விஜய் டிவியின் சூப்பர் சிங்கர் நிகழ்ச்சி மூலம் சின்னத்திரை ரசிகர்கள் மத்தியில் பிரபலமானவர் சிவாங்கி. இசை குடும்பத்தை சேர்ந்த கிருஷ்ணகுமார் - பின்னி கிருஷ்ணகுமார் மூத்த மகளான சிவாங்கிக்கு ரத்தத்திலேயே இசை ஊறிப்போன ஒன்று. தனது பாடும் திறமையால் சுட்டித்தனமான சுபாவம் கொண்ட சிவாங்கி பலரின் ஃபேவரட் போட்டியாளராக இருந்து வந்தார். சூப்பர் சிங்கர் மூலம் பிரபலமான சிவாங்கி குக் வித் கோமாளி நிகழ்ச்சியில் ஒரு கோமாளியாக என்ட்ரி கொடுத்தார். அவரின் அசட்டுத்தனமான குழந்தைத்தனம் குறும்பை ரசிக்க துவங்கிய ரசிகர்கள் சிவாங்கியை தனது வீட்டு பெண்ணை போலவே எண்ண துவங்கினர். குக் வித் கோமாளி நிகழ்ச்சியின் ரீச் எந்த அளவிற்கு இருந்ததோ அதே போல சிவாங்கியின் வளர்ச்சியும் அதிவேகமாக எகிறியது.
சின்னத்திரையில் இருந்து வெள்ளித்திரையில் நடிக்க வாய்ப்புகளும் குவிந்தது. நடிப்பு மட்டுமின்றி பாடகியாகவும் பல மெலடி பாடல்களை பாடி பின்னணி பாடகியானார். சமீப காலமாக ராப் ஸ்டைல் பாடல்களையும் பாடி தான் ஒரு வெர்சடைல் சிங்கர் என்பதை நிரூபித்து வருகிறார்.
லைவில் வந்த சிவாங்கி :
இந்த நிலையில் சிவாங்கியின் 23வது பிறந்தநாளை மே 25ம் தேதி கொண்டாடினார். பிறந்தநாள் ஸ்பெஷலாக ரசிகர்களின் கேள்விக்கு லைவில் பதிலளித்து வந்தார். இந்த லைவில் ஆர்.ஜே. ரக்ஷன் மற்றும் நடிகர் தர்ஷன் இணைந்தனர். இவர்களோடு ஒரு சில குக் வித் கோமாளி நிகழ்ச்சியின் கோமாளிகளும் கலந்து கொண்டனர். ரசிகர்கள் சிவாங்கி தொடர்ந்து இந்த நிகழ்ச்சியில் வர வேண்டும் என கேட்டு கொள்ள அதற்கு சிவாங்கி நான் இந்த சீசனில் குக்காக வந்ததால் அடுத்தடுத்த சீசன்களில் பங்கேற்க முடியாது என கூறினார். அதற்கு ரசிகர்கள் நீங்கள் கோமாளியாகவாவது வரவேண்டும் என கேட்டு கொண்டுள்ளனர். ரசிகர்களின் கேள்விக்கு மிகவும் ஜாலியாக பதிலளித்து வந்த சிவாங்கியிடம், தர்ஷன் ஒரு ஸ்வாரஸ்யமான கேள்வியை கேட்டார். உன்னுடைய இந்த பிறந்தநாளில் நீ உன்னுடைய காதலரை சந்திக்க எனது வாழ்த்துக்கள். மேலும் அவர் யார் என்பதையும் நீ சொல்ல வேண்டுமென்றும் ஷாக் கொடுத்தார்.
யார் சிவாங்கியின் காதலர் :
சிவாங்கியின் பதில் என்னவாக இருக்கும் என ஆவலாக இருந்த ரசிகர்களுக்கு மழுப்பலாக சிவாங்கி யாரை சொல்வது என எனக்கு தெரியவில்லை. நான் இன்னும் அவரை பார்க்கவேயில்லை. அவரைத்தான் தேடி கொண்டு இருக்கிறேன். இந்த வருடமாவது நான் அவரை சந்திப்பேன் என நினைக்கிறேன் என விளையாட்டாக பதிலளித்தார்.
ஏற்கனவே சூப்பர் சிங்கர் நிகழ்ச்சியின் சமயத்தில் இருந்தே சக போட்டியாளர் சாம் விஷாலுடன் இணைந்து பேசப்பட்டு வந்தது. குக் வித் கோமாளி நிகழ்ச்சிக்கு வந்த பிறகு சீசன் 2 போட்டியாளராக இருந்த அஸ்வின் மீது சிவாங்கிக்கு ஒரு க்ரஷ் இருந்தது. அவர்கள் இருவரும் ட்ரெண்டிங் கப்பில் என விருந்தும் வழங்கப்பட்டது. அவர்கள் இருவருக்கு இடையே காதல் என வதந்திகள் பரவின. ஆனால் அதற்கு அஸ்வின் தெளிவாக இருவருக்கு இடையில் எதுவும் இல்லை என்பதை வெளிப்படையாக தெரிவித்து இருந்தார். தற்போது மீண்டும் சிவாங்கியின் காதலர் பற்றின கேள்விகள் எழுந்துள்ளது ரசிகர்களின் ஆர்வத்தை தூண்டியுள்ளது. சிவாங்கியின் லைவ் வீடியோ சோசியல் மீடியாவில் மிகவும் வைரலாக பகிரப்பட்டு வருகிறது.