சிவகார்த்திகேயன் தயாரித்துள்ள தாய்கிழவி படத்தின் டிரெய்லர் வெளியானது
சிவகார்த்திகேயன் தயாரிப்பில் ராதிகா சரத்குமார் முக்கிய கதாபாத்திரத்தில் நடித்துள்ள தாய்கிழவி படத்தின் டிரெய்லர் வெளியாகியுள்ளது
கனா , வாழ் , கொட்டுக்காளி என தனித்துவமான படங்களை தயாரித்து வருகிறார் சிவகார்த்திகேயன். அந்த வகையில் தற்போது சிவகுமார் முருகேசன் இயக்கியுள்ள தாய்கிழவி படத்தை தயாரித்துள்ளார். ராதிகா சரத்குமார் இப்படம் முக்கிய கதாபாத்திரத்தில் நடித்துள்ளார். சிங்கம் புலி, அருள்தாஸ், பால சரவணன், முனிஷ்காந்த், இளவரசு, ஜார்ஜ் மேரியன், முத்துக்குமார், ரைச்சல் ரபேக்கா மற்றும் பலர் இப்படத்தில் நடித்துள்ளார்கள். நிவாஸ் கே பிரசன்னா இசையமைத்துள்ளார். வரும் பிப்ரவரி 27 ஆம் தேதி வெளியாக இருக்கும் நிலையில் தாய்கிழவி படத்தின் டிரெய்லர் தற்போது வெளியாகியுள்ளது
தாய்கிழவி டிரெய்லர்
80 வயது பவுனுத்தாயாக ராதிகா இப்படத்தில் நடித்துள்ளார். பவுனுத்தாயின் கணவன் இறந்தபிறகு சொத்தை பிரித்து கொடுக்கும்படி அவரது மூன்று மகன்கள் கூறுகிறார்கள். ஆனால் தான் உயிரோடு இருக்கும் வரை தன்னுடைய சொத்தை தானே அனுபவிப்பேன் என்று பிடிவாதமாக இருக்கிறார். இப்படியான நிலையில் தான் பவுனுத்தாய் படுக்கையில் விழுகிறார். கிழவி தான் சேர்த்து வைத்த சொத்துக்களை எங்கு ஒளித்து வைத்திருக்கிறார் என்று அவரது மகன்கள் தேடி அலைகிறார்கள்.
மரணப்படுக்கையில் இருக்கும் ஒருவர் அவரைச் சுற்றி நடக்கும் களேபரம் என ஏற்கனவே இந்த ஜானரில் பல படங்கள் வெளியாகி இருக்கின்றன. உதாரணமாக தண்டட்டி , ஏலே போன்ற படங்களை சொல்லலாம். தாய்கிழவி படத்தில் நகைச்சுவைக்கு குறைவிருக்காது என்பதை நிச்சயம் சொல்லலாம். மற்ற படங்களைக் காட்டிலும் உணர்வுப்பூர்வமாக இந்த கதை ரசிகர்களை எப்படி சென்றடையப் போகிறது என்பது தான் படத்தின் சவாலாக இருக்கும். ராதிகாவின் நடிப்பு நிச்சயம் குறிப்பிட்டு பேசக்கூடியதாக இருக்கும் என எதிர்பார்க்கலாம்
Here’s the trailer of our #ThaaiKizhavi - https://t.co/xeASGoko51#AlaparaiAarambam 😀👍#ThaaiKizhaviFromFeb27 pic.twitter.com/8UdKkYwiyM
— Sivakarthikeyan (@Siva_Kartikeyan) February 23, 2026
தலைப்பு செய்திகள்
ட்ரெண்டிங் செய்திகள்
