விஜய் டிவியில் ஒளிப்பரப்பாகி வரும் ‘ராஜா ராணி’ சீரியலுக்கு ரசிகர்கள் கொடுத்த வரவேற்பு அனைவரும் அறிந்ததுதான். இந்த சீரியலில் சஞ்ஜீவும்
ஆல்யா மானசாவும் ஜோடியாக நடித்தனர். நடித்துக்கொண்டிருந்த போதே காதலில் விழுந்த இந்த ஜோடி திருமணமும் செய்து கொண்டது.இவர்களுக்கு கடந்த 2020 ஆம் ஆண்டு ஐலா என்ற பெண் குழந்தை பிறந்தது.
சீரியலில் இருந்து விலகும் ஆல்யா
ராஜா ராணி சீரியலுக்கு கிடைத்த வரவேற்பை தொடர்ந்து ராஜா ராணி 2 தற்போது ஒளிப்பரப்பாகி வருகிறது. இதில் ஆல்யா கதாநாயகியாக நடித்து வரும் நிலையில், நாயகனாக சித்து நடித்து வருகிறார். இதற்கும் ரசிகர்கள் மத்தியில் பெரும் வரவேற்பு கிடைத்து வருகிறது. இந்த நிலையில் ரசிகர்களுக்கு அதிர்ச்சி தரும் வகையில், சீரியலில் ஒரு மாற்றம் நிகழ்ந்திருக்கிறது.
அது சீரியலில் சந்தியா கதாபாத்திரத்தில் ஆல்யா நடித்து வந்த நிலையில், அவர் இராண்டாவதாக முறையாக கர்ப்பமாகிய காரணத்தை முன்னிட்டு சீரியலில் இருந்து விலகுவதாக தெரிவித்து இருந்தார். இந்த நிலையில் அவருக்கு பதில் புதிய நடிகை இணைய உள்ளதாக தகவல் வெளியான நிலையில் அவர் யார் என்பது குறித்தான தகவல்கள் வெளியாகியிருக்கின்றன.
யார் இந்த ரியா விஸ்வநாதன்?
ரியா விஸ்வநாதன் என்ற மாடல் அழகிதான் ஆல்யா நடித்த சந்தியா கதாபாத்திரத்தில் நடிக்கப் போகிறாராம். இருப்பினும் ஆல்யா குழந்தை பெற்று முடிக்கும் வரையில் மட்டும்தான் இவர் நடிப்பார் என தகவல்கள் தெரிவிக்கின்றன.
ரியா சென்னையை சேர்ந்த மாடல் அழகி. மாடலிங்கில் இருந்தவர் தற்போது இந்த சீரியலில் நடிக்க இருப்பதன் மூலம் சீரியல் உலகிற்குள் நுழைகிறாராம். இவர் பாக்கியலட்சுமி சீரியலில் நடிக்கும் விஷாலின் நண்பர் என்பது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்