Just In
Maanaadu | எல்லாமே கேன்சல்!! சிம்புவின் ப்ளானை மொத்தமாக முடித்ததா ஒமிக்ரான் பரவல்?
மாநாடு படத்தின் வெற்றியை தன்னுடைய ரசிகர்களுடன் நடிகர் சிம்பு கொண்டாட இருப்பதாக கூறப்பட்டது.
வெங்கட் பிரபு இயக்கத்தில் சிம்பு நடித்திருந்த படம் மாநாடு. சுரேஷ் காமாட்சி தயாரித்திருந்தை இப்படத்தில் எஸ்.ஜே. சூர்யா, கல்யாணி ப்ரியதர்ஷன் உள்ளிட்டோர் நடித்திருந்தனர்.பல தடங்கல்களுக்கு பின் வெளியான இப்படம் பெரும் ஹிட் ஆகியுள்ளது. இப்படம் நல்ல வசூலை ஈட்டியது. படம் வெளியாகி ஒரு மாதம் நிறைவடைய இருக்கும் சூழலிலும் தற்போதுவரை பல திரையரங்குகளில் படம் வெற்றிகரமாக ஓடிக்கொண்டிருக்கிறது. இதை முன்னிட்டு, கடந்த மாதம் 21-ஆம் தேதி சென்னையில் மாநாடு படத்தின் வெற்றிவிழா கூட்டம் நடந்தது. அதில் இயக்குநர் வெங்கட் பிரபு, படத்தயாரிப்பாளர் சுரேஷ் காமாட்சி, எஸ்.ஜே சூர்யா உட்பட அனைவரும் கலந்து கொண்டனர்.
ஆனால் சிம்பு மட்டும் விழாவில் பங்கேற்கவில்லை. அவர் வேறொரு பட ஷூட்டிங்கில் பிஸியாக இருப்பதாகக் கூறப்பட்டாலும், கோலிவுட்டில் தனக்கு கம்பேக் கொடுத்த படத்தின் வெற்றி விழாவில் சிம்பு நிச்சயம் கலந்துகொண்டிருக்க வேண்டும் என பலர் கூறினர். விழாவில் கலந்துகொண்ட எஸ்.ஏ. சந்திரசேகரனும், இந்தப் படம் சிம்புவுக்கு ஒரு பெரிய திருப்புமுனை. இந்த மகிழ்ச்சியை நம்மோடு அவர் இங்கு வந்து கொண்டாடியிருக்க வேண்டும் என பேசியிருந்தார். தயாரிப்பு நிறுவனத்துடன் ஏற்பட்ட மனக்கசப்புதான் சிம்பு பங்கேற்காததற்கு காரணம் எனவும் கூறப்பட்டது.
இதற்கிடையே மாநாடு படத்தின் வெற்றியை தன்னுடைய ரசிகர்களுடன் நடிகர் சிம்பு கொண்டாட இருப்பதாக கூறப்பட்டது. இதற்காக ஒரு விழா நடைபெற இருப்பதாகவும் தகவல் வெளியானது. இந்த விழாவானது ஜனவரி 6ஆம் தேதி நடத்த திட்டமிட்டுள்ளதாகவும் அதற்கான ஏற்பாடுகளை சிம்பு மேற்கொண்டு வருவதாகவும் கூறப்பட்டது.
குறிப்பாக அதற்கான அனுமதியும் பெற்றுவிட்டதாக தெரிகிறது. இந்நிலையில் சிம்பு ப்ளான் செய்த மாநாடு வெற்றிவிழா தற்போது தள்ளிவைக்கப்பட்டதாக தெரிகிறது. ஒமிக்ரான் பரவல் அதிகரித்து வரும் நிலையில் அரசு பல்வேறு கட்டுப்பாடுகளை விதித்துள்ளது. இந்நிலையில் ரசிகர்களுடனான கூட்டம் தேவையற்றது என சிம்பு யோசித்துள்ளதாக தெரிகிறது. இதனால் சக்ஸஸ் மீட்டை தள்ளிவைக்கலாம் என சிம்பு தரப்பு முடிவெடுத்துள்ளதாக தெரிகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
மேலும் வாசிக்க: Venkat Prabhu | "மிஸ் யூ சிம்பு" "லவ் யூ அப்துல் காலிக்” - வெங்கட் பிரபு பதிவிட்ட எமோஷ்னல் போஸ்ட்