கள் முதல் சனி வரை இரவு 9 மணிக்கு ஒளிபரப்பாகி வரும் பிரபலமான ‘கார்த்திகை தீபம்’. இந்த சீரியலில், அடுத்தடுத்து அதிரடியான திருப்பங்கள் நடந்து வருகின்றன. சாமுண்டீஸ்வரியை சிவனாண்டி துப்பாக்கியால் சுட்ட சம்பவம் குடும்பத்தையே அதிர்ச்சியில் ஆழ்த்தியுள்ளது.

சந்திரகலாவை அறைந்த சாமுண்டீஸ்வரி!

சாமுண்டீஸ்வரி வீட்டில் உள்ள அனைவரையும் ஒரு இடத்தில் நிற்க வைத்து, சந்திரகலாவிடம் உண்மையைச் சொல்லும்படி கேட்கிறார். ஆனால், சந்திரகலா உண்மையைச் சொல்லாமல் மறுத்துப் பேசுகிறார். இதனால் கோபமடையும் சாமுண்டீஸ்வரி, சந்திரகலாவின் கன்னத்தில் பளார் என்று அறைகிறார்.

மேலும், “உன்னை என் தங்கச்சியா நினைச்சேன். ஆனால், நீ இப்படி பண்ணுவேன்னு எதிர்பார்க்கல. உடனே இந்த வீட்டை விட்டு வெளியே போ” என்று கோபமாகச் சொல்கிறார்.

சாமுண்டீஸ்வரியை சுட்ட சிவனாண்டி:

தன் மனைவி சந்திரகலாவை சாமுண்டீஸ்வரி அடிப்பதைப் பார்த்த சிவனாண்டி ஆத்திரமடைகிறார். உடனே அங்கு பாதுகாப்புக்காக நின்றிருந்த போலீஸ் இன்ஸ்பெக்டரின் துப்பாக்கியைப் பிடுங்கி, சாமுண்டீஸ்வரியை நோக்கி நீட்டுகிறார். இருவருக்கும் இடையே வாக்குவாதம் முற்றவே, சிவனாண்டி துப்பாக்கியால் சுடுகிறார். இதில் சாமுண்டீஸ்வரி மீது குண்டு பாய, அவர் ரத்த வெள்ளத்தில் சரிகிறார்.

கார்த்திக் கவலை:

சாமுண்டீஸ்வரி கீழே விழுந்ததைப் பார்த்த கார்த்திக் அதிர்ச்சியடைகிறார். உடனே அவரை மருத்துவமனைக்கு அழைத்துச் செல்ல ஏற்பாடு செய்கிறார். இந்தப் பரபரப்பைப் பயன்படுத்திக் கொண்டு மாயாவும் மகேஷும் நெக்லஸைத் திருட நினைக்கிறார்கள்.

ஆனால், நெக்லஸ் இருந்த இடத்துக்குச் சென்று பார்த்தபோது அது அங்கு இல்லை. சாமுண்டீஸ்வரி ஏற்கனவே உஷாராகி, நெக்லஸை வேறு இடத்துக்கு மாற்றி வைத்திருப்பது தெரிய வருகிறது.

மருத்துவமனையில் சாமுண்டீஸ்வரி:

மறுபக்கம், கார்த்திக் சாமுண்டீஸ்வரியை அவசர சிகிச்சைப் பிரிவில் அனுமதிக்கிறார். துப்பாக்கியால் சுடப்பட்டிருப்பதால் உடனடியாகச் சிகிச்சை அளிக்க வேண்டும் என்று டாக்டர்களிடம் வலியுறுத்துகிறார். இதனால் குடும்பத்தினர் அனைவரும் பதற்றத்தில் இருக்கின்றனர். இதற்கிடையில், சாமுண்டீஸ்வரியைத் துப்பாக்கியால் சுட்ட குற்றத்துக்காக சிவனாண்டியை போலீசார் கைது செய்கின்றனர்.

விடுதலையான பாட்டி:

போலீஸ் காவலில் இருக்கும் சிவனாண்டியை சந்திரகலா சந்திக்கிறார். அப்போது, “ஏன் இப்படி பண்ணீங்க?” என்று கேட்கிறார். அதற்கு சிவனாண்டி, “என் மனைவியை ஒருத்தி அடிக்கும்போது நான் சும்மா வேடிக்கை பார்த்துட்டு இருப்பேனா? கார்த்திக் மட்டும் அந்த ஆதாரத்தைக் காட்டாமல் இருந்திருந்தால், இந்நேரம் சாமுண்டீஸ்வரியைத் தீர்த்துக்கட்டி உன்னை அந்த இடத்தில் உட்கார வைத்திருப்பேன்” என்று ஆவேசமாகப் பேசுகிறார்.

மேலும், “நீ கவலைப்படாதே, நம்ம திட்டத்தை எப்படியாவது நிறைவேற்றுவோம்” என்று சந்திரகலாவிடம் சொல்கிறார். இதற்கிடையில், துப்பாக்கிச் சூட்டைச் செய்தது சிவனாண்டிதான் என்பது உறுதியானதால், சிறையில் இருந்த பாட்டி விடுதலை செய்யப்படுகிறார்.

இப்படி சாமுண்டீஸ்வரி உயிருக்கு ஆபத்தான நிலையில் மருத்துவமனையில் இருக்க, சிவனாண்டி சிறைக்குச் சென்றுவிட்டார். பாட்டியும் விடுதலையாகிவிட்டார். இனி சந்திரகலா என்ன செய்யப் போகிறார்? சாமுண்டீஸ்வரி உயிர் பிழைப்பாரா? மாயா, மகேஷின் அடுத்த திட்டம் என்ன?

இந்தக் கேள்விகளுக்கான பதில்களைத் தெரிந்துகொள்ள, ‘கார்த்திகை தீபம்’ சீரியலை உங்கள் ஜீ தமிழ் தொலைக்காட்சியில் காணத் தவறாதீர்கள்!

Karthigai Deepam: ரேவதியை கடத்திய சந்திரகலா... சாமுண்டீஸ்வரியிடம் உண்மையைச் சொல்வாரா கார்த்திக்? கார்த்திகை தீபத்தில் திக்.. திக்..!

சுகுமாறன் — Fri, 23 Oct 2026 11:37:16 +0530

ஜீ தமிழ் தொலைக்காட்சியில் திங்கள் முதல் சனி வரை இரவு 9 மணிக்கு ஒளிபரப்பாகி வரும் ‘கார்த்திகை தீபம்’ தொடரில், அடுத்தடுத்து அதிரடி திருப்பங்கள் அரங்கேறி வருகின்றன. கார்த்திக் உண்மையைச் சொல்லிவிடுவானோ? என்ற பதற்றத்தில் சிவனாண்டி தரப்பு இருக்க, ரேவதியைக் கடத்தி கார்த்திக்குக்குச் செக் வைக்கிறார் சந்திரகலா.

சதீஷின் வேஷத்தால் வெளிவந்த உண்மை!

தனக்குத் தேவையான ஒரு தோற்றத்தைக் காட்டி, அதே மாதிரி ஒருவரைத் தயார் செய்து தருமாறு தானாராவ்விடம் கேட்கிறார் மகேஸ்வரன் என்கிற மயில்வாகனம். அந்தத் தோற்றத்தைப் பார்த்ததும் அது சதீஷின் தோற்றம் என்பது தெரியவருகிறது.

இதனால் சந்தேகமடைந்த அவர், தொழிலுக்குத் துரோகம் செய்ய முயன்றவரை மிரட்டி உண்மையை வரவழைக்கிறார். வேறு வழியில்லாமல் அவரும் உண்மையை ஒப்புக்கொள்கிறார்.

மண்டபத்தில் பணம், அதிர்ச்சியில் சிவனாண்டி:

திருமண மண்டபத்தில் சாமுண்டீஸ்வரியின் அறையில், சிவனாண்டிக்குக் கொடுக்கப்பட்ட பணம் இருப்பதைப் பார்க்கிறார் சந்திரகலா. இந்தப் பணம் இங்கே எப்படி வந்தது? ஒருவேளை அக்காவுக்கு உண்மை தெரிந்துவிட்டதா? என்று குழப்பமடைகிறாள்.

வேஷம் போட்டுக்கொண்டு வந்தவன்தான் பணத்தைக் கொடுத்திருக்க வேண்டும் என்று இருவரும் பேசிக்கொள்கின்றனர். இதற்கிடையில், கார்த்திக்கை அடைத்து வைத்திருந்த இடத்திற்குச் சென்று பார்க்கின்றனர். ஆனால் அங்கே கார்த்திக் இல்லை. அவனது ஆட்கள் அனைவரும் அடிவாங்கி மயங்கிக் கிடக்கின்றனர். கார்த்திக் தப்பித்துவிட்டதைப் பார்த்து சிவனாண்டி அதிர்ச்சியடைகிறார்.

மறுபுறம், சுவாதியும் தனலட்சுமியும் சிறைக்குச் சென்று பரமேஸ்வரி பாட்டியைச் சந்திக்கின்றனர். தனக்குத் திருமணம் நடக்கவிருக்கும் விஷயத்தைப் பாட்டியிடம் சொல்லும் சுவாதி, அவருடைய ஆசீர்வாதத்தைப் பெறுகிறார். இதனால் அந்தச் சந்திப்பு நெகிழ்ச்சியாக அமைகிறது.

ரேவதியைக் கடத்திய சந்திரகலா:

கார்த்திக்கிற்கு உண்மை தெரிந்துவிட்டதால், அவனை எப்படியாவது தடுத்து நிறுத்த வேண்டும் என்று சிவனாண்டி தரப்பு திட்டம் போடுகிறது. அதன்படி, திருமண மண்டபத்திலிருந்து ரேவதியை ரகசியமாகக் கடத்தி, தங்கள் கட்டுப்பாட்டில் வைத்துக்கொள்கின்றனர்.

கார்த்திக்குக்கு சந்திரகலா வைத்த செக்:

இதற்கிடையில், மண்டபத்திற்குள் வரும் கார்த்திக்கை வழிமறிக்கிறார் சந்திரகலா. “உண்மையைச் சொல்லத்தானே போறீங்க? நேரா போய் அக்காகிட்ட உண்மையைச் சொல்லுங்க” என்று சவால் விடுகிறார்.

கார்த்திக் யோசித்துக்கொண்டிருக்கும்போது, “எல்லாம் சரிதான்... ஆனா ரேவதியை மிஸ் பண்ணிட்டீங்களே!” என்று சொல்லி அதிர்ச்சி கொடுக்கிறார் சந்திரகலா.

கார்த்திக் தப்பிப்பது எப்படி?

உடனே மயில்வாகனத்திடம் உள்ளே சென்று பார்க்கச் சொல்கிறார் கார்த்திக். அங்கே ரேவதி இல்லை என்பது உறுதியாகிறது. அடுத்ததாக, ரேவதியைக் கட்டிப்போட்டு வைத்திருக்கும் காட்சியைத் தனது செல்போனில் காட்டி கார்த்திக்கை மிரட்டுகிறார் சந்திரகலா.

ரேவதியைக் காப்பாற்ற வேண்டிய கட்டாயத்தில் இருக்கும் கார்த்திக், உண்மையைச் சொல்ல முடியாமல் தவிக்கிறார். சந்திரகலாவின் இந்தச் சதியில் இருந்து கார்த்திக் எப்படி தப்பிக்கப் போகிறான்? ரேவதியைப் பத்திரமாக மீட்பானா? சாமுண்டீஸ்வரியிடம் உண்மையைச் சொல்லும் வாய்ப்பை இழந்துவிடுவானா? என்பது குறித்து அறிய ‘கார்த்திகை தீபம்’ தொடரை திங்கள் முதல் சனி வரை இரவு 9 மணிக்கு ஜீ தமிழ் தொலைக்காட்சியில் கண்டு மகிழுங்கள்!

Karthigai Deepam: மகேஷின் மட்டமான புத்தி.. தப்புவாளா சுவாதி? சதீஷை கண்டுபிடித்தாளா ரேவதி?

சுகுமாறன் — Tue, 20 Oct 2026 11:51:14 +0530

ஜீ தமிழ் தொலைக்காட்சியில் திங்கள் முதல் சனிக்கிழமை வரை இரவு 9 மணிக்கு ஒளிபரப்பாகும் சீரியல் கார்த்திகை தீபம். இந்த சீரியல் விறுவிறுப்பாக ஒளிபரப்பாகி வரும் சூழலில், அடுத்து நடக்கப்போவது என்ன? என்பதை கீழே காணலாம்.

மகேஷின் மட்டமான புத்தி:

கடந்த எபிசோடில், அத்தையின் பேச்சைக் கேட்டு மாறுவேடத்தில் இருக்கும் மகேஷ், ஸ்வாதியின் பாலில் மயக்க மாத்திரையைக் கலந்து கொடுத்து, அவளைத் தனி அறையில் அடைத்து வைத்திருந்தான்.

இதையடுத்து, மயக்கத்தில் இருக்கும் சுவாதியிடம் தவறாக நடந்துகொண்டு, வேறு வழியில்லாமல் அவளையே திருமணம் செய்ய வைத்துவிடலாம் என்று திட்டம் போடுகிறான் மகேஷ்.

மாயா தந்த தைரியம்:

ஆனால், சுவாதியை நெருங்கும்போது அவனுக்குப் பயம் வந்துவிடுகிறது. என்ன செய்வதென்று தெரியாமல் அறையை விட்டு வெளியே வரும் மகேஷ், நடந்த விஷயத்தைத் தனது அண்ணி மாயாவிடம் சொல்கிறான். இதைக் கேட்டு கோபமடையும் மாயா, அவனைத் திட்டி தைரியம் சொல்லி மீண்டும் அறைக்குள் அனுப்பி வைக்கிறாள். அதுமட்டுமில்லாமல், யாருக்கும் சந்தேகம் வரக்கூடாது என்பதற்காக அவளே வெளியே நின்று கண்காணிக்கவும் செய்கிறாள்.

காப்பாற்றிய ரேவதி:

மண்டபத்தில் ஸ்வாதியைக் காணாமல் தேடிக்கொண்டிருக்கும் ரேவதிக்கு, அவள் எங்கே போனாள் என்ற சந்தேகம் எழுகிறது. அப்போது மண்டபத்தின் மேல்மாடியில் கூடுதலாக ஒரு அறை இருப்பதாக மேனேஜர் சொல்ல, உடனே அங்கே செல்கிறாள் ரேவதி.

அங்கு மகேஷ் நிற்பதைப் பார்த்ததும், ஏதோ தவறு நடக்கப்போகிறது என்பதைப் புரிந்துகொண்டு அவனைத் தடுத்து நிறுத்துகிறாள். இதனால், சுவாதிக்கு எந்தப் பாதிப்பும் ஏற்படுவதற்கு முன்பே அவளைப் பத்திரமாக மீட்டு அழைத்து வருகிறாள் ரேவதி.

மாயா சந்தேகம்:

நடந்த விஷயத்தை கார்த்திக்கிடம் சொல்லி ரேவதி குழப்பத்தில் இருக்க, மறுபக்கம் மாயாவுக்கு ஒரு புதிய சந்தேகம் வருகிறது. ரேவதிக்கு தங்களுடைய சதித் திட்டம் தெரிந்துவிட்டதா? என்று யோசிக்கத் தொடங்குகிறாள்.

இதற்கிடையில், திருமணத்துக்குத் தேவையான புடவையை வீட்டிலேயே மறந்து வைத்துவிட்டதாக ரோகிணியிடம் சொல்கிறாள் சுவாதி. இதைக் கேட்ட ரேவதி, தானே வீட்டுக்குச் சென்று புடவையை எடுத்துவருவதாகக் கிளம்புகிறாள்.

சிவனாண்டியை எச்சரித்த சந்திரகலா:

அப்போது சந்திரகலா அவளைத் தடுத்து, இப்போது வீட்டுக்குப் போக வேண்டாம் என்று சொல்கிறார். ஆனால், நாளை காலை வரை காத்திருக்க முடியாது என்று கூறும் ரேவதி, உடனே வீட்டுக்குக் கிளம்பிவிடுகிறாள். ரேவதி வீட்டுக்குச் செல்வதைப் பார்த்த சந்திரகலா பதற்றமடைகிறார். உடனே சிவானந்திக்குப் போன் செய்து, சதீஷை அடைத்து வைத்திருக்கும் இடத்துக்கு ரேவதி வந்துகொண்டிருப்பதாக எச்சரிக்கிறார்.

வீட்டுக்குள் செல்லும் ரேவதி, புடவையைத் தேடிக்கொண்டிருக்கிறாள். அப்போது திடீரென அறையின் ஒரு மூலையிலிருந்து சொம்பு உருளும் சத்தம் கேட்கிறது. அந்தச் சத்தத்தைக் கேட்ட ரேவதி, அங்கே என்ன இருக்கிறது என்று பார்க்கச் செல்கிறாள்.

ரேவதிக்கு உண்மை தெரியுமா?

அங்கே சதீஷ் இருப்பது ரேவதிக்குத் தெரியவருமா? சிவனாண்டியின் சதித் திட்டம் அம்பலமாகுமா? ரேவதியிடம் சதீஷ் சிக்கிக்கொள்வானா? ஸ்வாதியைக் காப்பாற்றிய ரேவதிக்கு அடுத்ததாக என்ன அதிர்ச்சி காத்திருக்கிறது? என்பது குறித்து அறிய கார்த்திகை தீபம் சீரியலை திங்கள் முதல் சனிக்கிழமை வரை இரவு 9 மணிக்கு, ஜீ தமிழ் தொலைக்காட்சியில் காணத்தவறாதீர்கள்.

Karthigai Deepam: ரேஷன் கடைக்காரரை வைத்து புதிய சதி.. விசாரணையில் இறங்கிய கார்த்திக்! கார்த்திகை தீபத்தில் இன்று

சுகுமாறன் — Tue, 13 Oct 2026 14:58:26 +0530

தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் சனி வர இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலில் நேற்றைய எபிசோடில் மகேஷ் மற்றும் மாயா கார்த்தியிடம் சிக்கிய நிலையில் இன்று நடக்கப் போவது என்ன என்பது குறித்து பார்க்கலாம் வாங்க.

ரேஷன் கடைக்காரரை வைத்து சதி:

அதாவது மகேஷ், மாயா மீது கார்த்திக்கு சந்தேகம் இருந்த நிலையில் அதை வெளிகாட்டுக் கொள்ளாமல் அவர்களை விட்டு விடுகிறான். அதன் பிறகு இன்று சிவனாண்டி ஒரு ரேஷன் கடைக்காரனை சந்தித்து சாமுண்டீஸ்வரி மீதி இருக்கும் பழியை தீர்த்துக் கொள்ள ஒரு திட்டத்தை சொல்கிறான்.

அதாவது ரேஷன் அரிசி தாண்டீஸ்வரி வீட்டில் வைத்து சாமுண்டீஸ்வரி ரேஷன் அரிசி கடத்துவதாக பொய் புகார் ஒன்றை கிளப்பி விடுகின்றனர். இதனால் ரேஷன் பொருள் கடத்தல் தடுப்பு பிரிவினர் சாமுண்டீஸ்வரி வீட்டில் சோதனையிட்டு அவரை கைது செய்ய முடிவெடுக்கின்றனர்.

விசாரணையில் இறங்கும் கார்த்திக்:

இந்த சமயத்தில் அங்கு வந்த கார்த்தி உண்மையை கண்டுபிடிக்க 1/2 மணி நேரம் கால அவகாசம் கேட்டு ரேஷன் கடைக்காரனை சந்திக்கிறான். ரேஷன் கடைக்காரன் சந்தித்து பொருட்களை கடத்த சொன்னது யார்? ரேஷன் பொருட்கள் சாமுண்டீஸ்வரி வீட்டில் வந்தது எப்படி? என விசாரணை நடத்துகிறான்.

இப்படியான நிலையில் அடுத்ததாக நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.

Karthigai Deepam: கடத்தப்பட்ட சதீஷ்... தேடிவந்த கார்த்திக்.. ஷாக்கான மாயா! கார்த்திகை தீபத்தில் இன்று

சுகுமாறன் — Sat, 10 Oct 2026 14:17:49 +0530

ஜீ தமிழ் தொலைக்காட்சியின் ‘கார்த்திகை தீபம்’ தொடரில், இந்த வாரம் சதீஷின் ஆள்மாறாட்டத்தைச் சுற்றி பல திருப்பங்கள் நடக்கின்றன.

உண்மையான சதீஷ் கடத்தப்பட, அவரைப் போல வேஷம் போட்டிருக்கும் மகேஷ் திருமண ஏற்பாடுகளில் ஈடுபடுகிறார். இதற்கிடையில், சதீஷின் நடவடிக்கைகளில் சந்தேகம் வரும் கார்த்திக், உண்மையைக் கண்டுபிடிக்க முயற்சி செய்கிறார்.

கடத்தப்பட்ட உண்மையான சதீஷ்:

முதலில், உண்மையான சதீஷின் காதலி கார்த்திக்கிற்கு போன் செய்து உதவி கேட்கிறார். சதீஷ் தங்களுடைய காதல் விஷயத்தை வீட்டில் சொல்லத் தயங்குவதாகவும், இந்த விஷயத்தில் கார்த்திக் தான் தலையிட்டு உதவ வேண்டும் என்றும் சொல்கிறார். கார்த்திக்கும் அவருக்கு ஆறுதல் சொல்லி, எல்லாவற்றையும் பார்த்துக்கொள்வதாகக் கூறுகிறார். ஆனால், இதற்கிடையில் சிவனாண்டியின் ஆட்கள் உண்மையான சதீஷைக் கடத்திச் சென்றுவிடுகின்றனர்.

மறுபக்கம், மகேஷ் புதிய கெட்டப்பில் சதீஷ் போலவே வேஷம் போட்டு, மாயாவுடன் பெண் பார்க்கும் நிகழ்ச்சிக்குச் செல்கிறார். அங்கே சுவாதியைப் பெண் பார்க்கும் சடங்குகள் எல்லாம் முறைப்படி நடக்கின்றன. வந்திருப்பது உண்மையான சதீஷ் இல்லை என்பது தெரியாமல், இரு வீட்டாரும் திருமண ஏற்பாடுகளைப் பற்றிப் பேசத் தொடங்குகின்றனர்.

கார்த்திக்கிற்கு சந்தேகம்:

இதற்கிடையில், கேரளாவில் இருக்கும் கார்த்திக்கிற்கு இந்த விஷயங்கள் தெரிய வருகின்றன. சதீஷின் அக்கா லண்டனிலிருந்து இப்போதுதான் வர வேண்டும். ஆனால், அவர் ஏற்கனவே வந்துவிட்டதாகச் சதீஷ் சொல்வதை நினைத்துப் பார்க்கும் கார்த்திக்கிற்குப் பெரிய சந்தேகம் வருகிறது. வந்திருப்பது உண்மையான சதீஷ் இல்லை என்று நினைக்கும் அவர், இதன் பின்னணியில் என்ன நடக்கிறது? என்பதைக் கண்டுபிடிக்க முடிவு செய்கிறார்.

இந்த நேரத்தில், சுவாதி போலி சதீஷான மகேஷை ஒரு விடுதியில் சந்தித்துப் பேசுகிறார். அப்போது திடீரென்று கார்த்திக் அங்கே வருவதைப் பார்த்த மகேஷ் பயந்துபோகிறார். உடனே தனக்கு அவசர வேலை இருப்பதாகச் சொல்லிவிட்டு அங்கிருந்து கிளம்பிவிடுகிறார். பிறகு அங்கே வரும் கார்த்திக், சதீஷைப் பற்றி சுவாதியிடம் விசாரிக்கிறார். அவரும் சற்று முன்புவரை சதீஷ் அங்குதான் இருந்ததாகச் சொல்கிறார்.

மாயா ஷாக்:

இதனால் இன்னும் சந்தேகமடையும் கார்த்திக், மயில்வாகனத்தை அழைத்துக்கொண்டு நேராக வீட்டிற்குச் செல்கிறார். இருவரும் வீட்டின் காலிங் பெல்லை அடிக்கின்றனர். உள்ளே இருக்கும் மாயா, வாசலில் கார்த்திக் நிற்பதைப் பார்த்து அதிர்ச்சியடைகிறார்.

இப்போது கார்த்திக் வீட்டிற்குள் வந்தால் மகேஷின் உண்மையான முகம் தெரிந்துவிடுமா? உண்மையான சதீஷ் எங்கே இருக்கிறார்? கார்த்திக்கின் கேள்விகளுக்கு மாயா என்ன பதில் சொல்லப் போகிறார்? இந்தப் பரபரப்பான திருப்பங்களுடன் ‘கார்த்திகை தீபம்’ தொடரின் சனிக்கிழமை எபிசோடு விறுவிறுப்பாக நகர்கிறது.

Karthigai Deepam: ரிலீசான கார்த்திக்.. கடத்தப்பட்ட சந்திரகலா! கார்த்திகை தீபத்தில் இன்று?

சுகுமாறன் — Thu, 8 Oct 2026 14:57:18 +0530

தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் சனி வரை இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலில் நேற்றைய எபிசோடில் கார்த்திக் விடுதலையாகி வெளியே வந்த நிலையில் இன்று நடக்கப்போவது என்ன? என்பது குறித்து பார்க்கலாம் வாங்க.

சந்திரகலாவை கடத்த திட்டமிடும் கார்த்திக்:

அதாவது, கார்த்திக் விடுதலையாக வெளியே வந்ததும் சந்திரகலாவை கடத்த திட்டமிடுகிறான். சுவாதி தனது காதலனை சென்று சந்திக்க இதை சந்திரகலா, சிவனாண்டி கவனிக்கின்றனர். சுவாதியின் காதலனை கடத்த அவனது முகம் போல மகேஷ் முகத்தை மாற்றி சந்திரகலா வீட்டுக்குள் அழைத்து வர திட்டமிடுகின்றனர்.

அடுத்து கார்த்திக் திட்டமிட்டபடி ஆட்களை வைத்து சந்திரகலாவை கடத்துகிறான். கார்த்திக் அதே ஆட்களை வைத்து சிவனாண்டிக்கு போன் செய்து நீங்க சொன்னா மாதிரியே சந்திரகலாவை கடத்தியதாக சொல்ல வைக்கிறான்.

சாமுண்டீஸ்வரி புகார்:

இதனால் சந்திரகலாவை கடத்தியது சிவனாண்டி தான் என நினைக்கும் சாமுண்டீஸ்வரி போலீஸ் ஸ்டேஷனில் கம்ப்ளைன்ட் கொடுக்க சிவனாண்டியை கைது செய்கின்றனர். மறுபக்கம் கார்த்திக் சந்திர கலாவிடம் நீ இந்த கும்பாபிஷேகத்தில் தலையிடக்கூடாது, எந்த பிரச்சினையும் செய்யக்கூடாது அப்படியானால் உன்னை விட்டு வருவதாக மிரட்ட சந்திரகலா முடியாது என மறுக்கிறாள்.

ஷாக்கான சந்திரகலா:

இந்த சமயத்தில் வீடியோ காலில் கான்ஸ்டபிள் சிவனாண்டியை போட்டு அடிப்பதை கார்த்திக் காட்ட அதை பார்த்து சந்திரகலா அதிர்ச்சி அடைகிறாள்.

Karthigai Deepam: கற்பகத்தை தீர்த்துக்கட்ட ஸ்கெட்ச்... காப்பாற்றுவாரா கார்த்திக்? கார்த்திகை தீபத்தில் இன்று

சுகுமாறன் — Mon, 5 Oct 2026 15:49:52 +0530

தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் சனி வரை இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். சனிக்கிழமை எபிசோடில் கற்பகம் என்ற பெண் ராஜசேதுபதிக்கு எதிராக சாட்சி சொன்ன நிலையில், இன்று நடக்கப் போவது என்ன? என்பது குறித்து பார்க்கலாம் வாங்க.

கற்பகத்தை தீர்த்துக்கட்ட ஸ்கெட்ச்:

அதாவது, பஞ்சாயத்தில் ராஜா சேதுபதி தான் சாமுண்டீஸ்வரி அப்பாவின் மரணத்திற்கு காரணம் என்ற முடிவுக்கு வர வீட்டில் ராஜ ராஜனுக்கும் சாமுண்டீஸ்வரிக்கும் இடையே வாக்குவாதம் உருவாகிறது.

மறுபக்கம் சந்திரகலா சிவனாண்டியை சந்திக்க, அந்த கற்பகம் ரொம்ப பயத்தில் இருக்கா.. அவ உண்மையை சொல்லிட்டா அவ்வளவுதான் என்று சொல்ல அவளை கொன்றுவிடலாம் என்ற முடிவுக்கு வருகின்றனர்.

உண்மையை ஒப்புக்கொண்ட முத்துவேல்:

பிறகு முத்துவேல் கற்பகம் வீட்டிற்கு கிளம்பி செல்ல, மாறுவேடத்தில் வந்த மயில்வாகனம் முத்து வேலை கடத்தி அடித்து விசாரிக்க கற்பகத்தை பொய் சொல்ல வைத்தது நாங்கள் தான் என்ற உண்மையை ஒப்புக்கொள்கிறான்.

அதே நேரத்தில் சிவனாண்டி கற்பகம் வீட்டிற்கு சென்று அவளை கத்தியால் குத்த இந்த காட்சிகள் அங்கு அருகில் திருமண போட்டோ நடத்திக் கொண்டிருந்த கேமராவில் பதிவாகிறது.

காப்பாற்றுவாரா கார்த்திக்?

ரத்த காயத்துடன் அந்த கற்பகம் என்ற பெண்மணி ஓடிவந்து கார்த்திக் வீட்டு கதவைத் தட்ட கார்த்தி கதவை திறக்கும் சமயத்தில் வெளியில் யாரும் இல்லாமல் இருக்கின்றனர்.

Karthigai Deepam: சர்ப்ரைஸ் தந்த கார்த்திக்.. சந்திரகலாவுக்கு தெரிந்த உண்மை! கார்த்திகை தீபத்தில் இனி திக் திக்..!

சுகுமாறன் — Wed, 30 Sep 2026 08:43:32 +0530

தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் சனி வரை இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம்.

இந்த சீரியலில் நேற்றைய எபிசோடில் கார்த்திக் ரேவதியின் விழியில் சென்று பிறந்த நாளை கொண்டாடிய நிலையில், இன்று நடக்கப் போவது என்ன? என்பது குறித்து பார்க்கலாம் வாங்க.

சர்ப்ரைஸ் தந்த கார்த்திக்:

அதாவது, கார்த்திக் ரேவதியை அழைத்து வந்து வீட்டில் டிராப் செய்கிறான். பிறகு ரேவதி வீட்டுக்குள் சென்றதும் மொட்டை மாடியில் வான வேடிக்கை சத்தம் கேட்க அது கார்த்தி ஏற்பாடு என தெரிய வருகிறது.

பிறகு மொட்டை மாடிக்கு செல்ல கார்த்திக் அங்கு பிறந்த நாளை கொண்டாடுவதற்காக ஏற்பாடுகளை செய்து வைத்ததை தெரிய வருகிறது. கார்த்திக் அங்கு காத்திருக்க ரேவதி அதை பார்த்து சந்தோஷப்படுகிறாள். அதை நேரத்தில் சாமுண்டீஸ்வரி சந்திரகலா ஆகியோர் கடுப்பாகி மேலே இருந்து கீழே இறங்கி வந்து விடுகின்றனர்.

அதைத்தொடர்ந்து சந்திரகலா ஒரு மேக்கப் ஆர்டிஸ்ட்டை ஏற்பாடு செய்து மகேஷ்க்கு ஏற்றார் போல வேறொரு முகமூடியை உருவாக்கி அவனது உருவத்தை மாற்றுகிறாள்.

மறுபக்கம் இளையராஜா திருப்பதியில் கார்த்தி சொன்ன பரமேஸ்வரியை பார்த்து, அவர் இருக்கும் இடத்தை கண்டுபிடித்து கார்த்திக்கு தகவல் கொடுக்க கார்த்திக் பரமேஸ்வரியிடம் பேசுகிறான். ஊருக்கு வந்த பிறகு நேரில் சந்தித்து பேசுவதாக சொல்லி கார்த்திக் ஃபோனில் வைக்கிறான்.

குழப்பத்தில் சந்திரகலா:

பிறகு இந்த விஷயத்தை பரமேஸ்வரி பாட்டிக்கும் தெரியப்படுத்த அவர் குடும்ப பிரச்சினை முடிவுக்கு வந்தால் சந்தோஷம் என நிம்மதி அடைகிறார். சந்திரகலாவை சந்திக்கும் கார்த்திக் உங்க அம்மாவோட மரணத்திற்கு முத்துவேல் தான் காரணம் என்று சொல்ல, சந்திரகலா முத்துவேலை சந்தித்து கார்த்திக் சொன்னது உண்மையா? என்று கேட்க முத்துவேல் இல்லை ராஜா சேதுபதி சொல்லித்தான் இப்படி செய்தேன் என மாற்றி சொல்கிறான்.

Karthigai Deepam: ரேவதிக்கு மீண்டும் கல்யாணமா? சந்திரகலா போடும் சதித்திட்டம் - கார்த்திகை தீபத்தில் இன்று

சுகுமாறன் — Mon, 28 Sep 2026 09:34:03 +0530

இந்த சீரியலில் சனிக்கிழமை எபிசோடில் சாமுண்டீஸ்வரி வீட்டில் எல்லோரும் சாப்பிட உட்கார்ந்த நிலையில் இன்று நடக்கப்போவது என்ன என்பது குறித்து பார்க்கலாம் வாங்க.

ரேவதிக்கு மீண்டும் கல்யாணமா?

அதாவது ரேவதி கார்த்திக் போட்டோவை வைத்துக்கொண்டு உட்கார்ந்து சாப்பிட, சந்திரகலா மற்றும் சாமுண்டீஸ்வரி அதை பார்த்து கடுப்பாகின்றனர். அதன் பிறகு சாமுண்டீஸ்வரி எழுந்து ரூமுக்குள் சென்று விடுகிறாள்.

பின்னாடியே சென்ற சந்திரகலா இதற்கெல்லாம் ஒரே ஒரு தீர்வு ரேவதிக்கு ஒரு மாப்பிள்ளை பார்த்து கல்யாணம் பண்ணி வைக்கிறது தான் என்று சொல்லி சாமுண்டீஸ்வரியை சம்மதிக்க வைக்கிறாள்.

குட்டி கார்த்திக் கம்மிங்?

மறுபக்கம் கார்த்தி கான்ஸ்டபிள் மனைவி குறித்து விசாரிக்க அவர் சாமுண்டீஸ்வரி வீட்டில் பரமேஸ்வரி என்ற பெயரில் வேலை செய்பவர் தான் என்பது தெரிய வருகிறது. மேலும் இங்கே ரேவதி வாந்தி எடுப்பது போல நடிக்க சாமுண்டீஸ்வரி என்னாச்சு என்று கேட்க குட்டி கார்த்திக் கம்மிங் என வெறுப்பேற்றுகிறாள்.

மேலும் சந்திரகலா சிவனாண்டிக்கு போன் செய்து சாமுண்டீஸ்வரி ரேவதிக்கு திருமணம் செய்து வைக்க சம்மதம் தெரிவித்த விஷயத்தை சொல்லி ஒரு வயதான ஒருவனை பிடித்து ரேவதிக்கு திருமணம் செய்து வைக்க வேண்டும் என திட்டமிடுகின்றனர். கார்த்திக் பரமேஸ்வரி ஃபோட்டோவை அனுப்பி விசாரிக்க ரேவதி அவர் திருப்பதி சென்று இருப்பதாக சொல்ல கார்த்திக் தனது நண்பர்களுக்கு தகவல் கொடுத்து பின் தொடர சொல்கிறான்.