Just In
மாதவன் இயக்குனராகும் ‛ராக்கெட்ரி நம்பி எபெக்ட்’ டிரெய்லர் ஏப்.1ல் வெளியீடு
நடிகர் மாதவன் இயக்குனராக அறிமுகமாகும் ‛ராக்கெட்ரி நம்பி எபெக்ட்’ திரைப்படத்தின் டிரெய்லர் ஏப்ரல் 1ல் வெளிவர இருப்பதாக அதிகாரப்பூர்வ தகவல் வெளியாகியுள்ளது.
விஞ்ஞானி நம்பி நாராயணனின் வாழ்கை வரலாற்றை தழுவி ‛ராக்கெட்ரி நம்பி தி எஃபெக்ட்’ என்ற திரைப்படம் தயாரிக்கப்பட்டு வருகிறது. நடிகர் மாதவன் புதுமுக இயக்குனராக அறிமுகமாகி, நாயகனாகவும் நடிக்கிறார். முன்னாள் இந்திய விண்வெளி ஆராய்ச்சியாளரான நம்பி நாராயணனின் வேதனை கலந்த சாதனை வாழ்க்கையே படத்தின் மையக்கரு. நீண்ட நாட்களாக தயாரிப்பில் இருக்கும் இத்திரைப்படத்தின் டீசர் 2018ல் வெளியாகி பலரின் கவனத்தை ஈர்த்தது.
இந்நிலையில் படத்தின் பணிகள் நிறைவுபெற்று, டிரெய்லர் ஏப்ரல் 1ல் வெளியாக உள்ளதாக படக்குழு அறிவித்துள்ளது. ஆங்கிலம், தமிழ், தெலுங்கு, கன்னடம் மற்றும் மலையாள மொழிகளில் ஒரே நேரத்தில் படத்தை வெளியிட படக்குழு முடிவு செய்துள்ள நிலையில் அதற்கான எதிர்பார்ப்பை டிரெய்லர் உருவாக்கும் என படக்குழுவினர் நம்பிக்கை தெரிவித்துள்ளனர்.
<blockquote class="twitter-tweet"><p lang="und" dir="ltr">🙏🙏🚀🙏❤️❤️❤️ <a >pic.twitter.com/Q4dENmzkzR</a></p>— Ranganathan Madhavan (@ActorMadhavan) <a >March 30, 2021</a></blockquote> <script async src="https://platform.twitter.com/widgets.js" charset="utf-8"></script>
இப்படத்தில் சிம்ரன், ரவி ராகவேந்திரா, ரஜித் கபூர், ஜெகன், ரான் டொனாச்சி, மிஷா கோஷல், பிஜோ தாங்ஜாம் முக்கிய வேடங்களில் நடிக்கின்றனர். மற்றொரு சிறப்பாக நடிகர் சூர்யா கவுரவ வேடம் ஏற்கிறார். சாம் சி.எஸ் இப்படத்திற்கு இசை அமைத்துள்ளார் என்பது குறிப்பிடத்தக்கது.