தனது நண்பர் ஒருவரின் ஹோட்டலை ரஜினிகாந்த் திறந்து வைத்த வீடியோ தற்போது சமூக வலைதளங்களில் வைரலாகி வருகிறது.
தமிழ் சினிமாவின் சூப்பர் ஸ்டார் என்று ரசிகர்களால் அழைக்கப்படுபவர் ரஜினிகாந்த். இறுதியாக ரஜினிகாந்த் நடிப்பில் வெளியான திரைப்படம் “ அண்ணாத்த”. சிறுத்தை சிவா இயக்கத்தில் வெளியான இந்தப்படம் ரசிகர்கள் மத்தியில் கலவையான விமர்சனங்களை பெற்றது. முன்னதாக அரசியலுக்கு வரவிருப்பதாக முன்பு அறிவித்திருந்த ரஜினிகாந்த், உடல்நலக்குறைவால் பாதிக்கப்பட்டார். அதனைத்தொடர்ந்து உடல் நலம் கருதி, தான் அரசியலில் இருந்து விலகுவதாக அறிவித்தார்.
இதனையடுத்து ‘அண்ணாத்த’ படத்தை முடித்த ரஜினிகாந்திற்கு மீண்டும் உடல் நிலை பாதிக்கப்பட்டது. அதனைத்தொடர்ந்து அசென்னையில் உள்ள காவேரி மருத்துவமனையில் அனுமதிக்கப்பட்ட அவருக்கு சிகிச்சை அளிக்கப்பட்டது. உடல் நல பிரச்னைகள் காரணமாக தொடர்ந்து அவதியுற்றதால் அவர் பொது நிகழ்ச்சிகள் எதிலும் கலந்து கொள்ளாமல் இருந்தார்.
அதனைத்தொடர்ந்து கொரோனா பரவல் அதிகரித்ததால், ரஜினியை எங்குமே பார்க்க முடியாத சூழ்நிலை உருவானது. இந்த நிலையில் ரஜினிகாந்த் மிக நீண்ட நாட்களுக்கு பிறகு தனது நண்பர் ஒருவரின் ஹோட்டலை திறந்து வைத்திருக்கிறார்.
அது தொடர்பான வீடியோ தற்போது சமூக வலைதளங்களில் வைரலாகி வருகிறது. இந்த நிகழ்ச்சியில், லதா ரஜினிகாந்தும்,அவரது இளையமகளான செளந்தர்யா ரஜினிகாந்தும் கலந்து கொண்டனர். கடந்த ஆண்டு அவருக்கு ரஜினிகாந்துக்கு தாதா சாகேப் பால்கே விருது வழங்கப்பட்டது. அண்மையில், ரஜினிகாந்தின் மூத்தமகளான ஐஸ்வர்யாவும், நடிகர் தனுஷூம் விவாகரத்து செய்யப்போவதாக தத்தமது இன்ஸ்டாகிராம் பக்கத்தில் வெளியிட்டது குறிப்பிடத்தக்கது.
ALSO READ | Rasi Palan Today, Jan 9: பணம் புரளும் யோகத்தில் கும்பம்... துள்ளி விளையாடும் மீனம்... இன்றைய ராசிபலன் !