சம்மு..
தென்னிந்திய சினிமாவில் மிகவும் கவர்ச்சியான மற்றும் திறமையான நடிகைகளில் ஒருவரானவர் சமந்தா. இவர், இப்போது பாலிவுட்டிலும் கவனம் செலுத்தி வருகிறார். அதேநேரத்தில் ஹாலிவுட்டின் கதவுகளையும் தட்டுகிறார். தனிப்பட்ட முறையில் அவரும் அவரது நாக சைதன்யாவும் கடந்த ஆண்டு பிரிவதாக அறிவித்தனர். கடந்த 2021 ஆம் ஆண்டு அக்டோபர் மாதம் நாக சைதன்யாவை பிரிவதாக சமந்தா அதிகாரப்பூர்வமாக அறிவித்தார்.
இது ரசிகர்கள், திரையுலகினர் மத்தியில் பெரும் அதிர்ச்சியை ஏற்படுத்தியது. அதன்பின் நாக சைதன்யா குறித்து பல இடங்களில் சமந்தா நல்ல விதமான கருத்துகளையே தெரிவித்து வந்தார். மீண்டும் படங்களில் பிசியாக நடிக்க தொடங்கியுள்ள சமந்தா நடிப்பில் சமீபத்தில் காத்து வாக்குல ரெண்டு காதல் படம் வெளியாகி நல்ல வரவேற்பை பெற்றது. சினிமா மட்டுமின்றி ஆன்மீகம், உடற்பயிற்சி என அனைத்து தளங்களிலுமே சமந்தா பம்பரமாய் சுற்றி வருகிறார்.
நாக சைதன்யா..
அதேசமயம் நாக சைதன்யாவும் பெரிய அளவில் வெளியுலகில் விவாகரத்துக்குப் பின் அதைப் பற்றி பேசாமல் படங்களில் நடிப்பதில் கவனம் செலுத்தில் வருகிறார். இதற்கிடையில் நாகசைதன்யாவுக்கு அடுத்ததாக திருமணம் செய்து வைக்க அவரது பெற்றோர்கள் முடிவு செய்துள்ளதாக தகவல் வெளியாகியிருந்தது. இந்நிலையில் ஹைதராபாத்தின் ஜூப்ளி ஹில்ஸ் பகுதியில் நாக சைதன்யா சொகுசு பங்களா ஒன்றை கட்டியுள்ளார். அங்கு பிரபல நடிகை ஷோபிதா துலிபாலாவை அடிக்கடி அவர் அழைத்து செல்வதாக கூறப்படுகிறது. இதுதொடர்பான புகைப்படங்களும் வெளியாகி ரசிகர்களிடையே ஆச்சரியத்தை ஏற்படுத்தியது. இருவரும் டேட்டிங் செல்கிறார்களா என பலரும் சமூக வலைத்தளத்தில் தொடர்ந்து கேள்வி எழுப்பி வருகின்றனர்.
காபி வித் கரண்..
இப்படி இரு பிரபலங்களுமே தங்கள் வேலையில் கவனம்செலுத்தி வரும் நிலையில் விவாகரத்துக்கு என்னதான் காரணமென இதுவரை தெரியவில்லை. இது குறித்து இருவருமே இதுவரை வாய்திறக்கவில்லை. இந்நிலையில் இந்தியில் புகழ்பெற்ற நிகழ்ச்சியான காபி வித் கரணில் சமந்தா கலந்துகொண்டதாகவும், அதில் தன்னுடைய விவாகரத்து குறித்து பேசியிருப்பதாகவும் தகவல் வெளியாகியுள்ளது.
கிட்டத்தட்ட ஒரு வருடமாக விவகாரத்துக் குறித்து வாய்திறக்காத சமந்தா தற்போது அதுகுறித்து பேசியிருப்பதாக வெளியான தகவலால் சோஷியல் மீடியா பரபரப்பாகியுள்ளது. அதேவேளையில் இது இருவரின் தனிப்பட்ட விஷயம் என்பதாலும், அவர்களே அடுத்தக்கட்டத்தை நோக்கி நகர்ந்து சென்றுவிட்டதால் இதில் ரசிகர்கள் ஆர்வத்தைக் காட்டுவது தேவையற்ற ஒன்று எனவும் பலர் கருத்து தெரிவித்துள்ளனர்