சன் பிக்ச்சர்ஸ் தயாரிப்பில் உருவாகியுள்ள ஜெயிலர் 2 திரைப்படத்தின் ரிலீஸ் தேதி குறித்த அறிவிப்பு வெளியாகியுள்ளது. ரிலீஸ் தேதியுடன் படக்குழு மாஸான ப்ரோமோ ஒன்றையும் வெளியிட்டுள்ளது படத்தின் மீதான் எதிர்பார்ப்பை அதிகரித்துள்ளது.
ஜெயிலர் 2 திரைப்படத்தின் படப்பிடிப்பு சமீபத்தில் நிறைவடைந்தது. ஆனால் கடந்த ஏப்ரல் மாதமே ஜெயிலர் 2 படப்பிடிப்பு நிறைவடைந்ததாக படக்குழு அதிகாரப்பூர்வ தகவல் வெளியிட்டது. எடிட் ரூமில் படத்தை பார்த்தபோது இயக்குநர் நெல்சனுக்கு முழு திருப்தியில்லாத காரணத்தினால் ஒரு சில காட்சிகள் புதிதாக படமாக்கப்பட்டது. குறிப்பாக ஹ்ரித்திக் ரோஷன் ஜெயிலர் 2 திரைப்படத்தில் கேமியோ ரோல் நடித்துள்ளார். தற்போது படப்பிடிப்பு முழுமையாக நிறைவடைந்துள்ள நிலையில் படத்தின் ரிலீஸ் தேதியை படக்குழு அதிகாரப்பூர்வமாக அறிவித்துள்ளது.
ஜெயிலர் 2 ரிலீஸ்
அக்டோபர் மாதம் 15 ஆம் தேதி ஜெயிலர் 2 உலகளவில் உள்ள அனைத்து திரையரங்குகளிலும் வெளியாக இருக்கிறது. முந்தைய பாகத்தின் கதையில் வில்லனான விநாயகன் தனக்கு மேலிருக்கும் மற்ற வில்லன்களை பற்றி கூறுகிறார். அதையே தொடர்ந்து இரண்டாம் பாகத்தின் கதை நகர்கிறது.படம் வெளியாக இன்னும் 3 மாதம் இருக்கும் நிலையில் இப்போதிருந்தே படத்தின் ப்ரோமோஷன் வேலைகளை படக்குழு தொடங்கியுள்ளது.
புதிய கதாபாத்திரங்கள்
தற்போது வெளியாகியுள்ள ப்ரோமோவில் முந்தைய பாகத்தில் நடித்த நடிகர்கள் தவிர பல புதிய நடிகரள் காட்டப்பட்டுள்ளார்கள். சிவராஜ்குமார், வித்யா பாலன், சூரஜ் வெஞ்சாரமூடு , யோகி பாபு, ரம்யா கிருஷ்ணன், மிர்னா , பகவதி பெருமாள் , எஸ் ஜே சூர்யா , விஜய் சேதுபதி உள்ளிட்ட பல்வேறு நடிகர்கள் இந்த படத்தில் நடித்துள்ளார்கள்.
ஜெயிலர் 2 படம் ரிலீஸூக்கு தயாராகி வரும் நிலையில் ரஜினிகாந்த் தர்மன் படத்தின் படப்பிடிப்பில் விரைவில் இணைய இருக்கிறார். இதனைத் தொடர்ந்து மீண்டும் நெல்சன் இயக்கத்தில் கமலுடன் ரஜினி இணைந்து நடிக்க இருக்கிறார் . ரெட் ஜெயண்ட் மூவிஸ் இந்த படத்தை தயாரிக்கிறது.