கே.ஜி.எஃப் படம் மூலம் பிரபலம் அடைந்த நடிகை ஸ்ரீநிதி ஷெட்டி ரூ.8 கோடி சம்பளம் கேட்பதாக வதந்திகள் பரவிய நிலையில், அதற்கு விளக்கமளித்துள்ளார்.
கே.ஜி.எஃப்-யில் அறிமுகம்
2016ஆம் ஆண்டு நடைபெற்ற மிஸ் சூப்ராநேஷனல் இந்தியா பட்டத்தை வென்ற மாடல் அழகி ஸ்ரீநிதி ஷெட்டி, யஷ் நடைப்பில் கடந்த 2018ஆம் ஆண்டு வெளியான கே.ஜி.எப் படத்தில் கதாநாயகியாக அறிமுகமானார். இந்தியளவில் இப்படம் பெரும் கவனத்தை ஈர்த்த நிலையில், இப்படத்தின் கதாநாயாகியான ஸ்ரீநிதி செட்டியும் இந்திய அளவில் பிபலமடைந்தார்.
அடுத்தடுத்த படங்கள்
கே.ஜி.எப் படத்தின் மாபெரும் வெற்றியை தொடர்ந்து, ஸ்ரீநிதி ஷெட்டிக்கு அடுத்தடுத்த பட வாய்ப்புகள் வர தொடங்கின. அதன்படி, 2023 ஆம் ஆண்டு தமிழில் விக்ரம் நடிப்பில் வெளியான ’கோப்ரா’, தெலுங்கில் நானி நடிப்பில் வெளியான HIT-3 ஆகிய படங்களில் கதாநாயகியாக நடித்தார். கே.ஜி.எஃப் 2ஆம் பாகத்திலும் நடித்த அவர், சமீபத்தில் ’தெலுசு கதா’ என்ற படத்திலும் நடித்திருந்தார்.
தீயாய் பரவிய வதந்தி
தமிழ், தெலுங்கு, கன்னடம் என தென்னிந்திய மொழிகளில் உள்ள பெரிய ஹீரோக்களின் படத்தில் அடுத்தடுத்து நடித்த ஸ்ரீநிதி ஷெட்டி, தற்போது ஒரு படத்திற்கு மட்டும் ரூ.7 முதல் 8 கோடி சம்பளம் கேட்பதாக சமூக வலைதளங்களில் தகவல்கள் பரவின.
ஸ்ரீநிதி ஷெட்டி விளக்கம்
சமீபத்தில் பேட்டி ஒன்றில் கலந்து கொண்ட நடிகை ஸ்ரீநிதி ஷெட்டியிடம், அதிக சம்பளம் கேட்பதாக வெளியான தகவல்கள் குறித்து கேள்வி எழுப்பப்பட்டது. அதற்கு பதிலளித்த அவர், ”கே.ஜி.எஃப் படங்களின் வெற்றியை தொடர்ந்து நான் ரூ.8 கோடி வரை சம்பளம் கேட்பதாக கொல்கிறார்கள். நான் நடிக்க படங்கள் மிகவும் குறைவு, அப்படியிருக்கும் பட்சத்தில் நான் எப்படி இவ்வளவு சம்பளம் கேட்க முடியும். ஆகையால் இது வெறும் வதந்தி மட்டும் தான்” என்று கூறினார்.
நல்ல கதைக்கு முன்னுரிமை
தொடர்ந்து குறைவான படங்களில் மட்டுமே நடித்திருப்பது ஏன் என்ற கேள்விக்கு பதிலளித்த அவர், “பணம் சம்பாதிப்பது மட்டுமே எனது நோக்கமாக இருந்திருந்தால், கடந்த சில ஆண்டுகளில் 30 முதல் 40 திரைப்படங்களில் நடித்திருக்க முடியும். ஆனால், வெறும் பணத்துக்காகப் படங்களை ஒப்புக்கொள்ளாமல், நல்ல கதைக்கும் தரமான கதாபாத்திரங்களுக்கும் மட்டுமே முன்னுரிமை அளிக்கிறேன்” இவ்வாறு பேசினார்.