நடிகை சமந்தா தனது இன்ஸ்டாகிராம் பக்கத்தில் தான் வொர்க் அவுட் செய்யும் வீடியோவை பதிவிட்டு உள்ளார். இந்த வீடியோ தற்போது சமூக வலைதளங்களில் வைரலாகி வருகிறது.
கணவருடனான பிரிவுக்கு பிறகு சினிமா வாழ்கையில் அதிக கவனம் செலுத்தி வரும் சமந்தா, அடுத்தடுத்த படங்களில் கமிட் ஆகி வருகிறார். அதே போல முன்பை விட ஃபிட்னஸிலும் அதிக கவனம் செலுத்தி வரும் சமந்தா இன்ஸ்டாகிராம் பக்கத்தில் தொடர்ந்து தான் வொர்க் செய்யும் வீடியோக்களை பகிர்ந்து வருகிறார்.
அந்த வகையில் தற்போதும் அவர் ஒரு வீடியோவை வெளியிட்டு இருக்கிறார். அந்த வீடியோவில் கால்களுக்கான பயிற்சியை மேற்கொள்ளும் சமந்தா, இறுதியாக மிகக் கஷ்டப்பட்டு அந்த வொர்க் அவுட்டை செய்து முடிக்கிறார். மேலும் அந்தப் பதிவில், “ உறுதியா உடல், உறுதியான மனம். 2022 -23 ஆண்டுகள் உடலவில் அதிகப்படியான உழைப்பை கேட்கிறது. நிச்சயமாக இது எனக்கு சவாலான ஒன்று” என்று பதிவிட்டு இருக்கிறார்.
நடிகை சமந்தா தற்போது, சகுந்தலம் மற்றும் யசோதா உள்ளிட்ட படங்களில் கவனம் செலுத்தி வருகிறார். இதில் யசோதா திரைப்படம் வருகிற ஆகஸ்ட் 12 ஆம் தேதி வெளியாகும் என எதிர்பார்க்கப்படுகிறது. இது தவிர விக்னேஷ் சிவன் இயக்கத்தில், இவரும் நயன்தாராவும் இணைந்து நடிக்கும் “காத்து வாக்குல இரண்டு காதல்” படமும் வருகிற ஏப்ரல் 28 ஆம் தேதி வெளியாக உள்ளது. அத்துடன் ஹாலிவுட் இயக்குநர் இயக்கும் ‘ அரேஜ்மென்ட்ஸ் ஆஃப் லவ்” படத்திலும் நடிக்க இருக்கிறார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்