சூப்பர்ஸ்டார் ரஜினிகாந்தின் 171 ஆவது படத்தை லோகேஷ் கனகராஜ் இயக்கவிருப்பதாக தகவல் வெளிவந்துள்ளது. ஆனால் அதைவிட அதிர்ச்சிக்கரமானத் தகவல் என்னவென்றால் சினிமாவில் ரஜினி நடிக்கும் கடைசிப் படமாக இது இருக்கலாம் என்கிற தகவல் தான்.
லோகேஷ் கனகராஜ் தற்போது விஜயுடன் லியோ திரைப்படத்தை இயக்கி வருகிறார். இந்தப் படத்தில் முக்கிய கதாபாத்திரம் ஒன்றில் நடித்து வருகிறார் இயக்குனர் மிஸ்கின். அண்மையில் பேட்டி ஒன்றில் மிஸ்கின் மிக அதிர்ச்சிகரமான தகவல்களை பகிர்ந்துள்ளார். இந்தத் தகவல் என்னவென்றால் சூப்பர்ஸ்டார் ரஜினிகாந்த் அவர்களின் 171 ஆவது படத்தை லோகேஷ் கனகராஜ் இயக்கவிருப்பதாக தெரிவித்தார் அவர். மேலும் இந்தப் படத்துடன் ரஜினி திரைப்படங்களில் நடிப்பதை நிறுத்திகொள்ள திட்டமிட்டிருப்பதாக தெரிவித்துள்ளார் மிஸ்கின் . இந்தத் தகவல் ரஜினி ரசிகர்களுக்கு சந்தோஷப்படுவதா சோகமாவதா எனத் தெரியாமல் குழப்பத்தில் தள்ளிவிட்டுள்ளது. தனது கடைசி படத்தை இயக்குவதற்கான ரஜினியே லோகேஷ் கனகராஜை அழைத்து இந்த வாய்ப்பை அவருக்கு கொடுத்ததாக கூறினார் மிஸ்கின்.
ரஜினி திரைப்படங்களில் நடிப்பதை நிறுத்திகொள்ள இருப்பதாக நீண்ட நாட்களாக பேசப்பட்டு வந்தாலும் ஒவ்வொரு முறையும் ஏதாவது சில காரணங்களால் அது தள்ளிப்போடப்பட்டு வருகிறது. அது அவரது ரசிகர்களுக்கு ஒரு வகையில் நல்லதாகவும் அமைகிறது. ஆனால் ஒவ்வொரு முறை இந்த மாதிரியான தகவல்கள் வெளிவரும்போது ரசிகர்கள் வயிற்றில் கல்லை கட்டிக்கொண்டுதான் இருக்கிறார்கள்.
அது என்னவோ தெரியவில்லை வயதாக ஆகதான் ரஜினி இன்னும் நிறையப் படங்களில் நடிக்க வேண்டும் என்கிற ஆசை ஒரு ரஜினி ரசிகனாக அனைவரின் மனதிலும் இருக்கிறது. மேலும் ஒவ்வொரு படத்திலும் ரஜினிக்கு அழகு அதிகரித்துகொண்டு போவது என்பது அவரது ரசிகர்களின் எண்ணமாக இருக்கிறது.
கிட்டதட்ட ஐந்து தசாப்தங்களாக நடித்துவரும் சூப்பர்ஸ்டாரின் கடைசிப்படமாக இது இருக்கலாம் என்கிற இந்தத் தகவல் அனைவரையும் அதிர்ச்சுக்கு உள்ளாக்கியுள்ளது. ஆனால் இது தொடர்பான அதிகாரப்பூர்வமான தகவல்கள் இன்னும் வெளிவரவில்லை.
ரஜினிகாந்த் தற்போது இயக்குனர் நெல்சன் இயக்கும் ஜெயிலர் திரைப்படத்தில் நடித்து வருகிறார். ரம்யா கிருஷ்ணன், ஜாக்கி ஷ்ராஃப், யோகிபாபு, ரெடின் கிங்ஸ்லி என பெரிய நட்சத்திரன் வரிசையைக் கொண்டிருக்கிறது ஜெய்லர் திரைப்படம்.
அண்மையின் ஜெயிலர் திரைப்படத்தின் சிரிய வீடியோ ஒன்று வெளிவந்து ரசிகர்களின் எதிர்பார்ப்பை அதிகரித்துள்ளது. மேலும் ஐஷ்வர்யா ரஜினிகாந்த் இயக்கிவரும் லால் சலாம் படத்தில் மொய்தீன் பாய் என்கிற கதாபாத்திரத்தில் நடித்து வருகிறார் ரஜினி. அண்மையில் மொய்தீன் பாய் கதாபாத்திரத்தின் ஃபர்ஸ்ட் லுக் ஒன்று வெளியானது. இதனைத் தொடர்ந்து ஜெய் பீம் படத்தை இயக்கிய ஞானவேல் இயக்கும் படத்தில் நடிக்க இருக்கிறார் ரஜினி. இந்தப் படத்தில் வில்லன் கதாபாத்திரத்திற்கு நடிகர் விக்ரமை தேர்வு செய்டிருப்பதாக தகவல் வெளியாகி இருந்தது.