Just In
Thunivu latest update : ஜிப்ரான் இசையில் அனிருத் பாடிய சில்லா சில்லா... வெளியானது துணிவு படத்தின் பாடல்...!
ஜிப்ரான் இசையில் ராக்ஸ்டார் அனிருத், நடிகர் அஜித் நடிக்கும் துணிவு திரைப்படத்தின் 'சில்லா சில்லா' பாடலை ரெகார்ட் செய்துள்ளார். இந்த தகவலை அறிந்த ரசிகர்கள் சந்தோஷத்தில் துள்ளி குதித்து வருகிறார்கள்.
கடந்த சில வாரங்களாக கோலிவுட்டில் சலசலப்பில் இருந்த ஒரு வதந்தி ராக்ஸ்டார் அனிருத், தல அஜித் குமார் நடிக்கும் 'துணிவு' திரைப்படத்தின் ஃபர்ஸ்ட் சிங்கிள் பாடலை இசையமைப்பாளர் ஜிப்ரான் இசையில் பாடவுள்ளார் என்பதும் அதை கடந்த செவ்வாயன்று ஒளிப்பதிவு செய்ததாகவும் தகவல்கள் வெளியாகின. இந்த வதந்தி குறித்த லேட்டஸ்ட் அப்டேட் ஒன்று தற்போது துணிவு படக்குழுவினருடன் இருந்து வெளியாகி ரசிகர்களை குஷியில் ஆழ்த்தியுள்ளது.
புரொமோஷன் பாடல் :
போனி கபூர் தயாரிப்பில் ஹெச். வினோத் இயக்கத்தில் நடிகர் அஜித் குமார் நடித்துள்ள திரைப்படம் 'துணிவு'. நடிகர் அஜித் ஜோடியாக மலையாள திரையுலகின் முன்னணி நடிகையான மஞ்சு வாரியர் நடித்துள்ள இப்படத்திற்கு இசையமைத்துள்ளார் ஜிப்ரான். சமீபத்தில் வெளியான தகவலின் படி நடிகர் அஜித் குமார் 'துணிவு' படத்தின் டப்பிங் பணிகளை முடித்து விட்டார் என்றும் படத்தின் புரொமோஷன் பாடல் ஒன்று படமாக்கப்படும் என்றும் தகவலும் வெளியாகி வந்தன.
அனிருத் பாடிய சில்லா சில்லா பாடல் :
துணிவு படத்திற்காக பவர்ஃபுல்லான ஒரு தெறிக்கவிடும் பாடலுக்கு ஒருமனதாக அனிருத் தேர்வு செய்யப்பட்டுள்ளார். ஆளுமா டோலுமா போன்ற ஒரு மாஸான ட்ராக் ஒன்றுக்கு நடிகர் அஜித் டான்ஸ் ஆட அந்த பாடலை ராக்ஸ்டார் அனிருத் பாடினால் எப்படி இருக்கும் என்பதை இயக்குனர் ஹெச். வினோத்திடம் ஜிப்ரான் சொல்ல அதை இயக்குனர் எஸ்எம்எஸ் மூலம் அனிருத்துக்கு அனுப்ப இந்த டீலை உடனே ஒகே செய்துவிட்டாராம் அனிருத். அடுத்த நாளே ரெகார்டிங் நடந்தேறியுள்ளது. இரவு 8 மணிக்கு தொடங்கிய ரெகார்டிங் அடுத்த நாள் அதிகாலை 3 மணிக்கு முடிந்துள்ளது. சில்லா சில்லா... என தொடங்கும் இந்த பாடல் வரிகளை வைசாக் எழுதியுள்ளார். பாடல் மிகவும் அற்புதமாக வந்துள்ளது. எனவே பரவியது வதந்தியல்ல என்ற சந்தோஷத்தில் உள்ளனர் நெட்டிசன்கள்.
'துணிவு' திரைப்படத்தின் இசையமைப்பாளர் ஜிப்ரான் இந்த தகவலை தனது ட்விட்டர் பக்கம் மூலம் பகிர்ந்துள்ளார். இதை தகவல் அறிந்த திரை ரசிகர்கள் ஆனந்த தாண்டவம் ஆடி வருகிறார்கள். பொங்கலுக்கு வெளியாகும் துணிவு திரைப்படத்திற்காக ஆவல் மேலும் அதிகரித்துள்ளது.