தென்னிந்திய சினிமாவின் கனவு கன்னியாக இருக்கும் சமந்தாவிற்கு பெரிய திரை பட்டாளமே உள்ளது. இப்படி அழகில் ரசிகர்களை கிறங்கடித்து சமந்தாவின் அச்சு அசலாக ஒரு நடிகை தற்போது கலக்கி வருகிறார். அவர் தான் நடிகை சம்யுக்தா மேனன்.
சமந்தாவின் காபி :
வெங்கி அட்லூரி இயக்கத்தில் நடிகர் தனுஷ் நடிப்பில் தமிழ் மற்றும் தெலுங்கில் பிப்ரவரி 17ம் தேதி வெளியாக உள்ள திரைப்படம் 'வாத்தி'. இப்படத்தில் நடிகர் தனுஷ் ஜோடியாக நடிக்கிறார் நடிகை சம்யுக்தா மேனன். சமீபத்தில் 'வாத்தி' படம் குறித்த நேர்காணல் ஒன்று நடைபெற்றதில் நடிகை சம்யுக்தாவிடம் சமந்தாவுடன் ஒப்பிடுவது குறித்து கேட்ட போது மிகவும் பாசிட்டிவான ஒரு ரிப்ளை கொடுத்துள்ளார். "பலரும் என்னிடம் நீங்கள் சமந்தாவை போல இருப்பதாக கூறியுள்ளார்கள். ஆனால் நான் சமந்தாவை போல் நடிக்கிறேன் என்று யாராவது சொன்னால் மிகவும் மகிழ்ச்சியாக இருக்கும்" என பதிலளித்துள்ளார்.
குடும்ப பெயர் வேண்டாமே ப்ளீஸ் :
மேலும் அவர் கூறுகையில் "என்னுடைய பெயரை குடும்ப பெயருடன் இணைந்து கூறுவதில் அழைப்பதில் விருப்பமில்லை. அதனால் என்னுடைய குடும்ப பெயரை பயன்படுத்த வேண்டாம் என கேட்டு கொள்கிறேன். என்னை ஜாதியால் அடையாளப்படுத்துவதை நான் விரும்பவில்லை. நான் முற்போக்கு சிந்தனையுடன் மனிதநேயத்துடன் இருக்க விரும்புகிறேன். இந்த பிரிவினர் என்பதால் சலுகையை பெற நான் விரும்பவில்லை" என்றார்.
ரியல் ஸ்டார் தனுஷ் :
தனுஷுடன் இணைந்து 'வாத்தி' படத்தில் நடித்த அனுபவம் குறித்து கூறுகையில் "நான் பல ஆண்டுகளாக தனுஷ் நடித்த திரைப்படங்களை பார்த்து வருகிறேன். அவர் ஒரு ரியல் ஸ்டார். ஒரு சர்வதேச நடிகருடன் இணைந்து நடித்தது ஒரு நல்ல அனுபவமாக இருந்தது. தனுஷ் என்றுமே விரைவாகவும், வேகமாகவும் செயல்படுவார். இரண்டு மொழிகளில் வசனங்களை பேசுவதால் மன அழுத்தத்தில் இருந்த என்னை உற்சாகப்படுத்தி அதில் இருந்து விடுபட உதவி செய்தார். அவரின் தன்னிச்சையான நுட்பான நடிப்பின் மூலம் அவர் சிறந்தவராக விளங்குகிறார்" என கூறினார் வாத்தி பட நாயகி சம்யுக்தா மேனன்.