நடிகை ஸ்ருதி ஹாசன் பகிர்ந்துள்ள கிக் பாக்ஸிங் வீடியோ இணையத்தில் ஹிட் அடித்து அவரது ரசிகர்களை உற்சாகப்படுத்தியுள்ளது.
உலக நாயகன் எனக் கொண்டாடப்படும் நடிகர் கமல்ஹாசனின் மகள் எனும் அடையாளத்தைத் தாண்டி தமிழ், தெலுங்கு, இந்தி என நடித்து நடிகை ஸ்ருதிஹாசன் தனக்கென தனி அடையாளத்தை உருவாக்கி வெற்றி நடைபோட்டு வருகிறார்.
நடிகை, பாடகி, இசையமைப்பாளர் என பன்முகத் திறமையாளராக வலம் வரும் ஸ்ருதி, முன்னதாக தெலுங்கில் சங்கராந்தி ரிலீஸாக வெளியான வால்டர் வீரய்யா,வீர சிம்ஹா ரெட்டி ஆகிய இரண்டு படங்களிலும் நடித்து கலக்கியதுடன், கேஜிஎஃப் இயக்குநர் ரவி பர்சூரின் அடுத்த படமான சலார் படத்திலும் நடித்து எதிர்பார்ப்புகளை எகிற வைத்துள்ளார்.
இது தவிர தன் சமூக வலைதளப் பக்கங்களில் படு ஆக்டிவாக உள்ள ஸ்ருதி, வாரந்தோறும் தன் பெர்சனல் பக்கங்களை ரசிகர்களுடன் பகிர்ந்து உற்சாகப்படுத்தி வருகிறார்.
தன் காதலர் சாந்தனு ஹசாரிக்காவுடனான காதல் வாழ்வு தொடங்கி, தன் ஒர்க் அவுட் புகைப்படங்கள் வரை இன்ஸ்டாவில் பகிர்ந்து வரும் ஸ்ருதி, தன் ரசிகர்களின் எதிர்பார்ப்புகளைப் பூர்த்தி செய்யத் தவறுவதேயில்லை.
அந்த வகையில் தற்போது ஸ்ருதி ஹாசன் பகிர்ந்துள்ள வீடியோ அவரது ரசிகர்களை வாவ் சொல்ல வைத்து லைக்ஸ் அள்ளி வருகிறது. கருப்பு நிற ஜிம் உடை அணிந்து கிக் பாக்ஸிங் செய்யும் ஸ்ருதி ஹாசனின் இந்த வீடியோவில், ஸ்ருதியின் உத்வேகம் மற்றும் ஆற்றல் அவரது ஃபாலோயர்களை வியக்கவைத்து லைக்ஸ் அள்ளி வருகிறது.
“மிக நீண்ட இடைவெளிக்குப் பிறகு மீண்டும் கிக் பாக்ஸிங் பயிற்சிக்குத் திரும்பியுள்ளேன்” எனக் குறிப்பிட்டும் தன் பயிற்சியாளரை ஜாலியாக வாழ்த்தியும் ஸ்ருதி இதனைப் பதிவிட்டுள்ளார்.
ஸ்ருதியின் இந்த வீடியோ இணையத்தில் வைரலாகியுள்ளது.
முன்னதாக சலார் படத்தில் தன் காட்சிகளின் ஷூட்டிங் நிறைவுபெற்றதாக ஸ்ருதி தன் இன்ஸ்டா பக்கத்தில் தெரிவித்திருந்தார்.
சலார் படத்தில் ஆத்யா எனும் கதாபாத்திரத்தில் நடிகர் பிரபாஸூக்கு ஜோடியாக ஸ்ருதி நடிக்கும் நிலையில், தன் குடும்பம் போல் படப்பிடிப்பு தளத்தில் உணர்ந்ததாக நெகிழ்ச்சியுடன் பதிவிட்டிருந்தார். ஸ்ருதியின் இந்தப் பதிவும் முன்னதாக வைரலானது.
தமிழில் தேர்ந்தெடுத்த படங்களிலேயே நடித்து வரும் ஸ்ருதி இறுதியாக எஸ்.பி.ஜனநாதனின் லாபம் படத்தில் விஜய் சேதுபதியுடன் இணைந்து நடித்திருந்தார்.