சூப்பர் ஸ்டார் என தமிழ் சினிமா மட்டுமின்றி ஒட்டுமொத்த இந்திய சினிமாவே கொண்டாடும் ஒரு நடிகர் ரஜினிகாந்த். "வயசானாலும் உன்னோட ஸ்டைலும் அழகும் கொஞ்சம் கூட குறையவே இல்லை" என அவரின் வசனம் மிகவும் பொருத்தமாக இன்று வரை இருந்து வருகிறது. தன்னுடைய 73வது வயதிலும் இன்றும் பிட்டாக, புத்துணர்ச்சியுடன், சுறுசுறுப்பாக இயங்கி வரும் நடிகர் ரஜினிகாந்த் இன்றைய தலைமுறை நடிகர்களுக்கு கூட சரியான டஃப் கொடுத்து வருகிறார். இன்றும் அவரின் இளமை மற்றும் சுறுசுறுப்பின் ரகசியம் குறித்து அறிந்து கொள்ள அனைவருமே ஆர்வம் காட்டுகிறார்கள்.
Continues below advertisement
சூப்பர் ஸ்டார் கொடுத்த டிப்ஸ் :
நடிகர் ரஜினிகாந்த் தன்னுடைய பிட்னெஸ் ரகசியம் குறித்து அவரே கூறியுள்ள ரகசியங்கள் என்னென்ன என்பதை பார்க்கலாமா...
60 ஆண்டுகளாக தினமும் ஒரு மணிநேரம் நடைபயிற்சி செய்வேன். இருபது நிமிடங்களுக்கு ஸ்ட்ரெச்சிங் எக்ஸ்சர்சைஸ், நான்கு ஐந்து சிம்பிளான யோகா ஆசனங்கள், 20 நிமிடங்களுக்கு பிராணாயாமம் செய்வேன். வீட்டில் இருக்கும்போது சோஃபா, சேரில் எல்லாம் உட்காரும் பழக்கம் கிடையாது. எப்போதுமே தரையில்தான் உட்காருவேன், தரையில் தான் தூங்குவேன். பெரும்பாலும் வெள்ளை உணவுகளான சர்க்கரை, உப்பு, மைதா, அரிசி, பால், தயிர், வெண்ணை, இவை அனைத்தையும் தவிர்த்துவிடுவேன்.
குரு மந்திரத்தை எப்போதுமே நான் ஜெபித்துக்கொண்டே இருப்பேன். ஏதாவது எண்ணங்கள் வந்தால் உடனே குரு மந்திரம் சொல்வேன். எண்ணெங்கள் சேர சேர மனசு கெட்டுப்போகும். அதனால் எண்ணங்கள் நன்றாக இருந்தால் தான் மனசு நன்றாக இருக்கும். மனசு நன்றாக இருந்தால் தான் வாழ்க்கை நன்றாக இருக்கும். இதுதான் சூப்பர் ஸ்டார் ரஜினிகாந்த் இளமையின் ரகசியம்.
சுய ஒழுக்கம் முக்கியம்:
மிகப்பெரிய செலிபிரிட்டியாக இருக்கும் போதிலும் தனக்கென ஒரு தனி வாழ்க்கை முறையை வடிவமைத்து அதன் வழியே சிறப்பாக பயணித்து கொண்டிருக்கிறார். என்னதான் பணம், காசு, பேர், புகழ் இவை எல்லாம் இருந்தாலும் சுய ஒழுக்கம், கட்டுப்பாடு, நற்பண்புகள், இவை அனைத்தும் இருந்தால் மட்டுமே ஒரு மனிதனால் உடலளவிலும் மனதளவிலும் ஃபிட்டாக இருக்க முடியும் என்பதற்கு சூப்பர் ஸ்டார் ரஜினிகாந்த் ஒரு சிறந்த உதாரணமாக விளங்குகிறார்.
இன்றும் பிஸி :
இன்றும் நடிகர் ரஜினிகாந்த் மிகவும் பிஸியாக நடித்து கொண்டு இருக்கிறார். இந்த ஆண்டு நெல்சன் திலீப்குமார் இயக்கத்தில் நடிகர் ரஜினிகாந்த் நடிப்பில் வெளியான 'ஜெயிலர்' திரைப்படம் நல்ல வரவேற்பை பெற்று வசூலிலும் சாதனை படைத்தது. அதை தொடர்ந்து ஐஸ்வர்யா ரஜினிகாந்த் இயக்கத்தில் 'லால் சலாம்' படத்தின் கௌரவ கதாபாத்திரம், லோகேஷ் கனகராஜ் இயக்கத்தில் 'தலைவர் 171', டி ஜெ ஞானவேல் ராஜா இயக்கத்தில் 'வேட்டையன்' உள்ளிட்ட படங்கள் வெளியாக உள்ளன.
சூப்பர் ஸ்டார் போல நீங்களும் ஃபிட்டாக, ஸ்டைலாக இருக்க வேண்டுமா அப்போ அவர் சொன்ன டிப்ஸ் பாலோ பண்ணுங்க... சுறுசுறுப்பா மாறுங்க...
